Պատմության այս օրը. փետրվարի 22

Պատմություն 22.02.2020   09:30   205

ՀԻՇԱՐԺԱՆ ՕՐԵՐ ԵՎ ՀԵՏԱՔՐՔԻՐ ՏՈՆԵՐ

Միջազգային

  • Հանցագործությունների զոհերի աջակցության միջազգային օրը

1990 թվականի փետրվարի 22-ին Անգլիայի կառավարությունը հրապարակում է «Հանցագործությունների զոհերի խարտիան» (Victim's Charter: Statement of the Rights of Victims of Crime)։ Այդ ժամանակվանից սկսած ողջ ժամանակակից ու ժողովրդավարական աշխարհը փետրվարի 22-ին ոչ պաշտոնապես նշում է Հանցագործությունների զոհերի աջակցության միջազգային օրը, որն ուղղված է ուշադրություն հրավիրել հանցագործողություններից տուժած մարդկանց խնդիրների վրա։ Այսօր մի շարք երկրներում գոյություն ունեն օրենքներ, որոնք ուղղված են հանցագործ գործողություններից մարդկանց աջակցությանն ու նրանց սոցիալական վերականգնմանը, բարոյական ու նյութական վնասի փոխհատուցմանը։ Աշխարհում հանցագործություններից տուժածներին օգնություն ցուցաբերելու մինչև 200 ծրագիր կա։ Այդ ծրագրերն օգնում են մարդկանց հաղթահարել սթրեսը, դուրս գալ ճգնաժամից, և վերջապես՝ նյութական ու բարոյական օգնություն են ցույց տալիս։


Հայաստան

  • Կ.Պոլսի տիեզերաժողովի 150 սուրբ հայրապետների (381թ.) հիշատակության օրը (Հայ Առաքելական Եկեղեցի)

Ընդհանրական Եկեղեցու առջև պատմության տարբեր ժամանակահատվածներում ծառացել են դավանաբանական, վարդապետական, վարչակազմակերպչական խնդիրներ, որոնց պատասխանները տրվել են սրբագումար տիեզերական ժողովների ընթացքում: Այդպիսի ժողովներից էր նաև 381 թվականին Թեոդոսիոս կայսեր հրամանով գումարված Կ.Պոլսի Բ տիեզերաժողովը:

Արիոսական վեճերի արդյունքում հայտնվել էր մի նոր հերետիկոսություն` գլուխ և պաշտպան ունենալով Կ.Պոլսի Մակեդոն արքեպիսկոպոսին, ով մերժում էր Սուրբ Հոգու աստվածությունը: Սույն խնդրով գումարված վերոհիշյալ տիեզերաժողովը վերահաստատում է Նիկիայի ժողովում ընդունված դավանությունը և ապա պաշտպանում Սուրբ Հոգու աստվածության վարդապետությունը` որդեգրելով «մի Աստվածություն, երեք անձինք» բանաձևը: Ընդունելով սույն տիեզերաժողովը` Հայ Եկեղեցին նշում է ժողովին մասնակից 150 սուրբ հայրապետների հիշատակության օրը:


Ազգային 

  • Միասնության օրը (Եգիպտոս)
  • Անկախության օրը (Սենտ Լյուսիա)
  • Ազգային սգո օր (Մեքսիկա)
  • Վաշինգթոնի ծննդյան տոնը (ԱՄՆ)
  • Մայրության օրը (Հնդկաստան)
  • Կատուների օրը (Ճապոնիա)

