Ազգային ժողովում վարչապետ Նիկոլ Փաշինյան անդրադարձավ այն հայտարարություններին, թե 44-օրյա պատերազմի հետևանքով հանձնվել է Շուշին։ Նա ընդգծել է, թե պատերազմը Շուշիի համար է եղել։ «Ասում են կանգնեցնեիք պատերազմը։ Ինչու մենք չէի՞նք մտածում պատերազմը կանգնեցնելու մասին։ Կամ ասում են կանխեիք պատերազմը, ինչու մենք չէի՞նք մտածում կանխելու մասին։ Առանց Շուշիի հնարավոր չէր պատերազմ կանգնեցնել կամ կանխել։ Հնարավոր չէր ուղղակի։ Եվ այն, ինչ ես խոսում եմ, Ղարաբաղը չհանձնելու մասին է, որովհետև, եթե այլ ճանապարհով գնանք Ղարաբաղը հանձնելու ենք, Փառուխի դեպքերը ձեզ օրինակ, կտոր-կտոր։ Հերիք է խաբենք իրար»,- շեշտեց Փաշինյանը։

«Երեկ, մինչև Դուք խոսում էիք խաղաղության օրակարգի այլընտրանք չունենալու մասին, ես մտովի տեղափոխվեցի 1918 թ․՝ ՀՀ Առաջին Հանրապետություն»,- այսօր ԱԺ-ում դիմելով Նիկոլ Փաշինյանին՝ հայտարարել է ՔՊ-ական պատգամավոր Լուսինե Բադալյանը։ Նա պատմական պատմական զուգահեռներ անցկացրեց Փաշինյանի և Առաջին Հանրապետության վարչապետ Հովհաննես Քաջազնունու միջև՝ չմոռանալով ընդգծել, որ 1938թ․-ին Քաջազնունին դավաճանության մեղադրանքով ենթարկվել է մահապատժի։ Ի դեպ՝ Հ. Քաջազնունու ձերբակալելու և մեղադրանք ներկայացնելու հիմք հանդիսացել է նրա որդի Կարեն Քաջազնունու ցուցմունք-մատնագիրը։

Ադրբեջանի արտաքին գործերի նախարար Ջեյհուն Բայրամովը լրագրողների հետ զրույցում հայտնել է, թե Հայաստանը հայտարարել Է Ադրբեջանի առաջարկած հիմնարար սկզբունքների ընդունելի լինելու մասին։ Միաժամանակ նա կառուցողական է գնահատել Հայաստանի ԱԳ նախարար Արարատ Միրզոյանի հետ հեռախոսազրույցը։ «Ինչ վերաբերում է խաղաղ պայմանագրի պատրաստման և սահմանագծման համար աշխատանքային խմբերի ստեղծմանը՝ պետք է հստակեցվեն սկզբունքներն ու ձևաչափը»,- ասել է Բայրամովը։

Միջազգային հանրությունը ակնկալում է, որ մենք ճանաչենք Ադրբեջանի տարածքային ամբողջականությունը. Ազգային ժողովում հայտարարել է վարչապետ Նիկոլ Փաշինյանը։

Ազգային ժողովում շարունակում է ապրիլի 12-ին մեկնարկած նիստի աշխատանքները։ Վարչապետ Նիկոլ Փաշինյանը ներկայացվում է ՀՀ կառավարության ծրագրի (2021-2026 թթ.) 2021 թվականի կատարման ընթացքը և արդյունքները։

2008 թվականի իրադարձություններից ժամանակ ընդդիմության ներկայացուցիչների ապօրինի գաղտալսված հայտնի հեռախոսազրույցներից ամենաէականի` Ալեքսանդր Արզումանյանի և ՀՀ Առաջին նախագահ Լևոն Տեր-Պետրոսյանի հեռախոսազրույցի բնօրինակն` առանց մոնտաժի: Ըստ էության` ևս մեկ անգամ ապացուցվում է իշխանությունների կողմից Տեր-Պետրոսյանին դե ֆակտո տնային կալանքի տակ պահելու փաստը:

Թուրքիայի նախագահ Ռեջեփ Թայիփ Էրդողանը հեռախոսազրույց է ունեցել Ադրբեջանի նախագահ Իլհամ Ալիևի հետ։ Կողմերը քննարկել են Բրյուսելում Եվրոպական խորհրդի նախագահ Շառլ Միշելի, Ադրբեջանի նախագահի և Հայաստանի վարչապետ Նիկոլ Փաշինյանի միջև կայացած հանդիպման ընթացքում ձեռք բերված պայմանավորվածությունները։ Հեռախոսազրույցում ընդգծվել է Ադրբեջանի շահերը պաշտպանելու և տարածաշրջանում կայուն խաղաղություն հաստատելու համար ձեռնարկվելիք քայլերը։

Ապրիլի 8-ին ՀՀ ԱԳ նախարար Արարատ Միրզոյանն աշխատանքային այցով գտնվելու է Ռուսաստանի Դաշնությունում։ Այցի շրջանակներում տեղի է ունենալու ՀՀ և ՌԴ ԱԳ նախարարների հանդիպումը: Մոսկվայում Արարատ Միրզոյանը կհանդիպի նաև ՀԱՊԿ գլխավոր քարտուղարի հետ:

Բրյուսելում ընթանում է Հայաստանի վարչապետ Նիկոլ Փաշինյանի և Ադրբեջանի նախագահ Իլհամ Ալիևի հանդիպումը՝ Եվրոպական խորհրդի նախագահ Շառլ Միշելի միջնորդությամբ։ Ավելի վաղ Փաշինյանն առանձնազրույց է ունեցել Շառլ Միշելի հետ։ Զրուցակիցներն անդրադարձել են այսօր նախատեսված եռակողմ հանդիպմանը և կարևորել երկխոսության շարունակականությունը:

2022 թ․ ապրիլի 1-ին Ազգային ժողովն արտահերթ նիստում ընդունեց Տեղական ինքնակառավարման մարմինների մասին օրենքի անցումային դրույթները փոփոխող նախագիծ, որով ավագանու լիազորություները վաղաժամկետ դադարեցվում են, իսկ ՀՀ վարչապետը համայնքի ղեկավարի ժամանակավոր պաշտոնակատար է նշանակում, եթե ավագանու անդամների լիազորությունները ստանձնելուց 20 օրվա ընթացքում չի իրականացվում ավագանու առաջին նիստը կամ եթե երկշաբաթյա ժամկետում չի ընտրվում համայնքի ղեկավար: Այսքան հրատապ ընդունվող օրենսդրության հատվածային փոփոխությունը չի լուծում եղած խնդիրները, այլ գործիք է՝ ապագայում համանման իրավիճակը նույն՝ ոչ քաղաքական եղանակով լուծելու համար:

Այսօր՝ ապրիլի 6-Բրյուսելում նախատեսված է ՀՀ վարչապետ Նիկոլ Փաշինյանի և Ադրբեջանի նախագահ Իլհամ Ալիևի հանդիպումը։ Այն ներառված է Եվրոպական խորհրդի նախագահ Շառլ Միշելի աշխատանքային օրակարգում։ Հանդիպման վերաբերյալ այլ մանրամասներ չեն հաղորդվում։ Փաշինյան-Ալիև վերջին դեմ առ դեմ հանդիպումը ևս կայացել էր Բրյուսելում՝ 2021 թվականի դեկտեմբերի 14-ին։ 

