Թուրքիայի պաշտպանության նախարար Հուլուսի Աքարը հեռախոսազրույց է ունեցել ռուս պաշտոնակից Սերգեյ Շոյգուի հետ: Կողմերը քննարկել են Ուկրաինայում ստեղծված իրավիճակը: Աքարն ընդգծել է հրադադարի անհապաղ հաստատման կարևորությունը, ինչպես նաև ցամաքային կամ ծովային ճանապարհով խաղաղ բնակիչներին անվտանգ դուրս բերելու հրատապությունը:

Ֆրանսիայի նախագահ Էմանուել Մակրոնը կարծում Է, որ Ուկրաինայի հակամարտությունն առաջկա շաբաթներին չի ավարտվի և բնակչությանը մարդասիրական օգնության կոչ է արել: «Կարծում եմ, որ մենք շատ ծանր իրավիճակ կտեսնենք Դոնբասում առաջիկա օրերին եւ շաբաթներին: Ուստի մենք Թուրքիայի, Հունաստանի և ՄԱԿ-ի հետ միասին ամեն ինչ անում ենք Մարիուպոլ և Դնեպր քաղաքներում հումանիտար գործողություններ կազմակերպելու համար »,- ընդգծել Է Մակրոնը։

Կրեմլը դրական է գնահատում Հայաստանի և Ադրբեջանի իշխանությունների՝ խաղաղ բանակցությունների գործընթաց սկսելու որոշումը։ Այս մասին այսօր լրագրողներին հայտնել է ՌԴ նախագահի մամուլի քարտուղար Դմիտրի Պեսկովը։ «Հասկանալի է, որ սա շատ ու շատ երկար գործընթաց է, բայց նման փաստաթղթի կնքման առաջխաղացումն ինքնին դրական փաստ է և ողջունելի»,- ասել է Պեսկովը։

Դոնեցկի ժողովրդական միլիցիայի ստորաբաժանումները «մաքրել են» Մարիուպոլի կենտրոնը ուկրաինական զինված կազմավորումներից: Այս մասին հայտարարել է ԴԺՀ-ի ժողովրդական միլիցիայի վարչության պետի տեղակալ Էդուարդ Բասուրինը։ «Մարիուպոլում՝ քաղաքի կենտրոնական հատվածում տիրող իրավիճակի վերաբերյալ, կարելի է ասել, որ հիմնական մարտերն ավարտվել են»,- ասել է նա։

ԱՄՆ նախագահ Ջո Բայդենը հանձնարարել է Կիևին լրացուցիչ ռազմական օգնություն հատկացնել մինչև 100 մլն դոլարի չափով, այն կներառի հակատանկային համակարգեր։ ԱՄՆ պետքարտուղար Էնթոնի Բլինքենը նշել է, որ 2021 թվականի օգոստոսից ի վեր սա արդեն վեցերորդ անգամ է, երբ Պենտագոնի պահեստներից Կիևի համար զենք կամ տեխնիկա է հատկացվում։ Նա նաև հայտնել է, որ ԱՄՆ-ը և նրա դաշնակիցները «կշարունակեն օգնություն տրամադրել անվտանգության ոլորտում՝ Ուկրաինայի պաշտպանության ամրապնդման նպատակով», ինչպես նաև տնտեսական և հումանիտար աջակցություն կցուցաբերեն:

Ռուսաստանում ամեն օր հուղարկավորում են Ուկրաինայում զոհված զինծառայողների։ BBC-ի հաշվարկներով ՝ զոհվածների 20 տոկոսը սպաներ են: Վերջին անգամ Ռուսաստանի պաշտպանության նախարարությունը ԶՈւ կորուստների մասին հաշվետվություն ներկայացրել է մարտի 25-ին՝ հաղորդելով 1351 զինծառայողի մահվան մասին։ Ուկրաինայի զինված ուժերը շատ ավելի մեծ թիվ են նշում՝ 18.3 հազար: Ապրիլի 5-ի դրությամբ ռուսական պաշտոնական աղբյուրներում հրապարակվել են առնվազն 1083 զոհված զինվորականների անուններ:

Մարդու իրավունքների լիազոր Տատյանա Մոսկալկովան հաստատել է, որ Ռուսաստանը և Ուկրաինան ռազմագերիների փոխանակում են անցկացրել 86-ը 86-ով ձևաչափով: «Հաստատում եմ, որ 86-ը 86-ով ձևաչափով փոխանակությունը կայացել է»,- հայտնել է ՌԻԱ Նովոստիին: Ցուցակում նաև ներառվել են «Ռոսատոմ»-ի աշխատակիցները, սակայն հետագայում ուկրաինական կողմը նրանց բացառել է:

Փենյանը միջուկային զենք կկիրառի, եթե Հարավային Կորեան «գնա ռազմական առճակատման»: Այս մասին հայտարարել Է ԿԺԴՀ առաջնորդ Կիմ Չեն Ընի քույրը՝ Կորեայի աշխատանքային կուսակցության կենտկոմի բաժնի փոխղեկավար Կիմ Յո Չժոնը: «Եթե Հարավային Կորեան գնա ռազմական առճակատման, մեր մարտական միջուկային ուժերն անխուսափելիորեն պետք Է կատարեն իրենց պարտականությունները»,-ասել է Չժոնը: 

Ռուս-ուկրաինական պատերազմում Ուկրաինայի հաղթանակը կարելի կլինի համարել վերադարձը այն կետին, որը եղել է մինչև 2022 թվականի փետրվարի 23-ը, ինչպես նաև ուկրաինական տարածքների ժամանակավոր օկուպացման վերաբերյալ հետագա բանակցությունների հստակ ըմբռնումը: Այս մասին հայտարարել է մասին հեռուստամարաթոնի ժամանակ ասել է Ուկրաինայի նախագահ Վոլոդիմիր Զելենսկին։

ՌԴ ՊՆ-ն հրապարակել է «Տոր» մարտավարական զենիթահրթիռային համակարգի անձնակազմի կողմից Ուկրաինայի ԶՈՒ «Բայրաքթար» անօդաչու թռչող սարքի ոչնչացման կադրերը։ Ըստ հաղորդագրության՝ մարտական հերթապահության ընթացքում հայտնաբերվել է 20 օդային թիրախ։ «Տոր» հակաօդային պաշտպանության համակարգի հաշվարկային իրավասու գործողությունների արդյունքում բոլոր թիրախները վերցվել են ուղեկցության և ոչնչացվել։ Դրանց թվում են յոթ «Բայրաքթար» մարտական անօդաչու թռչող սարքեր (ԱԹՍ)։

The New York Times-ը հրապարակել է Ուկրաինայի Բուչա քաղաքի արբանյակային լուսանկարները։ Դրանցում երևում է, որ փողոցներում խաղաղ բնակիչների դիերը հայտնվել են մինչև քաղաքուից  ռուսական զորքերի հեռանալը։ Իր հերթին ԱՄՆ նախագահ Ջո Բայդենը հայտարարել է, թե Բուչայում կատարվածից հետո Պուտինը պետք է կանգնի ռազմական տրիբունալի առաջ։

ՄԱԿ-ում Ռուսաստանի մշտական ներկայացուցիչ Վասիլի Նեբենզյան մամուլի ասուլիս է անցկացրել, երբ ապրիլին Անվտանգության Խորհրդում նախագահող Մեծ Բրիտանիան մեկ օրում երկու անգամ մերժել է Բուչեի իրադարձությունների վերաբերյալ նիստ կազմակերպելու ռուսական հարցումները: Ճեպազրույցի ընթացքում դեսպանը լրագրողներին ներկայացրել է ուկրաինական քաղաքում սադրանքի բեմականացման վկայությունները, ինչպես նաև մեկնաբանել Է ՄԱԿ-ի Մարդու իրավունքների խորհրդից Ռուսաստանին հեռացնելու վերաբերյալ քվեարկություն նախաձեռնելու Վաշինգտոնի և Լոնդոնի մտադրությունը:

Ուկրաինայում գործողության ընթացքում, իբր, Ռուսաստանի կողմից միջուկային զենքի հնարավոր կիրառման մասին զրպարտությունները ոչ մի ռացիոնալ հիմք չունի, նման սպառազինությունների օգտագործման չափանիշները ոչ մի կերպ չեն վերաբերում Ուկրաինայում ծավալվող սցենարին։ Հայտարարել է ՄԱԿ-ում ՌԴ մշտական ներկայացուցչի առաջին տեղակալ Դմիտրի Պոլյանսկին՝ ելույթ ունենալով ՄԱԿ-ի զինաթափման հարցերով հանձնաժողովի նստաշրջանում։