ՀԵՏԱՔՐՔԻՐ ԴԵՊՔԵՐ ԵՎ ԻՐԱԴԱՐՁՈՒԹՅՈՒՆՆԵՐ

2011 - Թողարկվեց Windows 7 օպերացիոն համակարգի վերջին տարբերակը:
1988 - Արցախյան ազատամարտի ժամանակ սկսվեց Ասկերան-Ստեփանակերտ ռազմավարական ուղղությամբ աղդամցի ադրբեջանցիների բազմահազարանոց ամբոխի զինված հարձակումը, որն ավարտվեց Հյուսիսային Արցախի վրա հարձակումների կասեցմամբ և Բաքվի հայ բնակչության ջարդի ու բռնի տեղահանության գործողություններով:
1983 - Ամերիկացի Ալեքս Չերվինսկին 4 մետր բարձրությամբ կառուցեց բուրգ՝ 390 մետաղադրամով, որն աշխարհի ռեկորդ է։
1979 - Սենթ Լյուսիան ստանում է անկախություն Միացյալ Թագավորությունից
1966 - Արձակվում է «Կոսմոս 110» արբանյակը, որում կար երկու շուն՝ Վետերոկն ու Ուգոլյոկը։
1960
 - Բեյրութի հայ թատերասիրաց ընկերության թատերախումբը կոչվեց մեծանուն դերասան Վահրամ Փափազյանի անունով:
1946 - Դոկտոր Զելման Վակսմանը հայտնագործում է ստրեպտոմիցինը։
1945 - Ուրուգվայը պատերազմ հայտարարեց Գերմանիային և Ճապոնիային։
1939 - Հանրապետության Գերագույն խորհրդի հրամանագրով Երևանի օպերայի և բալետի թատրոնին շնորհվեց Ալեքսանդր Սպենդիարյանի անունը:
1931 - Հայաստանի կենտգործկոմը որոշում ընդունեց հանրապետությունում ռադիոհաղորդումների կոմիտե հիմնելու մասին
1920 - Շոշու գյուղում գումարվեց Ղարաբաղի 8-րդ համագումարը, որին ներկա էին 96 պատգամավորներ Գյուլիստանից, Ջիվանշիրից, Խաչենից, Դիզակից ու Վարանդայից: Համագումարը որոշեց՝ մերժել Սուլթանովի պահանջը և շարունակել մնալ օգոստոսի 22-ի համաձայնության գետնի վրա: Միաժամանակ, համագումարը բուռն կերպով բողոքեց Սուլթանովի գործած կամայականությունների, բռնությունների դեմ:

  • Նույն պահին, 45-50 հոգի էլ, գլխավորապես քաղաքացիներ, հավաքվեցին Շուշիում, կազմեցին առանձին համագումար և ընդունեցին Սուլթանովի պահանջը՝ Ղարաբաղը ճանաչել Ադրբեջանի մաս:

1913 - Մեքսիկական հեղափոխությունը, որի ժամանակ սպանվեց նախագահ Ֆրանսիսկո Մադերոն։
1837
 - Էջմիածնում հիմնվեց հայկական եկեղեցական բարձրագույն խորհուրդը:
1819 - ԱՄՆ-ն Իսպանիայից 5 միլիոն ամերիկյան դոլարով գնեց Ֆլորիդան։


ԾՆՎԵԼ ԵՆ

1988 - Խիմենա Նավարատե, մեքսիկացի մոդել, «Միսս տիեզերք 2010»
1984 - Բրանիսլավ Իվանովիչ, սերբ ֆուտբոլիստ
1975 - Դրյու Բերիմոր, ամերիկացի դերասանուհի 

Картинки по запросу drew barrymore young

Առաջին անգամ էկրաններին հայտնվել է 11 ամսականում։ Սթիվեն Սփիլբերգի «Այլմոլորակայինը» ֆիլմում նկարահանվելուց հետո Դրյու Բերիմորը դառնում է 80-ականների ամենահայտնի երեխա-աստղերից մեկը։ Նկարահանվել է «Չառլիի հրեշտակները», «Բոլորը ասում են՝ ես սիրում եմ քեզ», «Դոնի Դարկո», «Առաջին 50 համբույրները» ֆիլմերում։

1974 - Ջեյմս Բլանտ, անգլիացի երգիչ և երաժիշտ, նախկին զինվորական 

Ծառայել է ՆԱՏՕ-ի զորքերում, ունեցել է կապիտանի կոչում։ 2002 թվականին ծառայությունից դուրս գալու դիմում է գրել ու նվիրվել երաժշտությանը։

1962 - Սթիվ Իրվին, ավստալիացի հայտնի բնագետ
1952 - Ջեյմս Բաղյան, ամերիկահայ աստղագնաց
1944 - Ռոբերտ Քարդաշյան, ամերիկացի իրավաբան (մ. 2003)
1940 - Արասի Բալաբանյան, բրազիլահայ դերասանուհի
1938 - Արտավազդ Փելեշյան, նշանավոր ռեժիսոր-վավերագրող 

Սերգեյ Փարաջանովը համարում էր նրան «իրական կինեմատոգրաֆիայի սակավաթիվ հանճարներից մեկը»: Նրանով հիանում են Անդրեյ Կոնչալովսկին եւ Ժան-Լյուկ Գոդարը: Ռուս կինոքննադատ Օլեգ Առոնսոնը նշում է, որ «դեռ 70-կաններին նա արդեն համարվում էր համաշխարհային կինեմատոգրաֆիայի դասական»: Նա այսպես կոչված «դիստանցիոն մոնտաժի» տեսության ստեղծողն է: Այս ամենը վավերագրական կինոյի կենդանի դասական Արտավազդ Փելեշյանի մասին է:

1921 - Ծնվել է իտալացի դերասանուհի Ջուլիետա Մազինին։

Похожее изображение

Եղել է կինոռեժիսոր Ֆեդերիկո Ֆելինիի կինը։ Ջուլիետային անվանել են «Շրջազգեստով Չապլին»։ Ամենահայտնի դերերը խաղացել է ամուսնու ֆիլմերում՝ «Ճանապարհ», «Կաբիրիայի գիշերները», «Ջուլիետան և օծանելիքները»։

1909 - Տարաս Թուսուզյան, գեներալ
1900 - Լյուիս Բունյուել, ֆրանս. կինոռեժիսոր
1857 - Ռոբերտ Բեյդըն-Փաուել, սկաուտական շարժման հիմնադիրը
1857 - Հենրիխ Հերց, գերմանացի ֆիզիկոս
1840 - Ավգուստ Բեբել գերմանացի քաղաքական գործիչ (մ.1913)
1810 - Ֆրեդերիկ Շոպեն, լեհ կոմպոզիտոր ու դաշնակահար 

1788 - Արթուր Շոպենհաուեր, գերմանացի փիլիսոփա 

  • Միայնության մեջ, ամեն ոք իրեն տեսնում է այնպիսին, ինչպիսին որ կա իրականում:
  • Մենք հազվադեպ ենք մտածում այն մասին՝ ինչ ունենք, սակայն միշտ անհանգստանում ենք այն մասին, ինչ չունենք:
  • Ամեն ոք ուրիշի մեջ նկատում է այն, ինչ կա իր մեջ:
  • Ինքնուրույն դատողությունը՝ շատ քչերի առավելությունն է: Մնացածին ղեկավարում են հեղինակությունը և օրինակը:
  • Հանճարի և խելագարի նմանությունը այն է, որ ի տարբերություն մնացած մարդկանց՝ երկուսն էլ ապրում են մեկ այլ աշխարհում:
  • Մարդու իրական բնավորությունը արտահայտվում է մանրուքներում, երբ նա դադարում է հետևել իրեն:
  • Առողջությունը այնքան է գերազանցում կյանքի մնացած բարիքներին, որ իրոք՝ առողջ աղքատը երջանիկ է հիվանդ թագավորից:
  • Երիտասարդության տեսանկյունից՝ կյանքը անվերջ ապագա է, ծերության տեսանկյունից՝ շատ կարճ անցյալ:
  • Ով դաժան է կենդանիների հանդեպ՝ չի կարող բարի լինել մարդկանց հանդեպ:
  • Կա ի ծնե միայն մեկ թերություն՝ դա այն համոզմունքն է, որ մենք ծնվել ենք երջանիկ լինելու համար:
  • Մարդու դեմքը ավելի շատ ու ավելի հետաքրքիր բաներ է պատմում մարդու մասին, քան շուրթերը: Շուրթերը արտահայտում են մարդու միայն մտքերը, իսկ դեմքը՝ նրա բնույթը:
  • Խելացի կլիներ ավելի հաճախ սա ասեինք ինքներս մեզ. «փոխել ես սա չեմ կարող, մնում է օգուտ քաղել դրանից»:
  • Դու ոչինչ չես կարող անել քեզ շրջապատող բթության դեմ: Բայց իզուր մի անհանգստացիր՝ չէ՞ որ ճահիճը նետած քարը օղակներ չի առաջացնում:
  • Միջակությունը մտահոգված է ինչպես սպանել, իսկ տաղանդը՝ ինչպես օգտագործել ժամանակը:
  • Ով միայնություն չի սիրում՝ նա չի սիրում ազատություն:
  • Յուրաքանչյուր երեխա ինչ-որ առումներով հանճար է, և յուրաքանչյուր հանճար ինչ-որ առումներով երեխա:
  • Մի ասա ընկերոջդ այն, ինչ չպետք է իմանա քո թշնամին:
  • Յուրաքանչյուր մարդու կարելի է լսել, բայց ոչ բոլորի հետ է կարելի զրուցել:

1732 - Ջորջ Վաշինգտոն, Միացյալ նահանգների 1-ին նախագահ 

 Նյութը հասանելի է նաև ռուսերեն

 Հավելյալ լուսանկարներ

 Պիտակներ
         Պատմության այս օրը. փետրվարի 22


 Նմանատիպ նյութեր


Copyright © 2019 Fon Design created by Fon