Հետաքրքրաշարժ օրացույց. հունվարի 23

Պատմություն 23.01.2021   10:00   713

ՀԵՏԱՔՐՔԻՐ ՏՈՆԵՐ ԵՎ ՀԻՇԱՐԺԱՆ ՕՐԵՐ

Միջազգային

Եկեղեցական

Ժողովրդական

  • Սլավոնական - Գրիգորի Լետոուկազչիկ *

Ազգային

  • ԱՄՆ - Ձեռագրի ազգային օրը (National Handwriting Day) *
  • ԱՄՆ - Ոտնաթաթի չափման օրը (Measure Your Feet Day) *
  • ԱՄՆ - Կարկանդակի ազգային օրը (National Pie Day) *
  • ԱՄՆ - Փոստարկղերով հոկեյ խաղացող ձնահավաքների օրը (Snowplow Mailbox Hockey Day) *
  • ԱՄՆ - Խավարծիլով կարկանդակի ազգային օրը (National Rhubarb Pie Day) *
  • ԱՄՆ - Վերմակների խանութ այցելելու օրը (Visit Your Local Quilt Shop Day) *
  • Թայվան - Ազատության համաշխարհային օրը (World Freedom Day)
  • Իսպանիա - Սուրբ Իլդեֆոնս Տոլեդացու տոնը (Feast of Saint Ildefonso)
  • Ռուսաստան - Կանաչ լույսի օրը *
  • Ռուսաստան - Ասեկոսեների տոն *
  • Ֆիլիպիններ - Երդմնակալության տարեդարձը *

* Տոների մասին մանրամասն


ՀԵՏԱՔՐՔԻՐ ԴԵՊՔԵՐ ԵՎ ԻՐԱԴԱՐՁՈՒԹՅՈՒՆՆԵՐ

2005 - Վիկտոր Յուշչենկոն ընդունում է Ուկրաինայի նախագահի պաշտոնը։
2001 - Չինաստանի մայրաքաղաք Պեկինում 5 հոգի ինքնահրկիզում կատարեցին։
1997 - Մադլեն Օլբրայթը ընտրվեց ԱՄՆ պատմության առաջին կին պետքարտուղար։
1989 - Վախճանվել է սյուրռեալիզմի հիմնադիրներից մեկը՝ Սալվադոր Դալին։
1960
 - Ժաք Փիքարը և Դոն Ուոլշը Թրիեսթ բաթիսկաֆով հասնում են Մարիանյան իջվածքի 10,916 մ խորության վրա գտնվող հատակին։
1950 - Երուսաղեմը հայտարարվում է Իսրայելի մայրաքաղաք։
1912 - Հաագայում ստորագրվեց Միջազգային օպիումային կոնվենցիան՝ առաջին միջազգային համաձայնագիրը թմրամիջոցների վերահսկողության մասին։
1895 - Աշխարհում առաջին անգամ մարդը ոտք դրեց Անտարկտիդայի ափ:
1849 - Նյու Յորքի նահանգում առաջին անգամ բժշկի դիպլոմ տրվեց կնոջը:
1831 - Բելգիան ընդունեց պետական դրոշ։
1793 - Լեհաստանի երկրորդ բաժանումը։
1556 - Չինաստանում տեղի ունեցավ ավերիչ երկրաշարժ, որի հետևանքով զոհվեց մոտ 830.000 մարդ, այն պատմության ամենաշատ զոհերով երկրաշարժն է:
1368 - Ժու Յուանժանը հիմնեց չինական Մին դինաստիան։

ՀԱՅԱՍՏԱՆԻ ՇՈՒՐՋ ԵՎ ՀԱՅԵՐԻ ՄԱՍԻՆ

2014 - Փոխհրաձգությունները շարունակվում են, երկու կողմն էլ հաղորդում է կորուստների մասին։

  • Ադրբեջանը հայտարարում է դիպուկահարի կրակոցից զոհված զինծառայողի մասին: Տավուշում կրակոցներից 16֊ամյա աղջիկ է վիրավորվում։

2012 - Կազանում տապալված հանդիպումից հետո Կրեմլը կողմերին մերձեցնելու ևս մեկ փորձն է անում, որը սակայն, ավելի շատ նման էր Մեդվեդևի հետ հրաժեշտի հանդիպման։

