|
Հայտնի քֆուրչի բլոգեր Դոկը՝ Վարդան Ղուկասյանն իր ֆեյսբուքյան էջում տեղեկացրել է, որ Ռոբերտ Քոչարյանի որդին՝ Լևոն Քոչարյանը «հրաժարվեց հայցից` պարտավորվելով վճարել բյուջե 1 միլիարդ դրամ (2 միլիոն ԱՄՆ դոլար)։ Հանրային ձայնի ճնշումների արդյունքում Ռոբերտ Քոչարյանի որդու բիզնեսներից Նաիրի ինշուրանս ապահովագրականը ձգձգելով 4 տարի, այնուամենայնիվ հրաժարվեց ընդդեմ ՊԵԿ գրած ակտի վիճարկումից։
|
Դասավորել ըստ՝
ամսաթվի ·
վերնագրի ·
դիտումների
|
Ստեփան Դանիելյան․ «Այսպես կոչված «Հայաստանի քաղաքացիական հասարակություն» ասված երեվույթը պետք է կարգավորվի։ ՀԿ-ները պետք է զբաղվեն հասարակական գործունեությամբ, այդ թվում նաեւ մարդու իրավունքների պաշտպանության հարցերով։ Սակայն, երբ այդ կազմակերպությունները ներթափանցում են քաղաքական ոլորտ, ներքին, կամ արտաքին, նրանց գրանցումը պետք է անհապաղ լուծվի»։
|
|
ԱՄՆ նախկին նախագահ Դոնալդ Թրամփը հայտարարել է, որ գիրք է գրում «գողացված» ընտրությունների մասին: Այն կոչվելու է «Դարի հանցագործությունը»։ Այս մասին Թրամփը խոսել է Տեխաս նահանգի Օսթին քաղաքում կայացած The American Freedom միջոցառմանը։ «Սա մեր երկրի պատմության ամենամեծ հանցագործություններից մեկն է։ Եվ, ցավոք, դատախազությունը ոչինչ չի ուզում անել դրա վերաբերյալ… Ես գիրք եմ գրում այս մասին, որը կոչվում է «Դարի հանցագործությունը», - ասել է Թրամփը ներկաներին:
|
|
Սուրեն Սուրենյանց․ «Փողոցի, այսպես կոչված, բողոքական զանգվածը մաքսիմում 10000 մարդ է, փողոց փակելու գործընթացին մասնակցում է դրա ընդամենը 10%-ը։ Հիմա. Նիկոլն ունի երկու տարբերակ։ Ցանկալին այն էր, որ նա երկխոսություն նախաձեռնի ընդդիմադիր երկու խմբակցությունների ղեկավարների հետ։ Չի անում։ Երկրորդ տարբերակը` հասարակական կարգը վերականգնելն է։ Եթե Նիկոլը կարողանում է օրական 400 մարդ բերման ենթարկել ու հեշտությամբ փողոցներ բացել, ուրեմն` այդ խնդիրներն էլ կարող է լուծել։ Բայց կրկին չի անում՝ ամենայն հավանականությամբ, ժամանակ շահելու խնդիր ունի»։
|
|
ԱՄՆ նախագահ Ջո Բայդենը ելույթի ժամանակ չի կարողացել արտասանել իր ղեկավարած երկրի անունը։ «Արտացոլված է Էյ էյ էն էյջ էյ փի այ այ այ այ այ... Այստեղ՝ ԱՄՆ-ում»,- ասել է Բայդենը։ Ավելի վաղ Բայդենն իր ելույթներից մեկում «մոռացել» էր՝ ով է ԱՄՆ նախագահը։ Բայդենը փոխնախագահ Քամալա Հարիսին անվանել էր «Միացյալ Նահանգների առաջին տիկին», իսկ իրեն՝ Դելավերի առաջին սենատոր։ Բացի այդ, ԱՄՆ ղեկավարը, ելույթ ունենալով Կոնգրեսի առջև, շփոթել էր ուկրաինացիներին և իրանցիներին։
|
|
Հյուսիսային Կորեաում հայտնաբերվել է կորոնավիրուսով վարակման առաջին դեպքը։ «Երկրում տեղի է ունեցել խոշոր արտակարգ իրադարձություն, ճեղքվել է հակահամաճարակային ճակատը, որը հուսալիորեն պաշտպանվել է 2 տարի և 3 ամիս՝ 2020 թվականի փետրվարից»,-ասված է երկրի կենտրոնական հեռագրային գործակալության հաղորդագրության մեջ։
|
|
Ստեփան Դանիելյան․ «Ադրբեջանը Հայաստանից պահանջում է 7 հայաբնակ գյուղ՝ Հայաստանի տարածքում, Արցախը ճանաչել Ադրբեջանի տարածքում, նաեւ, որ Հայաստանը ճանաչի Ադրբեջանի տարածք Սեւ լճերը, Վերին Շորժան։ Սրանք ճանաչելուց հետո, հաջորդ փուլում, որոշ ժամանակ անց, կսկսեն «Սյունիքի օպերացիան»: Սա է Ադրբեջանի, Թուրքիայի և Բրիտանիայի ծրագիրը։ Հետագայում գործին է միանալու Իսրայելը ու ադրբեջանա-իրանական կոնֆլիկտի միջոցով Իրանում ադրբեջանական ապստամբություն պետք է բարձրացվի»։
