Պատմության այս օրը. հուլիսի 17

Պատմություն 17.07.2021   11:00   377

ՀԵՏԱՔՐՔԻՐ ԴԵՊՔԵՐ ԵՎ ԻՐԱԴԱՐՁՈՒԹՅՈՒՆՆԵՐ

2007 - Սան Պաուլուի օդանավակայանում ինքնաթիռի վթարից զոհվում է 199 մարդ։
1996 - Ստեղծվում է «Պորտուգալախոս երկրների գործակցություն» կազմակերպությունը։
1992 - Չեխոսլովակիայի կազմից Սլովակիայի դուրս գալու պատճառով հրաժարական է տալիս երկրի նախագահ Վացլավ Հավելը
1976 - Մոնրեալում սկսվում են 21-րդ Օլիմպիական խաղերը։
1975 - Կալիֆորնիայում սատկում է աշխարհի ամենածեր կաթնասունը՝ 75 տարեկան Մոդոկ փիղը։
1955 - Կալիֆորնիայում բացվում է «Դիսնեյլենդը»։
1918 - Գիշերը գնդակահարվում է Ռուսաստանի վերջին ցար Նիկոլայ 2-րդի ընտանիքը։
1868 - Ճապոնիայի մայրաքաղաքը Կիոտոյից տեղափոխվում է Տոկիո։
1793 - Փարիզում մահապատժի է ենթարկվում ֆրանսիական հեղափոխության առաջնորդ Մարատին սպանողը՝ Շառլոտա Կորդեն։
1775
- ԱՄՆ-ում բացվում է աշխարհում առաջին ռազմական հիվանդանոցը։
մ․թ․ա․ 709 - Չինացի Չու Ֆուն առաջին անգամ նկարագրում է արևի ամբողջական խավարումը։

ՀԱՅԱՍՏԱՆԻ ՇՈՒՐՋ ԵՎ ՀԱՅԵՐԻ ՄԱՍԻՆ

2016 - ՊՊԾ գնդի գրավումով Երևանում սկսվեց զինված ապստամբություն։
2007 - Ռ. Քոչարյանն ու Ի.Ալիևը կրկին նստում են բանակցային սեղանի շուրջ, այս անգամ`Մոսկվայում: Հանդիպումից առաջ Ադրբեջանի նախագահը որոշ փակագծեր էր բացել։

  • «Գոյություն ունի որոշակի հաջորդականություն, այդպիսի ժամանակագրություն կա նաև Մինսկի խմբի համանախագահների առաջարկներում: Խոսքը Ղարաբաղից դուրս գտնվող օկուպացված տարածքների մասին է: Այսինքն, առաջին փուլում` հենց համաձայնագրի ստորագրումից անմիջապես հետո, հայկական զորքերը պետք է հանվեն 5 շրջաններից: Այն երկու տարածքներից, որ անմիջականորեն գտնվում են Հայաստանի եւ Ղարաբաղի միջեւ [Քելբաջարի և Լաչինի շրջանները], հայկական զորքերի դուրսբերումը պետք է ապահովվի համաձայնագրի ստորագրումից 5 տարի հետո»,-ռուսական «Վեստիին» ասել էր Իլհամ Ալիևը:
  • Անդրադառնալով Լեռնային Ղարաբաղի կարգավիճակի հարցին՝ վերջինս պնդել էր. «Այսօր բանակցությունների սեղանին Ղարաբաղի կարգավիճակի հարցը դրված չէ: Դա ապագայի խնդիր է. եթե այժմ կարգավիճակի հարց դրվի, ապա բանակցությունները կրկին ոչնչի չեն հանգեցնի»:
  • Մինսկի խմբի համանախագահները նախագահների հանդիպմանը առաջընթաց չարձանագրեցին, միաժամանակ նշեցին` չի եղել նաև ետընթաց։

1991 - ՀՀ ԳԽ-ն արձանագրեց Մոսկվա-Ադրբեջան համատեղ ագրե­սիայի հետևանքները։

  • ԼՂԻՄ-ում, Գետաշենում, Մարտունաշենում զոհվել է 41, վիրավորվել՝ 70 մարդ, պատանդ է վերցվել՝ 375 խաղաղ բնակիչ:
  • Հայաստանի սահմանամերձ շրջաններում զոհվել է 35, վի­րավորվել՝ 44 մարդ, պատանդ է վերցվել ՆԳ 60 աշխատակից:
  • Հուլիսի վերջին հայկական ինքնապաշտպանական ուժերը տարբեր վայրերում սկսեցին հաջողություններ արձանագրել:

 Նյութը հասանելի է նաև ռուսերեն

 Հավելյալ լուսանկարներ

 Պիտակներ
         հուլիսի 17, Պատմության այս օրը

 Նմանատիպ նյութեր


Copyright © 2019 Fon Design created by Fon