Հետաքրքրաշարժ օրացույց, դեկտեմբերի 22

 Պատմություն     439  
Հետաքրքրաշարժ օրացույց, դեկտեմբերի 22

ՀԻՇԱՐԺԱՆ ՕՐԵՐ ԵՎ ՀԵՏԱՔՐՔԻՐ ՏՈՆԵՐ

Միջազգային

  • Հեղինակային երգի միջազգային օրը *
  • Էներգետիկի օրը *

Ազգային

Ձմեռային արևադարձին՝ դեկտեմբերի 22-ի լույս 23-ի գիշերը, նշվում է հայոց արդարադատության աստված Միհրի տոնը՝ վերածնունդը: Ձմեռային արևադարձը կոչվում է Արևագալ և տիեզերական օրացույցով ավետվում է Ձմեռնամուտը կամ Նոր տարին: Հին արիական տոնացույցով Միհր աստծո տոնը նշվում է Արևագալի օրը: Հայոց դիցարանում Միհրն Արամազդի որդին է. Արեգակի, լույսի, ճշմարտության, համաձայնության աստվածը: Նրա գլխավոր մեհյանը գտնվում էր Արևմտյան Հայաստանում, Դերջան գավառի Բագայառիճ գյուղում: Նրան է նվիրված նաև Գառնիի հեթանոսական տաճարը: Հնում «Միհրը» նույնանուն էր «ուխտ», «դաշինք» բառերին և այդ բովանդակությամբ էլ միավորում էր արիական ժողովուրդներին՝ տարածվելով Հայաստանից Իրան, Հնդկաստան, իսկ Հռոմեական կայսրության միջոցով՝ նաև Եվրոպա:
Հայկյան տոմարի ամիսների յուրաքանչյուր ութերորդ օրը կոչվում է Միհր: Այդ անունից է ծագում նաև հայոց սրբավայրերի անվանումը՝ մեհյան: Հետագայում Միհրի անունն ու արարքները մտել են նաև «Սասնա ծռեր» դյուցազնավեպի մեջ՝ Մեծ և Փոքր Մհերների միջոցով:

  • Բելառուս - Էներգետիկի օրը
  • Վիետնամ - Զինված ուժերի օրը
  • Զիմբաբվե - Միասնության օրը
  • Հնդկաստան - Մաթեմատիկայի ազգային օրը
  • Ինդոնեզիա - Մայրերի օրը
  • Ղրղզստան - էներգետիկի օրը
  • Կուբա - Ուսուցչի օրը
  • Ռուսաստան - Էներգետիկի օրը
  • Ռուսաստան - Կենսաթոշակային ֆոնդի ձևավորման օրը *
  • ԱՄՆ - Խուրմայով և ընկույզով հացի ազգային օրը
  • Ուկրաինա - Էներգետիկի օրը
  • Ուկրաինա - Դիվանագիտական ծառայության աշխատողների օրը

* Տոների մասին (ռուսերեն)՝ այստեղ։


ՀԵՏԱՔՐՔԻՐ ԴԵՊՔԵՐ ԵՎ ԻՐԱԴԱՐՁՈՒԹՅՈՒՆՆԵՐ

2015 - SpaceX տիեզերական մասնավոր ընկերությունը պատմության մեջ առաջին անգամ ուղղահայաց վայրէջքի իջեցրեց Falcon 9 տանող հրթիռի առաջին աստիճանը։
2007 - Ֆրանսիական Ariane 5 տանող հրթիռը ուղեծիր դուրս բերեց պատմության առաջին աֆրիկական արբանյակը։
2001 - Ծնվեց առաջին կլոնավորված ընտանի կենդանին` CC անունով կատուն:
1991 - ԽՍՀՄ վերջին ժողովրդական արտիստներ դարձան Ալլա Պուգաչովան և Օլեգ Յանկովսկին:
1989 - Ռումինիայում հեռացվեց Նիլոլայ Չաուշևսկու կոմունիստական ռեժիմը:
1989 - 28 տարի անց վերաբացվում են Բեռլինի Բրան­դեն­բուրգ­յան դարպասները` հայտարարելով ԳԴՀ-ի և ԳՖՀ-ի միա­վո­րումը:

