|
Պուտինին հանձնել են Հյուսիսային Կորեայի բարձրագույն պետական պարգեւը՝ Կիմ Իր Սենի շքանշանը, հաղորդում է «Կորեայի ձայնը»: Նրա տվյալներով՝ Ռուսաստանի նախագահին պարգևատրել են ԿԺԴՀ-ի և ՌԴ-ի «բարեկամական ու եղբայրական» հարաբերությունները մինչև «ռազմավարական գործընկերային և անխախտ դաշնակցային հարաբերություններ» բարձրացնելու ու զարգացնելու գործում ունեցած հսկայական վաստակի, ինչպես նաև Ռուս-կորեական բարեկամության «նոր էջ» բացելու համար:
|
Դասավորել ըստ՝
ամսաթվի ·
վերնագրի ·
դիտումների
|
Էներգոդարի «Լուչ» ենթակայանը, որը գրոհել են ուկրաինական զորքերը, ամբողջությամբ ավերվել է: Այս մասին «ՌԻԱ Նովոստի»-ին հայտնել է ԱԷԿ-ի հաղորդակցության գծով տնօրենը:
|
|
Չինաստանը հույս ունի, որ Վաշինգտոնը կդադարի կեղծ տեղեկություններ տարածել, որոնք ուղղված են այլ երկրների դեմ, հայտարարել են Չինաստանի ԱԳՆ-ում: Մի քանի օր առաջ Reuters-ը հրապարակել էր հետաքննություն, որից հետևում է, որ Պենտագոնը սոցիալական ցանցերում քարոզարշավ էր վարում COVID-ի դեմ չինական պատվաստանյութը վարկաբեկելու նպատակով:
|
|
Չինաստանի ԱԳՆ-ն դատապարտել Է ԱՄՆ-ի նոր հակառուսական պատժամիջոցները՝ անվանելով անօրինական և միակողմանի: ԱՄՆ-ն մշտապես զենք է մատակարարում Ուկրաինային և ճգնաժամն օգտագործում է որպես հարմար առիթ պատժամիջոցներ սահմանելու համար, հայտարարել են Չինաստանի ԱԳՆ-ում:
|
|
Ուկրաինայի նախագահ Վլադիմիր Զելենսկին չհայտարարված այցով ժամանել է Սաուդյան Արաբիայի Թագավորություն հանդիպելու թագաժառանգ Մուհամմեդ բին Սալման Ալ Սաուդի հետ: «Բովանդակալից և եռանդուն հանդիպում»,-գրել է Զելենսկին Telegram ալիքում։ Նրա խոսքով՝ կողմերը քննարկել են Շվեյցարիայում կայանալիք գագաթաժողովի նախապատրաստական աշխատանքները և դրա ակնկալվող արդյունքները:
|
|
Եվրախորհրդարանի ընտրություններից հետո ԵՄ-ն չի փոխի Ռուսաստանի նկատմամբ իր վարած քաղաքականությունը, դրանում առաջատար դերը նախկինի պես կունենա Եվրոպական ժողովրդական կուսակցությունը, ՌԻԱ Նովոստիին հայտնել է ՄԳԻՄՕ-ի փորձագետ Նիկոլայ Թոփորնինը:
|
|
Շվեյցարիան կանոնավոր կապ է պահպանում Ռուսաստանի հետ՝ Ուկրաինայի հարցով համաժողովի վերաբերյալ, հայտարարել է Շվեյցարիայի ԱԳՆ ղեկավարը:
|
|
Բրազիլիան և Հարավաֆրիկյան Հանրապետությունը դեռ չեն հաստատել իրենց պատվիրակությունների մասնակցությունը Ուկրաինային նվիրված համաժողովին, հայտարարել է Շվեյցարիայի նախագահը: Երկու երկրների իշխանություններն ավելի վաղ հայտարարել էին, որ իրենց առաջնորդները չեն մասնակցելու համաժողովին։ Բրազիլական ԶԼՄ-ները գրել են, որ իրենց երկրից կժամանի «ցածր աստիճանի պաշտոնյա»։
|
|
Շվեյցարիայում Ուկրաինայի վերաբերյալ համաժողովը, ամենայն հավանականությամբ, էական արդյունքների չի հանգեցնի և կհիասթափեցնի Զելենսկուն: Նման կարծիք է հայտնել Շվեյցարական Watson տեղեկատվական պորտալը։
|
|
Բրյանսկի մարզի Նավլինսկի շրջանում ՌԴ Պաշտպանության նախարարության ուժերը ոչնչացվել է երեք ինքնաթիռային տիպի ԱԹՍ, տուժածներ և ավերածություններ չկան, հայտնել է շրջանի նահանգապետ Բոգոմազը:
|
|
Սքոթ Ռիտերը պատմել է, որ ԱՄՆ-ում նրան փաստացիորեն սովորեցրել են սպանել ռուսներին։ Ամերիկացի սպաներին, ըստ նրա, սովորեցրել են ոչ թե ուսումնասիրել Ռուսաստանը և նրա պատմությունը, այլ լրտեսել և նսեմացնել ռուսական մշակույթը: Նրա կարծիքով՝ դա սխալ մոտեցում է։
|
|
