«Մոտ 100 հազար մարդ մնում է Մարիուպոլում «լիակատար շրջափակման պայմաններում, առանց ուտելիքի, առանց ջրի, առանց դեղորայքի, մշտական գնդակոծությունների տակ», - հայտարարել է Ուկրաինայի նախագահ Վոլոդիմիր Զելենսկին:

Ռուսաստանի նախագահ Վլադիմիր Պուտինը մտադիր է մասնակցել G20 գագաթնաժողովին, որը տեղի կունենա Ինդոնեզիայում այս տարվա վերջին, հայտարարել է Ջակարտայում Ռուսաստանի դեսպանը՝ երկիրը խմբից հեռացնելու մասին որոշ անդամների կոչերից հետո:

Ուկրաինայի նախագահ Վոլոդիմիր Զելենսկին հայտարարել է, որ Ուկրաինայի և Ռուսաստանի միջև բանակցությունները առճակատման բնույթ են կրում, բայց, այնուամենայնիվ, առաջ են ընթանում, քանի որ Արևմուտքը ծրագրում է նոր պատժամիջոցներ սահմանել Կրեմլի դեմ՝ հումանիտար ճգնաժամի սրման ֆոնին:

Հայ Առաքելական Եկեղեցին այսօր նշում է Միջինքը։ Այս օրը, ըստ ժողովրդական ավանդության` հայ տանտիկինները թխում են բաղարջ, որի մեջ մետաղադրամ են դնում: Ում բաժին ընկնի  դրամը, այդ տարի հաջողություն կունենա:

Այսօր առավոտյան Չինաստանի Թայվան կղզում 6,6 մագնիտուդ ուժգնությամբ երկրաշարժ է տեղի ունեցել։ Ստորգետնյա ցնցումները զգացվել են բազմաթիվ քաղաքներում, այդ թվում ՝ Ֆուցզյան մայրցամաքային նահանգում։

Լատվիայում ձերբակալվել է բլոգեր Կիրիլ Ֆյոդորովը (Alconafter)՝ Ուկրաինա ռուսական ներխուժմանն իր ալիքով աջակցելու համար: Նա մեղադրվում է Լատվիայի քրեական օրենքի 78-րդ հոդվածներով («Ազգայնական հրահրում»)։

Մարտի 23-ը Օդերևութաբանության, OK-ի, Աթեիստի, Շան ձագերի, Չիփսերի և սոուսների, Լռության, Երկրին չբախվելու, Ծովի, Տղամարդկանց համերաշխության, Գեղեցիկ հայացքի, Միանման գուլպաների օրն է: Տոների մասին ամբողջական՝ armenlur.am-ում։

«Արևմուտքը, և հատկապես Ամերիկան, ուկրաինական ճգնաժամի հիմնական պատասխանատուներն են»,- գրել է ամերիկացի քաղաքագետ, Չիկագոյի համալսարանի քաղաքագիտության պրոֆեսոր Ջոն Ջ. Մարշայմերը The Economist-ում հրապարակված վերջին հոդվածում։ «Ամերիկյան և եվրոպական քաղաքական գործիչները Ուկրաինական ճգնաժամ են հրահրել՝ փորձելով Ուկրաինան ինտեգրել արևմուտք և պնդելով, որ Ռուսաստանի նախագահ Վլադիմիր Պուտինը լիակատար պատասխանատվություն է կրում ճգնաժամի համար»,- ասել է Միրշայմերը։

Սերբիայի Ներքին գործերի նախարար Ալեքսանդր Վուլին.

«Սերբիան երբեք չի միանա հակառուսական հիստերիային, որի ժամանակ խլվում է քաղաքացիների և հենց ՌԴ-ի սեփականությունը, դպրոցներից չի վռնդի ռուս երեխաներին, իսկ ռուս գրողներին ու գիտնականներին չի հանի դպրոցական դասագրքերից»:
 

2000 թվականի այս օրը նախագահի նստավայրից տուն ուղևորվելիս մահափորձ կատարվեց Արցախի նախագահ Արկադի Ղուկասյանի նկատմամբ։  Շուտով ձերբակալվեցին Սամվել Բաբայանը, նրա եղբայրը՝ Ստեփանակերտի քաղաքապետ Կարեն Բաբայանը և նրա այլ մերձավորներ։ Այսօր ծնվել են Գալուստ Գյուլբենկյանը,  Մելինե Համամջյանը, Արմեն Շեկոյանը և այլք։ Ավելին՝ armenlur.am կայքում։

«Լեռնային Ղարաբաղում հայերը բախվում են էթնիկ զտումների «շատ իրական հնարավորության» հետ»։ Բարոնուհի Քոքսը հոդված է գրել The House Magazine-ի համար Լեռնային Ղարաբաղի մոռացված անկլավի մասին։

Հարավարևելյան Ասիայի խոշորագույն բանկերից մեկի՝ DBS-ի գլխավոր տնօրեն Պիյուշ Գուպտան ասում է, որ գաղտնարժույթը «կարող է դառնալ ոսկու այլընտրանք», սակայն հավելել է, որ գաղտնարժույթի կարգավորումը «ֆորմալ բանկային համակարգից դուրս անխոհեմ քայլ է»:

Apple, Google և Microsoft տեխնոլոգիական ընկերությունների խումբը հայտարարում է, որ նրանք մեկ քայլով ավելի մոտ են այն բանին, որը շատ մարդիկ անվանում են ինտերնետում աշխատելու վատագույն ասպեկտներից մեկը՝ գաղտնաբառերը վերացմանը։

Սպասվում է, որ ԱՄՆ-ն ու նրա եվրոպացի դաշնակիցները Ռուսաստանի նկատմամբ նոր պատժամիջոցների կհայտարարեն, «որոնք կամրապնդեն Եվրոպայի էներգետիկ անվտանգությունը և կնվազեցնեն կախվածությունը ռուսական գազից»:

Դմիտրի Պեսկով (ՌԴ նախագահ Վլադիմիր Պուտինի մամլո քարտուղար, ՌԴ առաջին կարգի պետական գործող խորհրդական)

Ռուսաստանը կարող է միջուկային զենք օգտագործել միայն երկրին իրական սպառնալիքի դեպքում։

Չորեքշաբթին բարենպաստ է մտավոր աշխատանքի համար: 21-րդ լուսնային օրը նպաստավոր է ստեղծագործական և ֆիզիկական գործունեության համար: Երազները ոչինչ չեն նշանակում։ Լուսինը Աղեղնավորում՝ ուղևորություններն ու գործուղումները հաջող կանցնեն։ 3-րդ արևային օրը խորհուրդ է տրվում եկեղեցի գնալ, սկսել տուն կառուցել, զբաղվել տնային գործերով։ Կարելի է ստեղծագործել, մասնակցել դատական գործերի։ Սուրբ գրքեր կարդալը, աղոթելը բարենպաստ են, քանի որ վանում է բացասականը և սնուցում ներքին կրակը։ Խորհուրդ չի տրվում արյուն թափել, վիրահատություններ կատարել։ Ծախսերն անցանկալի են։

ՀՀ արտաքին գործերի նախարար Արարատ Միրզոյանը հայտնում է, որ Ադրբեջանը որպես գերի պահում է 38 անձի, որոնցից  3-ը քաղաքացիական անձինք են:

Քաղաքական հետազոտությունների խորհրդատու Թոգրուլ Իսկենդերլի. «Սա հրաշալի լուսանկար է շատ առումներով։ Եթե ինձ խնդրեն նկարագրել Ադրբեջանը, օգտագործելով միայն մեկ լուսանկար, ես, հավանաբար, առաջինը սա կընտրեի»:

ԱՄՆ պաշտպանության նախարարի օգնական Բինգ Ուեսթ.

«Բայդենի նպատակը ՆԱՏՕ-ի նկատմամբ պետք է ավելի լայն լինի։ Եթե ռուսական զորքերը դուրս գան Ուկրաինայից, իսկ Պուտինը նախկինի պես շարունակի ղեկավարել Ռուսաստանը, դա ծանր պարտություն կլինի Ամերիկայի համար»։

Փոփ-արտի մեծագույն նկարիչ Էնդի Ուորհոլի «Մերիլին Մոնրո» մետաքսագրությաբ դիմանկարներից մեկը աճուրդի կհանվի 200 մլն դոլարով։