07:03, 19.03.2024

Լուրեր մեկ պարբերությամբ

ArmenLur

Ողջ ճշմարտությունը Հայաստանի մասին


Դասավորել ըստ՝ ամսաթվի · վերնագրի · դիտումների

Ռուս-ուկրաինական երկարատև պատերազմի հեռանկարը արևմտյան առաջնորդների և փորձագետների շրջանում ի հայտ բերեց լուրջ տարաձայնություններ: Նրանք միակարծիք են Կիևին աջակցելու առումով, սակայն տարբերակված մոտեցում ունեն Արևմուտքի նպատակների հարցում՝ օգնել Ուկրաինային հաղթանակ տանել, կամ հասնել շուտափույթ զինադադարի՝ անգամ Կրեմլին զիջումների գնալու գնով։

Մեջբերում / Տեսնել ավելին՝ ArmenLur Դիտումներ՝ 247 | 06.06.2022 / Արևմուտք, Կրեմլ, ռուս-ուկրաինական պատերազմ


Ռուսաստանի ԶՈւ ստորաբաժանումները գրավել են Սևերոդոնեցկի հյուսիս-արևելյան և հարավ-արևելյան ծայրամասերը։ Այժմ կատաղի մարտեր են ընթանում Սևերոդոնեցկի և Լիսիչանսկի համար։ Ըստ ուկրաինական աղբյուրների՝ ռուսական կողմը գործի է դրել հնարավոր բոլոր սպառազինություններն ու ավիացիան։
 

Լուր / Տեսնել ավելին՝ BBC Դիտումներ՝ 305 | 30.05.2022 / Սևերոդոնեցկ, ռուս-ուկրաինական պատերազմ

Ուկրաինայի նախագահ Վոլոդիմիր Զելենսկին մեկնաբանել է ԱՄՆ նախկին պետքարտուղար Հենրի Քիսինջերի հայտարարությունները Ռուսաստանի հետ հակամարտությունում Ուկրաինայի կողմից զիջումների անհրաժեշտության մասին: «Պարոն Քիսինջերը խոր անցյալից է դուրս գալիս և ասում, որ իբր պետք է Ռուսաստանին տալ Ուկրաինայի մի կտոր, որպեսզի Ռուսաստանը չօտարվի Եվրոպայից։ Կարծես, պարոն Քիսինջերը չունի 2022թ. օրացույց, փոխարենն ունի 1938թ.-ինը և կարծում է, որ լսարանի հետ խոսում է ոչ թե Դավոսում, այլ այն ժամանակվա Մյունխենում»,-ասել է Զելինսկին։

Լուր / Տեսնել ավելին՝ Meduza Դիտումներ՝ 267 | 26.05.2022 / Վոլոդիմիր Զելենսկի, Հենրի Քիսինջեր, զիջումներ

Զապորոժիեի շրջանի ռազմական-քաղաքացիական վարչակազմի գլխավոր խորհրդի անդամ Վլադիմիր Ռոգովը հայտարարել է, որ Ուկրաինան ընդմիշտ կորցրել է ելքը դեպի Ազովի ծով, քանի որ Զապորոժիեի և Խերսոնի մարզերը երբեք չեն վերադառնա Կիևի վերահսկողության տակ։ Ռոգովը վստահեցրել է, թե Ազովի ծովը, ինչպես դա նախկինում էր, կրկին կլինի բացառապես Ռուսաստանի Դաշնության ներքին ծով։

Մեջբերում / Տեսնել ավելին՝ РИА Новости Դիտումներ՝ 260 | 26.05.2022 / Ազովի ծով, Զապորոժիե, ռուս-ուկրաինական պատերազմ, Խերսոն

Ուկրաինայի արտաքին գործերի նախարար Դմիտրի Կուլեբան հայտարարել է, որ իրադրությունը Դոնբասում «չափազանց վատ» է ուկրաինական զորքերի համար։ Նա նաև հայտել է, որ Սևերոդոնեցկը ենթարկվում է զանգվածային գնդակոծությունների և ռմբակոծությունների, ռուսական զորքերն ընդհուպ մոտեցել են քաղաքին։ Ըստ հետախուզական տվյալների՝ Սևերոդոնեցկի ուղղությամբ սպասվում է ՌԴ զորքերի լայնածավալ գրոհ։

Кулеба заявил, что ситуация в Донбассе «чрезвычайно плоха» для ВСУ

Լուր / Տեսնել ավելին՝ BBC Դիտումներ՝ 278 | 26.05.2022 / ռուս-ուկրաինական պատերազմ, Դմիտրի Կուլեբա, Դոնբաս

