Պատմության այս օրը. նոյեմբերի 11

Moder-003 / Պատմություն 510 / 10:00 / 11.11.2022

ՀԵՏԱՔՐՔԻՐ ԴԵՊՔԵՐ ԵՎ ԻՐԱԴԱՐՁՈՒԹՅՈՒՆՆԵՐ

1993 - ՄԱԿ-ի Անվտանգության խորհուրդն ընդունում է Ղարաբաղի հարցով չորրորդ՝ 884 բանաձևը։

Փաստաթուղթը կրկին կոչ է անում Հայաստանին օգտագործել Ղարաբաղի վրա ունեցած ազդեցությունը` հրադադար հաստատելու և նախորդ բանաձևերի պահանջները կատարելու համար: Դատապարտելով Ադրբեջանի Զանգելանի շրջանի ու Հորադիզ քաղաքի բռնազավթումը` բանաձևը միաժամանակ փաստում է, որ վերջին լարվածությունն արձանագրվել է «հրադադարի խախտման և այդ խախտումներին ի պատասխան` ուժի անհամաչափ կիրառման արդյունքում»: Քվեարկությունից հետո ԱՄՆ դեսպանը հայտարարում է` «բանաձևը ստեղծված իրավիճակի համար մեղադրում է միաժամանակ երկու կողմերին` մեկին հրադադարը խախտելու, մյուսին`անհամարժեք արձագանքելու համար»:

1983 - Համացանցում հայտնվեց համակարգչային վիրուսի առաջին նախատիպը։
1983 - Վախճանվում է կոմպոզիտոր Առնո Բաբաջանյանը։

Խորհրդային Հայաստանում այս կորուստն առանձնահատուկ ծանր են տանում։ Բաբաջանյանին մարդիկ ընկալում էին որպես «մեր Առնո»։ Չնայած նա վաղուց ապրում էր Մոսկվայում և վայելում էր միութենական փառքը, Բաբաջանյանը ԽՍՀՄ-ում հաջողության հասած հայ արվեստագետներից «ամենահայկականն» էր՝ արտաքինով, կերպարով, ոչ վարժ ռուսերենով։
1983 թվականին Առնո Բաբաջանյանին հետմահու շնորհում են ՀԽՍՀ պետական մրցանակ մեկ տարի առաջ էկրան բարձրացած «Երջանկության մեխանիկա» ֆիլմի երաժշտության համար։

1980 - ASALA. Պայթյուն Հռոմում «Թրքիշ Էյրլայնս»-ի գրասենյակի առջև։

Հայ Գաղտնի Բանակը և PKK-ն միասնաբար ստանձնում են գործողության պատասխանատվությունը։ Առանձին հաղորդագրությամբ գործողության պատասխանատվությունը ստանձնում է Հայ Գաղտնի Բանակ (ASALA) «Ալեք Ենիգոմշեան Քոմանտօ»-ն։

1942 - Նացիստական Գերմանիան ավարտին հասցրեց Ֆրանսիայի օկուպացումը։

ԱՄԵՆ ԻՆՉ ԱՅՍՕՐՎԱ ՄԱՍԻՆ