01:08, 28.06.2022

Լուրեր մեկ պարբերությամբ

ArmenLur

Ողջ ճշմարտությունը Հայաստանի մասին


Դասավորել ըստ՝ ամսաթվի · վերնագրի · դիտումների

Ըստ՝ ՀՀ-ում ԱՄՆ արտակարգ և լիազոր դեսպան Լին Թրեյսիի՝ Միացյալ Նահանգները համոզված է, որ Հարավային Կովկասի տարածաշրջանի խաղաղ, ժողովրդավարական և բարեկեցիկ ապագայի համար առանցքային է Լեռնային Ղարաբաղի հակամարտության հետ կապված կամ դրանից բխող բոլոր չկարգավորված հարցերի բանակցային, համապարփակ ու կայուն կարգավորումը: «Անշուշտ, Միացյալ Նահանգների դիրքորոշումն այն է, որ Լեռնային Ղարաբաղի կարգավիճակի հարցը դեռեւս մնում է չլուծված», - վերահաստատել է ԱՄՆ դեսպանը՝ ընդգծելով, որ հակամարտությունը ռազմական լուծում չունի:

Մեջբերում / Կարդալ ավելին՝ Արմենպրես Դիտումներ՝ 58 | 19.05.2022 / ԼՂ կարգավիճակ, Լին Թրեյսի

Ադրբեջանի արտաքին գործերի նախարար Ջեյհուն Բայրամովը հայտարարել է, թե ռուսաստանցի խաղաղապահները Արցախում տեղակայված են եռակողմ հայտարարության հիման վրա։ հայտարարել է։ «Խաղաղապահները ժամանակավոր են տեղակայված Ադրբեջանի Ղարաբաղի շրջանում և այնտեղ կշարունակեն իրենց գործունեությունը։ Նրանք կատարում են իրենց գործառույթները։ Իհարկե, ժամանակ առ ժամանակ ինչ-որ հարցեր են ծագում, և այդ հարցերը հիմնականում կապված են Ղարաբաղի շրջանում հայկական զինվորական կազմավորումների ներկայության և այդ տարածքներ անօրինական այցելությունների հետ»,-ասել է Բայրամովը։

Լուր / Կարդալ ավելին՝ Day.az Դիտումներ՝ 65 | 10.05.2022 / Ջեյհուն Բայրամով, Ղարաբաղ, խաղաղապահներ

Ադրբեջանի նախագահի արտաքին քաղաքական հարցերով խորհրդական Հիքմաթ Հաջիևը հայտարարել է, որ Շուշիում անցկացվելու է նոր միջազգային կոնֆերանս։ «Հարավային Կովկասի զարրգացումն ու համագործակցությունը» խորագրով գիտաժողովը կանցկացվի միջազգային վերլուծական կենտրոնների հետ համատեղ՝ «Shusha Majlis Discussion» ձևաչափով։

Լուր / Կարդալ ավելին՝ Twitter Դիտումներ՝ 62 | 28.04.2022 / Շուշի, Հիքմաթ Հաջիև, Ադրբեջան

Միավորված ազգերի կազմակերպությունում (ՄԱԿ) որպես պաշտոնական փաստաթուղթ տարածվել է «2022 թվական փետրվար-մարտ ամիսներին Ադրբեջանի կողմից Արցախի բնակչության իրավունքների խախտումների մասին» Արցախի Հանրապետության մարդու իրավունքների պաշտպանի զեկույցը։ Այս մասին նշված է Արցախի ՄԻՊ աշխատակազմի տարածած հաղորդագրության մեջ:

Լուր / Կարդալ ավելին՝ Արմենպրես | Դիտումներ՝ 47 | 27.04.2022 / ՄԱԿ, Արցախ, ՄԻՊ


Դավիթ Բաբայան․ «Արցախն Ադրբեջանի կազմում ընդգրկելու ցանկացած փորձ կբերի արյունահեղության, կհանգեցնի Արցախի կործանմանը, որից հետո Հայաստանի անհետացումը միայն ժամանակի խնդիր կլինի։ Այո, հայ-ադրբեջանական հարաբերություններն ու ադրբեջանա-ղարաբաղյան հակամարտությունը փոխկապակցված գործընթացներ են, բայց, այնուամենայնիվ, դրանք պետք է դիտարկել առանձին, որովհետև առանձին գործընթացներ են: Արցախի հաշվին չի կարող լինել Հայաստանի և Ադրբեջանի միջև հարաբերությունների կարգավորումը»։

Մեջբերում / Կարդալ ավելին՝ GalaTV | Դիտումներ՝ 67 | 25.04.2022 / հայ-ադրբեջանական, Դավիթ Բաբայան, Արցախ


ՌԴ նախագահ Վլադիմիր Պուտինը և Եվրախորհրդի նախագահ Շառլ Միշելը հեռախոսազրույցի ընթացքում անդրադարձել են նաև Լեռնային Ղարաբաղում կայունության և անվտանգության ապահովման հարցերին, այդ թվում ՝ հաշվի առնելով նրանց շփումները Հայաստանի և Ադրբեջանի ղեկավարների հետ: Վերահաստատվել է Մոսկվայի, Երևանի և Բաքվի եռակողմ պայմանավորվածությունների հետևողական կատարման սկզբունքային կարևորությունը: Ռուսաստանի նախագահը հայտնել է տնտեսական և տրանսպորտային կապերի վերականգնման նախագծերի իրականացման, ինչպես նաև հայ-ադրբեջանական սահմանի դելիմիտացիայի գործընթացի գործարկման և խաղաղ պայմանագրի մշակման շուրջ բանակցությունների քայլերի մասին:

Լուր / Կարդալ ավելին՝ Российская газета | Դիտումներ՝ 61 | 23.04.2022 / ԼՂ հիմնախնդիր, Վլադիմիր Պուտին, Շառլ Միշել

Ռուսաստանի Դաշնության պաշտպանության նախարարության տեղեկագիրը հայտնում է, որ Արցախի Հանրապետությունում տեղակայված ռուսական խաղաղապահ զորախմբի պատասխանատվության գոտում ապրիլի 18-ին խախտումներ չեն արձանագրվել։ Պարեկություն է իրականացվել Ասկերանի, Մարտակերտի, Մարտունու շրջաններում և Լաչինի միջանցքում: Ապահովվել է նաև Դադիվանքի, Ամարասի և Գանձասարի վանքում գտնվող ուխտավորների ուղեկցությունը:
 

Լուր / Կարդալ ավելին՝ МО РФ | Դիտումներ՝ 66 | 19.04.2022 / խաղաղապահներ, սահման


Արցախի Հանրապետության նախագահ Արայիկ Հարությունյանն այցելել է ԱՀ պաշտպանության նախարարություն և հանդիպել ՊԲ բարձրագույն հրամանատարական կազմի հետ: Երկրի ղեկավարը մանրամասն անդրադարձել է առկա ռազմաքաղաքական իրավիճակի վերջին զարգացումներին: Արայիկ Հարությունյանն ընդգծել է, որ պաշտպանական բոլոր ծրագրերը պետք է համադրված լինեն Արցախում տեղակայված ռուսական խաղաղապահ զորակազմի գործառույթների հետ՝ ավելացնելով, որ գերխնդիրը շարունակում է մնալ Արցախի ժողովրդի խաղաղ և ինքնիշխան կյանքի ապահովումը:

Լուր / Կարդալ ավելին՝ ԱՀ նախագահի աշխատակազմ | Դիտումներ՝ 67 | 15.04.2022 / Արայիկ Հարությունյան, ՊԲ

Այսօր Արցախի Հանրապետության Ազգային ժողովի նախագահ Արթուր Թովմասյանը ԱԺ խմբակցության ղեկավարների և աշխատակազմի պատասխանատուների մասնակցությամբ հրավիրել է աշխատանքային խորհրդակցություն։ Խորհրդակցության ընթացքում որոշվել է ապրիլի 14-ին՝ ժամը 19:00-ին, գումարել ԱՀ Ազգային ժողովի արտահերթ նիստ՝ Ազգային ժողովի հայտարարության մասին օրակարգով։

Լուր / Կարդալ ավելին՝ Արցախի ԱԺ | Դիտումներ՝ 48 | 14.04.2022 / արտահերթ նիստ, Արցախի ԱԺ

ԱՀ նախագահ Արայիկ Հարությունյանը Մարտակերտում համայնքի պատասխանատուների հետ հանդիպմանն անդրադարձել է Արցախում տիրող ռազմաքաղաքական իրավիճակին։ Հարությունյանը շեշտել է, որ հակամարտության գոտում հարաբերական և փխրուն խաղաղության ապահովումը հնարավոր է ռուսական խաղաղապահ ուժերի շնորհիվ, և Արցախի ժողովրդի ու իշխանությունների համոզմամբ նրանց ներկայությունը պետք է լինի երաշխավորված ու անժամկետ՝ զինծառայողների և զինտեխնիկայի համապատասխանաբար ավելացմամբ։

Մեջբերում / Կարդալ ավելին՝ Արցախի նախագահի աշխատակազմ | Դիտումներ՝ 67 | 13.04.2022 / Արայիկ Հարությունյան, խաղաղապահներ