ՌԴ պետդումայի պատգամավոր Միխայիլ Շերեմետը մեկնաբանել է Խերսոնի և Զապորոժիեի մարզերի բնակիչներին պարզեցված կարգով ՌԴ քաղաքացիության իրավունքի տրամադրումը: Ըստ պատգամավորի՝ նշված տարածաշրջանների բնակչությանը Ռուսաստանի քաղաքացիություն տրամադրելու որոշումը «կարևոր, արդար և ճակատագրական» է։ Շերեմետն ընդգծել է, թե այս քայլը ևս մեկ անգամ ապացուցում է այն, որ Ռուսաստանը չի հեռանա և առանց պաշտպանության չի թողնի «ազատագրված» տարածքները ։

Լուր / Տեսնել ավելին՝ Gazeta.ru Դիտումներ՝ 263 | 26.05.2022 / Զապորոժիե, ռուս-ուկրաինական պատերազմ, Խերսոն

Զապորոժիեի մարզի ռազմա-քաղաքացիական վարչակազմի գլխավոր խորհրդի անդամ Վլադիմիր Ռոգովը հայտարարել է, որ տարածաշրջանի վերադարձը Ուկրաինայի վերահսկողության տակ բացառվում է։ «Զապորոժիեի մարզը պատմականորեն ռուսական տարածք է։ Տարածաշրջանի վերադարձը Կիևի ռեժիմի վերահսկողության տակ, ինչ էլ, որ նրանք այնտեղ չհայտարարեն՝ բացառված է, ինչպես որ բացառված են նրանց հետ բանակցությունները»,-ասել է Ռոգովը։ 

Լուր / Տեսնել ավելին՝ Gazeta.ru Դիտումներ՝ 259 | 25.05.2022 / ռուս-ուկրաինական պատերազմ, Զապորոժիե


Ուկրաինայի պաշտպանության նախարարության ներկայացուցիչ Ալեքսանդր Մոտուզյանիկը հայտարարել է, որ ռուսական հարձակումն Ուկրաինայի արևելքում և հարավում մտել է ամենաակտիվ փուլ։ Բացի այդ ՌԴ ԶՈւ-ն գրոհել է Լիման քաղաքը։ Այս պահին քաղաքի համար մարտեր են ընթանում, սակայն, իրավիճակի մասին ստույգ տեղեկություններ առայժմ չկան։

Լուր / Տեսնել ավելին՝ BBC Դիտումներ՝ 245 | 25.05.2022 / ռուս-ուկրաինական պատերազմ

Ուկրաինայի նախագահի գլխավոր խորհրդականը բացառել է կրակի դադարեցման դիմաց երկրի տարածքներ զիջելու հնարավորությունը: Իր հերթին Կիևում Լեհաստանի նախագահ Անջեյ Դուդան նախօրեին Գերագույն ռադայում ունեցած ելույթում ուկրաինացիներին հորդորել է շարունակել պայքարը և չտրվել անկումային տրամադրություններին՝ մերժելով Ռուսաստանի պահանջները: Դուդան օտարերկրյա առաջին առաջնորդն է, որն այս օրերին ելույթ է ունեցել Ուկրաինայի խորհրդարանում: 

Լուր / Տեսնել ավելին՝ «Ամերիկայի ձայնը» Դիտումներ՝ 232 | 24.05.2022 / ռուս-ուկրաինական պատերազմ, Անջեյ Դուդա

Ըստ Խերսոնի շրջանի ռազմա-քաղաքացիական վարչակազմի ղեկավարի տեղակալ Կիրիլ Ստրեմոուսովի՝ Ուկրաինան ականապատել է Խերսոնի նավահանգստից միակ ելքը դեպի Սև ծով: Ավելի վաղ Ուկրաինան Օդեսայի նավահանգստում արգելափակել էր տասնյակ օտարերկրյա նավեր։ Դրանցից 17-ը պատկանում են Թուրքիային։

Լուր / Տեսնել ավելին՝ Lenta.ru Դիտումներ՝ 229 | 24.05.2022 / ռուս-ուկրաինական պատերազմ

Ուկրաինայում ռուսական հատուկ ռազմական գործողության ընթացքում փոխվել է Ազովի ծովի կարգավիճակը: Այս մասին հայտնել է ՌԴ նախագահին առընթեր Ղրիմի մշտական ներկայացուցիչ Գեորգի Մուրադովը։ «Հատուկ գործողությունը թույլ տվեց Դոնեցկի Ժողովրդական Հանրապետությանը հասնել Մարիուպոլ և ազատագրել ուկրաինացի ազգայնականների կողմից օկուպացված հանրապետության հարավային մասը՝ դրանով իսկ ապահովելով ելքը դեպի Ազովի ծով: Այսպիսով, սա արդեն ծով է, որը մենք կիսում ենք ԴԺՀ-ի հետ։  Հարավային հատվածների կարգավիճակի որոշումից հետո Կիևի իշխանություններն ակնհայտորեն կկորցնեն ելքը դեպի Ազովի ծով»,- ասել է Մուրադովը:

Մեջբերում / Տեսնել ավելին՝ РИА Новости Դիտումներ՝ 411 | 23.05.2022 / ռուս-ուկրաինական պատերազմ, Ղրիմ

Անցած օրվա ընթացքում Մարիուպոլի «Ազովստալ» գործարանից գերեվարվել է 771 ուկրաինացի զինվորական։ Այս մասին լրագրողներին հայտնել է ՌԴ պաշտպանության նախարարության պաշտոնական ներկայացուցիչ, գեներալ-մայոր Իգոր Կոնաշենկովը։ Նրա խոսքով ՝ մայիսի 16-ից «Ազովստալ»-ից գերեվարվել է 1730 զինվորական և պայմանագրային ծառայող, որոնցից 80-ը վիրավոր են։

Минобороны России: в Мариуполе за сутки сдался еще 771 украинский боевик из «Азовстали» - ТРК Звезда Новости, 19.05.2022

Լուր / Տեսնել ավելին՝ Lenta.ru Դիտումներ՝ 257 | 19.05.2022 / Մարիուպոլ, ռուս-ուկրաինական պատերազմ, «Ազովստալ»


Ռուս-ուկրաինական իրավիճակով պայմանավորված՝ Հայաստան եկող թե Ռուսաստանի, թե Ուկրաինայի քաղաքացիների թիվը էականորեն ավելացել է. Ուկրաինայի 200 քաղաքացի, որի կեսից ավելին ազգությամբ հայեր են, արդեն ապաստան է հայցել Հայաստանից։ Այս տարվա առաջին եռամսյակում Հայաստան է եկել 142 հազար 117 ՌԴ քաղաքացի։ նչ վերաբերում է Ուկրաինայի քաղաքացիներին, ապա այս տարվա առաջին եռամսյակում Հայաստան է եկել 5938 Ուկրաինայի քաղաքացի։

Լուր / Տեսնել ավելին՝ Արմենպրես Դիտումներ՝ 227 | 19.05.2022 / Ուկրաինական ճգնաժամ

Ուկրաինական «Ազովստալ» գործարանի տարածքում շրջափակված ուկրաինացի զինծառայողները շարունակում են հանձնվել, հայտարարել է ՌԴ պաշտպանության նախարարության պաշտոնական ներկայացուցիչ գեներալ-մայոր Իգոր Կոնաշենկովը։ «Մարիուպոլում ազգայնական «Ազով» ստորաբաժանման զինյալները և «Ազովստալ» գործարանում արգելափակված ուկրաինացի զինծառայողները շարունակել են հանձնվել: Անցած օրվա ընթացքում 694 զինյալ է հանձնվել, այդ թվում՝ 29-ը վիրավոր», - ասել է Կոնաշենկովը՝ ընդգծելով, որ մայիսի 16-ից 959 զինյալ է հանձնվել, այդ թվում՝ 80 վիրավոր։

Լուր / Տեսնել ավելին՝ TASS Դիտումներ՝ 241 | 18.05.2022 / «Ազովստալ», ռուս-ուկրաինական պատերազմ, Իգոր Կոնաշենկով


Ռուսաստանի զինված ուժերը հարվածներ են հասցրել ինչպես շփման գծում, այպես էլ ուկրաինական զորքերի պաշտպանության խորքերում` Դոնեցկում և Սլովյանսկի ուղղությամբ։  ՌԴ զինված ստարաբաժանումները շարունակում են հրթիռային հարվածներ հասցնել թիրախներին Ուկրաինայի ողջ տարածքում։ Մարտերը շարունակվում են նաև Լիմանի, Սևեռոդոնեցկի, Բախմուտի, Ավդեևկայի և Կուրախովի ուղղություններում։ Մարիուպոլի շրջանում ռուսական ուժերը շարունակում են շրջափակված պահել «Ազովստալ» գործարանում գտնվող ստորաբաժանումները։ Հիշեցնենք՝ ավելի քան 260 զինվորական հանձնվել է և տեղափոխվել ռուսական վերահսկողության տակ գտնվող տարածքներ։

Լուր / Տեսնել ավելին՝ Youtube Դիտումներ՝ 226 | 18.05.2022 / ռուս-ուկրաինական պատերազմ

