Պատմության այս օրը. մարտի 19

Պատմություն 19.03.2020   09:00   226

ՀԻՇԱՐԺԱՆ ՕՐԵՐ ԵՎ ՀԵՏԱՔՐՔԻՐ ՏՈՆԵՐ

Միջազգային

  • Հաճախորդի միջազգային օրը (International client's day)

Աշխարհում բազմաթիվ տոներ կան, և վերջերս ցանկը համալրվել է ևս մեկով՝ Հաճախորդի միջազգային օրով: Ի տարբերություն արդեն ավանդույթ ունեցող տոների՝ Հաճախորդի օրը դեռ նոր է սկսում նվաճել աշխարհը: Առաջին անգամ այն նշվել է 2010 թվականի մարտի 19-ին: Ամենատարբեր ոլորտների ապրանքների և ծառայությունների համար նախատեսված այս տոնի նպատակը նոր հաճախորդներ գրավելն ու մշտականներին խրախուսելն է: Այս օրը բոլոր գործարարները հնարավորություն ունեն իրենց երախտագիտությունը հայտնելու հաճախորդներին համագործակցության համար։ Թե ինչպես անել դա, տվյալ ընկերության որոշելիքն է. տոնը կարող է լինել փոքրիկ նվերների, զեղչերի, ակցիաների, տոնական միջոցառումների տեսքով։ Տոնի նախաձեռնողները ձեռներեցներ են Ռուսաստանից և Լիտվայից: Նախաձեռնությունը, սակայն, արագորեն աջակցություն է գտել Եվրոպայում և Ամերիկայում գործող բազմաթիվ փոքր և խոշոր ընկերությունների կողմից: 

Ազգային

  • Արդարության օրը (Ֆինլանդիա)
  • Սուրբ Իոսիֆի օրը (Իսպանիա, Բրազիլիա, Կոլումբիա)
  • Սուզանավորդ նավաստիների օրը (Ռուսաստան)

ՀԵՏԱՔՐՔԻՐ ԴԵՊՔԵՐ ԵՎ ԻՐԱԴԱՐՁՈՒԹՅՈՒՆՆԵՐ

2011 - ԱՄՆ-ի, Մեծ Բրիտանիայի, Ֆրանսիայի և մի քանի այլ երկրների կողմից ձեռնարկված «Լուսաբացի Ոդիսականը» ռազմական գործողությունը, որն ուղղված էր միջամտելու 2011 թ. Լիբիայի քաղաքացիական պատերազմին:
1993 - Միջպետական հարաբերությունների հիմնադրույթների մասին պայմանագիր ստորագրվեց Հայաստանի և Ղրղզստանի միջև:
1975 - Տեղի ունեցավ Երևանի «Արարարտ» և Մյունխենի «Բավարիա» ֆուտբոլային հանդիպումը:

  • «Արարատը» 1:0 հաշվով հաղթեց «Բավարիային»:

1958 - Ստրասբուրգում բացվեց Եվրոխորհրդարանի 1-ին նիստը։
1953 - Առաջին անգամ հեռուստատեսությամբ հեռարձակվեց աշխարհահռչակ ամերիկյան «Օսկար» մրցանակաբաշխությունը:
1927 - Վաշինգտոնի նահանգում մի մսագործ հավի ստամոքսում գտավ 6 կտոր ոսկի։
1899 -
Պետերբուրգում գործարկվեց առաջին շտապ բուժօգնությունը:
1859 -
Փարիզում կայացավ ֆրանսիացի երգահան Շառլ Գունոյի «Ֆաուստ» օպերայի առաջնախաղը:
1831 - ԱՄՆ-ում առաջին անգամ բանկ կողոպտվեց։

  • Անգլիացի ներգաղթյալ Էդվարդ Սմիթը կողոպտեց City Bank of New York-ը՝ 245.000 դոլար՝ այդ ժամանակվա համար հսկայական մի գումար։ Շուտով հաջողվեց բռնել հանցագործին (նրան դատապարտեցին 5 տարվա ազատազրկման Սինգ-Սինգ բանտում) և վերադարձնել գողոնի մեծ մասը։

1474 - Վենետիկում ընդունվում է օրենք հայտնագործությունների պահպանման մասին, ինչը փաստորեն աշխարհում առաջին օրենքն էր հեղինակային իրավունքի մասին:


ԾՆՎԵԼ ԵՆ

1979 - Դիեգո Ֆորլան, ուրուգվայցի ֆուտբոլիստ։
1976 - Ալեսանդրո Նեստա, իտալացի ֆուտբոլիստ 
1955 - Բրյուս Ուիլիս, ամերիկացի կինոաստղ 

  • Հայտնի է «Ամուր ընկույզ» ֆիլմի սերիաներից։ Նկարահանվել է մի շարք հայտնի ֆիլմերում՝ «Քրեական հորինվածք», «Հինգերորդ էլեմենտ», «Արմագեդոն» «Մեղքերի քաղաքը»։

1949 - Վալերի Լևոնտև, մանսի սովետական փոփ աստղ
1928 - Վարդուհի Վարդերեսյան, ժողովրդական դերասանուհի 

  • Նկարահանվել է «Պատվի համար», «Մոր սիրտը», «Ճանապարհ դեպի կրկես», «Հայրիկ», «Կարինե» և այլ ֆիլմերում։ 

1924 - Լև Կուլիջանով, կինոռեժիսոր, կինոգործիչ
1921 - Հերի Բաբասին (Harry Babasin), հայկական ծագումով ամերիկացի ջազային երաժիշտ
1913 - Մարի Աթմաճյան, բանաստեղծուհի
1900 - Ֆրեդերիկ Ժուլիո-Կյուրի, ֆրանսիացի ֆիզիկոս
1887 - Լևոն Ալավերդյան, դերասան 
1813 - Դավիթ Լիվինգստոն, շոտլանդացի ճանապարհորդ, Աֆրիկայի ամենանշանավոր հետազոտողներից (մ. 1873)
1601 - Ալոնսո Կանո, իսպանացի քանդակագործ և գեղանկարիչ, բարոկկո ոճի ներկայացուցիչ։

 Նյութը հասանելի է նաև ռուսերեն
 Հավելյալ լուսանկարներ

 Պիտակներ
         մարտի 19, Պատմության այս օրը


 Նմանատիպ նյութեր


Copyright © 2019 Fon Design created by Fon