Երևանի ընդհանուր իրավասության դատարանը անփոփոխ թողեց ՀՀ նախկին գլխավոր դատախազ Աղվան Հովսեփյանի նկատմամբ ընտրված խափանման միջոց կալանավորումը՝ մերժելով գրավի միջնորդությունը: Աղվան Հովսեփյանը ստացել է առանձնապես խոշոր չափերով` 190.000.000 ՀՀ դրամ կաշառք և խարդախության եղանակով կատարել առանձնապես խոշոր չափերով` 800.000.000 ՀՀ դրամ գույքի հափշտակություն: Հովսեփյանին մեղադրանք է առաջադրվել նաև հանցավոր ճանապարհով ստացված առանձնապես խոշոր չափերով` ընդհանուր 1.299.404.414 ՀՀ դրամ գույքը (փողերի լվացում) օրինականացնելու համար:

Այսօր առավոտյան բեռնատար մեքենաներով փակվել էին մայրաքաղաքի տրանսպորտային երթևեկության մի քանի հատվածներ: Ոստիկանության ծառայողներն արագ արձագանքել ու վերացրել են երթևեկության խոչընդոտները: Այս ժամին մայրաքաղաքի բոլոր տրանսպորտային հանգույցները երթևեկելի են:

«Լրագրողներ առանց սահմանների» (RSF) միջազգային կազմակերպության տվյալներով՝ 2022 թվականի տվյալներով Վրաստանի մամուլի ազատության ինդեքսը կտրուկ անկում է գրանցել: Մամուլի ազատության առումով Վրաստանը 180 երկրների մեջ 59,30 միավորով զբաղեցնում է 89-րդ տեղը, ինչը նշանակում է, որ Վրաստանը զգալիորեն նահանջել է 29 կետով։ Նշվում է, որ 2021 թվականին Վրաստանը 71,36 միավորով զբաղեցրել է 60-րդ տեղը։ 

Այս պահին տեղեկություններ կա առնվազն 6 տեղերում միջպետական նշանակության ճանապարհների փակման մասին․ Երևան-Էջմիածին` Փարաքարի մոտ, Երևան-Սևան` Չարենցավանի մոտ (արդեն բացվել է), Երևան-Արտաշատ` Այնթափում, Երևան-Աշտարակ` Աշտարակ չհասած, Երևան-Վանաձոր-Վրաստանի սահման` Վանաձոր մտնողը և Փամբակի մոտ։

Վաղ առավոտյան Երևանի տարբեր հատվածներում ընդդիմության ներկայացուցիչներն ու աջակից քաղաքացիները ճանապարհներ են փակել, իրականացրել անհնազանդության խաղաղ ակցիաներ։ Բերման է ենթարկվել 117 անձ։ Քաղաքացիները բերման են ենթարկվել ՀՀ վարչական իրավախախտումների վերաբերյալ օրենսգրքի 182-րդ հոդվածի հիմքով (ոստիկանության ծառայողների օրինական պահանջը չկատարելը):

Մայրաքաղաքի փողոցներում այս առավոտ խաչմերուկներ փակելու գործողություններ են իրականացվել: Ոստիկանության հրատապ և համարժեք գործողությունների շնորհիվ խաչմերուկներն արագ բացվել ու խցանումները վերացվել են: Այս պահին մայրաքաղաքի փողոցներում կանոնավոր երթևեկությունը վերականգնված է:

Վաղ առավոտից Երևանում շարունակվում են ընդդիմության կողմից իրականացվող անհնազանդության ակցիաները, որոնց ընթացքում ժամը 10:00-ի դրությամբ բերման է ենթարկվել 70 քաղաքացի։ Հիշեցնենք՝ նախօրեին հրավիրված հանրահավաքի ժամանակ՝ «Հայաստան» խմբակցության պատգամավոր Իշխան Սաղաթելյանը հայտարարեց, որ այլևս տուն չեն գնալու և գիշերելու են Ֆրանսիայի հրապարակում։ Սաղաթելյանը հորդորեց քաղաքացիներին վաղ առավոտից գործադուլ և դասադուլ իրականացնել։

Այսօր ցուցարար երիտասարֆները փորձել են Արցախի դրոշ տեղադրել Հյուսիսային համալսարանում, սակայն նրանց թույլ չտվեցին և հորդորեցին դուրս բերել դրոշը համալսարանի տարածքից՝ նշելով, որ համալսարանը մասնավոր տարածք է։ Հյուսիսային համալսարանի ռեկտոր Մհեր Մակիչյանը երիտասարդներին ասաց՝ եթե դրոշ դրվելով հարց լուծվեր, միլիոն հատ դրված կլիներ. «Դուրս եկեք համալսարանից, դուք չպետք է որոշեք, թե որ դրոշը որտեղ կախվի: Գնացեք ձեր տանը կախեք»: 

2022 թվականի ապրիլի 11-ից 22-ն ընկած ժամանակահատվածում ՀՀ բնապահպանության և ընդերքի տեսչական մարմինը արձանագրել է 52 դեպք, որից 28 դեպքով հաշվարկվել է 9.653.520 ՀՀ դրամի չափով շրջակա միջավայրին հասցված վնաս, 6 դեպքով նշանակվել է 390.000 ՀՀ դրամի չափով վարչական տուգանք։ Նախկինում արձանագրված 20 դեպքով հաշվարկվել է 96.750 ՀՀ դրամի չափով շրջակա միջավայրին հասցված վնաս, նշանակվել է 1.510.000 ՀՀ դրամի չափով վարչական տուգանք:

Երևանում հակաիշխանական ցույցերի մասնակիցները հայհոյել ու հարվածել են «Անտարես»-ի տնօրեն Արմեն Մարտիրոսյանին։

Կոռուպցիոն բնույթի տարբեր չարաշահումներ կատարելու, այդ թվում` առանձնապես խոշոր չափերով փողերի լվացման մեջ մեղադրվող ՀՀ նախկին ոստիկանապետ Վլադիմիր Գասպարյանի և վերջինիս անվտանգության պետի պարտականությունները փաստացի կատարած Արշակ Հակոբյանի վերաբերյալ քրեական գործի նախաքննությունն ավարտվել է։ Նախաքննության ընթացքում Վլադիմիր Գասպարյանի և Արշակ Հակոբյանի վերաբերյալ քրեական գործերը միացվել են մեկ վարույթում:

Ապրիլի 26-ից 27-ը Հայաստանի Հանրապետության ոստիկանության ստորաբաժանումները բացահայտել են հանցագործության 71 դեպք, որից 2-ը՝ նախկինում կատարված։ Անցած 1 օրվա ընթացքում հանրապետությունում արձանագրվել է ճանապարհատրանսպորտային 13 պատահար. 1 մարդ զոհվել է, 12-ը՝ ստացել տարբեր աստիճանի մարմնական վնասվածքներ:

Ուկրաինայի իշխանությունները երեքշաբթի ապամոնտաժել են Կիևի կենտրոնում խորհրդային դարաշրջանի հսկայական հուշարձանը, որը պետք է խորհրդանշեր Ռուսաստանի և Ուկրաինայի միջև բարեկամությունը՝ ի պատասխան Մոսկվայի ներխուժման:

Մեքսիկայում գաղտնի ձիարշավի ժամանակ փոխհրաձգության արդյունքում 11 մարդ է սպանվել։ Մեքսիկայի ոստիկանությունը փորձում է պարզել, թե ինչու են մրցարշավները գաղտնի անցկացվել, քանի որ դրանք արգելված չեն երկրի օրենքով։ Ամենայն հավանականությամբ մահացածներն ու կրակողները տեղի հանցավոր խմբավորումների անդամներ են եղել։ Դեպքի վայրում հայտնաբերվել է հրազեն, խուզարկության համար առգրավվել են ավտոմեքենաներ։

«Քաղաքացիական պայմանագիր» կուսակցության գրասենյակի մոտ բողոքի ակցիա իրականացնող 11 քաղաքացի է բերման ենթարկվել։ ՀՀ ոստիկանությունից լրատվամիջոցներին հայտնել են, որ վերջիններս բերման են ենթարկվել Վարչական իրավախախտումների վերաբերյալ օրենսգրքի 182-րդ հոդվածի հիմքով՝ ոստիկանության ծառայողների օրինական պահանջը չկատարելու համար։

ՀՅԴ Հայաստանի Երիտասարդական Միություն/ՀԵՄ  և ՀՅԴ «Նիկոլ Աղբալյան» ուսանողական միության մի խումբ երիտասարդների ոստիկանությունը բերման է ենթարկել բողոքի ակցիայի ընթացքում։ Երիտասարդները՝ Նիկոլ Փաշինյանի հրաժարականի պահանջով փողոց էին փակել։

Ավագ պարեկ՝ 34-ամյա Էմիլ Ի-ն, ծառայությունն ավարտելուց հետո տուն գնալու ճանապարհին, հանդիպել է մի խումբ անձանց, որի ժամանակ ոմն Ժորան իր հետ եղած անչափահաս տղաների հետ անհիմն հարձակվել են պարեկի վրա, ձեռքերով և ոտքերով հարվածներ հասցրել։ Փաստի առթիվ նյութեր են նախապատրաստվում։ 
 

Ապրիլ ամսվա դրությամբ, գործատուների կողմից ներկայացվել է Երևանում և մարզերում առկա շուրջ 3,000 թափուր աշխատատեղ։ Աշխատանք առաջարկող կազմակերպություններին, թափուր հաստիքներին, աշխատանքային գործառույթներին և այլ պայմաններին կարող եք ծանոթանալ այս հղմամբ՝ https://bit.ly/3jXKZ1f։ Բացված պատուհանում անհրաժեշտ է սեղմել «Ներբեռնել» (download) կոճակը, որը թույլ կտա թափուր հաստիքների ամբողջ ցանկը ներբեռնել համակարգիչ։

Ընդունելության կարգում կատարված փոփոխության համաձայն, այս տարվանից սկսած՝ ընդունելության քննության տեսակներ են համարվում միասնական և ներբուհական քննությունները` ի տարբերություն նախկին կարգավորման, երբ սահմանված էին միասնական, ներբուհական և կենտրոնացված (բանավոր) քննություններ։ Բուհերի ընդունելության համար նախկինում կազմակերպվող բանավոր քննություններն այլևս չեն լինելու` դրանք չեղարկվել կամ փոխարինվել են գրավոր քննություններով: 

Քանդակագործության ազգային թանգարանի հիմնադիր տնօրեն Արթուր Գևորգյանը ներկայացնում է իրավիճակը Գյումրիում Նժդեհի շուրջ։