Հյուսիսային Կորեան հրթիռային երեք արձակում է իրականացրել Ճապոնական ծովի ուղղությամբ, ինչը խիստ մտահոգել է Հարավային կորեային և Ճապոնիային: Ի պատասխան Հյուսիսային Կորեայի հերթական փորձարկումների՝ Հարավային Կորեայի զինվորականներն ամերիկացի գործընկերների հետ 2 հրթիռ են արձակել։ Ճապոնիան բողոքի նոտա է հղել Հյուսիսային Կորեային՝ Պեկինում գտնվող դեսպանատան միջոցով:

Աֆղանստանում իշխանության եկած թալիբները խոստացել են թույլ տալ աղջիկներին սովորել վեցերորդ դասարանից հետո: Ըստ արմատականների կողմից ձևավորված ժամանակավոր կառավարության ներքին գործերի նախարար Սիրաջուդդին Հաքքանիի՝ իշխանությունները ներկայումս մշակում են մեխանիզմ՝ դա հնարավոր դարձնելու համար: «Ոչ ոք դեմ չէ կրթությանը, և կանանց և աղջիկներին արդեն թույլատրվում է դպրոց հաճախել մինչև վեցերորդ դասարան։ Ինչ վերաբերում է կրթության շարունակմանը, այդ մեխանիզմի վրա աշխատանքները շարունակվում են»,- ասել է Հաքքանին։

Պակիստանի հյուսիսում հանկարծակի վարարումները քանդել են գլխավոր կամուրջներից մեկը, ինչն անհանգստություն է առաջացնում երկրում ջերմաստիճանի բարձրացման պատճառով՝ սառցե լճերի հեղեղումների հաճախացման կապակցությամբ:

— AFP News Agency (@AFP) May 11, 2022

 Աֆղանստանում իշխանությունը զավթած ծայրահեղական «Թալիբան» շարժումը պաշտոնապես հայտարարել է, որ ողջ երկրի տարածքում կանանց կողմից հիջաբի կրումը պարտադիր է: Նշվում է, որ կնոջ կողմից հասարակական վայրերում հիջաբ կրելու կանոնի պարբերական խախտման պարագայում նրա ամուսինը կամ հայրը կարող է ազատազրկվել: Պետական կառույցներում աշխատող և հիջաբի կրման օրենքը չպահպանող կանայք պետք է հեռացվեն պաշտոններից: 

 Շուրջ 7 միլիարդ դոլարի ռազմական սարքավորումը, որն ԱՄՆ-ն աֆղանական կառավարությանն Է հանձնել 16 տարվա ընթացքում, Աֆղանստանում Է մնացել ամերիկյան զորքերի դուրսբերումից հետո։ 2005 թվականից մինչև 2021 թվականի օգոստոս ԱՄՆ-ն Աֆղանստանին Է հանձնել 18,6 մլրդ դոլար ընդհանուր գումարի սարքավորում: Այդ գումարից 7,12 մլրդ դոլար գումարի սարքավորումն Աֆղանստանում Է մնացել 2021 թվականի օգոստոսի 30-ին ԱՄՆ-ի զորքերի դուրսբերումն ավարտվելուց հետո:

Չինաստանում հարցում են անցկացրել՝ պարզելու բնակչությանը դիրքորոշումը Ուկրաինայում ռուսական հատուկ գործողությանը Պեկինի աջակցության վերաբերյալ։ Հարցվածների 75%-ի կարծիքով՝ ընթացիկ ճգնաժամի պայմաններում Չինաստանի կողմից Ռուսաստանին աջակցությունը բխում է Չինաստանի ազգային շահերից։