12:57, 27.09.2022

Լուրեր մեկ պարբերությամբ

ArmenLur

Ողջ ճշմարտությունը Հայաստանի մասին


Դասավորել ըստ՝ ամսաթվի · վերնագրի · դիտումների

.ԱՄՆ նախկին պետքարտուղար Հենրի Քիսինջերը կարծիք է հայտնել, որ ԱՄՆ-ը Մոսկվայի ու Պեկինի հետ պատերազմի եզրին է այն խնդիրների պատճառով, որոնք մասամբ ստեղծել է հենց Վաշինգտոնը: «Մենք Ռուսաստանի ու Չինաստանի հետ պատերազմի եզրին ենք այն խնդիրների պատճառով, որոնք մասնակիորեն ստեղծել ենք մենք՝ չունենալով պատկերացում այն մասին, թե ինչով դա կավարտվի կամ ինչի դա կարող է հանգեցնել»,- հայտարարել է Քիսինջերը Wall Street Journal թերթին տված հարցազրույցում: ԱՄՆ նախկին պետքարտուղարը նշել է, որ միակ բանը, որ կարելի է անել, լարվածություն չառաջացնելն է:

Լուր / Կարդալ ավելին՝ WSJ Դիտումներ՝ 59 | 14.08.2022 / Ռուսաստան, Չինաստան, Հենրի Քիսինջեր, ԱՄՆ


Ամերիկացի պետական գործիչ Հենրի Քիսինջերը կոչ է արել Արևմուտքին դադարեցնել Ուկրաինայում ռուսական զորքերին ջախջախիչ պարտություն հասցնելու փորձերը՝ նախազգուշացնելով, որ դա աղետալի հետևանքներ կունենա Եվրոպայում երկարաժամկետ կայունության համար: ԱՄՆ-ի նախկին պետքարտուղարը նախազգուշանում է Պուտինի պարտությունից, քանի որ պատժամիջոցների նկատմամբ Արևմուտքի միասնությունը խիստ սասանվել է:

Владимир Путин Генри Киссинджер Украина Россия вторжение война цены на продукты нефть Европа санкции Зеленский

Լուր / Կարդալ ավելին՝ The telegraph Դիտումներ՝ 110 | 26.05.2022 / Ռուսաստան-ԱՄՆ, Հենրի Քիսինջեր, Վլադաիմիր Պուտին

Փախստականների և ներքին տեղահանվածների թիվը, որոնք աշխարհում առաջին անգամ լքել են իրենց տները զինված հակամարտությունների, բռնությունների և հալածանքների պատճառով, գերազանցել է 100 միլիոնը: Միայն Ուկրաինայի իրադարձությունները 2022 թվականին հանգեցրել են 8 մլն մարդու տեղաշարժի երկրի ներսում, գրանցվել է նաև ավելի քան 6 մլն փախստական։

Տեղեկություն / Կարդալ ավելին՝ Lenta.ru Դիտումներ՝ 104 | 23.05.2022 / տեղահանվածներ, ՄԱԿ, փախստականներ


Թեհրանի և իրանական միջուկային ծրագրի վերաբերյալ Գործողությունների համատեղ համապարփակ ծրագրի նկատմամբ ԱՄՆ կառավարության և Կոնգրեսի վարած քաղաքականությունը կարող են հանգեցնել «կործանարար պատերազմի» Մերձավոր Արևելքում։ Այս մասին ասված է Շվեդիայի նախկին վարչապետ Կարլ Բիլդտի և ՆԱՏՕ-ի նախկին գլխավոր քարտուղար Խավիեր Սոլանայի համատեղ հոդվածում։ Հեղինակաները նշել են, որ ԱՄՆ նախագահ Ջո Բայդենը և եվրոպացի առաջնորդները պետք է գործեն նույնքան արագ և վճռականորեն Թեհրանի հարցում, ինչպես դա արեցին Ուկրաինայի հարցում՝ «կանխելու Իրանի վերածումը միջուկային զենք ունեցող պետության»։ 

Տեղեկություն / Կարդալ ավելին՝ The Washington Post Դիտումներ՝ 84 | 19.05.2022 / Իրան, ԱՄՆ, ԱՄՆ-Իրան, ՆԱՏՕ

«Իրականում նրանք մտահոգված են,- ասել է Չինաստանի արտաքին գործերի նախարարության ներկայացուցիչ Չժաո Լիցզյանը՝ ի պատասխան ԱՄՆ բարձրաստիճան ներկայացուցչի հայտարարությանը,- Չինաստանն ԱՄՆ-ի համար վերահաս մարտահրավեր է: Չինաստանը մտադիր է արմատապես փոխել միջազգային կարգը՝ հիմնված կանոնների վրա։ Նրանք այնպես են անում, որ խաթարվի ամերիկյան հեգեմոնիան, իսկ այն կանոնները, որոնք Միացյալ Նահանգները կսահմանեն այլ երկրների զսպման և ճնշելու համար, կվիճարկվեն և կմերժվեն»։

Լուր / Կարդալ ավելին՝ 人民網日本 Դիտումներ՝ 92 | 07.05.2022 / Նոր աշխարհակարգ, Չինաստան-ԱՄՆ, Չինաստան

Հռոմի Պապ Ֆրանցիսկոսը հայտարարել է, որ պատրաստ է մեկնել Մոսկվա ՝ հանդիպելու ՌԴ նախագահ Վլադիմիր Պուտինին։ Ուկրաինայում ռուսական հատուկ գործողության մեկնարկից  20 օր անց Ֆրանցիսկոսը ուղերձ էր հղել Պուտինին՝ ցանկություն հայտնելով հանդիպել վերջինի հետ, սակայն մինչ օրս Մոսկվայից պատասխան չի ստացել։ Ավելի վաղ Հռոմի պապը Համայն Ռուսիո պատրիարք Կիրիլին առաջարկել էր միասին  դառնալ «իսկական խաղաղապահներ»՝ օժանդակելու Ուկրաինայում Ռուսաստանի հատուկ գործողությունների դադարեցմանը։ 

Լուր / Կարդալ ավելին՝ Lenta.ru Դիտումներ՝ 76 | 03.05.2022 / Վլադիմիր Պուտին, Հռոմի պապ, պատրիարք Կիրիլ, Ֆրանցիսկոս պապ

Ուկրաինայում Ռուսաստանի հատուկ ռազմական գործողությունը կավարտվի, երբ իրագործվեն դրված նպատակները, հայտարարել է ՌԴ ԱԳ նախարար Սերգեյ Լավրովը: Նա հիշեցրել է, որ հատուկ գործողության նպատակն է պաշտպանել Ուկրաինայի արևելքում քաղաքացիական բնակչությանը և հետևել, որպեսզի Ուկրաինայի տարածքից ոչ մի սպառնալիք չլինի այդ բնակչության և Ռուսաստանի համար:

Լուր / Կարդալ ավելին՝ Российская газета Դիտումներ՝ 106 | 30.04.2022 / Ռուսաստան, հատուկ գործողություններ, Ուկրաինական ճգնաժամ, Սերգեյ Լավրով

Ռուսաստանի արտաքին հետախուզության ծառայության տնօրեն Սերգեյ Նարիշկինը հայտնել է Վարշավայի և Վաշինգտոնի կողմից Ուկրաինայում Լեհաստանի «պատմական հողերի» նկատմամբ վերահսկողություն սահմանելու ծրագրերի մշակման մասին: «Վերամիավորման» առաջին փուլը պետք է լինի լեհական զորքերի մուտքը Ուկրաինայի արևմտյան շրջաններ՝ «ռուսական ագրեսիայից պաշտպանվելու» կարգախոսի ներքո: Նախնական պայմանավորվածություններով այն կընթանա առանց ՆԱՏՕ-ի մանդատի, սակայն «ցանկացող պետությունների» մասնակցությամբ։ 

Լուր / Կարդալ ավելին՝ ТАСС Դիտումներ՝ 124 | 28.04.2022 / Լեհաստան, «պատմական հողեր», ԱՄՆ, Սերգեյ Նարիշկին, Ուկրաինա


Դելին հրաժարվում է միջազգային բոլոր խնդիրները հասցնել ուկրաինական ճգնաժամին։ Հնդկաստանի ղեկավարության ներկայացուցիչները Դելիում կայացած Raisina Dialogue 6-րդ միջազգային խորհրդաժողովում հայտարարել են. «Ուկրաինայի շուրջ հակամարտությունում Հնդկաստանը չի դառնա արևմտյան կոալիցիայի մի մասը, որը պատժամիջոցային պատերազմ է մղում Ռուսաստանի դեմ։ 

Լուր / Կարդալ ավելին՝ Коммерсантъ Դիտումներ՝ 95 | 28.04.2022 / Հնդակաստան, Ուկրաինական ճգնաժամ

Ապրիլի 26-ին Կրեմլում կայացել են ՌԴ նախագահ Վլադիմիր Պուտինի և ՄԱԿ-ի գլխավոր քարտուղար Անտոնիու Գուտերեշի բանակցությունները: Ռուսաստանի նախագահը նշել է, որ Մոսկվան չի հրաժարվում Կիևի հետ բանակցություններից: Նա նաև պնդում է, որ ՌԴ-ն իրավունք ուներ ճանաչել Դոնեցկի և Լուգանսկի ժողովրդական հանրապետությունների անկախությունը և ռազմական օգնություն ցուցաբերել նրանց: Ըստ նրա՝ հատուկ ռազմական գործողությունն սկսվել է «ՄԱԿ-ի Կանոնադրության VII բաժնի 51-րդ հոդվածին համապատասխան»:

