Ճապոնիայի Ռուսաստանի դեմ պատժամիջոցներին միանալուց հետո, Ռուսաստանը զորավարժություններ է անցկացրել Ճապոնիայի հետ վիճելի կղզիներում։
|
Ճապոնիայի Ռուսաստանի դեմ պատժամիջոցներին միանալուց հետո, Ռուսաստանը զորավարժություններ է անցկացրել Ճապոնիայի հետ վիճելի կղզիներում։
|
Ռուսաստանի նախագահ Վլադիմիր Պուտինի որոշումը ոչ բարեկամական երկրների համար բնական գազի վճարումը ռուբլով փոխանցելու որոշումը նյարդայնացրել է արևմտյան էներգետիկ շուկաներում, շփոթություն է առաջացրել եվրոպական էներգետիկ կոնցեռնների վարչություններում և Եվրամիության երկրների էկոնոմիկայի նախարարություններում։ Տնտեսագետ Յենս Զյուդեկումն ասել է՝ ռուս առաջնորդը «շրմփացրել է Արևմուտքին»։
|
Միացյալ Նահանգները խորապես մտահոգված է Լեռնային Ղարաբաղում Ադրբեջանի զորքերի տեղաշարժի առնչությամբ: Այս մասին լրագրողների հետ ճեպազրույցում հայտարարել է Պետքարտուղարության մամուլի ծառայության ղեկավարի տեղակալ Ջալինա Փորթերը: «Զորքերի տեղաշարժն ու լարվածություն առաջացնող մյուս գործողություններն անպատասխանատու են և անհարկի սադրիչ»,- հայտարարել է Փորթերը՝ նշելով, որ պետքարտուղարությունը մշտապես հետևում է 2020 թվականի նոյեմբերին հայտարարված հրադադարից հետո շփման գծում տիրող իրադրությանը:
|
Ռուսաստանի Անվտանգության խորհրդի փոխնախագահ Դմիտրի Մեդվեդևն ասել է. «Միջուկային հակամարտության սպառնալիք մշտապես գոյություն ունի։ Ոչ ոք ոչ մի պատերազմ չի ուզում, մանավանդ միջուկային պատերազմը սպառնալիք է մարդկային քաղաքակրթության գոյությանը։ Այս իմաստով ճիշտ են այն վերլուծաբանները, որոնք ասում են, միգուցե փոքր-ինչ ցինիկ է հնչում, բայց այնուամենայնիվ,
Իրականում դա այդպես է»։
|
ՌԴ պատվիրակության ղեկավար Վլադիմիր Մեդինսկին, խոսելով Մոսկվայի և Կիևի միջև ընթացող բանակցությունների մասին, հայտարարել է. «Բանակցություններն ընթացել են ողջ շաբաթվա ընթացքում՝ երկուշաբթիից ուրբաթ տեսակոնֆերանսի ձևաչափով։ Դրանք կշարունակվեն նաև այսօր։ Բանակցություններն ընթանում են փորձագիտական խմբերի միջև, շաբաթական երկու-երեք անգամ պատվիրակությունների ղեկավարների միջև։ Վերջին անգամ դա եղել է երեկ երեկոյան։ Հիմա երկրորդական նշանակության հարցերում կողմերի դիրքորոշումները մոտենում են, սակայն գլխավոր քաղաքական հարցերում մենք փաստացի տեղում դոփում ենք»։
|
ՌԴ նախագահ Վլադիմիր Պուտինը օրենք է ստորագրել Ուկրաինայում հատուկ գործողության մասնակիցներին ռազմական գործողությունների վետերաններ ճանաչելու մասին:
|
Արցախի պաշտպանության բանակ. «Մարտի 25-26-ին՝ ժամը 9:00-ի դրությամբ, շփման գծի ողջ երկայնքով, ներառյալ արևելյան սահմանը, օպերատիվ-մարտավարական իրադրությունը համեմատաբար կայուն է: Հրադադարի ռեժիմի լուրջ խախտումների մասին հաղորդագրություններ չեն ստացվել»։
|
Ռուսաստանի Անվտանգության խորհրդի փոխնախագահ Դմիտրի Մեդվեդևը հայտարարել է. «Ռուսաստանի և Ուկրաինայի բանակցությունների նպատակը պարզ է՝ ամրագրել Ուկրաինայի չեզոք կարգավիճակը, ապառազմականացումը և հրաժարումը ազգայնամոլական (նացիստական) օրենքներից»։
|
Նիդեռլանդների գիտնականները, Environment International ամսագրի հրապարակման, հետազոտել են 22 դոնորների արյան նմուշները և 17-ում միկրոպլաստիկ են գտել: Բացահայտումը ցույց է տալիս, որ մասնիկները կարող են տեղաշարժվել մարմնով և բնակություն հաստատել օրգաններում։ Լաբորատոր պայմաններում պլաստիկը վնաս է հասցնում մարդու բջիջներին, սակայն իրական կյանքում ազդեցությունը դեռ հայտնի չէ։
|
Մարտի 26-ը Մանուշակագույն օր՝ էպիլեպսիայով հիվանդների, Քառասուն սուրբ մանկանց հիշատակության, Իրավաբանի օգնականի, Սեփական տոն ստեղծելու, Սպանախի, Նուգայի, Տխուր ավանակների, Գարնան լուրն օդապարիկով ուղարկելու օրն է:
|
ՌԴ ԱԳ նախարար Սերգեյ Լավրովն ասել է. «Չնայած հակառուսական համատարած քարոզչությանը, պետությունների ճնշող մեծամասնությունը չի միացել և, համոզված եմ, չի միանա արևմտյան պատժամիջոցային քաղաքականության խաղերին և շահագրգռված են զարգացնել իրավահավասար միջպետական համագործակցություն՝ հիմնված ՄԱԿ-ի Կանոնադրության հիմնական սկզբունքների վրա»։
|
Եվրոպական միության հարևանության և ընդլայնման հարցերով հանձնակատար Օլիվեր Վարհելին Ադրբեջանի արտաքին գործերի նախարար Ջեյհուն Բայրամովի հետ հանդիպմանը հայտնել է, որ Ադրբեջանին կհատկացվի 2 մլրդ եվրո՝ տնտեսական ներդրումային ծրագրի շրջանակներում։
|
Նիկոլ Փաշինյանը Ռուսաստանի Դաշնության նախագահ Վլադիմիր Պուտինի հետ հեռախոսազրույցի ընթացքում հարցադրում է կատարել ռուս խաղաղապահների գործողությունների հետաքննության անհրաժեշտության մասին և ընդգծել ռուս խաղաղապահների կողմից Ադրբեջանի զինված ուժերը ելման դիրքեր վերադարձնելու պահանջի անհրաժեշտությունը։
|
Այսօր Հայ Առաքելական Եկեղեցին նշում է Քառասուն սուրբ մանկանց հիշատակության օրը։ Երբ Լիկիանոս կայսեր հրամանով Կեսարիայի դուքս Լյուսիասը հարցաքննում է զինվորներին` բանակում քրիստոնյաներ հայտնաբերելու նպատակով, նրանցից 40-ը, հավատարիմ իրենց հավատին, անվեհեր պատասխաններով դատավորների զայրույթն են առաջացնում և բանտարկվում: Ձմեռային մի ցուրտ գիշեր նրանց նետում են Սեբաստիա քաղաքի մոտ գտնվող լիճը: 40-ից միայն մեկը չի կարողանում դիմանալ տանջանքներին:
|
Ֆրանսիայի ԱԳՆ-ն հայտարարել է. Ֆրանսիան մտահոգված է Լեռնային Ղարաբաղում ադրբեջանական զորքերի առաջխաղացման մասին հաղորդագրություններով և կոչ է անում նրանց վերադառնալ այն դիրքորոշումներին, որոնք համաձայնեցվել են հրադադարի մասին 2020թ.նոյեմբերի 9-ի հայտարարության շրջանակներում։
|
Մարտի 26-ին առանձին շրջաններում սպասվում են թույլ տեղումներ: Երևանում՝ քաղաքի առանձին հատվածներում հնարավոր են թույլ և կարճատև տեղումներ։ Մարտի 27-30-ին սպասվում է առանց տեղումների եղանակ։ Հանգստյան օրերին մայրաքաղաքում ցերեկը կդիտվի +8 +11 աստիճան: Օդի ջերմաստիճանը մարտի 29-30-ի ցերեկն աստիճանաբար կբարձրանա 7-10 աստիճանով:
|
1992 թվականի այս օրը ՄԱԿ-ը որոշակիացնում է իր մասնակցության ձևաչափը ղարաբաղյան հակամարտության կարգավորման հարցում։ Դա ԵԱՀԿ-ի խաղարարար գործունեությանն աջակցելն է։ Այսպիսով, ՄԱԿ-ը ձեռնպահ է մնում կարգավորման գործընթացին ուղղակի մասնակցությունից։
|
Եվրախորհրդարանի պատգամավոր Ֆրանսուա-Քսավյե Բելամին թվիթերյան իր էջում գրառել է.
|
Շաբաթ օրը նպատակահարմար է կարգավորել կուտակված խնդիրները։ 24 լուսնային օրը մարդկանց հետ փորձեք հարաբերվել նրբորեն։ Երազները գործուն չեն։ Այծեղջյուրի լուսինը մեծացնում է ներքին խոցելիությունը։ Արևային 6-րդ օրը ներդաշնակության և բուժության օր է: Սա ներքին հավատի, բարդույթների հաղթահարման ժամանակն է: Խորհուրդ է տրվում կապվել ազգականների հետ, զբաղվել երեխաներով, ֆիզիկական առողջությամբ: Բուժիչ օր է, երբ ջուրը ձեռք է բերում բացառիկ հատկություններ և դրա օգնությամբ արյունը, էներգետիկ խողովակները և մաշկը սկսում են մաքրվել: Վիրահատություններ խորհուրդ չի տրվում. Չի կարելի պղծել ջուրը։ Լավ նախանշաններին կարելի է դասել թռչունների և ջրի հետ կապված բոլոր նշանները: Վատ նախանշաններ են չորությունը, դատարկ դույլերը, արյունը: Կարևոր է հետևել հոտերին։
|
«Ռոման» փորձում է երկարաձգել պայմանագիրը Հենրիխ Մխիթարյանի հետ: Հայ ֆուտբոլիստի գործող պայմանագիրն ակումբի հետ ավարտվում է 2022 թվականի հունիսին։ Ավելի վաղ հաղորդվում էր, որ Մխիթարյանը ակումբի ղեկավարության առջև պայմաններ է դրել, որոնք ընդունելու դեպքում համաձայնություն կտա երկարաձգել պայմանագիրը «Ռոմայի» հետ։
|