Պատմության այս օրը. փետրվարի 17

Պատմություն 17.02.2020   09:30   198

ՀԻՇԱՐԺԱՆ ՕՐԵՐ ԵՎ ՀԵՏԱՔՐՔԻՐ ՏՈՆԵՐ

  • Բարության ինքնաբուխ դրսևորման օրն է (Random Acts of Kindness Day)

Բարության ինքնաբուխ դրսևորման օրը աշխարհում նշվում է ամեն տարի փետրվարի 17-ին, միջազգային բարեգործական կազմակերպությունների վերջերս իրականացրած նախաձեռնություններից մեկն է: Այս տոնի պատմությունը սկիզբ է առնում ԱՄՆ-ում, սակայն արդեն ներկայում այն ունի համաշխարհային նշանակություն եւ նշվում է անկախ քաղաքացիությունից, ազգությունից եւ կրոնական համոզմունքներից: Այս տոնն առավելապես հայտնի է Արեւմտյան Եվրոպայի երկրներում եւ ԱՄՆ-ում, որտեղ այսօր բազմաթիվ քաղաքներում ավանդաբար անցկացվում են բարեգործական միջոցառումներ եւ մարաթոններ, որոնց մասնակցում են հայտնի դերասաններ, հասարակական եւ քաղաքական գործիչներ: Տոնի կազմակերպիչների ամենակարևոր կոչը՝ անշահախնդիր բարության դրսեւորումն է:

Ազգային տոներ

  • Նախագահներ օրը (ԱՄՆ)
  • Ժառանգության օրը (Կանադա)
  • Անկախության օրը (Կոսովո)

  • Ս. Մարկոս եպիսկոպոսի, Ս. Պիոն քահանայի, Ս. Կյուրեղ և Ս. Բենիամին սարկավագների և սուրբ վկաներ Աբդլմսեհի, Որմզդանայի և Սայենի հիշատակության օրը (Հայ Առաքելական Եկեղեցի)

Ս. Մարկոսը 4-րդ դարի կեսերին եղել է Արիթուսի եպիսկոպոսը: Նրան են վերագրում աստվածաբանական հայտնի բանաձևումներ: Հուլիանոս Ուրացողի հալածանքների ժամանակ ենթարկվել է բազմաթիվ տանջանքների, ապա աքսորվել է հեռավոր մի կղզի, որտեղ էլ կնքել է մահկանացուն` կյանքի վերջին տարիները նվիրելով քրիստոնեության քարոզչությանը: Հեթանոսների շրջանում քրիստոնեության տարածման նվիրյալ ջատագովներից է եղել նաև Ս. Պիոն քահանան: Հայտնի է, որ նա գործել է Զմյուռնիայում, որտեղ և նահատակվել է իբրև քրիստոնյա քարոզիչ: Հանուն քրիստոնեության մարտիրոսված սրբերից են Ս. Կյուրեղ և Ս. Բենիամին սարկավագները: Ս. Կյուրեղ սարկավագը, ամբաստանվելով հեթանոսական տաճարներ կործանելու մեջ, Հուլիանոս Ուրացողի կողմից հանձնվել է քրմերի դատին, որոնք և գազանաբար խոշտանգումների են ենթարկել բարեպաշտ քրիստոնյային: Ս. Բենիամին սարկավագը նահատակվել է պարսից Հազկերտ Ա-ի օրոք` պարսից շրջանում քրիստոնեություն քարոզելու համար: Հազկերտ Ա-ի օրոք նահատակված բազմաթիվ վկաներից են պարսից արքունիքի նախարար Ս. Որմզդանան և պարսից իշխան Ս. Սայենը: Նրանք երկուսն էլ, զրկվելով արքայական ու իշխանական վայելքներից, շարունակում են հավատարիմ մնալ Քրիստոսի հավատքին և նահատակվում իբրև նվիրյալ քրիստոնյաներ: Պարսկաստանում մեծահարուստ հրեա ընտանիքի զավակ էր Ս. Աբդլմսեհը: Հայրական հոտը հովվելիս նա ծանոթանում է քրիստոնյա հասակակիցների հետ, որոնք և մկրտում են նրան` տալով «Աբդլմսեհ» անունը, որը նշանակում է «ծառա Քրիստոսի»: Աբդլմսեհի հայրը, չկարողանալով քրիստոնյա իր զավակին կրկին հավատափոխ անել, դաշունահար է անում որդուն այն նույն տեղում, որտեղ մկրտվել էր երանելին:


