Պատմության այս օրը. հուլիսի 15

Պատմություն 15.07.2021   11:00   236

ՀԵՏԱՔՐՔԻՐ ԴԵՊՔԵՐ ԵՎ ԻՐԱԴԱՐՁՈՒԹՅՈՒՆՆԵՐ

2009 - Տու-154 օդանավը Երևան թռչելիս Թեհրանի օդանավակայանից օդ բարձրանալուց 16 րոպե անց ենթարկվում է վթարի։

  • Զոհվում են օդանավի բոլոր 168 ուղևորներն ու անձնակազմի անդամները։

2006 - Հիմնադրվում է «Թվիթեր» միկրոբլոգային ծառայությունը։
1991 - Լոնդոնում արգելվում է ծխախոտի գովազդը առանց «Ծխելը մահացու է» մակագրության։
1988 - ԱՄՆ-ում էկրան է բարձրանում Բրյուս Ուլիսի մասնակցությամբ «Ամուր ընկույզ» ֆիլմը։
1982 - Անգլիայում ցուցադրվում է հայտնվում «Pink Floyd»-ի ֆիլմը՝ «The Wall»-ը։
1959 - Էկրան է բարձրանում Մերիլին Մոնրոյի, Թոնի Կերտիսի և Ջեկ Լեմոնի մասնակցությամբ «Ջազում միայն աղջիկներն են» ֆիլմը։
1910 - Իր գրքում Էմիլ Կրեպելինը իր նկարագրած հիվանդությանը տալիս է գործընկերոջ՝ Ալոիս Ալցհայմերի անունը։
1795 - «Մարսելյեզը» պաշտոնապես դառնում է Ֆրանսիայի օրհներգը։
1776 - Միլանում բացվում է Լա Սկալա թատրոնը։

ՀԱՅԱՍՏԱՆԻ ՇՈՒՐՋ ԵՎ ՀԱՅԵՐԻ ՄԱՍԻՆ 

2008 - «Հայռուսգազարդի» տնօրեն Կարեն Կարապետյանը հաստատեց, որ «Գազպրոմի» հետ պայմանավորվածություն է ձեռք բերվել Հայաստան մատակարարվող գազի սակագնի բարձրացման վերաբերյալ, որը գործելու է 2009թ. հունվարի 1-ից։

  • «Գների թանկացում լինելու է, բայց բոլորի համար շատ հաճելի։ Դոտացիա չի լինելու, բայց գները լինելու են շատ մատչելի, հասկանալի և տրամաբանական»։

2006 - ԱՄՆ-ի, Ֆրանսիայի, Ռուսաստանի առաջնորդները հայտարարություն են տարածում Ղարաբաղի վերաբերյալ:

  • Սանկտ Պետերբուրգում` «Մեծ ութնյակի» գագաթնաժողովում ընդունված փաստաթղթում Վ.Պուտինը, Ժ.Շիրակն ու Ջ.Բուշը հորդորել էին Հայաստանին ու Ադրբեջանին քաղաքական կամք ցուցաբերել, համաձայնության հասնել և պատաստել իրենց հասարակություններին խաղաղության, ոչ թե պատերազմի: Ռուսաստանի նախագահ Վլադիմիր Պուտինն իր հերթին հայտարարում է , թե Մոսկվան պատրաստ է հանդես գալ որպես Լեռնային Ղարաբաղի հարցով Հայաստանի եւ Ադրբեջանի միջեւ ձեռք բերված պայմանավորվածությունների կատարման երաշխավոր:

1990 - Տեղի ունեցան ՀՀ ԳԽ կրկնական ընտրությունները: Օրենքը պա­հանջում էր նստաշրջանը սկսել պատգամավորների ընդհանուր թվի առնվազն երկու երրորդի ընտրությունից հետո:
1990 - ՀՀՇ վարչության և «Մաշտոց» միավորման ջանքերով հնարա­վոր դարձավ հանրակրթական դպրոցներում պարտադիր դարձնել հայերենով կրթությունը:
1983 - Փարիզի Օրլի օդանավակայանում ԱՍԱԼԱ-ի թուրքական օդանավի դեմ կազմակերպած զինված գործողության ժամանակ սպանվում է 8, վիրավորվում՝ 55 մարդ։
1983 - ASALA. Ռումբի պայթյուն Փարիզի Օրլի օդանավակայանի Թըրքիշ-Էյրլայնս ընկերության գրասենյակի առջև։

  • Ըստ Հայ Գաղտնի Բանակի հաղորդագրության ռումբը պայթել է ժամանակից շուտ։ Զոհերի մեջ կա երկու թուրք, 4 ֆրանսիացի, մեկ ամերիկացի և մեկ շվեդացի։ Կա 63 վիրավոր, որոնցից 28-ը՝ թրքեր։
  • Ֆրանսիական կառավարությունը ձերբակալություններ է իրականացնում։ Ձերբակալվածներից Հայ Գաղտնի Բանակ (ASALA) անդամ Վարուժան Կարապետեանը ստանձնում է գործողության պատասխանատվությունը և 1985-ի Մարտի 3-ին դատապարտվում ցմահ ազատազրկման (որպես պատասխան ստեղծվեց «3 Մարտ Կազմակերպութիւն»-ը)։
  • Գործով անցնող Սոներ Նայիրը կամ Սիմոն Նայիրեանը ստացավ 15 տարվա, իսկ Հովհաննես Սեմէրճին 10 տարվա բանտարկություն։ Վերջինը կալանքը կրելուց հետո ազատ է արձակվում և բնակվում Ֆրանսիայում։
  • 1994-ի Դեկտեմբերի 30-ին Սիմոն Նայիրեանը, իսկ 2001-ի Ապրիլի 23-ին Վարուժան Կարապետեանը ազատ են արձակվում և հաստատվում Հայաստանում։

1983 - ASALA. Ռումբի վնասազերծում Լոնդոնում։

  • Հայ Գաղտնի Բանակ (ASALA)-ն ստանձնում է պատասխանատվությունը։

 Նյութը հասանելի է նաև ռուսերեն

 Հավելյալ լուսանկարներ

 Պիտակներ
         Պատմության այս օրը, հուլիսի 15

 Նմանատիպ նյութեր


Copyright © 2019 Fon Design created by Fon