ArmenLur

«Չեռնոբիլ» սերիալը պատմում է 1986 թվականի ապրիլի Չեռնոբիլի միջուկային աղետի և դրան հաջորդած դեպքերի մասին՝ ցույց տալով աղետի պատճառ դարձած մարդկանց և դրան հաջորդող արձագանքները: Սերիալում տեղ են գտել աղետի մասին քիչ հայտնի պատմություններ: 

Մինիսերիալը մեծ մասամբ հիմնված է Պրիպյատի տեղացիների հուշերի վրա, ինչպես փաստել է Նոբելյան մրցանակի բելառուս դափնեկիր Սվետլանա Ալեքսեևիչը իր «Ձայներ Չեռնոբիլից» գրքում:

«Չեռնոբիլ» պատմական դրամատիկական մինիսերիալը ստեղծել և գրել է Քրեյգ Մազինը HBO-ի համար։ Պրեմիերան ԱՄՆ-ում տեղի է ունեցել 2019 թվականի մայիսի 6-ին, ունեցել է 5 սերիա և գովասանքի է արժանացել քննադատների կողմից: Էմմիի 71-րդ մրցանակաբաշխությանը հավակնել է 6 անվանակարգում, որոնցից մեկը Լավագույն մինիսերիալն է: Մրցանակին են հավակնել նաև Հարիսը, Սկարսգարդը և Ուոթսոնը:

Ֆիլմի թրեյլերը՝

• «Չեռնոբիլ» 
• սերիալ - 1 սեզոն, 5 սերիա
• թողարկման տարեթիվը՝ 2019
• երկիրը՝ Միացյալ Թագավորություն, ԱՄՆ
• կարգախոսը՝ «Ստի գինը»
• պրոդյուսեր՝ Սաննե Ուոհենբերգ
• ռեժիսոր՝ Յոհան Ռենք
• սցենարը՝ Քրեյգ Մազին
• օպերատոր՝ Յակով Իրե
• դերերում՝ Ջարեդ Հարիս, Ստելլան Սկարսգորդ, Էմիլի Ուոթսոն, Ջեսի Բաքլի, Ադամ Նագայտիս, Փոլ Ռիտեր, Սեմ Թրոթոն, Ռոբերթ Էմմս, Ադամ Լունդգրեն և այլք
• երաժշտությունը՝ Հիլդուր Գուդնադոթիր
• ժանրը՝ դրամա, պատմական
• թեման՝ աղետ, տարհանում
• նկարահանման վայրը՝ Լիտվա և Ուկրաինա
• տևողությունը՝ 56 րոպե / 00։56։

Դիտեք «Չեռնոբիլ» մինի սերիալը որակյալ, անվճար և առանց գրանցման այստեղ:

Իսկ գիտե՞ք, որ...

• Ուլիանա Խոմյուկը (Էմիլի Ուոթսոն) միակ մտածածին ​​կերպարն է, որը մարմնավորում է մի քանի գիտնականների, ովքեր Վալերի Լեգասովի գաղափարակիցներն են:
• Իրական էլեկտրաբլոկի նկարահանումների մեծ մասը կատարվել են ապամոնտաժված Իգնալինսկու ԱԷԿ-ում (Լիտվա), որն ունի նույն տիպի ռեակտորներ, ինչպիսիք են Չեռնոբիլի ԱԷԿ-ը: 
• Պրիպյատը նկարահանվել է Վիլնյուսի շրջանի Ֆաբիյոնիշկես քաղաքում, մոսկովյան 6-րդ հիվանդանոցը՝ Կաունաս քաղաքում, բացօթյա տեսարանների մեծ մասը Կիևում  է:
• Նկարահանումներն սկսվել են 2018-ի ապրիլին և տևել են 16 շաբաթ:
• Սերիայի ռադիոակտիվ գրաֆիտի կտորները իրական գրաֆիտ են INPP- ից, որը երբևէ չի օգտագործվել:
• Ճառագայթահարման մահացու չափաբաժին ստացած հրշեջների դիմահարդարումը ամենադժվար գործընթացներից է եղել, քանի որ դիմահարդար-նկարիչ Դանիել Պարկերը չի կարողացել գտնել հրշեջների վերջին օրերի լուսանկար կամ տեսաապացույցներ: Նա դիմահարդարել է ականատեսների, մասնավորապես՝ Լյուդմիլայի՝ Վասիլի Իգնատենկոյի այրու հուշերով ստեղծված Սվետլանա Ալեքսեևիչի «Չեռնոբիլի աղոթք» գրքի հիման վրա։

Սերիալի սխալները

• Էկրանին դերասանները խոսում են անգլերեն, բայց ռադիոյով հնչող բոլոր խոսակցությունները, ​​հեռուստատեսության նորություններում և նախազգուշացման հայտարարություններում ռուսերեն է:

• Սերիայի ամենասարսափելի կադրերը հրշեջներն են, որոնք մի քանի օրվա ընթացքում վերածվել են արյունոտ ժելեի: Սակայն ճառագայթումն այդպես չի ազդում: 

• Գորբաչևի մոտ ընդունելություն ժամանակ պատին կախված է «Իվան Ահեղը սպանում է որդուն» կտավը, սակայն այն երբեք չի եղել Քաղբյուրոյի ընդունարանի պատերին:

• 2-րդ սերիայում Ուլյանա Խոմյուկի աշխատասենյակում կախված է «Բրեստի 970-ամյակը» պաստառը, թեև 1986-ին Բրեստը 967 տարեկան էր:

• Շչերբինան և Լեգասովը ծխում են ատոմակայանի մոտ: Նրանցից մեկի ձեռքին «БГ» ծխախոտի տուփ է: ԽՍՀՄ-ում այդպիսի ծխախոտներ չեն եղել: Եղել է «БТ» ծխախոտ: 

• Լեգասովը և Շչերբինան իրականում ապրել են վթարից երեսուն կիլոմետր հեռու գոտում: Իսկ Չեռնոբիլում ժամանում էին տարբեր փոխադրամիջոցներով: