10:50, 29.03.2024

Լուրեր մեկ պարբերությամբ

ArmenLur

Ողջ ճշմարտությունը Հայաստանի մասին


Դասավորել ըստ՝ ամսաթվի · վերնագրի · դիտումների

«Պատիվ ունեմ» խմբակցության ղեկավար Արթուր Վանեցյանը կոչ է անում քաղաքացիներին գալ Ազատության հրապարակ և քննարկել երկրի առջև ծառացած մարտահրավերները: Վանեցյանը ապրիլի 17-ին ազդարարել էր փողոցային պայքարի մեկնարկը, պահանջելով ՀՀ վարչապետ Նիկոլ Փաշինյանի հրաժարականը:

Լուր / Տեսնել ավելին՝ ԱՐՄԵՆՊՐԵՍ | Դիտումներ՝ 253 | 18.04.2022 / Արթուր Վանեցյան, Նիկոլ Փաշինյան, ներքաղաքական, քաղաքական թատրոն

Երևանում պղծել են ՀՀ ազգային հերոս Լեոնիդ Ազգալդյանի հուշաքարը: Արցախյան ազատամարտի հերոսի կիսանդրին գտնվում է Մաշտոցի պողոտայի և Մովսես Խորենացու փողոցի խաչմերուկում, տեղադրվել է 2002 թվականի դեկտեմբերի 11-ին։ Քանդակագործն է Տիգրան Արզումանյանը։

Լուր / Տեսնել ավելին՝ Facebook | Դիտումներ՝ 269 | 14.04.2022 / Լեոնիդ Ազգալդյան, արցախյան հերոսներ

ՀՀ նախկին գլխավոր դատախազ Աղվան Հովսեփյանը մեղադրվում է ձեռնարկատիրական գործունեությանն ապօրինի մասնակցելու, առանձնապես խոշոր չափերով կաշառք ստանալու, փողերի լվացման համար։ Հովսեփյանի վերաբերյալ քննված քրեական գործի նախաքննությունն ավարտվել է: Գործը մեղադրական եզրակացությամբ հանձնվել է հսկողություն իրականացնող դատախազին` այն հաստատելու և դատարան ուղարկելու միջնորդությամբ:

Լուր / Տեսնել ավելին՝ Հակակոռուպցիոն կոմիտե | Դիտումներ՝ 278 | 12.04.2022 / Աղվան Հովսեփյան, կոռուպցիա

2021-2022 ուսումնական տարին կավարտվի 2022 թվականի հունիսի 3-ին՝ 5-օրյա աշխատանքային շաբաթվա դեպքում, և հունիսի 6-ին՝ 6-օրյա աշխատանքային շաբաթվա դեպքում: Այսպիսով, ուստարվա ընթացքում կապահովվի առնվազն 30 ուսումնական շաբաթ՝ 1-ին, 32՝ 2-րդ և 34՝ 3-12-րդ դասարանների համար:

Տեղեկություն / Տեսնել ավելին՝ ԿԳՄՍՆ | Դիտումներ՝ 267 | 12.04.2022 / դպրոցական, ԿԳՄՍ

Բրիտանական հեղինակավոր The Sun և Mirror պարբերականները «Աշխարհի ամենատխուր կենդանաբանական այգում․ 30 տարի վանդակում փակված կույր արջի տանը» վերատառությամբ հոդված են հրապարակել՝ անդրադարձ կատարելով Հայաստանին։ Բրիտանական բարեգործական կազմակերպություններից մեկը նկարագրել է տեղի պայմանները որպես «ցնցող և ամենավատերից մեկը, որոնք կան»: Հոդվածագիրը նշում է՝ Հայաստանի կառավարության վրա ճնշում է գործադրվում՝ փակելու կենդանիների խարխուլ այգին։ 

Լուր / Տեսնել ավելին՝ The Sun | Դիտումներ՝ 284 | 11.04.2022 / Ամենա-ամենա, կենդանական աշխարհ, Անդրադարձ Հայաստանին