ՀԵՏԱՔՐՔԻՐ ԴԵՊՔԵՐ ԵՎ ԻՐԱԴԱՐՁՈՒԹՅՈՒՆՆԵՐ

2008 - Կոսովոն Սերբիայից անկախ հայտարարեց։
2000 - Հայ ազգի հերոս զորավար Անդրանիկի աճյունը Փարիզից փոխադրվեց Հայաստան:
1992 - Ղարաբաղյան ինքնապաշտպանական ուժերը գրավեցին ռազմավարական մեծ նշանակություն ունեցող Ղարադաղլուի ադրբեջանական ռազմական հանգույցը:
1983 - Ծրագրավորման ԱԴԱ լեզվի ծննդյան օրը։
1979 - Սկսվեց վիետնամա-չինական պատերազմը։
1976 - Լիբանանում Թուրքիայի դեսպանն ու երեք թուրք դիվանագետներ վիրավորվում են, երբ կրակ է բացվում դեսպանատան մեքենայի վրա։

  • Գործողության պատասխանատվությունը ստանձնում է Հայաստանի Ազատագրության Հայ Գաղտնի Բանակը (Հ.Ա.Հ.Գ.Բ.)։ Նույն թվականին Հ.Ա.Հ.Գ.Բ.-ն իրականացրել է հետևյալ գործողությունները.
  • Ստամբուլի ռազմական խարսխի նռնակահարում։
  • Փարիզում Թուրքիայի դեսպանատան զբոսաշրջության գրասենյակը օդ է ելնում հզոր պայթյունից։
  • Փարիզում պայթեցվում է «Թրքիշ Էյրլայնս» օդանավային ընկերության գրասենյակը։
  • Պայթեցվում է Փարիզում Թուրքիայի դեսպանատան քարոզչական բաժինը։
  • Մի շարք այլ գործողություններ, որոնց պատասխանատվությունը Հ.Ա.Հ.Գ.Բ.-ն չի ստանձնել ապահովության նկատառումներից ելնելով։

1974 - «Ամերիկայի ձայն» ռադիոկայանն սկսեց հեռարձակումը ԽՍՀՄի տարածքում: Խորհրդային իշխանությունները խլացնում էին «Ամերիկայի ձայն» և «Ազատություն» ռադիոկայանների հաղորդումները:
1972 - «Ֆոլքսվագեն» ընկերությունը թողարկում է 15 միլիոներորդ մեքենան:
1968 - ԱՄՆ-ի Մասաչուսեթս նահանգի Սփրիգֆիլդ քաղաքում բացվեց Բասկետբոլի փառքի սրահը։
1947 - «Ամերիկայի ձայն» ռադիոկայանը սկսեց հեռարձակվել Խորհրդային Միությունում։
1921 - Փետրվարի 17-ի լույս 18-ի գիշերը ռուս բոլշևիկները Երևանի բանտում կացնահարեցին հայազգի 21 մտավորականներին ու զինվորական գործիչներին։

  • Նրանց մեջ էին Խմբապետ Համազասպը, գնդապետ Նիկոլայ Ղորղանյանը (Կորգանով)` Ղարաքիլիսայի ճակատամարտի հեծելազորային գնդի հրամանատարը, Երանոս Թարվերդյանը և այլն։

1908 - Կազմակերպվեց Թեհրանի Հայոց ազգային խորհուրդը: 1911թ. պաշտոնապես ճանաչվեց պետության կողմից և կոչվեց «Թեհրանի հայոց համայնական վարչություն»:
1904 - Միլանի «Լա Սկալա» թատրոնում կայացավ Ջակոմո Պուչինիի նշանավոր «Մադամ Բաթերֆլայ» օպերան։
1880 - Ս. Ն. Խալտուրինը մահափորձ է կատարում Ալեքսանդր II-ի դեմ:
1811 - Հիմնվեց Վենետիկի Մխիթարյան միաբանությունը, որն իր գործունեությունը շարունակում է առ այսօր:
1740 - Սանկտ Պետերբուրգում քաղաքի համար ռեկորդային ցուրտ գրանցվեց՝ -40 աստիճան։
1600 - Իտալացի աստղագետ, փիլիսոփա Ջորդանո Բրունոյի մահապատիժը:


ԾՆՎԵԼ ԵՆ

1996 - Սաշա Պիտերս, ամերիկացի երգչուհի, դերասանուհի, երգահան, մոդել։
1981 - Ծնվել է ամերիկացի դերասանուհի ու երգչուհի, ֆոտոմոդել Փերիս Հիլթոնը։

