Պատմության հայկական օրը. հունվարի 5


ԱՅՍՕՐ ՀԱՅԱՍՏԱՆՈՒՄ ՆՇՎՈՒՄ Է

Սուրբ ծննդյան Ճրագալույցի Սբ.Պատարագ (Հայ Առաքելական եկեղեցի)

  • Ճրագալույցի Սուրբ Պատարագ տարվա ընթացքում մատուցվում է երկու անգամ` Սուրբ Ծննդյան և Սուրբ Հարության տոներին: Ըստ Հայ եկեղեցու՝ Սուրբ Ծննդյանը նախորդող մեկ շաբաթը պահոց շրջան է: Դեկտեմբերի 30-ից մինչև հունվարի 5-ի երեկոյան մարդիկ պահք են պահում: Այդ ընթացքում օգտագործվում է բացառապես բուսական ծագում ունեցող սնունդ: Սուրբ Ծննդյան տոնը սկսվում է հունվարի 5-ի երեկոյան և շարունակվում կեսգիշերից հետո:
  • Հունվարի 5-ի երեկոյան բոլոր եկեղեցիներում մատուցվում է Ճրագալույցի Սուրբ Պատարագ: «Ճրագալույց» նշանակում է ճրագ՝ մոմ, վառել (լուցանել): Այդ օրը երեկոյան, մարդիկ եկեղեցում վառած ճրագներն իրենց հետ տուն են տանում: Այն խորհրդանշում է աստվածային լույսն ու օրհնությունը: Ճրագալույցը խորհրդանշում է նաև բեթղեհեմյան աստղի լույսը, որն առաջնորդեց մոգերին դեպի Հիսուս Մանուկը:
  • Այս տոնը նշվում է ամեն տարի հունվարի 5-ին։

ԻՐԱԴԱՐՁՈՒԹՅՈՒՆՆԵՐ ՀԱՅԱՍՏԱՆԻ ԵՎ ՀԱՅԵՐԻ ՇՈՒՐՋ

2016 - Հայ ազգային կոնգրեսը դատապարտեց մարդու հիմնարար իրավունքների նկատմամբ կատարված հերթական ոտնձգության փաստը Գևորգ Սաֆարյանի նկատմամբ և պահանջում անհապաղ ազատ արձակել նրան, նրա նկատմամբ իրականացվածը համարելով քաղաքական հետապնդում։
2016 - «Օրենքով գող» Շաքրո Մոլոդոյը ժամանեց Հայաստան` հանգիստն անցկացնելու Ծաղկաձորում: 

  • Նրա հետ Հայաստան են ժամանել նաև մի քանի այլ «օրենքով գողեր»: 
  • Ծաղկաձորում նրան դիմավորել են ԱԺ պատգամավոր Սամվել Ալեքսանյանը, ՀՀ ֆուտբոլի ֆեդերացիայի նախագահ Ռուբեն Հայրապետյանը, ինչպես նաև Վստրեչի Ապեր անունով հայտնի Արամ Վարդանյանը:

2000 - Հոկտեմբերի 27-ի դեպքերին օժանդակելու կասկածանքով ձերբակալվում է Հայաստանի Ազգային հեռուստաընկերության փոխտնօրեն Հարություն Հարությունյանը։ 

ԾՆՎԵԼ ԵՆ

1981 - Մհեր Ավանեսյան, հայ լեռնադահուկորդ և Պարալիմպիկ խաղերի մասնակից
1974 - Վարդան Մինասյան, հայ ֆուտբոլիստ, մարզիչ
1961- Միխայիլ Վարդապետով, Մոսկվայի «Սպարտակ» ֆուտբոլային ակումբի բժիշկ
1953 - Զառա Տոնիկյան, էստրադային ջազ երգչուհի
1949 - Գայանե Ներսիսյան, հայ երգչուհի, Հայաստանի Հանրապետության վաստակավոր արտիստ
1945 - Անատոլի Խանթեմերյան (ծնվ. Ղրիմ), ազատ ոճի ըմբշամարտի Ուկրաինայի վաստակավոր մարզիչ, ԽՍՀՄ սպորտի վարպետ
1938 - Էդուարդ Մարտիրոսով, մարդաբան, Հայրենական սպորտային մարդաբանության և մորֆոլոգիայի հիմնադիր
1936 - Պավել Արսենով (ծնվ. Թբիլիսի, մ. 1999), հայ խորհրդային և ռուս կինոռեժիսոր, դերասան, ՌԴ արվեստի վաստակավոր գործիչ

  • Մկոյի դերակատարը «Եռանկյունի» կինոնկարում:

1927 - Օքմիր Աղախանյանց (մ. 2002), գեոբոտանիկ, միջազգային աշխարհագրական միության թղթակից անդամ

  • Նա հիմնավորել է խորհրդային օկուպացիայի պայմաններում  «սոցիալիզմի» խորհրդային նմուշի կառուցման Աֆղանստանի տնտեսական, սոցիալական և քաղաքական կյանքի հաջող վերափոխման անհնարինության մասին թեզը:
  • Աղախանյանցը սիրում էր իրեն անվանել աշխարհաքաղաքացի՝ կոսմոպոլիտ։

1920 - Գևորգ Արմենյան (ծնվ. Թիֆլիս, մ. 2005) Ա. Սպենդիարյանի անվան օպերայի և բալետի ազգային ակադեմիական թատրոնի տնօրեն և գեղարվեստական ղեկավար (1968-1970), ՀԽՍՀ ժողովրդական արտիստ (1985)

  • Թարգմանել է Շ. Ազնավուրի «Քեզ համար, Հայաստան» ֆրանսիական երգը (1989)

1920 - Գառնիկ Վարդումյան (մ. 1992), Խորհրդային Միության հերոս
1913 - Սալոմե Արեշյան, հայ գրականագետ, բանասիրական գիտությությունների դոկտոր, ՀԽՍՀ գիտության վաստակավոր գործիչ (վ. 1966)։
1910 - Արմեն Չիլինգարյան, հայ նկարիչ, Հայկական ԽՍՀ արվեստի վաստակավոր գործիչ (1960)
1910 - Գարեգին Բես (Սարինյան), հայ արձակագիր, դրամատուրգ, թարգմանիչ, Հայկական ԽՍՀ արվեստի վաստակավոր գործիչ (1975)

  • Նրա գրական «Բես» կեղծանունը բաղկացած է գրողի հոր անվան սկզբնատառերից։

1904 - Արտավազդ Սաղոյան (ծնվ. Ախալցխա, մ. 1971), դերծովակալ, I աստիճանի կապիտան, Բալթյան նավատորմի գլխավոր հրետանավոր
1900 - Մարտին Մազմանյան, հայ կոմպոզիտոր, խմբավար, մանկավարժ
1891 - Վաղինակ Բեքարյան, հայ մանկավարժ, բանաստեղծ
1859 - Իվան Պոպով (մ. 1917), կոմպոզիտոր, դիրիժոր

  • Գրել է «Հայկական ռապսոդիա» սիմֆոնիան։

1809 - Մսեր Մսերյանց (ծնվ. Զմյուռնիա, Թուրքիա, մ. 1878), բանաստեղծ, ազգագրագետ, աստվածաբան

  • Մոսկվայում հրատարակել է առաջին հայկական պարբերականները՝ «Մարգարիտներ» (1858-1862) գրական ժողովածուն և «Համբավաբեր Ռուսիո» թերթը (1861-1864):
Արտահայտվել
avatar