|
Heineken խոշորագույն միջազգային գարեջրագործական ընկերությունը որոշել է հեռանալ ռուսական շուկայից: «Ներկա իրավիճակում Ռուսաստանում Heineken-ի բիզնեսի կառավարումն այլևս անվտանգ չէ»,- նշել են ընկերությունում: Heineken-ը մտադիր է Ռուսաստանում գործող բիզնեսը փոխանցել նոր սեփականատիրոջը: Մարտին Heineken-ը դադարեցրել էր բոլոր ներդրումները և գարեջրի արտահանումը Ռուսաստան:
|
Դասավորել ըստ՝
ամսաթվի ·
վերնագրի ·
դիտումների
|
Իտալական խոշորագույն նավթագազային Eni ընկերությունը հայտարարել է ռուբլիով ձեռք բերվող ռուսական գազի դիմաց վճարելու անհնարինության մասին: «Նրանք խնդրել են մեզ վճարել դրա դիմաց ռուբլիով։ Մենք չենք կարող դա անել, քանի որ մենք չունենք ռուբլի: Դա նախատեսված չէ նաև պայմանագրով, քանի որ համաձայն պայմանգրի հաշվարկները նախատեսված են Եվրո-ով», - նշել է Eni ընկերության ղեկավար Դեսկալցին։
|
|
Բրիտանական Northumberland և Richmond ֆրեգատները ռազմական տեխնիկա և հանդերձանք են փոխադրել Էստոնիա, որտեղ բանակված Է ՆԱՏՕ-ի գումարտակը՝ Միացյալ Թագավորության հրամանատարությամբ: Մեծ Բրիտանիայի ռազմածովային ուժերի նավերը մասնակցել են Բալթիկ ծովում Դանիայի, Լատվիայի, Լիտայի, Շվեդիայի ու Էստոնիայի ուժերի հետ համատեղ զորավարժություններին։
|
|
Այսօր՝ մարտի 28-ին Հնդկաստանում մի շարք խոշոր արհմիությունների կոչով համազգային երկօրյա գործադուլ է սկսվել։ Ըստ տարբեր գնահատականների՝ ակցիային կմասնակցի շուրջ 200 միլիոն մարդ։ Արհմիությունները պահանջում են հրաժարվել մի շարք պետական ձեռնարկությունների սեփականաշնորհումից, բարձրացնել աշխատավարձերը, արդար բաշխել եկամուտը, հավասար իրավունքներ ապահովել աշխատողների համար և այլն։
|
|
Չեռնոբիլի ատոմակայանի օտարման գոտում բռնկված հրդեհների ֆոնին Ռուսաստանում ռադիացիայի մակարդակը մնում է կայուն: Ատոմակայանի մերձակայքում ռադիացիոն իրավիճակը ներկայացված է «Ռոսպոտրեբնադզոր»-ի կայքում:
|
|
Քաղաքական մեկնաբան Էնթոնի Ուեբերը եվրոպական երկրներին մեղադրել Է Ռուսաստանի դեմ անհեռատես պատժամիջոցներ սահմանելու համար։ Նա նշել է, որ Եվրամիությունն ու Մեծ Բրիտանիան հաշվի չեն նստել չեն նման որոշման հետևանքների հետ: Քաղաքագետի գնահատմամբ՝ սահմանափակումներն արդեն իսկ հանգեցրել են զգալի գնաճի, ինչի հետևանքով Եվրոպայում կլինեն բողոքի զանգվածային ցույցեր ու ընդվզումներ։
|
|
Աֆղանստանում BBC հեռուստաալիքի նորությունների թողարկումները հանվել են եթերից այն բանից հետո, երբ թալիբները հրամայել են հեռացնել միջազգային հեռարձակումները տեղական եթերից: Հեռուստաալիքը թալիբներին կոչ է արել չեղարկել իրենց որոշումը՝ նշելով, որ իր ծառայությունները շաբաթական 6 միլիոն աֆղանցիներ են դիտում:
|
|
Նորին Մեծություն շեյխ Խալիֆա բեն Զաիդ Ալ Նահայանը կարգադրել է Ռամադան սրբազան ամսվա նախաշեմին ազատ արձակել 540 բանտարկյալների, որոնք տարբեր պատիժներ են կրում ԱՄԷ-ում: Շեյխ Խալիֆայի ամենամյա ներումը Ռամադանի ամսվա նախաշեմին ուղղված է ընտանեկան համախմբվածության ամրապնդմանը, երջանկություն է բերում մայրերին և երեխաներին և ազատ արձակված բանտարկյալներին հնարավորություն տալիս վերաիմաստավորել իրենց ապագան և վերադառնալ արդար ուղի, որը թույլ կտա նրանց հաջող կյանք վարել:
|
|
Ուկրաինական և ռուսական բանակցային խմբերը պետք է այս շաբաթ վերսկսեն բանակցությունները, քանի որ ԱՄՆ նախագահ Ջո Բայդենը փորձել է մեղմել Վլադիմիր Պուտինին պաշտոնանկ անելու կոչերը՝ հայտարարելով, որ ԱՄՆ-ն չի ձգտում հասնել Մոսկվայի ռեժիմի փոփոխությանը:
|
|