Բելգորոդի մարզի Նովոպետրովկա գյուղում ավտոմեքենայի վրա ուկրաինական դրոնի հարձակման հետևանքով կին է զոհվել, ևս երկու մարդ վիրավորվել է, հայտնել է Գլադկովը։
|
|
Մակրոնը հայտարարել է, որ Մոսկվայում ձերբակալված ֆրանսիացին աշխատել է շվեյցարական ոչ կառավարական կազմակերպության համար: Նա ընդգծել է՝ չնայած այն բանին, որ ձերբակալվածը «չի աշխատել Ֆրանսիայի համար», նրան կապահովեն անհրաժեշտ հյուպատոսական պաշտպանություն։ Ավելի վաղ ՌԴ Քննչական կոմիտեն հայտնել էր, որ տղամարդուն կասկածում են Ռուսաստանի ռազմական գործունեության մասին տեղեկություններ հավաքելու մեջ:
|
|
Մակրոնը Բայդենի հետ վերջերս կայացած հեռախոսազրույցում առաջարկել է արևմտյան հրահանգիչներ ուղարկել Ուկրաինա, սակայն ԱՄՆ նախագահը չի աջակցել այդ քայլին, գրում Է Politico-ն: Պարբերականի տվյալներով՝ Բայդենը նշել է, որ նման քայլը կարող է հանգեցնել հակամարտության սրմանը։ Զրույցի արդյունքներում առաջնորդները ոչ մի որոշման չեկան։
|
|
Մեքսիկան և Նիկարագուան հրաժարվել են մեկնել Շվեյցարիա՝ մասնակցելու Ուկրաինայի հարցով համաժողովին, գրում է «Իզվեստիան»: Մեքսիկայի դեսպանատանը պարբերականին հայտնել է, որ սպասում են բանակցությունների հակամարտության երկու կողմերի մասնակցությամբ: Նիկարագուայի ԱԳՆ-ում միջոցառումն անվանել են «քաղաքական ֆարս», որի նպատակն է Ռուսաստանին ներկայացնել «հերթական ուլտիմատումը», այլ ոչ թե խաղաղության ճանապարհ գտնել:
|
|
Բայդենը հերթական անգամ վիրավորական արտահայտություններ է թույլ տվել Պուտինի հասցեին՝ նրան անվանելով «բռնապետ»։ Բացի այդ, ԱՄՆ նախագահը հայտարարել է, որ Ռուսաստանի առաջնորդի հետ ծանոթ է 40 տարի։ Թե ինչու հենց 40 և ինչպես է տեղի ունեցել ծանոթությունը, չի հստակեցրել։
|
|
ԱՄՆ նախագահ Ջո Բայդենը ամերիկյան ABC News հեռուստաալիքին տված հարցազրույցում հայտարարել է, որ ԱՄՆ-ն թույլ չի տալիս օգտագործել ամերիկյան զենքեր Մոսկվային և Կրեմլին հարվածելու համար: Ավելի ուշ՝ հինգշաբթի օրը, Բայդենը նախատեսում է հանդիպել նախագահ Վլադիմիր Զելենսկու հետ ՝ քննարկելու Ուկրաինայում տիրող իրավիճակը:
|
|
Իսրայելը հարված է հասցրել Գազայի հատվածում ՄԱԿ-ի դպրոցի շենքին։ Ինչպես հայտարարել են Իսրայելի պաշտպանության բանակի ներկայացուցիչները, Նուսեյրաթի դպրոցի տարածքում, որը պատկանում է ՄԱԿ-ի պաղեստինցի փախստականների օգնության մերձավորարևելյան գործակալությանը, եղել է ՀԱՄԱՍ-ի հրամանատարական կետը, իսկ սպանվածների թվում, որոնց թիվը գնահատվում է 20-ից մինչեւ 30, մեծամասնությունը կամ բոլորը եղել են գրոհայիններ, այդ թվում՝ անցյալ տարվա հոկտեմբերի 7-ին Իսրայելի վրա հարձակմանը մասնակցած զինյալներ:
|
|
Ռուսաստանի դեմ պատժամիջոցներ սահմանելով՝ Արևմուտքի երկրներն «իրենք իրենց ոտքին են կրակում», ՊՄՏՀ-ի ժամանակ հայտարարել է ֆինանսների նախարար Անտոն Սիլուանովը: «Ինձ թվում է՝ ամեն ինչիմեղավորը պատժամիջոցներն են։ Նրանք հաճույքով սահմանում են պատժամիջոցներ և իրենք իրենց ոտքին կրակում։ Տնտեսությունը նրանց մոտ լճանում է, մեզ մոտ՝ աճում։ Այդ պատճառով այդ գործընթացը (Ռուսաստանի տնտեսության աճը) արագացել է», - ասել է նա։
|
|
Չինաստանը պատրաստ է համագործակցել Ուկրաինայի հետ բոլոր ոլորտներում։ Այս մասին հայտարարել է Չինաստանի փոխարտգործնախարար Սուն Վեյդունը՝ Պեկինում Ուկրաինայի արտաքին գործերի առաջին փոխնախարար Անդրեյ Սիբիգայի հետ խորհրդակցելուց հետո։
|
