Հիշարժան և տոն օրեր, փետրվարի 21

Տոներ 21.02.2021   09:30   126

Միջազգային

Մայրենի լեզվի միջազգային օրը (International Mother Language Day)

  • Մայրենի լեզվի միջազգային օրը հայտարարել է ՅՈՒՆԵՍԿՕ-ն 1999 թվականի նոյեմբերի 17-ին։ Այն նշվում է ամեն տարի փետրվարի 21-ին՝ սկսած 2000 թվականից և ուղղված է լեզվային ու մշակութային բազմազանությունը պահպանելուն։
  • ՅՈՒՆԵՍԿՕ-ի տվյալներով՝ աշխարհում մոտ 6 հազար լեզու գտնվում է ոչնչացման վտանգի տակ։
  • Ըստ Հայաստանի Հանրապետության սահմանադրության, ՀՀ պետական լեզուն հայերենն է:

էքսկուրսավարի համաշխարհային օրը (International Tourist Guide Day)

  • Ամեն տարի փետրվարի 21-ին աշխարհի շատ քաղաքներ, հատկապես նրանք, որոնք տուրիզմի համաշխարհային կենտրոններ են, նշում են Էքսկուրսավարի միջազգային օրը։ Այն հաստատել է Էքսկուրսավարների համաշխարհային ֆեդերացիայի ասոցացիան (World Federation of Tourist Guide Associations (WFTGA))։
  • WFTGA-ն հիմնադրվել է 1985 թվականին։ Ներկայումս այն ավելի քան 70 երկրից 2 միլիոն անդամ ունի։ Իսկ տոնը նշվում է 1990 թվականից։
  • Թե երբ է առաջացել այս մասնագիտությունը, հստակ չի կարելի ասել։ Բայց ակնկերև է, որ այն կապված է միջազգային հարաբերությունների զարգացման հետ։ Սկսած այն պահից, երբ մարդիկ սկսել են ակտիվ ճամփորդել, տարբեր երկրներ ու քաղաքներ այցելել, նրանց համար դժվար է դարձել առանց պրոֆեսիոնալ գիդի օգնության։
  • Դեռ անցյալ դարի կեսերից էքսկուրսավար կարող էր զգալ իրեն ցանկացած կիրթ մարդ, որը ծանոթ էր տվյալ քաղաքի պատմությանը։ Այդպես էքսկուրսավար էին աշխատում բանասերները, պատմության ուսուցիչները։ Բայց 20-րդ դարի 70-ականներից գիդերի պրոֆեսիոնալիզմի հանդեպ պահանջները մեծանում են, ու էքսկուրսավար արդեն անվանում են միայն այն մարդկանց, որոնք հատուկ նախապատրաստություն են անցել։


 Հավելյալ լուսանկարներ

 Պիտակներ
         փետրվարի 21, Հիշարժան և տոն օրեր

 Նմանատիպ նյութեր


Copyright © 2019 Fon Design created by Fon