Ապրիլի 10-ին՝ ժամը 23։20-ի սահմաններում ոստիկանության Գորիսի բաժին «Գորիս» բժշկական կենտրոնից ահազանգ է ստացվել, որ «կրծքավանդակի աջ կեսի առաջային մակերեսի վերք, ձախ անոթափոսի վերք հրազենային բնույթի» ախտորոշմամբ՝ իրենց մոտ է տեղափոխվել քաղաքացու դի։ Պարզվել է՝ մահացածը Գորիս քաղաքի բնակիչ 56-ամյա Գուրգեն Խաչատրյանն է։ Աղբյուրի տեղեկություններով՝ սպանության կասկածանքով որոնվող Հ․ Սինանյանը Գորիսում հայտնի, ընդդիմադիր հայացքներ ունեցող քաղաքական գործիչներից մեկի ընկերն է։

Լուր / Տեսնել ավելին՝ Shamshyan | Դիտումներ՝ 273 | 11.04.2022 / սպանություններ, Գորիս, Սյունիք

ՀՀ նախկին վարչապետ Հովիկ Աբրահամյանի՝ Երևանի Ազատության պողոտայում գտնվող շքեղ առանձնատան վաճառքի ու մինչ վաճառքը առանձնատունը քրեական գործով կիրառված արգելանքից ազատելու պատմությունը շարունակում է քննարկումների առարկա լինել։ Բացի Աբրահամյանների ընտանիքին պատկանող առանձնատնից՝ նմանաբնույթ սխեմայով արգելանքներից ազատվել ու վաճառվել են նույն տարածքում գտնվող նախկին բարձրաստիճան պաշտոնյաների հողամասեր ևս։

Տեղեկություն / Տեսնել ավելին՝ Սիվիլնեթ | Դիտումներ՝ 255 | 08.04.2022 / «նախկիններ - ներկաներ», «նախկիններ»

Ավան վարչական շրջանի ղեկավարի տեղակալ Ներսես Պողոսյանն աշխատանքից ազատվելու դիմում է գրել։ Հիշեցնենք՝ վերջերս Պողոսյանի տանն իրականացրած խուզարկությամբ իրավապահները հայտնաբերել էին քիչ չափաբաժնով հաշիշ: Ավելի վաղ էլ նրա մոտ հայտնաբերվել էր կաթուցիչ։

Լուր / Տեսնել ավելին՝ Facebook | Դիտումներ՝ 263 | 08.04.2022 / վարչարարներ, Ներսես Պողոսյան

Խոշոր չափերով կաշառք ստանալու և դրան օժանադակելու կասկածանքով ձերբակալվել են «Վանաձորի սպասարկում» ՀՈԱԿ-ի տնօրենն ու աշխատակիցները: Մասնավորապես, գերեզմանատանը տարածքներ տրամադրելու համար 2021 թվականի հոկտեմբերից դեկտեմբերն ընկած ժամանակահատվածում գործով վկա անձանցից պահանջել և ՀՀ դրամով ու ԱՄՆ դոլարով ստացել են խոշոր չափերով կաշառք: Նախաքննությունը շարունակվում է:

Լուր / Տեսնել ավելին՝ Հակակոռուպցիոն կոմիտե | Դիտումներ՝ 320 | 07.04.2022 / կոռուպցիա


Հայաստանում կոմերցիոն սեռական ծառայություն մատուցող կանանց (ԿՍԿ) թիվը 2018 թվականին կազմել է 4600, իսկ 2021 թվականին՝ 8140 (աճը՝ 177 տոկոսով), տղամարդկանց հետ սեռական հարաբերություն ունեցող տղամարդկանց (նույնասեռականներ, ՏՍՏ) թիվը 2018-ին՝ 16.100, 2021-ին՝ 22.716 (աճը՝ 150 տոկոսով), տրանսգենդեր անձանց (ՏԳ) թիվը 2018-ին՝ 150, 2021-ին՝ 1.015 (աճը՝ 676 տոկոսով), թմրամիջոցների ներարկային օգտագործողների (ներարկող թմրամոլների, ԹՆՕ) 2018-ին՝ 8.900 տղամադր/105 կին, 2021-ին՝ 13.712 տղամարդ/398 կին (տղամարդկանց մոտ աճը՝ 154 տոկոսով, կանանց մոտ աճը՝ 379 տոկոսով):

Մեջբերում / Տեսնել ավելին՝ Facebook | Դիտումներ՝ 296 | 07.04.2022 / տրանսգենդերներ, վիճակագրություն

2022 թ․ ապրիլի 1-ին Ազգային ժողովն արտահերթ նիստում ընդունեց Տեղական ինքնակառավարման մարմինների մասին օրենքի անցումային դրույթները փոփոխող նախագիծ, որով ավագանու լիազորություները վաղաժամկետ դադարեցվում են, իսկ ՀՀ վարչապետը համայնքի ղեկավարի ժամանակավոր պաշտոնակատար է նշանակում, եթե ավագանու անդամների լիազորությունները ստանձնելուց 20 օրվա ընթացքում չի իրականացվում ավագանու առաջին նիստը կամ եթե երկշաբաթյա ժամկետում չի ընտրվում համայնքի ղեկավար: Այսքան հրատապ ընդունվող օրենսդրության հատվածային փոփոխությունը չի լուծում եղած խնդիրները, այլ գործիք է՝ ապագայում համանման իրավիճակը նույն՝ ոչ քաղաքական եղանակով լուծելու համար:

Տեղեկություն / Տեսնել ավելին՝ ՀՔԱՎ | Դիտումներ՝ 253 | 06.04.2022 / ՏԻՄ, օրինաշինություն

Սյունիքի Նորաշենիկ գյուղով հոսող գետում հայտնաբերվել են տղամարդու դի։ Փրկարարները դին  դուրս են բերել գետից։ Ըստ աղբյուրի՝ գետից դուրս բերված դին ապրիլի 3-ից որոնվող Նորաշենիկ գյուղի բնակիչ 44-ամյա Էդիկ Փ․-ն է, որն, ըստ նախնական տեղեկության, այդ օրը կամրջից Աճանան գետն էր նետվել։ 

Լուր / Տեսնել ավելին՝ ԱԻՆ | Դիտումներ՝ 240 | 06.04.2022 / անհետ կորած, դի

«Դասավանդի՛ր, Հայաստան»-ը սիրով հրավիրում է տարբեր ոլորտների մասնագետների՝ իրացնելու իրենց մասնագիտական հմտությունները, բացահայտելու իրենց ներուժն ու երեխաներին ապահովելու կրթական հավասար հնարավորություններով՝ դառնալով ուսուցիչ և աշխատելով մարզային համայնքներում բնակվող աշակերտների հետ: Մասնակիցները, ի հավելումն դպրոցի աշխատավարձի, կստանան ֆինանսական ամսական հավելյալ օժանդակություն` իրենց կեցության ծախսերը հոգալու համար։

Տեղեկություն / Տեսնել ավելին՝ Դասավանդի՛ր, Հայաստան | Դիտումներ՝ 283 | 06.04.2022 / ուսուցիչներ, դասավանդում

 Գյումրիում շենքերին «Տելեգրամ» ալիքների հասցեների գրությունների հայտնվելու փաստով Շիրակի մարզի դատախազությունը նյութեր է նախապատրաստում: Հայտնում է, որ  վերջին շրջանում կասկածելի տելեգրամյան ալիքների հղումներով գրություններ են հայտնվում Գյումրիի տարբեր շինությունների վրա։ Ըստ հաստատված տվյալների՝ դրանք թմրանյութերի օնլայն վաճառք իրականացնող տելեգրամյան ալիքների հասցեներ են։ 

Տեղեկություն / Տեսնել ավելին՝ Արմենպրես | Դիտումներ՝ 285 | 06.04.2022 / թմրաշրջանառություն


