|
Ուկրաինայի Խարկովի մարզի ժամանակավոր քաղաքացիական վարչակազմի ղեկավար Վիտալի Գանիչևը հայտնել է, որ իրավիճակի կայունացումից հետո տվյալ տարածքում հնրավոր է հանրաքվե անցկացվի՝ քաղաքական ապագայի վերաբերյալ: Նա ընդգծել է, որ ժողովրդավարական հասարակությունում որոշումն ընդունվում է բնակչության կողմից։
|
Դասավորել ըստ՝
ամսաթվի ·
վերնագրի ·
դիտումների
|
Իսրայելական կործանիչներն ապրիլի 21-ի գիշերը երկրոդ անգամ են հարված հասցրել Գազայի հատվածում ՀԱՄԱՍ շարժման ռազմական օբյեկտին ի պատասխան նախորդ գրոհի ժամանակ ինքնաթիռների դեմ զենիթային կրակի։ Իսրայելական բանակի վիրավորների կամ ինքնաթիռների վնասվածքների մասին հաղորդումներ չեն ստացվել։
|
|
Զապորոժյեի մարզի Տոմկակ քաղաքում Ուկրաինայի ուժայինները «Տոչկա-Ու» հրթիռային համալիրով հարված են հասցրել մասնավոր թռչնաֆաբրիկային։ Ըստ ՌԴ ՊՆ-ի՝ սա նման առաջին դեպքը չէ․ Տոմկակում, որը մարտի սկզբից վերահսկվում է ռուս զինվորականների կողմից, Ուկրաինայի զինված ուժերը ավելի վաղ ֆերմերային տնտեսություն են ավերել։շ
|
|
Չիլիի ԱԳՆ-ն պարզաբանում է այդ երկրի քաղաքացի լրագրող և գրող Գոնսալո Լիրա Լոպեսի ճակատագիրը, որը հանդես է եկել ուկրաինական իշխանությունների քննադատությամբ և կորել Խարկովում: Լոպեսի մերձավորները ապրիլի 15-ին կորցրել են կապը նրա հետ։ Լրագրողը վերջին անգամ թվիթերում գրառել է հինգ օր առաջ:
|
|
Ռուսաստանը հաջողությամբ փորձարկել է միջուկային լիցքով նոր միջմայրցամաքային հրթիռ։ ՌԴ նախագահ Վլադիմիր Պուտինը հայտարարել է, որ այդ քայլը պետք է ստիպի յուրաքանչյուրին, ով սպառնում Է Ռուսաստանին, «մտածել երկու անգամ»:
|
|
Եվրոպական խորհրդի ղեկավար Շառլ Միշելը ժամանել է Կիև։ «Այսօր Կիևում՝ Ազատ և ժողովրդավարական Եվրոպայի սրտում»,- գրել է նա:
|
|
Freedom House-ը հրապարակել է իր «Nations in Transit 2022» տարեկան զեկույցն՝ անդրադառնալով եվրասիական 29 երկրներին, այդ թվում Հայաստանին: Ըստ կազմակերպության՝ «Ալիևի՝ ռազմական ագրեսիայի օգտագործմամբ ակնհայտ հաջողությունը իր իշխանությունն ամրապնդելու հարցում կարող է նպաստած լինել Վլադիմիր Պուտինի՝ 2022 թվականի փետրվարին Ուկրաինա ներխուժելու որոշմանը»։
|
|
ՄԱԿ-ում կարծում են, որ միջուկային պատերազմը աշխարհում աներևակայելի է: Միաժամանակ ՄԱԿ գլխավոր քարտուղարի գրասենյակի հայտարարության մեջ ասված է, որ քիմիական և կենսաբանական զենքի կիրառումը սարսափելի հետևանքներ կունենա:
|
|
«Կանադան ծանր հրետանի կուղարկի Ուկրաինա, ավելի մանրամասն տեղեկատվություն կհրապարակվի առաջիկա օրերին»,- լրագրողներին ասել է Կանադայի վարչապետ Ջասթին Թրյուդոն: Նա հավելել է, որ այդ մատակարարումները կիրականացվեն ուկրաինական կողմի հարցմանը համապատասխան:
|
|
Մոսկվան կոչ է անում Վաշինգտոնին արտաքին քաղաքական ուղղություններում հրաժարվել շրջափակման և պատժամիջոցների անհեռանկարային քաղաքականությունից։ «Երկխոսությունը միշտ ավելի լավ է, քան դրա բացակայությունը։ Ժամանակն է, որ ԱՄՆ-ը հրաժարվի արտաքին քաղաքականությունում շրջափակման և պատժամիջոցների անհեռանկարային քաղաքականությունից»,- ասվում է ԱՄՆ-ում ՌԴ դեսպանատան հայտարարությունում։
|
|
Չեչնիայի ղեկավար Ռամզան Կադիրովը հայտնել է «Ազովստալը» ուկրաինացի ազգայնականներից «մաքրելու» մասին՝ ցուցադրելով ավար վերցված ռազմական տեխնիկան: Նրա խոսքով ՝ չեչեն զինվորականները «սանրում են» երբեմնի հզոր ձեռնարկության տարածքը, որը «ազովյան սատակները» վերածել էին ամրացված շրջանի:
|
|
Մեծ Բրիտանիայի վարչապետ Բորիս Ջոնսոնը խորհրդարանում հերթական անգամ ենթարկվել է անխնա քննադատության կարանտինի ընթացքում ապօրինի երեկույթներ անցկացնելու համար։ Զղջալով և ներողություն խնդրելով իր քայլերի համար՝ Ջոնսոնը, այնուամենայնիվ, պնդել է, թե տեղյակ չի եղել, որ խախտում է կարանտինային կանոնները։ Վարչապետի ընդդիմախոսները նրա պնդումները որակել են տարակուսելի և նույնիսկ վիրավորական։ Ըստ Բրիտանիայի քաղաքական շրջանակների՝ Ջոնսոնին հրաժարական է սպառնում։
|
|
Ուկրաինական լրատվամիջոցների փոխանցմամբ՝ այսօր Խարկովը ենթարկվել է ուժգին հրետակոծության։ Խարկովի նահանգապետ Օլեգ Սինեգուբովի խոսքով ՝ գնդակոծությունների հետևանքով զոհվել է առնվազն 3 մարդ, 16-ը վիրավորվել են:
|
|
Թուրքիայի պաշտպանության նախարար Հուլուսի Աքարը ռազմաօդային ուժերի օպերատիվ կենտրոնից հետևել է Իրաքի հյուսիսում ռազմական օպերացիայի շրջանակներում կազմակերպված ավիահարվածներին։ Հայտարարության մեջ Աքարն ասել է. «Իրաքի հյուսիսում մեր գործունեությունն իրականացվում է այնպես, որ հարգվի բարեկամ և եղբայրական Իրաքի տարածքային ամբողջականությունը և ինքնիշխան իրավունքները։ Մեր միակ թիրախը ահաբեկիչներն են։ Այս գործողության ընթացքում մենք շարունակում ենք ցուցաբերել առանձնահատուկ ուշադրություն և զգայունություն»։
|
|
Նավթի համաշխարհային գները կրկին բարձրացել են՝ պայմանավորված շուկայի ապագայի նկատմամբ ներդրողների մտահոգությամբ։ Ըս մասնագետների՝ էներգետիկ շուկայում ցանկացած խափանում կարող է էական ազդեցություն ունենալ հում նավթի գների վրա՝ հաշվի առնելով նավթի համաշխարհային մատակարարման չափից ավելի անկումը։ Հյուսիսային ծովի Brent նավթի գինը աճել է 1,3 տոկոսով՝ մեկ բարելի դիմաց կազմելով 113․16 դոլար: West Texas Intermediate-ն աճել է 1,2 տոկոսով՝ հասնելով բարելի դիմաց 108․21 դոլարի։
|
|
Իրանցի մի խումբ ուսանողներ հավաքվել են Թեհրանում Շվեդիայի դեսպանատան դիմաց՝ բողոքելով Սուրբ Ղուրանի պղծման դեմ։ Բողոքի ակցիայի մասնակիցները պահանջել են պատասխանատվության կանչել Սուրբ Ղուրանն այրողներին: Հանրահավաքի ավարտին իրանցի ուսանողները հանդես են եկել հայտարարությամբ, դատապարտելով մուսուլմանների համոզմունքների և Սուրբ Ղուրանի նկատմամբ բացահայտ վիրավորանքը:
|
|
ԴԺՀ ժողովրդական ոստիկանության ներկայացուցիչ Էդուարդ Բասուրինը հայտարարել է Մարիուպոլում «Ազովստալ» մետաղագործական գործարանի գրոհի մեկնարկի մասին: «Տվյալ օբյեկտի գրոհի համար ընտրված հատուկ ստորաբաժանումներն արդեն անցել են իրենց աշխատանքին» – ասել է նա։
|
|
Չինաստանը կշարունակի ամրապնդել ռազմավարական համագործակցությունը Ռուսաստանի հետ և պաշտպանել երկու երկրների ընդհանուր շահերը՝ անկախ միջազգային իրադրության փոփոխություններից, հայտարարել է ՉԺՀ-ի փոխարտգործնախարար Լե Յուչենը Չինաստանում Ռուսաստանի դեսպան Անդրեյ Դենիսովի հետ կայացած հանդիպմանը:
|
|
Իսրայելի Պաշտպանության բանակի կործանիչները Գազայի հատվածում հարված են հասցրել պաղեստինյան ՀԱՄԱՍ արմատական շարժման զինագործական արտադրամասին՝ ի պատասխան ապրիլի 18-ին հրեական պետության տարածք արձակված հրթիռի: Սա պաղեստինցի արմատականների կողմից Իսրայելի տարածքի առաջին հրթիռակոծումն Է անցյալ տարվա սեպտեմբերից: 2021 թվականի մայիսի 21-ին ուժի մեջ Է մտել հրադադարի ռեժիմն Իսրայելի և պաղեստինյան խմբավորումների միջև։
|
|
Ուկրաինայի նախագահ Վոլոդիմիր Զելենսկին հայտարարել է, որ «Դոնբասի համար ճակատամարտը սկսվել է»։ Նա հայտնել է Դոնբասի շրջաններում ռուսական զորքերի զգալի կուտակումների մասին՝ ընդգծելով, որ այս ուղղությամբ ռուսական կողմի հարձակումը երկար է նախապատրաստվել։
|