  • Բրանդենբուրգյան դարպասները Բեռլինում պահպանված միակ քաղաքական դարպասն է, նրա սկզբնական անվանումն էր՝ «Աշխարհի դարպասներ»: Այն կառուցվել է Կառլ Գոթթարդ Լանգգանսի կողմից 1789-1791 թթ։ Բրանդենբուրգյան դարպասների կառուցման գործում մոդել է ծառայել Աթենքի միջնաբերդը։ Դարպասների ճակատն ի սկզբանե ներկված էր եղել սպիտակ։ Ճակատի ձևավորումը կատարել է Յոհան Գոթֆրիդ Շադովին։ Հենց նա էլ մշակել է վեցմետրանոց մարտակառքը, որը վերահսկում է հաղթանակի աստվածուհի Վիկտորյան։
  • Նվաճելով Բեռլինը, Նապոլեոնը հրամայում է քանդել մարտակառքը և տեղափոխել Փարիզ։ Նապոլեոնի դեմ հաղթանակից հետո աստվածուհի Վիկտորյան վերադարձվել է Բեռլին և ստացել Երկաթե խաչ։
  • 1961 թ.-ի օգոստոսի 13-ին Բեռլինյան պատը արգելում է անցումը դարպասներով։ Պատը գտնվում էր Արևելյան Բեռլինի տարածքում և Արևմտյան Բեռլինի քաղաքացիները չէին կարողանում անցնել պատի մյուս կողմը։ Բայց նաև Արևելյան Բեռլինի բնակիչները չէին կարող մուտք գործել Արևմտյան Բեռլին, քանի որ այն անջատված էր Արևմտյան Բեռլինից։
  • 1989 թ.-ից հետո այն դարձավ երկրի վերամիավորման խորհրդանիշը։

1987 - Ամերիկացի բաս կիթառիստ և Mötley Crüe ռոք խմբի երգերի հիմնական հեղինակ Նիքի Սիքսը հերոինի գերչափաքանակից կլինիկական մահ տարավ, ինչը ոգեշնչեց գրել «Kickstart My Heart» երգը։
1978 - Խորհրդային սերիական մարդասպան, պեդոֆիլ, նեկրոսադիստ, նեկրոֆիլ և մարդակեր Անդրեյ Չիկատիլոն գործեց իր առաջին սպանությունը։

  • Առկա փաստերի համաձայն, 1978- 1990 թվականներին իրագործել է 53 ապացուցված սպանություններ՝ 7-16 տարեկան 21 պատանիների, 9-17 տարեկան 14 աղջիկների, 17-ից բարձր 18 աղջիկների և կանանց: Հանցագործը խոստովանել է, որ կատարել է 56 սպանություններ, իսկ օպերատիվ տվյալների համաձայն, Չիկատիլոյի գործողությունների զոհ է դարձել 65 մարդ: Չիկատիլոյի կատարած հանցագործությունների համար սխալմամբ գնդակահարվել է Ալեքսանդր Կրավչենկոն, ով նույնպես մարդասպան է եղել, սակայն ժամանակին չի գնդակահարվել՝ անչափահաս լինելու պատճառով:

1931 - Հրդեհ Վատիկանի գրադարանում, ոչնչանում է մոտ 15 հա­զար գիրք:
1919 - ԱՄՆ-ից ԽՍՀՄ ուղարկվեցին մոտ 250 մարդ, ովքեր կասկածվում էին բոլշևիկների հետ կապ ունենալու մեջ:
1894 - Ֆրանսիայում սկսվեց Գերմանական կայսրության օգտին ֆրանսիական շտաբի անդամ, ծագումով հրեա սպա Ալֆրեդ Դրեյֆուսի լրտեսության գործով՝ Դրեյֆուսի դատ դատավարություն անվանումն ստացած դատը։