ՀՀ-ում ԱՄՆ դեսպան Լին Թրեյսին հանդիպել է 2020 և 2021թթ․ գերեվարված հայ զինծառայողների ազգականներին․ ներկա են եղել և՛ անհետ կորածների, և՛ Ադրբեջանում երկարատև ազատազրկման դատապարտված զինծառայողների ազգականներ։ «Մենք կոչ ենք անում ազատ արձակել բոլոր բանտարկյալներին և, հաշվի առնելով հարազատների գտնվելու վայրի ու ճակատագրի մասին տեղեկություններ չունեցող ընտանիքների ցավը, մեծացնել ջանքերը՝ միտված անհետ կորած զինծառայողների մասին (այդ թվում՝ 1990-ականներից) տեղեկություններ ձեռք բերելուն»,-ասված է հաղորդագրությունում։

Կայացավ «Ուժը Հայրենյաց» հայրենասիրական-քաղաքական կուսակցության հիմնադիր համագումարը։  Կուսակցության նախագահ միաձայն ընտրվեց Տիգրան Արզաքանցյանը, բարձրագույն խորհրդի նախագահ ընտրվեց Նատալիա Ռոտենբերգը, գործադիր մարմնի նախագահ՝ Պերճ Մեսրոպյանը,  վերստուգիչ հանձնաժողովի նախագահ դարձավ Ռուբեն Այվազյանը։  

Հայաստանի Հանրապետություն կժամանի Իտալիայի արտաքին գործերի և միջազգային համագործակցության նախարար Լուիջի դի Մայոն ապրիլի 2-3-ը աշխատանքային այցով Հայաստան կժամանի Իտալիայի արտաքին գործերի և միջազգային համագործակցության նախարար Լուիջի դի Մայոն: Այցի շրջանակներում նախատեսվում են նաև Լուիջի դի Մայոյի հանդիպումները ՀՀ նախագահի, ՀՀ վարչապետի և ՀՀ ԱԺ նախագահի հետ: 

Վարչապետ Նիկոլ Փաշինյանը հեռախոսազրույց է ունեցել Ռուսաստանի Դաշնության նախագահ Վլադիմիր Պուտինի հետ: Քննարկել են Լեռնային Ղարաբաղում անվտանգության և կայունության ապահովման ուղղությամբ իրականացվող քայլերին, ադրբեջանական ստորաբաժանումների՝ Լեռնային Ղարաբաղում ռուս խաղաղապահ զորախմբի պատասխանատվության գոտի ներխուժման հետևանքով ստեղծված լարված իրավիճակին վերաբերող հարցեր:
 

«Քաղաքացիական պայմանագիր» կուսակցության վարչության կողմից որոշում կա, որ Երևան քաղաքի առաջիկա ՏԻՄ ընտրություններում կուսակցության ցուցակը գլխավորելու է նախկին փոխվարչապետ Տիգրան Ավինյանը, նա լինելու է քաղաքապետի թեկնածուն։

Եվրոպական խորհրդի նախագահ Շառլ Միշելը ապրիլի 6-ին Բրյուսելում համատեղ հանդիպում կանցկացնի Հայաստանի վարչապետ Նիկոլ Փաշինյանի և Ադրբեջանի նախագահ Իլհամ Ալիևի հետ։ 

«Պետականություն» քաղաքական նոր նախաձեռնությունն առաջարկում է. «Պատկերացրեք հայաստանյան քաղաքական դաշտն առանց Նիկոլ Փաշինյանի և Ռոբերտ Քոչարյանի։ Ավելի շատ անորոշությո՞ւն է առաջանում, թե՞ հույս։ Նրանց քաղաքական թիմերը կշարունակե՞ն գոյատևել, թե՞ ոչ։ Աստիճանաբար համակերպվեք այս մտքի հետ»։

Հայաստանում ստեղծված նոր քաղաքական նախաձեռնությունը՝ «Պետականություն» անվամբ, ներհայաստանյան թիվ մեկ խնդիրը համարում է քաղաքական դաշտի արմատական փոփոխությունը, ուստի, «քաղաքական դաշտից, նախևառաջ, պետք է հեռացվի Փաշինյան-Քոչարյան զույգը»։