Լուր / Կարդալ ավելին՝ Газета.Ru Դիտումներ՝ 94 | 27.04.2022 / Վլադիմիր Պուտին, ՄԱԿ, Անտոնիու Գուտերեշ, Ուկրաինական ճգնաժամ


ՄԱԿ-ում կարծում են, որ միջուկային պատերազմը աշխարհում աներևակայելի է: Միաժամանակ ՄԱԿ գլխավոր քարտուղարի գրասենյակի հայտարարության մեջ ասված է, որ քիմիական և կենսաբանական զենքի կիրառումը սարսափելի հետևանքներ կունենա:

Լուր / Կարդալ ավելին՝ TASS | Դիտումներ՝ 90 | 20.04.2022 / ՄԱԿ, միջուկային պատերազմ, կենսաբանական զենք


Յոթի խմբի արտաքին գործերի նախարարությունների ղեկավարներն անհանգստություն են հայտնել Ուկրաինայի միջուկային օբյեկտներում միջադեպերի հնարավորության պատճառով: «Մենք խորն անհանգստություն ենք հայտնում Ռուսաստանի կողմից (Ուկրաինայում) միջուկային օբյեկտների նկատմամբ եւ այլ գործողությունների բռնի վերահսկողություն հաստատելու կապակցությամբ: Դա զգալիորեն մեծացնում Է միջուկային վթարի կամ միջադեպի ռիսկը, ինչն սպառնում Է Ուկրաինայի, ինչպես նաև հարևան պետություններին ու ամբողջ միջազգային հանրակցությանը»,- ասված է G7-ի հայտարարության մեջ

Մեջբերում / Կարդալ ավելին՝ Արմենպրես | Դիտումներ՝ 81 | 07.04.2022 / G7, Մեծ յոթնյակ, Յոթի խումբ

ՄԱԿ-ի Գլխավոր ասամբելայում Մարդու իրավունքների խորհրդին Ռուսաստանի անդամակցության հարցը կդրվի քվեարկության։ ԱՄՆ-ը ձգտում է հասնել նրան, որ Ռուսաստանը հանվի Խորհրդից։ ՄԱԿ-ի Գլխավոր ասամբլեայում քվեարկության ժամանակ Ռուսաստանին ՄԻԽ-ից հանելու համար անհրաժեշտ կլինի ստանալ ձայների երկու երրորդը։

Լուր / Կարդալ ավելին՝ The Times of Israel | Դիտումներ՝ 90 | 07.04.2022 / Մարդու իրավունքներ

Մեծ յոթնյակի (G7) պետությունները ռուսական բանկերի դեմ նոր են նախապատրաստում։ Մասնավորապես, համաձայնացվել են ռուսական նավթի, գազի ու ածխի ներկրումից հրաժարվելու ժամկետները։ Մեծ Բրիտանիան Մեծ յոթնյակի գործընկերներին կոչ է արել նաև փակել նավահանգիստները ռուսական նավերի համար։ Ավելի վաղ հաղորդվել էր, որ այս շաբաթ հանդիպելու են G7-ի և ՆԱՏՕ-ի երկրների ԱԳ նախարարները։ 

Լուր / Կարդալ ավելին՝ The Telegraph | Դիտումներ՝ 93 | 07.04.2022 / Մեծ յոթնյակ, G7

Եվրախորհրդարանի պատգամավորներ Լուկաս Ֆուրլասի և Ֆրանսուա-Քսավյե Բելամիի նախաձեռնությամբ բոլոր գլխավոր քաղաքական խմբակցություններից 43 Եվրապատգամավոր նամակ են հղել Եվրոպայի Խորհրդի նախագահ Շառլ Միշելին և Եվրոպայի Արտաքին գործողությունների ծառայության Բարձր Ներկայացուցիչ Ժոզեփ Բորրելլին։ Եվրապատգամավորները ահազանգում են Արցախում Ադրբեջանի կողմից բնիկ հայ բնակչության նկատմամբ իրականացվող էթնիկ զտման քաղաքականության վերաբերյալ։ Նրանք ԵՄ գործադիր ղեկավարներին կոչ են անում օգտագործել Եվրամիության տրամադրության տակ գտնվող բոլոր լծակները Ադրբեջանի վրա ճնշում գործադրելու համար, որպեսզի այդ երկիրը վերջ տա Արցախում իր ագրեսիվ քաղաքականությանը, անհապաղ հետ քաշի իր զինված ուժերը ելման դիրքեր և դադարեցնի ցանկացած գործողություն, որը կարող է վտանգել Լեռնային Ղարաբաղի բնիկ հայ բնկաչության անվտանգությունն ու բարեկեցությունը։