Հայտնի է դարձել «Հասարակ կյանք» ռեալիթի շոուով, որտեղ նկարահանվել է իր ընկերուհի Նիկոլ Ռիչիի հետ։ Հյուրանոցների աշխարհի խոշորագույն ցանցի՝ «Hilton Hotels»-ի նախկին ժառանգորդուհին է։

Похожее изображение

1976 - Էլմիրա Սկրիպչենկո, միջազգային գրոսմայստեր, ֆրանսիական, նախկինում մոլդովական շախմատիստուհի, Եվրոպայի չեմպիոնուհի (2001), Մոլդովայի և Ֆրանսիայի բազմակի չեմպիոն

Ծնվել է Քիշինյովում (Մոլդովա) շախմատիստների՝ դատավոր Ֆյոդոր Ֆյոդորովիչ Սկրիպչենկոյի և Մոլդովայի 8-ակի չեմպիոնուհի, վատակավոր մարզիչ Նաիրա Աղաբաբյանի ընտանիքում։ Խաշմատ սկսել է խաղալ վաղ մանկությունից՝ մոր ղեկավարությամբ։ 
1992 թ. Էլմիրան դարձավ աշխարհի մինչև 16 տարեկան աղջիկների առաջնության հաղթող։ Այդ ժամանակվանից Մոլդովայի շախմատի հավաքականի անդամ  է։ 1996 թ-ից բնակվում է Փարիզում։ 2000 թ. Էլմիրան հասավ մինչև աշխարհի շախմատի առաջնության մինչև քառորդ եզրափակիչ։ 2001 թ. նա կրկնեց այդ հաջողությունը՝ հաղթելով շախմատի Եվրոպայի անհատական առաջնությունում և Եվրոպայի թիմային առաջնությունում դարձավ արծաթե մեդալակիր՝ Մոլդովայի հավաքականի կազմում։ 
2002 թ. Էլմիրան հանդես է գալիս Ֆրանսիայի հավաքականի կազմում։ 2004 թ. Բիլեի և Կրանոտուրինսկի մրցաշարերի հաղթողն էր։

Անձնական կյանքը

1997 թ. Էլմիրա Սկրիպչենկոն ամուսնացավ ֆրանսիացի հանրահայտ գրոսմայստեր Ժոել Լոտյեի հետ, սակայն 2003-ին բաժանվեց նրանից։ 1997-2003 թթ նա կրում էր կրկնակի ազգանուն՝ Սկրիպչենկո-Լոտյե։
2006 թ. ամուսնացավ մեկ այլ ֆրանսիացի շախմատիստ Լորանս Ֆրենսինեի հետ։ 2007-ին նրանք աղջիկ ունեցան։

1972 - Ծնվել է ամերիկացի երաժիշտ ու դերասան, Green Day ռոք խմբի վոկալիստ, կիթառահար ու երգերի հեղինակ Բիլի Ջո Արմսթրոնգը։
1963 - Ծնվել է ամերիկացի հայտնի բասկետբոլիստ, NBA-ի նախկին խաղացող  Մայքլ Ջորդանը։
1924 - Գևորգ Վարդանյան,
Խորհրդային Միության հայտնի հայ հետախույզ, պետանվտանգության կոմիտեի գնդապետ, Խորհրդային Միության հերոս (մահ. 2012)
1890 - Ծնվել է անգլիացի վիճակագրագետ, կենսաբան-էվոլյուցիոներ, գենետիկ, ժամանակակից վիճակագրության հիմնադիրներից  Ռոնալդ Ֆիշերը։
1885 - Նինա Մանուչարյան, հայ դերասանուհի
1877 - Գրիգոր Ղափանցյան, Հայաստանի ԳԱ ակադեմիկոս, լեզվաբան (վ. 1957)
1824 - Կղեմես Սիպիլյան, հայ դրամագետ
1792 - Կարլ Էռնստ ֆոն Բեր, Սաղմնաբանության հիմնադիր, Ռուսաստանի եվրոպական հատվածը և Սկանդինավիան ուսումնասիրող

 Նյութը հասանելի է նաև ռուսերեն

 Հավելյալ լուսանկարներ

 Պիտակներ
         Պատմության այս օրը, փետրվարի 17


 Նմանատիպ նյութեր


Copyright © 2019 Fon Design created by Fon