Հետաքրքրաշարժ օրացույց, հուլիսի 28

 Պատմություն  28/07/2021   11:00    241
Հետաքրքրաշարժ օրացույց, հուլիսի 28

ՀԵՏԱՔՐՔԻՐ ԴԵՊՔԵՐ ԵՎ ԻՐԱԴԱՐՁՈՒԹՅՈՒՆՆԵՐ

1995 - Հնդկաստանի իշխանությունների որոշումով Բոմբեյ քաղաքն ստանում է Մումբայ անունը։
1993 - Անդորրան դառնում է ՄԱԿ անդամ։
1992 - Աֆղանստանում կանանց արգելում են երևալ հեռուստաեթերում։
1984 - Լոս Անջելեսում բացվում են XXIII օլիմպիական խաղերը։
1973
- Բրիտանական հիթ-շքերթի առաջին հորիզոնականում է հայտնվում Գարի Գլիտերը՝ «I’m the Leader of the Gang (I Am)» երգով։
1951 - Տեղի է ունենում Ուոլթ Դիսնեյի «Ալիսը հրաշքների աշխարհում» անիմացիոն ժապավենի առաջին ցուցադրությունը։
1928 - Ամստերդամում բացվում են IX ամառային օլիմպիական խաղերը։
1914
- Ավստրո-Հունգարիան պատերազմ է հայտարարում Սերբիային։

  • Սկսվում է Առաջին համաշխարհային պատերազմը։

1909 - 20-րդ դարի ամենախոշոր նավաբեկություններից մեկը։

  • Անգլիական «Waratah» ուղևորատար նավը՝ 211 ուղևորով ու սպասարկող անձնակազմով դուրս է գալիս Դուրբանից ու անհետ կորում։
  • Նավը գտնել չի հաջողվում։

1896 - Ֆլորիդայում հիմնվում է Մայամի քաղաքը։
1868 - ԱՄՆ-ում թույլատրում են չինացիների անսահմանափակ ներգաղթը։
1862
- Մոնտանա նահանգում ոսկի են գտնում, որից էլ սկիզբ է առնում «Ոսկու տենդը»։
1858
- Առաջին անգամ նույնականացման համար օգտագործվում է մատնահետքը։
1851
- Աշխարհում առաջին անգամ լուսանկարում են (դեգերոտիպի վրա) Արեգակի ամբողջական խավարումը։
1821
- Պերուն անկախացավ Իսպանիայից։
1814 - Պոետ Պերսի Բիշի Շելլին տասնվեց տարեկան Մերի Գոդվինի հետ Անգլիայից փախչում է Ֆրանսիա։

  • Իսկ փախուստի պատճառը Շելլիի արդեն ամուսնացած լինելն էր։ Միայն կնոջ մահվանից հետո՝ 1816-ին են նրանք կարողանում ամուսնանալ։

1794 - Փարիզում մահապատժի են ենթարկվում Ֆրանսիական հեղափոխության քսաներկու գործիչ, որոնց թվում՝ Մաքսիմիլիան Ռոբեսպիերն ու Լուի Անտուան Սեն-Ժյուստը։
1741
- Վիտուս Բերինգի նավը հասնում է Ալյասկայի ափերին։
1589 - Սըր Թոմաս Հերիոթը Բրիտանիա ու Իռլանդիա կարտոֆիլ է բերում։
754 - Առաջին անգամ Ֆրանսիայի թագավորի թագադրում ու օծում է կատարվում։

  • Սեն Դենիի բազիլիկայում Ստեֆան 2-րդ պապը թագադրում է Պիպին Կարճահասակին։

ՀԱՅԱՍՏԱՆԻ ՇՈՒՐՋ ԵՎ ՀԱՅԵՐԻ ՄԱՍԻՆ

1993 - Մարտակերտի մոտակայքում հանդիպում են Ադրբեջանի և Լեռնային Ղարաբաղի պաշտոնյաները`պայմանավորվելով կարճատև հրադադար հաստատել։

  • Ղարաբաղը ներկայացնում էին բանակի նախարար Սերժ Սարգսյանը, արտգործնախարար Արկադի Ղուկասյանը, ազգային անվտանգության գլխավոր վարչության ղեկավար Կամո Աբրահամյանը, ներքին գործերի նախարարի տեղակալ Ալեքսանդր Աղասարյանը և Արսեն Մելիք-Շահնազարովը՝ որպես քարտուղար:
  • Ադրբեջանական կողմը ներկայացնում էին պաշտպանության նախարարի պաշտոնակատար Սաֆար Աբիևը, պետական նախարար Ի. Ալիևը, Ռազմագերիների և պատանդների հարցերով պետական կոմիտեի նախագահի տեղակալ Ի. Քյազիմովը, ԱԳՆ ներկայացուցիչ Թոֆիկ Զուլֆուգարովը, քարտուղար Ն. Թալիբովը:
  • Հանդիպմանը ղարաբաղյան կողմը փոխանցեց ռազմական գործողությունների սահմանափակումը երկարաձգելու մասին համաձայնագրի տեքստը՝ Սերժ Սարգսյանի ստորագրությամբ, որը Սաֆար Աբիևը հաջորդ օրը ստորագրել և ֆաքսով ուղարկել էր Ստեփանակերտ:


հուլիսի 28

Գործընկեր կայքեր

Яндекс.Метрика
Առցանց՝ 2
Հյուրեր՝ 1
Օգտատերեր 1
armenlur