ՀՀ արտաքին գործերի նախարարությունը հայտարարություն է տարածել, որում մտահոգություն է արտահայտված այն փաստով, որ Լեռնային Ղարաբաղում ՌԴ խաղաղապահ զորախմբի ծառայողները չեն թույլատրել ՀՀ Ազգային ժողովի մի խումբ պատգամավորների մուտքը Լեռնային Ղարաբաղ: «Նշված գործողությունը հակասում է 2020թ. նոյեմբերի 9-ի եռակողմ հայտարարությանը, որով նախատեսվում է Լաչինի միջանցքով Լեռնային Ղարաբաղի անխափան կապը Հայաստանի հետ: Հայտարարության բոլոր կողմերը պետք է խստորեն հետևեն դրա տառին և ոգուն, ինչպես նաև իրականացնեն ստանձնած պարտավորությունները»,- ասված է հայտարարության մեջ: Ավելի վաղ ՀՀ ԱԺ փոխնախագահ Իշխան Սաղաթելյանը հայտնել էր, որ ՀՀ խորհրդարանի ընդդիմադիր պատգամավորներին թույլ չեն տվել մուտք գործել Արցախ։

Լուր / Կարդալ ավելին՝ ԱՐՄԵՆՊՐԵՍ | Դիտումներ՝ 61 | 13.04.2022 / Հայաստան-Արցախ, խաղաղապահ զորախումբ

Արցախի նախագահ Արայիկ Հարությունյանը  Ասկերանում հայտարարել է, թե պետք է հասկանանք ինչ է սպասվում մեզ, քանի որ թևակոխում ենք ծանր, նոր փուլ՝ կապված  ռուս-ուկրաինական ռազմական գործողություններով, որը կարող է խախտել  տարածաշրջանը։  Հարությունյանը այցելել է նաև Խրամորթ և Խնապատ համայնքներ, բնակիչների հետ քննարկել ստեղծված իրավիճակը, անելիքների հետ կապված տվել մի շարք հանձնարարականներ: 

Լուր / Կարդալ ավելին՝ ԱՀ նախագահի աշխատակազմ | Դիտումներ՝ 60 | 12.04.2022 / Արցախյան խնդիր, Արայիկ Հարությունյան


Ֆրանսիան վերահաստատում է իր լիակատար հանձնառությունը Հարավային Կովկասի տարածաշրջանում խաղաղության և կայունության հաստատմանը ինչպես երկկողմ հիմքով, այնպես էլ որպես Եվրամիության խորհրդի նախագահ և Մինսկի խմբի համանախագահ։ «Այդ կարգավիճակով Ֆրանսիան շարունակում է աշխատել Հայաստանի և Ադրբեջանի հետ, որպեսզի առաջընթաց գրանցվի հումանիտար հարցերում, և շարունակում է աջակցել սահմանների սահմանազատման աշխատանքներին, տարածաշրջանի մեկուսացումը վերացնելու գործընթացին, ժառանգության պահպանմանը, երկու երկրների միջեւ խաղաղության պայմանագրի կնքմանը եւ Լեռնային Ղարաբաղի հիմնախնդրի կարգավորմանը»,-ասված է Ֆրանսիայի ԱԳՆ հայտարարության մեջ։

Տեղեկություն / Կարդալ ավելին՝ ԱՐՄԵՆՊՐԵՍ | Դիտումներ՝ 54 | 12.04.2022 / ղարաբաղյան հակամարտություն, Մինսկի խումբ

Ադրբեջանի Պաշտպանության նախարար Զաքիր Հասանովն այցելել է Արցախի օկուպացված Քաշաթաղ և Քարվաճառ շրջաններ։ Նա ստուգել է Հայաստանի հետ սահմանին գտնվող մարտական ​​դիրքերը, ինչպես նաև մի շարք ռազմական օբյեկտներում շինարարության ընթացքը։

Լուր / Կարդալ ավելին՝ https://minval.az/news/124238583 | Դիտումներ՝ 58 | 08.04.2022 / շփման գոտի, Զաքիր Հասանով


Արցախի բռնազավթված տարածքներում ականների պայթյունից սպանվել է 37 և վիրավորվել 160 ադրբեջանցի։ Ադրբեջանի զինուժը թուրքական բանակի սակրավորների ստորաբաժանման օգնությամբ ականազերծման աշխատանքներ է անում Արցախի բռնազավթված տարածքներում և հարակից շրջաններում։ 2020-ի նոյեմբերի 10-ին ստորագրված եռակողմ հայտարարությունից հետո մինչև օրս ականազերծվել է 23.000 հեկտար մակերեսով գոտի։