  • Սոչիում կայացած եռակողմ բանակցությունների ավարտին Ի.Ալիևը, Ս.Սարգսյանն ու Դ.Մեդվեդևը ասես ամփոփել էին Մեդվեդևի նախաձեռնությամբ կազմակերպված ավելի քան տասը հանդիպումները: Եռակողմ փաստաթուղթը նշում էր` «Երեք երկրների ղեկավարներն ընդգծեցին ԼՂ հակամարտության կարգավորման ուղղությամբ իրականացված աշխատանքի մեծ ծավալը՝ սկսած 2008թ. նոյեմբերի 2-ի նրանց հանդիպումից, երբ ընդունվեց մոսկովյան հռչակագիրը»: Համատեղ հայտարարության սեղմ տեքստում ընդամենը մեկ նորություն կար`կարգավորման գործընթացին հասարակություններին ներգրավելու վերաբերյալ:
  • « Ադրբեջանի Հանրապետության եւ Հայաստանի Հանրապետության նախագահները հայտարարեցին մտավորականության, գիտական եւ հասարակական շրջանակների ներկայացուցիչների միջեւ երկխոսության հետագա ծավալմանը նպաստելու իրենց պատրաստակամության մասին»,֊նշում էր նրանց համատեղ հայտարարությունը:

2012 - Ֆրանսիայի Սենատը ձայների 127 կողմ և 86 դեմ հարաբերակցությամբ ընդունեց ցեղասպանությունների ժխտումը քրեականացնելու մասին օրինագիծը։
2004 - Ֆրանսիայի նախագահը Փարիզում հյուրընկալում է Ադրբեջանի առաջնորդին։

  • Ժակ Շիրակը վերահաստատել էր`Ֆրանսիան պատրաստակամ է օգնել Հայաստանին ու Ադրբեջանին` ղարաբաղյան խնդրի կարգավորման հարցում: Իլհամ Ալիևը հայտարարել էր. « Մենք չենք շտապում՝ մեր կողմում է ճշմարտությունը, մեր կողմում է ժամանակը, մեր կողմում է միջազգային իրավունքը»:

​​​​​​​1996 - Սկսեց հեռարձակվել «ԱՐ» հեռուստաալիքը, առաջին հայկական մասնավոր հեռուստաընկերություններից մեկը։
1921 - Երևանի ժողովրդական համալսարանի բացումը, որը 1923թ. վերանվանվեց Պետական համալսարան:


ԾՆՎԵԼ ԵՆ

1984 - Արիեն Ռոբեն, հոլանդացի ֆուտբոլիստ
1963 - Ժոզե Մոուրինյո, պորտուգալացի նախկին ֆուտբոլիստ, մարզիչ
1946 - Բորիս Բերեզովսկի, ռուսաստանցի մաթեմատիկոս, օլիգարխ (մ. 2013)
1923 - Կարպ Խաչվանքյան, հայ վիրտուոզ դերասան, ում արտերկում անվանում էին հայկական Չարլի
1910 - Ջանգո Ռեյնհարդ, կիթառիստ և ջազմեն, կիթառային ջազի «ջազ-մանուշ» (գնչուական ջազ) ոճի հիմնադիր է 

  • Ֆրանսիական ջազի գնչու ասպետը ջազի պատմության լավագույն ջազ-կիթառահարներից է: Գեղեցիկ, խարիզմատիկ, անկեղծ ու անկրկնելի Ռեյնհարդը կարծես իսպանական վեպի հերոս լիներ: Ծնվել էր Բելգիայի գնչուական ճամբարում: 18 տարեկանում նրա ձախ ձեռքը հրդեհի ժամանակ այրվել էր ու հաշմվել: Ջանգոն կիթառը ձախով էր նվագում ու այնպես արագ էր անում դա, որ անհնար է լսելիս գլխապտույտ չզգալ: Ջանգոն մահացավ 43 տարեկանում`սրտի անբավարարվածությունից: Ջանգո Ռեյնհարդը եվրոպական ջազի խորհրդանիշն է:

1903 - Իվան Գալամյան, հայ նշանավոր ջութակահար (մահ. 1981 թ.)
1897 - Արաբ Շամիլով, հայաստանցի քուրդ արձակագիր (մահ. 1978 թ.)
1862 - Դավիթ Հիլբերտ, գերմանացի մաթեմատիկոս (մ. 1943)
1832 - Էդուարդ Մանե, ֆրանսիացի գեղանկարիչ, իմպրեսիոնիզմի հիմնադիրներից 
1783 - Ստենդալը (իսկական անունը՝ Մարի-Անրի Բեյլ), գրող, ֆրանսիական ռեալիստական վեպի հիմնադիրներից, ֆրանսիական գրականության ամենահայտնի ներկայացուցիչներից 

 Նյութը հասանելի է նաև ռուսերեն

 Հավելյալ լուսանկարներ

 Պիտակներ
         հունվարի 23, Պատմության այս օրը

 Նմանատիպ նյութեր


Copyright © 2019 Fon Design created by Fon