ArmenLur

Շառլ Լուի դը Մոնտեսքյո (1689 - 1755)

• Ֆրանսիացի գրող, իրավագետ, փիլիսոփա, ֆրանսիական լուսավորության կարկառուն ներկայացուցիչ, լիբերալիզմի գաղափարախոսության հիմնադիրներից մեկը։ Մշակել է իշխանության թևերի տարանջատման մասին ուսմունքը։

Մտորման համար

• Չկա ավելի վրդովեցնող բան, քան տեսնել, թե ինչպես է հաջող ասված խոսքը մեռնում հիմարի ականջում:
• Երջանիկ է այն ժողովուրդը, ում պատմությունը ձանձրալի է:
• Ես դեմ չեմ ծիծաղել ինձ հանդիպող մարդկանց վրա` ենթադրելով, որ ցանկության դեպքում նրանք էլ ինձ վրա կարող են ծիծաղել:
• Օրենքները սարդոստայն են. մեծ ճանճերը կարողանում են այն ճեղքելով անցնել, իսկ մանրերը` խրվում են:
• Կարդալ սիրել նշանակում է ձանձրույթի ժամերը, որոնք կյանքում անխուսափելի են, փոխել մեծ բավականության ժամերի հետ:
• Ֆինանսիստները երկիրը պահում են ճիշտ այնպես, ինչպես պարանն է պահում կախվածին:
• Մարդկանց ճնշող մեծամասնությունն ավելի շուտ ունակ է մեծ, քան բարի գործերի:
• Անձի ազատությունն ու քաղաքացու ազատությունը ոչ միշտ են համընկնում:
• Կնոջ կյանքում կա երեք շրջան. առաջինում նրանք ազդում են հոր նյարդերի վրա, երկրորդում` ամուսնու, երրորդում` փեսայի:
• Մեզ երջանիկ դարձնող բաների մեծ մասը ողջամիտ չեն:
• Ինձ մեծապես վնասում է այն, որ շատ եմ թերագնահատում նրանց, ում չեմ հարգում:
• Բարեպաշտությունն այնպիսի արդարացումներ է գտնում վատ արարքներին, որ հասարակ պարկեշտ մարդը չէր կարող գտնել:
• Մեծ գործեր անելու համար անհրաժեշտ չէ մեծագույն հանճար լինել, անհրաժեշտ չէ մարդկանցից վեր լինել, անհրաժեշտ է նրանց հետ լինել:
• Պետք է շատ սովորել` գոնե մի չնչին բան իմանալու համար:
• Պարապ մարդիկ մեծագույն շատախոսներ են: Որքան քիչ ես մտածում, այնքան շատ ես խոսում:
• Անբախտ է մարդկանց ճակատագիրը: Հենց խելքը հասնում է իր հասունությանը, մարմինն սկսում է թուլանալ:
• Օրենքների խստությունը խանգարում է դրանց կատարմանը:
• Ծաղրը խոսք է հոգուտ ուղեղի և ընդդեմ սրտի:
• Հմայքն ավելի շատ խելքի, քան դեմքի մեջ է, քանի որ դեմքի գեղեցկությունը բացահայտվում է միանգամից և ոչ մի անակնկալ չի թաքցնում, իսկ խելքը բացվահայտվում է աստիաճանաբար` երբ մարդ ինքն է ուզում, և այն չափով, որքան ինքն է ուզում:
• Բոլոր տղամարդիկ տգեղ են:
• Կանայք գեղեցիկ լինելու ընդամենը մեկ հնարավորություն ունեն, սակայն գրավիչ լինելու հարյուր հազար հնարավորություն կա:
• Հաջողություն ունենալու համար անհրաժեշտ է հիմար տեսք ունենալ և խելացի լինել:
• Եթե եռանկյունիներն իրենց համար Աստված ստեղծեին, այն երեք կողմ կունենար:
• Ժողովրդավարության սկզբունքը քայքայվում է ոչ միայն այն ժամանակ, երբ վերանում է հավասարության ոգին, այլև այն ժամանակ, երբ հավասարության հոգին հասնում է ծայրահեղության, և յուրաքանչյուրը ցանկանում է հավասար լինել նրան, ում ինքն ընտրել է որպես ղեկավար: