Պատմության այս օրը. հունվարի 10

Պատմություն 10.01.2020   09:30   159

ՀԵՏԱՔՐՔԻՐ ՏՈՆԵՐ ԵՎ ՀԻՇԱՐԺԱՆ ՕՐԵՐ

  • 110 համարի օրը (Ճապոնիա)

    Հունվարի 10-ին Ճապոնիան ոչ պաշտոնապես նշում է 110 համարի օրը։ Սա ոստիկանություն ահազանգելու համարն է:

    Այս համարով տարեկան կատարվում է 9 ահազանգ։ Հաշվարկվել է, որ մոտ երեքուկես վայրկյանը մեկ զանգ է գալիս, այլ կարպ ասած Ճապոնիայի յուրաքանչյուր 14-րդ բնակիչը հավաքում է այս համարը, հայտնում դեպքի մասին, հուսալով ոստիկանության պաշտպանությունն ու օգնությունը:

    110 համարը Ճապոնիայում սկսել է գործել 1948-ից, առաջինը 8 խոշոր քաղաքներում`Տոկիո, Օսակա, Կիոտո, Կոբե, Յոկոհամա, Կավասակի, Նագոյա և Ֆուկուոկա: Սկզբում երկու թիվ կար ՝ 110 և 1110, բայց 1954 թվականի հուլիսի 1-ից ոստիկանության նոր օրենքի ներդրման արդյունքում մեկ թիվ ընդունվեց համընդհանուր՝ 110:

ՀԵՏԱՔՐՔԻՐ ԴԵՊՔԵՐ ԵՎ ԻՐԱԴԱՐՁՈՒԹՅՈՒՆՆԵՐ

2001 - Wikipedia-ի առաջին թողարկումը (որպես «Նուպեդիայի» մաս): 5 օր անց Wikipedia-ն ինքնուրույն կայք է դառնում:
1967 - Երևանում գործարկվեց Խորհրդային Միությունում ամենախոշոր՝ 6 միլիարդ էլեկտրոն-վոլտանոց արագացուցիչը՝ «Արուս»-ը:
1946 - Տեղի ունեցավ Միացյալ ազգերի կազմակերպության Գլխավոր ասամբլեայի առաջին նիստը։
1943 - Սովետական զորքերը սկսեցին Ստալինգրադի հարձակումը։
1920 - Սկսեց գործել Ազգերի լիգան, որի՝ պատմության մեջ առաջին նիստում վավերացվեց Առաջին համաշխարհային պատերազմի վերջն ազդարարող Վերսալյան պայմանագիրը:
1919 - Ուժի մեջ մտավ Վերսալի խաղաղության պայմանագիրը, որով ավարտվեց Առաջին համաշխարհային պատերազմը։
1916 - Սկսվեց Էրզրումի ճակատամարտը, որի ժամանակ գեներալ Նիկոլայ Յուդենիչի զորքը ոչնչացրեց թուրքական 3-րդ բանակը. III բանակ (Օսմանյան կայսրություն)։
1863 - Լոնդոնում գործարկվեց աշխարհում առաջին մետրոն։
մ.թ.ա. 49 - Հուլիոս Կեսարը անցավ Ռուբիկոն գետը, իսկ նրա «Ռուբիկոնն անցնել» արտահայտությունը դարձավ թևավոր խոսք։

Картинки по запросу река рубикон кесар

Մ.թ.ա. 49-ի հունվարի 10-ին Հուլիոս Կեսարը հակառակ օրենքի (իբրև պրոկոնսուլ նա իրավունք ուներ զորք առաջնորդել միայն Իտալիայի սահմաններից դուրս) մեկ լեգեոնով անցել է Ռուբիկոնը (գետ Ապենինյան թերակղզում։ Ռիմինի քաղաքից հյուսիս թափվում է Ադրիատիկ ծովը)`ասելով. «Վիճակը նետված է» («Alea jacta est»), մտել Իտալիա և սկզբնավորել քաղաքացիական պատերազմ (մ.թ.ա. 49 - 45)։ Այստեղից էլ առաջացել է «անցնել Ռուբիկոնը» թևավոր արտահայտությունը, որը նշանակում է վճռական, կարևոր, անդարձ որոշում կայացնել։

ԾՆՎԵԼ ԵՆ

1955 - Ծնվել է հանրաճանաչ ֆուտբոլիստ, կիսապաշտպան, միջազգային կարգի սպորտի վարպետ, ՀՀ վաստակավոր մարզիչ Խորեն Հովհաննիսյանը։

1945 - Սըր Ռոդ Սթյուարթ, բրիտանացի ռոք երգիչ և երգերի հեղինակ
1938 - Դոնալդ Կնուտ, ամերիկացի գիտնական, համակարգչային գիտությունների նշանավոր մասնագետ
1928 - Անդրեյ Ամատունի, հայ ֆիզիկոս-տեսաբան
1871 - Նիկողայոս Ադոնց, հայ պատմաբան, բանասեր
1846 - Սերովբե Տերվիշյան, հայ լեզվաբան, հնդեվրոպաբան
1283 - Օշին Ա (վ. 1320), Կիլիկիայի հայկական թագավորության թագավոր (1308-1320)։

Օշին Ա-ն Հեթում Բ–ի եղբայրն է։ Հաջորդել է Լևոն Դ–ին։ Ազգային ուժերի պահանջով Օշին Ա առժամանակ դադարեցրել է կրոնական վեճերը, զբաղվել երկրի սահմանների ամրապնդմամբ ու շինարարական աշխատանքներով։ Մուսուլմանական պետությունների նոր սպառնալիքի և Հովհաննես XXII պապի ճնշման ներքո՝ Օշին Ա և լատինամետ կաթողիկոս Կոնստանդին Գ Կեսարացին Ադանայի ժողովում ընդունել են կաթոլիկ եկեղեցուն միանալու որոշում։ Սակայն ժողովրդի դիմադրությամբ չի իրագործվել այդ որոշումը։ Օշին Ա -ի արևմտամոլ վարքագիծը սրել է պառակտումները երկրում, թուլացրել կենտրոնական իշխանությունը։ 1318 թվականին Եգիպտոսի սուլթանության զորքերը ներխուժել են Կիլիկիա։ Հայկական զորքերը՝ Կոռիկոսի տեր Օշինի հրամատարությամբ, թշնամուն դուրս են մղել զգալի կորուստների գնով։ Հանկարծամահ եղած Օշին Ա–ին հաջորդել է նրա մանկահասակ որդի Լևոն Ե։

 Նյութը հասանելի է նաև ռուսերեն
 Հավելյալ լուսանկարներ

 Պիտակներ
         Պատմության այս օրը, հունվարի 10


 Նմանատիպ նյութեր


Copyright © 2019 Fon Design created by Fon