Ուկրաինայի նախագահ Վոլոդիմիր Զելենսկին հայտարարել է, որ Ուկրաինայի և Ռուսաստանի միջև բանակցությունները առճակատման բնույթ են կրում, բայց, այնուամենայնիվ, առաջ են ընթանում, քանի որ Արևմուտքը ծրագրում է նոր պատժամիջոցներ սահմանել Կրեմլի դեմ՝ հումանիտար ճգնաժամի սրման ֆոնին:

Լատվիայում ձերբակալվել է բլոգեր Կիրիլ Ֆյոդորովը (Alconafter)՝ Ուկրաինա ռուսական ներխուժմանն իր ալիքով աջակցելու համար: Նա մեղադրվում է Լատվիայի քրեական օրենքի 78-րդ հոդվածներով («Ազգայնական հրահրում»)։

«Արևմուտքը, և հատկապես Ամերիկան, ուկրաինական ճգնաժամի հիմնական պատասխանատուներն են»,- գրել է ամերիկացի քաղաքագետ, Չիկագոյի համալսարանի քաղաքագիտության պրոֆեսոր Ջոն Ջ. Մարշայմերը The Economist-ում հրապարակված վերջին հոդվածում։ «Ամերիկյան և եվրոպական քաղաքական գործիչները Ուկրաինական ճգնաժամ են հրահրել՝ փորձելով Ուկրաինան ինտեգրել արևմուտք և պնդելով, որ Ռուսաստանի նախագահ Վլադիմիր Պուտինը լիակատար պատասխանատվություն է կրում ճգնաժամի համար»,- ասել է Միրշայմերը։

Սերբիայի Ներքին գործերի նախարար Ալեքսանդր Վուլին.

«Սերբիան երբեք չի միանա հակառուսական հիստերիային, որի ժամանակ խլվում է քաղաքացիների և հենց ՌԴ-ի սեփականությունը, դպրոցներից չի վռնդի ռուս երեխաներին, իսկ ռուս գրողներին ու գիտնականներին չի հանի դպրոցական դասագրքերից»:
 

Սպասվում է, որ ԱՄՆ-ն ու նրա եվրոպացի դաշնակիցները Ռուսաստանի նկատմամբ նոր պատժամիջոցների կհայտարարեն, «որոնք կամրապնդեն Եվրոպայի էներգետիկ անվտանգությունը և կնվազեցնեն կախվածությունը ռուսական գազից»:

Դմիտրի Պեսկով (ՌԴ նախագահ Վլադիմիր Պուտինի մամլո քարտուղար, ՌԴ առաջին կարգի պետական գործող խորհրդական)

Ռուսաստանը կարող է միջուկային զենք օգտագործել միայն երկրին իրական սպառնալիքի դեպքում։

ԱՄՆ պաշտպանության նախարարի օգնական Բինգ Ուեսթ.

«Բայդենի նպատակը ՆԱՏՕ-ի նկատմամբ պետք է ավելի լայն լինի։ Եթե ռուսական զորքերը դուրս գան Ուկրաինայից, իսկ Պուտինը նախկինի պես շարունակի ղեկավարել Ռուսաստանը, դա ծանր պարտություն կլինի Ամերիկայի համար»։