Մոսկվան հուսով է, որ Կիևը կհետևի իր ազգային շահերին Ռուսաստանի և Ուկրաինայի միջև խաղաղ բանակցություններում, սակայն ականջալուր չի լինի «հետին խորհրդականներին», հայտարարել է Ռուսաստանի արտգործնախարար Սերգեյ Լավրովը՝ հավելելով, որ Ռուսաստանը կբացահայտի Ուկրաինայում հատուկ գործողության հետ կապված ֆեյքերին:

ԱՄՆ-ը ծրագրում է Ուկրաինա ուղարկել Switchblade անօդաչուներ՝ տանկերի ոչնչացման համար։

Ուկրաինայի ազգային անվտանգության և պաշտպանության խորհրդի քարտուղար Օլեքսի Դանիլովը հեռուստաեթերում հայտարարել է, որ առաջիկա օրերին երկրին սպասվում են ծանր մարտեր ռուսական զորքերի հետ։ Նա հավելել է, թե Դոնեցկի, Լուգանսկի, Խարկովի շրջանների ուղղությամբ հավաքվում է ՌԴ զորքերի մեծ խումբ։

ՌԴ նախագահ Վլադիմիր Պուտինը և Ուկրաինայի նախագահ Վոլոդիմիր Զելենսկին, հավանաբար, շուտով դեմ առ դեմ կհանդիպեն Թուրքիայում՝ խաղաղ բանակցությունների համար: Ուկրաինացի բանակցող Դավիթ Արախամիան տեղական հեռուստաալիքին հայտարարել է, որ երկու առաջնորդները շուտով կարող են հանդիպել, քանի որ խաղաղ պայմանագրի փաստաթղթերի նախագծերն առաջաընթաց ունեն։ Արախամիան հայտնել է, որ Թուրքիայի նախագահ Ռեջեփ Թայիփ Էրդողանը «երեկ զանգահարել է և մեզ, և Վլադիմիր Պուտինին, և նա, կարծես, իր կողմից հաստատել է, որ իրենք պատրաստ են մոտ ժամանակներս հանդիպում կազմակերպել: Ոչ ամսաթիվը, ոչ տեղը հայտնի չեն, բայց մենք կարծում ենք, որ մեծ հավանականությամբ վայր կլինի Ստամբուլը կամ Անկարան»,- շարունակել է նա:

Մեծ Բրիտանիայի ՊՆ-ն Ուկրաինայում օպերատիվ իրավիճակի վերաբերյալ հայտարարել է, որ չնայած ուկրաինական ՀՕՊ-ի ոչնչացման ռուսական ջանքերին, Ուկրաինան շարունակում է լուրջ խնդիրներ ստեղծել ռուսական օդային և հրթիռային գործողությունների համար։ Ռուսական ինքնաթիռները նախկինի պես խոցել են փոքր և միջին հեռահարության ՀՕՊ համակարգեր։ Ռուսաստանի ջանքերն՝ ուղղված օդում լայն վերահսկողություն հաստատելուն, մեծապես տապալված են, ինչն էականորեն ազդել է ռազմաճակատի տարբեր հատվածներում նրա ցամաքային զորքերի առաջխաղացման աջակցման կարողության վրա։

«Այսօր առավոտյան բարձր ճշգրտության օդային և ծովային զինատեսակներով ՌԴ զորամիավորումները ոչնչացրել են Կրեմենչուգի նավթավերամշակման գործարանում բենզինի և դիզելային վառելիքի պահեստարանները, որտեղից ուկրաինական զորքերի խումբը մատակարարվում էր երկրի կենտրոնական և արևելյան շրջաններում»,- ասել է ՌԴ ՊՆ խոսնակ Իգոր Կոնաշենկովը։

«Բարձր ճշգրտության օդային տեղակայման հրթիռներով շարքից դուրս են բերվել Պոլտավա և Դնեպրոպետրովսկ քաղաքների ռազմական օդանավակայանները»

Ուկրաինայի նախագահ Վոլոդիմիր Զելենսկին է Fox News-ին տված հարցազրույցում նշել է, որ առանց ԱՄՆ-ի և Չինաստանի միջև ուղիղ կապի, անհնար կլինի հասնել աշխարհին անհրաժեշտ արդյունքին։ «Ես կցանկանայի Չինաստանին տեսնել մեր կողքին, բայց ընտրությունն իրենցն է»,- պատասխանել է Զելենսկին հարցին, թե արդյո՞ք Չինաստանը չի աջակցում Ռուսաստանին։