Ռուս-ուկրաինական բանակցություններում ռուսական պատվիրակության ղեկավար, ՌԴ նախագահի օգնական Վլադիմիր Մեդինսկին ասում է, որ «Կիևն ավելի իրատեսական է դարձել չեզոք և ոչ միջուկային կարգավիճակի հարցում, սակայն պայմանագիրը դեռ պատրաստ չէ «վերևների հանդիպման» համար»։

Մոսկվայում անցորդները նկարահանել են թոշակառու տատիկին Հաղթանակի դրոշով միակնանու վրա։ Տեսանյութում երևում է անցորդների արձագանքը: Ոմանք ծիծաղում են, իսկ մյուսները տեղի ունեցածը հեռախոսով լուսանկարում:

ԵՄ տնտեսական հարցերով հանձնակատար Պաոլո Ջենտիլոնին «Ամբռոզետի» ֆորումում ունեցած ելույթի ժամանակ հայտարարել է, որ Եվրամիությունը Ռուսաստանի դեմ պատժամիջոցների նոր փաթեթ է պատրաստում: Ջենտիլոնին նշել է, որ նոր սահմանափակումները չեն ազդի էներգետիկ ոլորտի վրա։

Ռուսաստանի դեմ արևմտյան պատժամիջոցները չեն աշխատում, Twitter-ում հայտարարել է Լեհաստանի վարչապետ Մատեուշ Մորավեցկին: «Ապացույցը ռուբլու փոխարժեքն է, որը վերադարձել է այն նշանակությանը, ինչ եղել է Ուկրաինայում ռազմական հատուկ գործողության սկսվելուց առաջ: Դա նշանակում է, որ մեր գործողությունները չաշխատեցին այնպես, ինչպես արևմտյան երկրների առաջնորդները ցանկանում էին», - եզրակացրել է Մորավեցկին։

«Այսօր առավոտյան բարձր ճշգրտության օդային և ծովային զինատեսակներով ՌԴ զորամիավորումները ոչնչացրել են Կրեմենչուգի նավթավերամշակման գործարանում բենզինի և դիզելային վառելիքի պահեստարանները, որտեղից ուկրաինական զորքերի խումբը մատակարարվում էր երկրի կենտրոնական և արևելյան շրջաններում»,- ասել է ՌԴ ՊՆ խոսնակ Իգոր Կոնաշենկովը։

«Բարձր ճշգրտության օդային տեղակայման հրթիռներով շարքից դուրս են բերվել Պոլտավա և Դնեպրոպետրովսկ քաղաքների ռազմական օդանավակայանները»

Եմենում ութ տարի շարունակվող հակամարտության երկու կողմերը՝  Սաուդյան Արաբիայի կողմից աջակցվող կառավարական ուժերը և Իրանի կողմից աջակցվող հուսի ապստամբ զինյալները երկու ամսով հրադադար են հայտարարել։ Այն կսկսվի ապրիլի 2-ի երեկոյան՝ մահմեդականների սուրբ Ռամադան ամսվա հետ միասին։

Ուկրաինայի նախագահ Վոլոդիմիր Զելենսկին է Fox News-ին տված հարցազրույցում նշել է, որ առանց ԱՄՆ-ի և Չինաստանի միջև ուղիղ կապի, անհնար կլինի հասնել աշխարհին անհրաժեշտ արդյունքին։ «Ես կցանկանայի Չինաստանին տեսնել մեր կողքին, բայց ընտրությունն իրենցն է»,- պատասխանել է Զելենսկին հարցին, թե արդյո՞ք Չինաստանը չի աջակցում Ռուսաստանին։

Հայաստանի Հանրապետություն կժամանի Իտալիայի արտաքին գործերի և միջազգային համագործակցության նախարար Լուիջի դի Մայոն ապրիլի 2-3-ը աշխատանքային այցով Հայաստան կժամանի Իտալիայի արտաքին գործերի և միջազգային համագործակցության նախարար Լուիջի դի Մայոն: Այցի շրջանակներում նախատեսվում են նաև Լուիջի դի Մայոյի հանդիպումները ՀՀ նախագահի, ՀՀ վարչապետի և ՀՀ ԱԺ նախագահի հետ: 

Ուկրաինայի տարածքային ամբողջականությունը ՌԴ-ի հետ բանակցությունների գլխավոր թեման է: Այս մասին Fox News-ին տված հարցազրույցում ասել է Ուկրաինայի նախագահ Վոլոդիմիր Զելենսկին։ Նա ընդգծել է, որ Կիևը տարածքային զիջումների չի գնա՝ շեշտելով, որ, Ուկրաինայի տարածքային ամբողջականության և ինքնիշխանության հարց չի քննարկվում։ Զելինսկին դժվարացել է կանխատեսել պատերազմի ավարտի ժամկետները՝ նշելով, թե ուկրաինացի ժողովուրդը հաղթանակից բացի այլ արդյունք չի ընդունի։
 

Ռուսաստանի արտաքին գործերի նախարար Սերգեյ Լավրովն այցելել է Հնդկաստան։ Հրաժարվելով մասնակցել պատժամիջոցների պատերազմին և այս տարվա մարտին 4 անգամ մեծացնելով ռուսական նավթի գնումները՝ Հնդկաստանը ուղիներ է փնտրում հարվածի տակից դուրս բերելու Մոսկվայի հետ համագործակցությունը։ Դելիում Սերգեյ Լավրովի բանակցությունների թեմաներից մեկը SWIFT-ին այլընտրանքային վճարումների նոր համակարգի ստեղծման հեռանկարն է, որը թույլ կտա հաշվարկներ կատարել ռուփիով և ռուբլիով:

Ուկրաինայի Չեռնիգովի շրջանում ՌԴ Զու հատուկջոկատայինները առգրավել են ամբողջությամբ արդիականացված ուկրաինական Տ-64 տանկեր։ Դրանք հագեցած են ջերմատեսիլ նշանառության և դիտարկման սարքերով, ինչպես նաև ՆԱՏՕ-ի բանակում կիրառվող կապի ու նավիգացիայի միջոցներով։

Ուկրաինայի նախագահ Վոլոդիմիր Զելենսկին հաստատել է, որ Կիևը մի շարք երկրներին ներկայացրել է անվտանգության երաշիքների վերաբերյալ փաստաթղթերի նախագծերը։ «Մեզ հարկավոր են անվտանգության երաշխիքներ առաջատար պետությունների կողմից։ Կցանկանայինք, որպեսզի երկրները, որոնք դա ուզում են, հրապարակավ միանան ԱՄՆ-ին, Մեծ Բրիտանիային, Գերմանիային, Ֆրանսիային, Թուրքիային», - ասել է Զելինսկին։

Թուրքիայի նախագահը պնդում է, որ Պուտինի և Զելենսկու հանդիպումը կարող է տեղի ունենալ Ստամբուլում։

Գերմանիայի նախարար Ջեմ Օզդեմիրը գերմանացի վարորդներին կոչ է արել  ավտոմեքենայի փոխարեն օգտվել հեծանիվից, ավտոբուսից կամ գնացքից՝ Ռուսաստանից կախվածությունը նվազեցնելու համար: Իր քաղաքացիներին նա խորհուրդ է տվել նաև ավելի դանդաղ երթևեկել ավտոբուսներով՝ վառելիքի տնտեսման համար։

ՄԱԿ Մարդու իրավունքների խորհրդի 49-րդ նստաշրջանի ընթացքում մարտի 31-ին կոնսենսուսով ընդունվել է Հայաստանի կողմից առաջադրված «Ցեղասպանության կանխարգելում» բանաձևը: Այն, գնահատելով ներկայիս վտանգներն ու մարտահրավերները, նախանշում է այն քայլերը, որոնք պետք է միասնականորեն իրականացվեն ՄԱԿ անդամ երկրների կողմից ցեղասպանության արհավիրքը կանխելու, դրա ճանաչման, արդարության վերականգման, փոխհատուցման, մեղավորներին պատժելու և հաշվետվողականություն ապահովելու ուղղությամբ: Բանաձևը լայն աջակցություն է վայելում բոլոր հինգ տարածաշրջանային խմբերը ներկայացնող երկրների կողմից։

Ֆինլանդիայի՝ ՆԱՏՕ-ին անդամակցելու մասին որոշումը պետք է կայացնեն միայն այդ երկրի բնակիչները։ Ֆինլանդիան շատ արագ կկարողանա անդամակցել ՆԱՏՕ-ին, եթե նման որոշում կայացնի, ասել է ՆԱՏՕ-ի գլխավոր քարտուղար Յենս Ստոլտենբերգն՝ ընդգծելով, որ Շվեդիայի և Ֆինլանդիայի զինված ուժերը «լիովին համապատասխանում են դաշինքի չափանիշներին»։

Թուրքիայի նախագահ Ռեջեփ Թայիփ Էրդողանը և Ուկրաինայի նախագահ Վոլոդիմիր Զելենսկին հեռախոսազրույց են ունեցել, որի ընթացքում քննարկել են Ստամբուլում Ռուսաստանի և Ուկրաինայի պատվիրակությունների միջև կայացած բանակցությունների արդյունքները։ Էրդողանը նշել է, որ Ստամբուլում կայացած բանակցությունները «նշանակալի խթան են հաղորդել պատերազմի դադարեցման և Ուկրաինայում խաղաղություն հաստատելու համար իրականացվող գործընթացին»։

Հարավային Կորեայի դատախազությունը պաշտոնական մեղադրանքներ է ներկայացրել երկրի բնակչուհուն, որը դարձել է «օմիկրոն» շտամով վարակվելու հաստատված դեպքի առաջին պացիենտը: Կինը կասկածվում է ինֆեկցիոն հիվանդությունների դեմ պայքարի մասին օրենքը խախտելու համար։ Գործը փոխանցվել է Ինչհոն քաղաքի դատարան, առաջին լսումները նշանակված են մայիսի 31-ին:

Ռուս-ուկրաինական սահմանին մոտ գտնվող Բելգորոդ քաղաքի նավթի պահեստում հրդեհ է բռնկվել։ Պատճառն ուկրաինական զինուժի կողմից իրականացված ավիահարվածներն են։ Ըստ Բելգորոդի շրջանի նահանգապետ Վյաչեսլավ Գլադկովի՝  հրդեհի հետևանքով տուժել է պահեստի երկու աշխատակից, որոնք արդեն ստացել են առաջին բուժօգնություն։

Ռուսաստանի արտաքին գործերի նախարար Սերգեյ Լավրովը պաշտոնական այցով ժամանել է Նյու Դելիորի շրջանակներում վաղը բանակցություններ տեղի կունենան Հնդկաստանի արտաքին քաղաքական գերատեսչության ղեկավար Ս. Ջայշանկարի հետ: Լավրովին կընդունի նաև Հնդկաստանի վարչապետ Նարենդրա Մոդին։