Տեղեկություն / Կարդալ ավելին՝ Anadolu | Դիտումներ՝ 55 | 07.04.2022 / բռնազավթված տարածքներ


Հայաստանի վարչապետ Նիկոլ Փաշինյանը եւ Ադրբեջանի նախագահ Իլհամ Ալիևը Լեռնային Ղարաբաղում մարտ ամսին արձանագրված սրացումից հետո առաջին անգամ հանդիպեցին։  Բանակցությունների վայրը դարձել Բրյուսելն էր, իսկ միջնորդը՝ Եվրոպական խորհրդի նախագահ Շառլ Միշելը։ Փորձագետները միաբերան պնդում են՝ ԵՄ-ն հավակնում է Հայաստանի և Ադրբեջանի միջև գլխավոր միջնորդի դերին ՝ հաշվի առնելով, որ Ռուսաստանը Ուկրաինայում «հատուկ ռազմական գործողության» հետ կապված Ղարաբաղի համար ամենևին ժամանակ չունի։

Ազդագիր / Կարդալ ավելին՝ Коммерсантъ | Դիտումներ՝ 63 | 07.04.2022 / Իլհամ Ալիև, Նիկոլ Փաշինյան, Շառլ Միշել

2022 թվականի հունվար-մարտ ամիսների ընթացքում Արցախի Հանրապետության պետական բյուջե է մուտքագրվել 9,325.3 մլն դրամ հարկային եկամուտներ և տուրքեր` պլանավորված 7,500 մլն դրամ ցուցանիշը գերազանցելով 24.3 տոկոսով կամ 1,825.3 մլն դրամով: Հավաքագրված եկամուտները, նախորդ տարվա նույն ժամանակահատվածի համեմատ, գերակատարվել են 95 տոկոսով կամ ավել է հավաքագրվել 4,543.3 մլն դրամ:

Տեղեկություն / Կարդալ ավելին՝ ԱՀ ՊԵԿ | Դիտումներ՝ 76 | 04.04.2022 / հարկային եկամուտներ

ՀՀ Առաջին նախագահ Լևոն Տեր-Պետրոսյանն ապրիլի 3-ին իր առանձնատանը հանդիպել է ԼՂՀ նախագահ Արայիկ Հարությունյանի հետ: «Ֆեյսբուք»-ի իր էջում տեղեկացրել է «Հայ ազգային կոնգրես» կուսակցության խոսնակ Արման Մուսինյանը։ «Զրույցի ընթացքում երկուստեք կարևորվել է, որ ռուս-ուկրաինական պատերազմի ընթացիկ փուլում, թե՛ Արցախի ու Հայաստանի իշխանություններից, և թե՛ ընդդիմադիր ուժերից գերզգույշ հռետորաբանություն և գործողություններ են պահանջվում ներքաղաքական հակասությունները չսրելու և Հայաստանի ու Արցախի վիճակն ավելի ևս չբարդացնելու նպատակով»,- ասվում է գրառման մեջ:

Լուր / Կարդալ ավելին՝ facebook | Դիտումներ՝ 106 | 03.04.2022 / Արայիկ Հարությունյան, Լևոն Տեր-Պետրոսյան


Հարավային Կովկասում Եվրոպական խորհրդարանի պատվիրակության ղեկավար Մարինա Կալյուրանդ.

«Կոչ եմ անում անհապաղ դուրս բերել ադրբեջանական ուժերը Արցախի շփման գծից։ Շեշտում եմ, որ Ադրբեջանը շտապ կարգով պետք է թույլ տա ՅՈՒՆԵՍԿՕ-ի անկախ տեխնիկական առաքելությանը մուտք գործել տարածաշրջան»:

Մեջբերում / Կարդալ ավելին՝ Հորիզոն | Դիտումներ՝ 83 | 03.04.2022 / շփման գիծ, ԵԽ, Մարինա Կալյուրանդ

Ադրբեջանի իշխանությունները հրաժարվում են ադրբեջանա-ղարաբաղյան հակամարտության խաղաղ կարգավորման շուրջ բանակցություններից, շարունակում են խախտել իրենց պարտավորությունները և չեն դադարեցնում ագրեսիվ գործողությունները։ Մենք միջազգային հանրությունից ակնկալում ենք հստակ քաղաքական քայլեր, որոնք երաշխավորում են Արցախի ժողովրդի կողմից իր հավաքական իրավունքների և մարդու ազատությունների իրացումը՝ առանց որևէ սահմանափակումների։

Տեղեկություն / Կարդալ ավելին՝ Արցախի ԱԳՆ | Դիտումներ՝ 59 | 02.04.2022 / Արցախի ԱԳՆ
1 2 3 »
ԴԵՊԻ ՎԵՐ