ՌԴ վարչապետ Միխայիլ Միշուստինը և Ռուսաստանի տնտեսական զարգացման նախարարությունն աջակցում են գաղտնարտարժույթի կարգավորման և երկրի տնտեսության մեջ ինտեգրման ջանքերին: Աջակցությունը տեղի է ունենում ուկրաինական պատերազմի պատճառով պատժամիջոցների խստացման ֆոնին, որոնք սահմանափակում են Ռուսաստանի մուտքը համաշխարհային ֆինանսական շուկա։
|
|
Եվրախորհրդի գագաթնաժողովը չի կարողացել համաձայնության գալ Ռուսաստանի դեմ լրացուցիչ պատժամիջոցների շուրջ, չնայած ԱՄՆ նախագահ Ջո Բայդենի ներկայությանը:
|
|
Լեհաստանի ցամաքային զորքերի նախկին հրամանատար գեներալ Վալդեմար Սկշիպչակը հայտարարել է, որ Կալինինգրադը 1945 թվականից «օկուպացված տարածք» է։ Պաշտոնաթող գեներալի պնդմամբ՝ Վարշավան պետք է հիշի Կալինինգրադի մասին և հայտարարի անկլավի նկատմամբ իր հավակնությունների մասին, քանի որ այդ հողերը լեհական տարածքի մասն են կազմում և «երբեք չեն եղել ռուսական»։
|
|
Ռուսաստանի պաշտպանության նախարարությունը հրապարակել է ՌԴ օդատիեզերական ուժերի բանակային ավիացիայի Ка-52 ուղղաթիռների կառավարվող հրթիռների հարվածներովով ուկրաինական զորքերի հրամանատարական կետի ոչնչացման կադրերը: Նշվում է, որ ուղղաթիռները Ուկրաինայի ԶՈւ հրամանատարական կետին հարվածել են «Вихрь» համալիրի հակատանկային կառավարվող հրթիռով: Օբյեկտները ոչնչացվել են ավելի քան 7 հազար մետր հեռավորությունից։
|
|
Ճապոնիայի Ռուսաստանի դեմ պատժամիջոցներին միանալուց հետո, Ռուսաստանը զորավարժություններ է անցկացրել Ճապոնիայի հետ վիճելի կղզիներում։
|
|
Ռուսաստանի նախագահ Վլադիմիր Պուտինի որոշումը ոչ բարեկամական երկրների համար բնական գազի վճարումը ռուբլով փոխանցելու որոշումը նյարդայնացրել է արևմտյան էներգետիկ շուկաներում, շփոթություն է առաջացրել եվրոպական էներգետիկ կոնցեռնների վարչություններում և Եվրամիության երկրների էկոնոմիկայի նախարարություններում։ Տնտեսագետ Յենս Զյուդեկումն ասել է՝ ռուս առաջնորդը «շրմփացրել է Արևմուտքին»։
|
|
Ռուսաստանի Անվտանգության խորհրդի փոխնախագահ Դմիտրի Մեդվեդևն ասել է. «Միջուկային հակամարտության սպառնալիք մշտապես գոյություն ունի։ Ոչ ոք ոչ մի պատերազմ չի ուզում, մանավանդ միջուկային պատերազմը սպառնալիք է մարդկային քաղաքակրթության գոյությանը։ Այս իմաստով ճիշտ են այն վերլուծաբանները, որոնք ասում են, միգուցե փոքր-ինչ ցինիկ է հնչում, բայց այնուամենայնիվ,
Իրականում դա այդպես է»։
|
|
ՌԴ պատվիրակության ղեկավար Վլադիմիր Մեդինսկին, խոսելով Մոսկվայի և Կիևի միջև ընթացող բանակցությունների մասին, հայտարարել է. «Բանակցություններն ընթացել են ողջ շաբաթվա ընթացքում՝ երկուշաբթիից ուրբաթ տեսակոնֆերանսի ձևաչափով։ Դրանք կշարունակվեն նաև այսօր։ Բանակցություններն ընթանում են փորձագիտական խմբերի միջև, շաբաթական երկու-երեք անգամ պատվիրակությունների ղեկավարների միջև։ Վերջին անգամ դա եղել է երեկ երեկոյան։ Հիմա երկրորդական նշանակության հարցերում կողմերի դիրքորոշումները մոտենում են, սակայն գլխավոր քաղաքական հարցերում մենք փաստացի տեղում դոփում ենք»։
|
|
ՌԴ նախագահ Վլադիմիր Պուտինը օրենք է ստորագրել Ուկրաինայում հատուկ գործողության մասնակիցներին ռազմական գործողությունների վետերաններ ճանաչելու մասին:
|
|
Ռուսաստանի Անվտանգության խորհրդի փոխնախագահ Դմիտրի Մեդվեդևը հայտարարել է. «Ռուսաստանի և Ուկրաինայի բանակցությունների նպատակը պարզ է՝ ամրագրել Ուկրաինայի չեզոք կարգավիճակը, ապառազմականացումը և հրաժարումը ազգայնամոլական (նացիստական) օրենքներից»։
|
|
ՌԴ ԱԳ նախարար Սերգեյ Լավրովն ասել է. «Չնայած հակառուսական համատարած քարոզչությանը, պետությունների ճնշող մեծամասնությունը չի միացել և, համոզված եմ, չի միանա արևմտյան պատժամիջոցային քաղաքականության խաղերին և շահագրգռված են զարգացնել իրավահավասար միջպետական համագործակցություն՝ հիմնված ՄԱԿ-ի Կանոնադրության հիմնական սկզբունքների վրա»։
|
