Պատմության այս օրը. հունվարի 6

Պատմություն 06.01.2020   09:30   285

ՀԵՏԱՔՐՔԻՐ ՏՈՆԵՐ ԵՎ ՀԻՇԱՐԺԱՆ ՕՐԵՐ

  • Սուրբ Ծնունդ և Աստվածահայտնություն​​​​​​​

Հունվարի 6-ին Հայ Առաքելական եկեղեցին նշում է Հիսուս Քրիստոսի Սուրբ Ծննդյան ու Աստվածահայտնության տոնը, որը Հիսուսի Սուրբ Ծննդյան և մկրտության հիշատակումն է: Աստված մարդացավ և հայտնվեց մարդկանց: Քրիստոսի մկրտության ժամանակ Հայր Աստված վկայում է. «Դա է իմ սիրելի Որդին, որն ունի իմ ամբողջ բարեհաճությունը» (Մատթ. 3:17, Մարկ. 1:11, Ղուկ. 3:22) և Սուրբ Հոգին աղավնակերպ իջնում է Քրիստոսի վրա: Տեղի է ունենում երկրորդ աստվածահայտնությունը: Այսպիսով, Քրիստոսի Ծննդյան և Մկրտության միջոցով հաստատված երկու աստվածահայտնությունները եկեղեցում տոնում են միասին` հունվարի 6-ին «Հայտնություն» կամ «Աստվածահայտնություն» ընդհանուր անվամբ:
Հունվարի 6-ի առավոտյան մատուցվում է Սուրբ Պատարագ, որից հետո` կատարվում է Ջրօրհնեքի կարգ (ըստ ավանդույթի` խաչը ջուրն իջեցնելը խորհրդանշում է Հիսուսի Հորդանան գետը մտնելը): Պատարագիչը խաչով, ապա մյուռոնով օրհնում է ջուրը և հավատացյալներն այդ ջրից տուն են տանում, որպես օրհնություն ու բուժիչ դեղ հիվանդների համար: Այնուհետև քահանան այցելում է հավատացյալների տներն` ավետելու Հիսուս Քրիստոսի Ծնունդը: Այստեղից էլ առաջացել է Տնօրհնեքի կարգը:
Հիսուսի ծնունդն այսպես եղավ: Օգոստոս կայսեր հրամանով կայսրությունում մարդահամար անցկացվեց: Յուրաքանչյուր ոք գնաց իր ծննդավայրը` գրանցվելու: Հովսեփն էլ Սուրբ Կույս Մարիամի հետ Բեթղեհեմ եկավ: Երբ Սուրբ Կույսի հղության օրերը լրացան, և ոչ մի պանդոկում գիշերելու տեղ չգտնվեց, նրանք ստիպված մի քարայրի մեջ տեղավորվեցին, ուր ծնվեց Հիսուսը: Աստծո Որդին մի անփառունակ քարայրում` աղքատության մեջ ծնվեց, ինչը մեր հոգիների ճշմարիտ խորհրդանշանն է: Ծննդյան վկաները մոտակայքի հովիվներն էին, որոնց հրեշտակներն էին տեղեկացրել Փրկչի Սուրբ Ծննդյան մասին` երգելով. «Փառք Աստծուն՝ բարձունքներում և երկրի վրա խաղաղություն և հաճություն՝ մարդկանց մեջ»: (Ղուկ. 2:14):  Այնուհետև արևելքից եկան մոգեր, ում մի աստղ էր առաջնորդել, և երկրպագեցին Մանուկին, ընծաներ մատուցեցին ու գնացին իրենց երկրները:

  • Սուրբ Ծննդյան տոն Արևելյան քրիստոնյաների համար (Ուղղափառ տոներ)
  • Աստվածահայտնության տոն արևմտյան քրիստոնյաների շրջանում (Կաթոլիկ տոներ)
  • Աստվածահայտնության տոն Բուլղարիայում
  • Աստվածահայտնության տոն Հունաստանում
  • Աստվածահայտնության տոն Կիպրոսում

ՀԵՏԱՔՐՔԻՐ ԴԵՊՔԵՐ ԵՎ ԻՐԱԴԱՐՁՈՒԹՅՈՒՆՆԵՐ

2019 - Ուկրաինայի Ուղղափառ եկեղեցին ստացել է ավտոկեֆալիա (ինքնակառավարում):
1995 - Ռուսաստանը դառնում է ԵԱՀԿ Մինսկի խմբի համանախագահ Շվեդիայի հետ համատեղ:
1992 - ԼՂՀ Գերագույն խորհուրդը, հիմք ընդունելով անկախության հանրաքվեի արդյունքները, Լեռնային Ղարաբաղը հոչակեց անկախ հանրապետություն:

ԼՂՀ առաջին նախագահ ընտրվեց Արթուր Մկրտչյանը: Հունվարի 11-ին հակահարձակման անցած ԼՂՀ ինքնապաշտպանական ուժերը գրավեցին Ստեփանակերտը կրակի տակ պահող ադրբեջանական ռազմական երկու կարևոր հենակետերը՝ Մալիբեյլին և Ղուշչուլարը: Երկօրյա մարտերից հետո (հունվարի 20-21-ը) ազատագրվեց ռազմավարական կարևորություն ունեցող Կրկժան արվարձանը:

1978 - ԱՄՆ պետքարտուղար Սայրուս Վենսը Հունգարիայի կառավարությանն է հանձնում Սուրբ Իշտվանի թագը։

