|
Եվրախորհրդարանի պատգամավորներ Լուկաս Ֆուրլասի և Ֆրանսուա-Քսավյե Բելամիի նախաձեռնությամբ բոլոր գլխավոր քաղաքական խմբակցություններից 43 Եվրապատգամավոր նամակ են հղել Եվրոպայի Խորհրդի նախագահ Շառլ Միշելին և Եվրոպայի Արտաքին գործողությունների ծառայության Բարձր Ներկայացուցիչ Ժոզեփ Բորրելլին։ Եվրապատգամավորները ահազանգում են Արցախում Ադրբեջանի կողմից բնիկ հայ բնակչության նկատմամբ իրականացվող էթնիկ զտման քաղաքականության վերաբերյալ։ Նրանք ԵՄ գործադիր ղեկավարներին կոչ են անում օգտագործել Եվրամիության տրամադրության տակ գտնվող բոլոր լծակները Ադրբեջանի վրա ճնշում գործադրելու համար, որպեսզի այդ երկիրը վերջ տա Արցախում իր ագրեսիվ քաղաքականությանը, անհապաղ հետ քաշի իր զինված ուժերը ելման դիրքեր և դադարեցնի ցանկացած գործողություն, որը կարող է վտանգել Լեռնային Ղարաբաղի բնիկ հայ բնկաչության անվտանգությունն ու բարեկեցությունը։
|
|
75 տարեկանում կյանքից հեռացել է ՌԴ Լիբերալ-դեմոկրատական կուսակցության առաջնորդ Վլադիմիր Ժիրինովսկին, հաղորդել է Պետդումայի խոսնակ Վյաչեսլավ Վոլոդինը։ «Ծանր և երկարատև հիվանդությունից հետո կյանքից հեռացել է Վլադիմիր Վոլֆովիչ Ժիրինովսկին։ Վառ, տաղանդավոր քաղաքական գործիչ։ Մարդ, որ խորապես հասկանում էր, թե ինչպես է աշխարհը կառուցված և շատ բան էր ակնկալում։ Նրա անհատականությունն այնքան մեծ է, որ առանց նրա դժվար է պատկերացնել ժամանակակից Ռուսաստանի քաղաքական համակարգի զարգացման պատմությունը», – գրել է Վոլոդինը։
|
|
Եվրամիությունը չի ցանկանում, որպեսզի Ուկրաինան տանուլ տա Ռուսաստանի հետ պատերազմում, այդ պատճառով էլ կշարունակի սպառազինություն տրամադրել Կիևին։ Այս մասին հայտարարել է եվրոպական դիվանագիտության ղեկավար Ժոզեպ Բորելը։ Նրա խոսքով՝ 1 մլրդ եվրոն, որը Եվրամիությունը հատկացրել է Ուկրաինայի զինված ուժերին, «այնքան էլ զգալի գումար չէ՝ հաշվի առնելով, թե որքան է ԵՄ-ն ամեն օր ծախսում ՌԴ-ից վառելիք գնելու համար»։
|
|
ԱՄՆ նախագահ Ջո Բայդենը հանձնարարել է Կիևին լրացուցիչ ռազմական օգնություն հատկացնել մինչև 100 մլն դոլարի չափով, այն կներառի հակատանկային համակարգեր։ ԱՄՆ պետքարտուղար Էնթոնի Բլինքենը նշել է, որ 2021 թվականի օգոստոսից ի վեր սա արդեն վեցերորդ անգամ է, երբ Պենտագոնի պահեստներից Կիևի համար զենք կամ տեխնիկա է հատկացվում։ Նա նաև հայտնել է, որ ԱՄՆ-ը և նրա դաշնակիցները «կշարունակեն օգնություն տրամադրել անվտանգության ոլորտում՝ Ուկրաինայի պաշտպանության ամրապնդման նպատակով», ինչպես նաև տնտեսական և հումանիտար աջակցություն կցուցաբերեն:
|
|
ՌԴ Պետդումայի խոսնակ Վյաչեսլավ Վոլոդինը համոզմունք է հայտնել, թե ԱՄՆ-ին չհաջողվեց կազմալուծել Ռուսաստանի բանակային համակարգը։ Ըստ նրա՝ ՌԴ-ն ունակ Է կատարելու իր բոլոր պարտավորությունները, իսկ պատժամիջոցները վնասում են հենց Միացյալ Նահանգների քաղաքացիներին: «Վաշինգտնի պլանը չհաջողվեց: «Դժոխային» պատժամիջոցները չգործեցին: Հույս ունեին կործանելու տնտեսությունը, կազմալուծելու Ռուսաստանի բանկային համակարգը: Չստացվեց»,- գրել Է Վոլոդինը:
|
|
Ռուսաստանում ամեն օր հուղարկավորում են Ուկրաինայում զոհված զինծառայողների։ BBC-ի հաշվարկներով ՝ զոհվածների 20 տոկոսը սպաներ են: Վերջին անգամ Ռուսաստանի պաշտպանության նախարարությունը ԶՈւ կորուստների մասին հաշվետվություն ներկայացրել է մարտի 25-ին՝ հաղորդելով 1351 զինծառայողի մահվան մասին։ Ուկրաինայի զինված ուժերը շատ ավելի մեծ թիվ են նշում՝ 18.3 հազար: Ապրիլի 5-ի դրությամբ ռուսական պաշտոնական աղբյուրներում հրապարակվել են առնվազն 1083 զոհված զինվորականների անուններ:
|
|
2021թ.-ի հունվարի 31-ից առ այսօր բանտարկյալների թվով «առաջատար» երկիրը Ռուսաստանն է: Այդ երկրում բանտարկյալների թիվը 478.714 է: Երկրորդ հորիզոնականը զբաղեցնում է Թուրքիան՝ 272.115 ցուցանիշով: Եռյակը եզրափակում է Մեծ Բրիտանիան, որտեղ բանտարկյալների թիվը կազմում է 87.035: Ուշագրավ է, որ թուրքական բանտերում 95 տոկոսը կազմում են տղամարդիկ, 5 տոկոսը՝ կանայք: Կին բանտարկյալներով թվով «առաջատար» երկիրը Լիտվան է:
|
|
Մինսկում գործող Wargaming խաղային ստուդիան՝ World of Tanks խաղի մշակողը, հայտարարել է Ռուսաստանից և Բելառուսից դուրս գալու մասին։ «Վերջին շաբաթների ընթացքում Wargaming-ը իրականացնում է բիզնես գործունեության ռազմավարական վերանայում ամբողջ աշխարհում: Ընկերությունը որոշել է, որ Ռուսաստանում և Բելառուսում բիզնես չի ունենա։ Այս որոշման պատճառով զգալի վնասներ կկրենք», - խոստովանել են ընկերությունում։ Wargaming-ն արդեն սկսել է փակել իր ամենամեծ գրասենյակը Մինսկում, որն ուներ մոտ 2000 աշխատակից:
|
|
«Գազպրոմը» որոշել է դուրս բերել իր մենեջերներին և ապրանքանիշը «Gazprom Germania» խմբի ակտիվներից: «Գազպրոմի խմբի մասնակցությունը գերմանական Gazprom Germania GmbH ընկերությանը 2022 թվականի մարտի 31-ին դադարեցնելու կապակցությամբ, մենք հայտարարում ենք հետևյալը. ներդրումային օբյեկտները պետք է դադարեցնեն «Գազպրոմ» ապրանքանիշերի օգտագործումը, այդ թվում՝ անվանումներում և ապրանքանիշերում, որպեսզի խուսափեն «Գազպրոմ» խմբի հետ իրենց գործունեության հետագա նույնացումից: «Գազպրոմ» խումբը հետ է կանչում նաև իր ներկայացուցիչներին GAZPROM Germania GmbH-ի կառավարման մարմիններից, դուստր ձեռնարկություններից և նրանց ներդրումային օբյեկտներից»,- ասվում է գազային կոնցեռնի հայտարարությունում:
|
|
Մարդու իրավունքների լիազոր Տատյանա Մոսկալկովան հաստատել է, որ Ռուսաստանը և Ուկրաինան ռազմագերիների փոխանակում են անցկացրել 86-ը 86-ով ձևաչափով: «Հաստատում եմ, որ 86-ը 86-ով ձևաչափով փոխանակությունը կայացել է»,- հայտնել է ՌԻԱ Նովոստիին: Ցուցակում նաև ներառվել են «Ռոսատոմ»-ի աշխատակիցները, սակայն հետագայում ուկրաինական կողմը նրանց բացառել է:
|
|
Իսպանիայի կառավարությունը որոշում է ընդունել Թագավորությունում Ռուսաստանի դեսպանատան մոտ 25 դիվանագետի արտաքսելու մասին։ «Առավոտյան մենք որոշել ենք Իսպանիայից արտաքսել ռուս դիվանագետներին և Իսպանիայում ՌԴ դեսպանատան անձնակազմին, որոնք սպառնալիք են ներկայացնում մեր երկրի անվտանգությանը»,- ասել է Իսպանիայի ԱԳ նախարար Խոսե Մանուել Ալվարեսը:
|
|
Փենյանը միջուկային զենք կկիրառի, եթե Հարավային Կորեան «գնա ռազմական առճակատման»: Այս մասին հայտարարել Է ԿԺԴՀ առաջնորդ Կիմ Չեն Ընի քույրը՝ Կորեայի աշխատանքային կուսակցության կենտկոմի բաժնի փոխղեկավար Կիմ Յո Չժոնը: «Եթե Հարավային Կորեան գնա ռազմական առճակատման, մեր մարտական միջուկային ուժերն անխուսափելիորեն պետք Է կատարեն իրենց պարտականությունները»,-ասել է Չժոնը:
|
|
Ռուս-ուկրաինական պատերազմում Ուկրաինայի հաղթանակը կարելի կլինի համարել վերադարձը այն կետին, որը եղել է մինչև 2022 թվականի փետրվարի 23-ը, ինչպես նաև ուկրաինական տարածքների ժամանակավոր օկուպացման վերաբերյալ հետագա բանակցությունների հստակ ըմբռնումը: Այս մասին հայտարարել է մասին հեռուստամարաթոնի ժամանակ ասել է Ուկրաինայի նախագահ Վոլոդիմիր Զելենսկին։
|
|
ՌԴ Անվտանգության խորհրդի փոխնախագահ Դմիտրի Մեդվեդևն անդրադարձել է Ուկրաինայում ռուսական ռազմական գործողության ամենակարևոր նպատակին։ «Այսօրվա ուկրաինացիների մի մասի արյունոտ ու կեղծ առասպելներով լի գիտակցությունը փոխելն ամենակարևոր նպատակն է։ Նպատակ՝ հանուն ուկրաինացիների ապագա սերունդների խաղաղության և վերջապես Լիսաբոնից մինչև Վլադիվոստոկ բաց Եվրասիայի կառուցման»,- գրել է Մեդվեդևը։
|
|
Ուկրաինացի փախստականների թիվը, որոնք Լեհաստան են ժամանել Ուկրաինայում Ռուսաստանի ռազմական գործողության սկսվելու պահից, գերազանցել է 2․5 միլիոնը:
|
|
ՌԴ ՊՆ-ն հրապարակել է «Տոր» մարտավարական զենիթահրթիռային համակարգի անձնակազմի կողմից Ուկրաինայի ԶՈՒ «Բայրաքթար» անօդաչու թռչող սարքի ոչնչացման կադրերը։ Ըստ հաղորդագրության՝ մարտական հերթապահության ընթացքում հայտնաբերվել է 20 օդային թիրախ։ «Տոր» հակաօդային պաշտպանության համակարգի հաշվարկային իրավասու գործողությունների արդյունքում բոլոր թիրախները վերցվել են ուղեկցության և ոչնչացվել։ Դրանց թվում են յոթ «Բայրաքթար» մարտական անօդաչու թռչող սարքեր (ԱԹՍ)։
|
|
The New York Times-ը հրապարակել է Ուկրաինայի Բուչա քաղաքի արբանյակային լուսանկարները։ Դրանցում երևում է, որ փողոցներում խաղաղ բնակիչների դիերը հայտնվել են մինչև քաղաքուից ռուսական զորքերի հեռանալը։ Իր հերթին ԱՄՆ նախագահ Ջո Բայդենը հայտարարել է, թե Բուչայում կատարվածից հետո Պուտինը պետք է կանգնի ռազմական տրիբունալի առաջ։
|
|
ՄԱԿ-ում Ռուսաստանի մշտական ներկայացուցիչ Վասիլի Նեբենզյան մամուլի ասուլիս է անցկացրել, երբ ապրիլին Անվտանգության Խորհրդում նախագահող Մեծ Բրիտանիան մեկ օրում երկու անգամ մերժել է Բուչեի իրադարձությունների վերաբերյալ նիստ կազմակերպելու ռուսական հարցումները: Ճեպազրույցի ընթացքում դեսպանը լրագրողներին ներկայացրել է ուկրաինական քաղաքում սադրանքի բեմականացման վկայությունները, ինչպես նաև մեկնաբանել Է ՄԱԿ-ի Մարդու իրավունքների խորհրդից Ռուսաստանին հեռացնելու վերաբերյալ քվեարկություն նախաձեռնելու Վաշինգտոնի և Լոնդոնի մտադրությունը:
|
|
Ուկրաինայում գործողության ընթացքում, իբր, Ռուսաստանի կողմից միջուկային զենքի հնարավոր կիրառման մասին զրպարտությունները ոչ մի ռացիոնալ հիմք չունի, նման սպառազինությունների օգտագործման չափանիշները ոչ մի կերպ չեն վերաբերում Ուկրաինայում ծավալվող սցենարին։ Հայտարարել է ՄԱԿ-ում ՌԴ մշտական ներկայացուցչի առաջին տեղակալ Դմիտրի Պոլյանսկին՝ ելույթ ունենալով ՄԱԿ-ի զինաթափման հարցերով հանձնաժողովի նստաշրջանում։
|
|
Մոսկվան հուսով է, որ Կիևը կհետևի իր ազգային շահերին Ռուսաստանի և Ուկրաինայի միջև խաղաղ բանակցություններում, սակայն ականջալուր չի լինի «հետին խորհրդականներին», հայտարարել է Ռուսաստանի արտգործնախարար Սերգեյ Լավրովը՝ հավելելով, որ Ռուսաստանը կբացահայտի Ուկրաինայում հատուկ գործողության հետ կապված ֆեյքերին:
|