Երևանի նախկին փոխքաղաքապետ Ռուբեն Հովհաննիսյանն իր ֆեյսբուքյան էջում գրառել է. «Երևանի քաղաքապետ նշանակվելուց հետո Վանո Սիրադեղյանի առաջին կարգադրություններից մեկը եղավ ՄՐԳԵՐԻ, ԲԱՆՋԱՐԵՂԵՆԻ (դիտավորյալ մեծատառերով եմ գրում) բացօթյա առևտուրը քաղաքի ցանկացած վայրում թույատրելու որոշումը: Քաղաքապետը պնդում էր՝ ինչի հայկական մրգերից և բանջարեղենից ավելի գեղեցիկ բան կա՞: Շատ արագ հենց այդ վաճառողների օգնությամբ վերացավ հացի, ձկան, մսի և այլ ապրանքների [բացօթյա] վաճառքը, պայմանը այդպիսին էր»:

Մեջբերում / Տեսնել ավելին՝ Facebook | Դիտումներ՝ 353 | 05.04.2022 / բացօթյա առևտուր, Վանո Սիրադեղյան, Ռուբեն Հովհաննիսյան

Ապրիլի 1-ին հիվանդանոցից ոստիկանություն հաղորդում էր ստացվել, որ «կրծքավանդակի ձախից կտրած-ծակած-թափանցող վիրավորում» ախտորոշմամբ բուժօգնության է տեղափոխվել 24-ամյա երիտասարդ: Պարզվել է, որ տանը տեղի ունեցած վիճաբանության ժամանակ երիտասարդին դանակով խփել էր կինը: Բացատրական աշխատանքի արդյունքում 23-ամյա կինը ներկայացել է բաժին և տվել խոստովանական բացատրություն:

Լուր / Տեսնել ավելին՝ Police.am | Դիտումներ՝ 290 | 04.04.2022 / դանակահարություն

Ըստ ոստիկանության օպերատիվ հաղորդագրությունների ամփոփագրերի՝ ապրիլի 1-ից 4-ը Հայաստանի Հանրապետության ոստիկանության ստորաբաժանումները բացահայտել են հանցագործության 169 դեպք, որից 15-ը՝ նախկինում կատարված։ Անցած 3 օրվա ընթացքում հանրապետությունում արձանագրվել է ճանապարհատրանսպորտային 31 պատահար. 2 մարդ զոհվել է, 42-ը՝ ստացել տարբեր աստիճանի մարմնական վնասվածքներ:

Տեղեկություն / Տեսնել ավելին՝ Police.am | Դիտումներ՝ 237 | 04.04.2022 / Օպերատիվ իրավիճակ

Այսօր՝ ապրիլի 4-ին, ժամը 09։25-ին որոնողական աշխատանքնեը վերսկսելու նպատակով դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։ Հիշեցնենք՝ ապրիլի 3-ին, ժամը 10։49-ին ահազանգ է ստացվել, որ Նորաշենիկ գյուղի կամրջից քաղաքացին ընկել է գետը։ Պարզվել է, որ քաղաքացին (Է․ Փ․, ծնված 1978 թ․) կամրջից նետվել է Աճանան գետը։

Տեղեկություն / Տեսնել ավելին՝ ԱԻՆ | Դիտումներ՝ 255 | 04.04.2022 / որոնողական աշխատանքներ

Զգուշացե՛ք «թաքնված» աղից: Այս մասին հայտնել է ՀՀ առողջապահության նախարարությունը՝ հրապարակելով լուսանկար։

Տեղեկություն / Տեսնել ավելին՝ Թերթ.am | Դիտումներ՝ 281 | 02.04.2022 / Առողջապահության նախարարություն


Հայաստանում ապրիլի 2-ի ժամը 11:00-ի դրությամբ հաստատվել է կորոնավիրուսային հիվանդության ընդհանուր ավելի քան 422 հազար դեպք, որից 410 հազար 80-ը`առողջացած, 8616-ը` մահվան ելքով: Մեկ օրում կատարվել է 2145 թեստավորում, հաստատվել է կորոնավիրուսային հիվանդության 12 նոր դեպք, առողջացել է 38 քաղաքացի, մահվան դեպք չի արձանագրվել:

 

Լուր / Տեսնել ավելին՝ ԱՆ | Դիտումներ՝ 300 | 02.04.2022 / կորոնավիրուս
« 1 2 3 4 »
ԴԵՊԻ ՎԵՐ