Դմիտրի Մեդվեդև․ «ՆԱՏՕ-ի երկրների կողմից Ուկրաինան սպառազինությամբ լցնելը, նրա զորքերի ուսուցումն արևմտյան տեխնիկան օգտագործելու համար, վարձկանների ուղարկումը և Դաշինքի երկրների կողմից մեր սահմանների մոտ զորավարժությունների անցկացումը մեծացնում են ՆԱՏՕ-ի և Ռուսաստանի միջև ուղիղ և բացահայտ հակամարտության հավանականությունը` «վստահված անձանց միջոցով պատերազմի փոխարեն»: Նման հակամարտությունը միշտ էլ լիակատար միջուկային պատերազմի վերածվելու վտանգ ունի»։

Մեջբերում / Տեսնել ավելին՝ Telegram Դիտումներ՝ 232 | 12.05.2022 / միջուկային պատերազմ, Դմիտրի Մեդվեդև

Անցած հանգստյան օրերին Սև ծովի Ուկրաինային պատկանող Զմեինի կղզում փոքր բարձրությունից Bayraktar TB2 անօդաչուների գերարագ ռմբակոծման հետևանքով ջրասույզ են եղել երկու պարեկային մոտորանավակներ և զենիթահրթիռային համալիրով դեսանտային նավ: Սակայն Ռուսաստանի մտահոգությունը, թերևս, տեսանյութերում երևացող, կարծես հենց նոր կոնվեյերից իջեցված անօդաչու Bayraktar-ներն են։ Թուրքական արտադրության Bayraktar TB2-ը ժամանակակից ամենահայտնի անօդաչու սարքն է, որը կարողանում է փոխել պատերազմի ընթացքը, ինչպես դա հաջողությամբ կատարվեց Լիբիայում և Սիրիայում, և հատկապես Լեռնային Ղարաբաղում: Շատ փորձագետներ կասկածում էին, որ Bayraktar-ները կարող են օդում դիմակայել Ռուսաստանի գերազանցությանը, բայց նրանք, կարծես, սխալվում են։ 

Լուր / Տեսնել ավելին՝ Forbes Դիտումներ՝ 236 | 11.05.2022 / բայրաքթար, ռուս-ուկրաինական պատերազմ


Վլադիմիր Պուտինը կարող է միջուկային զենք կիրառել, եթե զգա, որ պատերազմը տանուլ է տրված,- նախազգուշացրել է ԱՄՆ Ազգային հետախուզության տնօրեն Ավրիլ Հեյնսը Համաշխարհային սպառնալիքների մասին Սենատի զինված ուժերի կոմիտեին։ Վլադիմիր Պուտինը կարող է Ուկրաինայում պարտության հեռանկարը դիտարկել որպես էքզիստենցիալ սպառնալիք իր ռեժիմին, ինչը կարող է նրան հրահրել միջուկային զենքի կիրառմանը՝ փորձելով ԱՄՆ-ին և նրա դաշնակիցներին հետ պահել Ուկրաինային հետագա աջակցությունից:

Լուր / Տեսնել ավելին՝ The Guardian Դիտումներ՝ 283 | 11.05.2022 / Ուկրաինական ճգնաժամ, Վլադիմիր Պուտին, միջուկային սպառնալիք


ԱՄՆ նախագահ Ջո Բայդենը հայտարարել է, որ ԱՄՆ վարչակազմը մոտ 10 օրից ստիպված կլինի դադարեցնել Ուկրաինային տրամադրվող օգնությունը, եթե Կոնգրեսը չհաստատի պետության ղեկավարի 33 միլիարդ դոլարի հայցը։  Նա կոչ է արել երկրի խորհրդարանին անհապաղ ընդունել հավելյալ օգնության վերաբերյալ օրինագիծը՝ որակելով այն «հրատապ անհրաժեշտություն»։ Ըստ ԱՄՆ նախագահի, դա անհրաժեշտ է, քանի որ գրեթե սպառվել են Կիևին օգնելու համար հատկացված ռեսուրսները:

Լուր / Տեսնել ավելին՝ TASS Դիտումներ՝ 258 | 10.05.2022 / ԱՄՆ-Ուկրաինա, Ջո Բայդեն, Ուկրաինա

ՆԱՏՕ-ի գլխավոր քարտուղարի տեղակալ Միրչա Ջեոանեն հայտնել, որ ուկրաինական պատերազմը մոտակա շաբաթների ընթացքում կմտնի վճռական փուլ։ Ջեոանեն նաև ընդգծել է, որ դաշինքը չի ակնկալում, թե պատերազմը կսրվի, և ՆԱՏՕ-ն կներգրավվի հակամարտությանը։

Լուր / Տեսնել ավելին՝ Al Jazeera Դիտումներ՝ 199 | 07.05.2022 / ՆԱՏՕ, ռուս-ուկրաինական պատերազմ
1 2 3 ... 7 8 »
ԴԵՊԻ ՎԵՐ