Լուր / Կարդալ ավելին՝ ԱՐՄԵՆՊՐԵՍ | Դիտումներ՝ 85 | 07.04.2022 / էթնիկ զտումներ, Ժոզեփ Բորրելի, Շառլ Միշել


ՄԱԿ Մարդու իրավունքների խորհրդի 49-րդ նստաշրջանի ընթացքում մարտի 31-ին կոնսենսուսով ընդունվել է Հայաստանի կողմից առաջադրված «Ցեղասպանության կանխարգելում» բանաձևը: Այն, գնահատելով ներկայիս վտանգներն ու մարտահրավերները, նախանշում է այն քայլերը, որոնք պետք է միասնականորեն իրականացվեն ՄԱԿ անդամ երկրների կողմից ցեղասպանության արհավիրքը կանխելու, դրա ճանաչման, արդարության վերականգման, փոխհատուցման, մեղավորներին պատժելու և հաշվետվողականություն ապահովելու ուղղությամբ: Բանաձևը լայն աջակցություն է վայելում բոլոր հինգ տարածաշրջանային խմբերը ներկայացնող երկրների կողմից։

ՄԱԿ Մարդու իրավունքների խորհրդի 49-րդ նստաշրջանի ընթացքում Հայաստանի կողմից առաջադրված բանաձևի ընդունման վերաբերյալ

Տեղեկություն / Կարդալ ավելին՝ ՀՀ ԱԳՆ | Դիտումներ՝ 118 | 01.04.2022 / Ցեղասպանության կանխարգելում

Հարավային Կորեայի դատախազությունը պաշտոնական մեղադրանքներ է ներկայացրել երկրի բնակչուհուն, որը դարձել է «օմիկրոն» շտամով վարակվելու հաստատված դեպքի առաջին պացիենտը: Կինը կասկածվում է ինֆեկցիոն հիվանդությունների դեմ պայքարի մասին օրենքը խախտելու համար։ Գործը փոխանցվել է Ինչհոն քաղաքի դատարան, առաջին լսումները նշանակված են մայիսի 31-ին:

Լուր / Կարդալ ավելին՝ Yonhap | Դիտումներ՝ 112 | 01.04.2022 / Հարավային Կորեա, օմիկրոն

ՄԱԿ Մարդու իրավունքների խորհրդի նախագահ Ֆեդերիկո Վիլեգասի գլխավորությամբ ստեղծվել է միջազգային անկախ հանձնաժողով, որը կհետաքննի Ուկրաինայում Ռուսաստանի հնարավոր ռազմական հանցագործությունները: Հանձնաժողովն ի սկզբանե ստեղծվել է մեկ տարի ժամկետով։
 

Լուր / Կարդալ ավելին՝ ՄԱԿ | Դիտումներ՝ 104 | 31.03.2022 / ՄԱԿ

Եվրոպական խորհրդի նախագահ Շառլ Միշելը ապրիլի 6-ին Բրյուսելում համատեղ հանդիպում կանցկացնի Հայաստանի վարչապետ Նիկոլ Փաշինյանի և Ադրբեջանի նախագահ Իլհամ Ալիևի հետ։ 

Լուր / Կարդալ ավելին՝ ԱՐՄԵՆՊՐԵՍ | Դիտումներ՝ 125 | 31.03.2022 / Իլհամ Ալիև, Շառլ Միշել, Նիկոլ Փաշինյան

ՄԱԿ-ը ստուգում է համացանցում հայտնված Ուկրաինայում ռազմագերիների կտտանքների մասին նյութերը, դրանք «լուրջ մտահոգություն են առաջացնում», հայտարարել է կազմակերպության ներկայացուցիչ Մատիլդա Բոգները:  Անցած հանգստյան օրերին սոցիալական ցանցերում հայտնվել են տեսագրություններ, որոնցում, ենթադրաբար, կրակում են ռազմագերիների ոտքերին։ «Որոշ տվյալներով ՝ հակաիրավական գործողությունները տեղի են ունեցել Խարկովի մարզում ուկրաինացի ազգայնականների բազաներից մեկում»,- ասված էր Ռուսաստանի Քննչական կոմիտեի հայտարարության մեջ: «Ովքեր մասնակցել են այդ խոշտանգումներին, ենթակա են հետապնդման։ Նրանք պետք է պատասխանատվություն կրեն իրենց գործողությունների համար»,- ասել է Ռուսաստանի նախագահի մամուլի քարտուղար Դմիտրի Պեսկովը։

Լուր / Կարդալ ավելին՝ РБК | Դիտումներ՝ 134 | 29.03.2022 / խոշտանգումներ, Մատիլդա Բոգներ, Դմիտրի Պեսկով

1 2 »
ԴԵՊԻ ՎԵՐ