1943 - Կարմիր բանակի անձնակազմի համար նիերդրվում են ուսադիրները։
1937 - Տեղի ունեցավ ԽՍՀՄ համամիութենական երկրորդ մարդահամարը:
1929 - Հենրիխ Հիմլերը դառնում է ՍՍ-ի պարագլուխը։
1912 - Նյու Մեքսիկոն դառնում է ԱՄՆ 47-րդ նահանգը։
1896 - Տեղի ունեցավ «Գնացքի ժամանումը Լա-Սյոտի կայարան» ֆիլմի ցուցադրությունը. այդ ֆիլմն երբեմն սխալմամբ համարվում է որպես առաջին կինոնկար:

1884 - Պաուլ Նիպկովը արտոնագրեց էլեկտրական հեռադիտակը, որը դարձավ մեխանիկական հեռուստատեսության հիմքը:
1834 - Ընդունվեց Ռուսաստանի պատական հիմնը՝ «Աստված ցարին պահապան»։
1198
 - Հայոց արքա Լևոն Բ-ի թագադրությունը Տարսոն քաղաքում (Հայոց Կիլիկիա):

ԾՆՎԵԼ ԵՆ

1986 - Իրինա Շեյք, ռուս սուպերմոդել։
1955 - Ծնվել է անգլիացի ճանաչված դերասան Ռոուեն Ատկինսոնը՝ հայտնի Միստր Բին բեմական կեղծանվամբ:

1946 - Ծնվել է անգլիացի նշանավոր երգիչ, պոետ, կիթառահար և նկարիչ, Pink Floyd խմբի հիմնադիր Սիդ Բարեթը։

Սիդ Բարրեթը 1965 թվականին միացավ Ուոթերսի, Մեյսոնի և Ռայթի խմբին, որը հետագայում դաձավ "Pink Floyd": Սիդն գրեց նրանց երգերի մեծ մասը՝ դառնալով գլխավոր վոկալիստ և կիթառահար: Խումբը տարբեր անուններ էր օգտագործում՝ "The Abdabs", "The Screaming Abdabs", "Sigma 6" : Երբ վերջնական ընտրվել էր "The Tea Set" ("The T-Set") անունը, համերգներից մեկի ժամանակ տղաները հանդիպեցին նույնանուն խմբի և հիասթափված սկսեցին որոնել մեկ այլ՝ օրիգինալ անուն: Սիդը խմբին տվեց "The Pink Floyd Sound" անունը, որը հետագայում դարձավ "Pink Floyd" ՝մենեջերների խորհրդով: Անունը վերցված է երկու բլյուզ երաժիշտների ՝ Փինք Անդերսոնի և Ֆլոյդ Քոնսիլի անուններից, ում ձայնագրությունները լսում և գնահատում էր Սիդը:

1938 - Ծնվել է երգիչ, երգահան, դերասան, կատակերգու, ռեժիսոր և հեռուստահաղորդավար Ադրիանո Չելենտանոն։

Բեմում քայլելու ձևի պատճառով Իտալիայում նրան անվանում են «Molleggiato» (հայ․՝ Զսպանակների վրա)։
Չելենտանոն իտալական երաժշտության պատմության ամենահաջողակ ու ազդեցիկ կատարողներից է։ Իր ողջ կարիերայի ընթացքում նա թողարկել է 41 ալբոմ 150 միլիոն ընդհանուր քանակով, ինչպես նաև նկարահանվել է ավելի քան 40 ֆիլմերում, որոնցից առավել հայտնի են «Անսանձի սանձահարումը» (1980), «Բլեֆ» (1976), «Խելահեղ սիրահարվածը» (1981) և «Բինգո Բոնգո» (1982) ֆիլմերը:
Երկու անգամ արժանացել է «Դավիդ դի Դոնատելոյի» մրցանակի «Բլեֆ» (1976) և «Թավշյա ձեռքեր» (1980) ֆիլմերում տղամարդու լավագույն դերակատարման համար: 1989 թ. Չելենտանոյին շնորհվել է Միլան քաղաքի բարձրագույն պարգևը՝ Ambrogino d’oro (հայ․՝ Ոսկե ամբրոսիս)։ 2007 թ. գլխավորել է «100 ամենավառ կինոաստղերի» ցանկը, որ կազմել էր Time Out ամսագիրը:
Ադրիանո Չելենտանոյի պատվին է կոչվել № 6697 աստերոիդը, որ հայտնաբերվել է 1987 թ, ապրիլի 24-ին:
Նրա կինն է հանրաճանաչ դերասանուհի և երգչուհի Կլաուդիա Մորին: Նրանք ունեն երեք երեխա՝ Ռոզիտան, Ջիակոմոն և Ռոզալինդա Չելենտանոն: Վերջինս հայտնի է իր Սատանայի դերով Մել Գիբսոնի Քրիստոսի չարչարանքները ֆիլմում։
Ներկայումս երգիչը կնոջ՝ Կլաուդիա Մորիի հետ ապրում է Գալբյատեում՝ սեփական առանձնատանը՝ շարունակելով ակտիվ ստեղծագործական կյանքը։
Ադրիանո Չելենտանոն 2005 թ.-ից բուսակեր է և հանդես է գալիս որպես կենդանիների իրավունքների պաշտպան:

1912 - Արբուն Տայան, հայ թարգմանիչ, բանասեր, ԽՍՀՄ գրողների միության անդամ 1944-ից։
1896 - Հավասի (Արմենակ Մարկոսյան), գուսան:
1888 - Կ. Պոլսում ծնվել է նշանավոր դերասան, գրող Վահրամ Փափազյանը։

1822 - Հենրիխ Շլիման, գերմանացի գործարար և հնագետ:
​​​​​​​1412 - Ժաննա դ'Արկ, Ֆրանսիայի ազգային հերոսուհի:

 Նյութը հասանելի է նաև ռուսերեն
 Հավելյալ լուսանկարներ

 Պիտակներ
         Պատմության այս օրը, հունվարի 6


 Նմանատիպ նյութեր


Copyright © 2019 Fon Design created by Fon