  • Դրեյֆուսը կեղծված փաստաթղթերի հիման վրա մեղադրվել է և դատապարտվել ցմահ աքսորի հասարակության մեջ եղած հակասեմական տրամադրությունների ազդեցությամբ, սակայն հետագայում ռազմական դատարանն արդարացրել է։ Դրեյֆուսի դատը նշանակալից դեր է ունեցել Ֆրանսիայի և Եվրոպայի՝ 19-րդ դարավերջի և 20-րդ դարասկզբի պատմության մեջ։ Այն հաճախ դիտարկվում է անարդար վճռի առանձնահատուկ օրինակ:

1885 - Իտո Խիրոբումին դարձավ Ճապոնիայի առաջին վարչապետը։
1800 - Պավել I-ը ստորագրում է Վրաստանը Ռուսաստանին միացնելու մանիֆեստը։

ՀԱՅԱՍՏԱՆԻ ՇՈՒՐՋ ԵՎ ՀԱՅԵՐԻ ՄԱՍԻՆ 

2010 - ՀՀ էներգետիկայի ու բնական պաշարների նախարար Արմեն Մովսիսյանը հայտարարեց, որ գազի գնի բարձրացումը ազդել է գազի սպառման ծավալների վրա։

  • «Նախնական տվյալներով սպառման ծավալների նվազումը 15-20 տոկոս է կազմում»։

1994 - Լեռնային Ղարաբաղի խորհրդարանը Ռոբերտ Քոչարյանին ընտրեց «նախագահ»։
1993 - Դեկտեմբերի 21-22-ը ՌԴ ԱԳՆ, ԱՊՀ Միջխորհրդարանական վեհաժողովի և Ալանդյան կղզիներում խաղաղության ինստիտուտի նախաձեռնությամբ կազմակերպվեց սեմինար-հանդիպում Ադրբեջանի, Լեռնային Ղարաբաղի և Հայաստանի խորհրդարանական պատվիրակությունների մասնակցությամբ:


ԾՆՎԵԼ ԵՆ

1989 - Զավեն Բադոյան, հայ ֆուտբոլիստ, կիսապաշտպան
1972 - Վանեսա Պարադի, ֆրանսիացի երգչուհի, դերասանուհի 

  • Վանեսան որպես երգչուհի համաեվրոպական ճանաչման է հասել 1987 թվականին՝ 14 տարեկանում կատարելով «Joe le taxi» երգը:
  • 1989 թվականին առաջին անգամ նկարահանվել է կինոյում՝ «Սպիտակ հարսանիք» ֆիլմում: Մյուս հայտնի ֆիլմերն են «Էլիզա», որտեղ նկարահանվել է Ժերար Դեպարդիեյի հետ, «Մեկ շանս երկուսի համար», որտեղ նրա խաղընկերներն են եղել Ալեն Դելոնն ու Ժան Պոլ Բելմանդոն և «Աղջիկը կամրջի վրա»:

1949 - Մորիս և Ռոբին Գիբ երկվորյակ եղբայրներ, Bee Gees խմբի անդամներ 

  • Իրենց ավագ եղբոր՝ Բարի Գրիբի հետ ստեղծել են Bee Gees խումբը, որը մեծ հաջողություններ է ունեցել դիսկո երաժշտության մեջ:

1915 - Մարո Մարգարյան, հայ բանաստեղծուհի, թարգմանչուհի
1882 - Արսեն Տերտերյան, հայ գրականագետ, բանասիրական գիտությունների դոկտոր, պրոֆեսոր, ՀԽՍՀ ԳԱ ակադեմիկոս, ՀԽՍՀ գիտության վաստակավոր գործիչ (մ. 1953)
1858 - Ջակոմո Պուչչինի, իտալացի մեծանուն երգահան (մ. 1924)

Նմանատիպ նյութեր

Պիտակներ


Հետաքրքրաշարժ օրացույց, դեկտեմբերի 22

Գործընկեր կայքեր

Яндекс.Метрика
Առցանց՝ 1
Հյուրեր՝ 1
Օգտատերեր 0