|
|
Արման Թաթոյան․ «Ադրբեջանական այսօրվա հայտարարությունները, թե Տավուշի 7 գյուղեր ու Տիգրանաշենը «վերադարձվելու են Ադրբեջանի կազմ դելիմիտացիայի գործընթացով», մեզ համար բացարձակ անընդունելի են: Այդ հեռանկարը լի է կործանարար վտանգներով. իրավունքների զանգվածային խախտումներ, խաթարվելու է մեր ողջ բնակչության ֆիզիկական անվտանգությունն ու հոգեկան անդորրը, ճանապարհների անվտանգությունն ու կապը համայնքների միջև, առաջ են գալու նոր ներքին տեղահանվածներ և այլն»:
|
|
Հումորիստ Եվգենի Պետրոսյանը և մի խումբ ռուսաստանցի արտիստներ ընդգրկվել են Լատվիայի համար անցանկալի անձանց ցուցակում: Դրանում ընդգրկված են նաև երգիչ Ֆիլիպ Կիրկորովը, դերասան և կատակերգու Վլադիմիր Վինոկուրը, ինչպես նաև ռիթմիկ մարմնամարզության մարզիչ Իրինա Վիներ-Ուսմանովան։ Փետրվարին ռուս երգիչ Նիկոլայ Բասկովին նույնպես անորոշ ժամկետով արգելել են մուտք գործել Լատվիա։
|
|
Օհայոյի գործարանի աշխատակիցների հետ հանդիպման ժամանակ ԱՄՆ նախագահ Ջո Բայդենը հերթական կոպիտ սխալն է թույլ տվել՝ ասելով, որ իր պաշտոնավարման ընթացքում 50 անգամ այցելել է Իրան։ Նախքան Բայդենի նախագահ ընտրվելը, հանրապետականները բազմիցս բարձրաձայնել են նրա մոտ դեմենցիայի առկայության հավանականության մասին:
|
|
Ամերիկացի դերասան Ուիլ Սմիթը Օսկարի մրցանակաբաշխության ժամանակ կատակերգու Քրիս Ռոքի հետ կոնֆլիկտից հետո դիմել է հոգեբանի օգնությանը։ Հիշեցնենք, որ Ուիլ Սմիթը ամերիկյան կինոակադեմիայի 94-րդ մրցանակաբաշխությանը դարձել է միջադեպի մասնակից, որի ժամանակ բեմ է դուրս եկել և հարվածել հաղորդավար Քրիս Ռոքի դեմքին: Դա տեղի էր ունեցել այն բանից հետո, երբ Ռոքն անտեղի կատակել էր Սմիթի կնոջ՝ Ջադա Պինկետ Սմիթի սանրվածքի մասին:
|
|
Ամերիկյան հեռուստաաստղ Քիմ Քարդաշյանն ինստագրամյան էջում հրապարակել է լուսանկարներ՝ ցույց տալով վարսերը 10 ժամ գունաբացելու արդյունքը: 41-ամյա Քարդաշյանը կտրուկ կերպարանափոխության է դիմել Met Gala միջոցառման համար: «Կարոտել էի շիկահեր Քիմիին», - գրել է Քարդաշյանը։
|
|
«Իշխանություն-ընդդիմություն» քաղաքական թատրոնի շրջանակներում, Ֆրանսիայի հրապարակում հանրահավաքի ժամանակ ՀՅԴ ԳՄ ներկայացուցիչ Իշխան Սաղաթելյանն անդրադառնալով ՀՀ առաջին նախագահ Լևոն Տեր-Պետրոսյանի հոդվածին, Տեր-Պետրոսյանի 90-ականներին ասված խոսքերից մեջբերում է կատարել հետևյալ կերպ՝ «Սերգո ջան լավ չես ապրի, քանի դեռ Ղարաբաղը չենք հանձնել»։ Իրականում, աղավաղելով Տեր-Պետրոսյանի խոսքերը, Իշխան Սաղաթելյանը ստախոսություն է տարածում։ Լևոն Տեր-Պետրոսյանը երբեք չի ասել «Ղարաբաղը հանձնենք», այլ ասել է «Սերգո ջան լավ չես ապրի, քանի դեռ...» ոչ թե «Ղարաբաղը չենք հանձնել», այլ «...քանի դեռ Ղարաբաղի հարցը չի լուծվել»։
|
|
Միջադեպ ցուցարարի և ոստիկանի միջև. Ցուցարարը ոստիկանին. «Այ նիկոլ»։ Ոստիկանը. «Նիկոլը դու ես»։ Քաշքշուկ։
|
|
Քաղաքագետ Սուրեն Սուրենյանց․ Իշխան Սաղաթելյանը բացառեց Նիկոլ Փաշինյանով արտահերթ ընտրությունների գնալու հնարավորությունը։
|
|
Ուիմբլդոնի նախկին չեմպիոն Բորիս Բեքերը երկուսուկես տարվա ազատազրկման է դատապարտվել 2,5 մլն ֆունտ ստեռլինգ արժողությամբ ակտիվները և վարկերը թաքցնելու համար, որպեսզի չվճարի պարտքերը: Դատավոր Դեբորա Թեյլորը հայտարարել է, որ Բեքերը ոչ զղջացել է, ոչ էլ իրեն մեղավոր ճանաչել:
|
|
Գերմանիայի կանցլեր Օլաֆ Շոլցի ինքնաթիռը Տոկիո մեկնելու համար Ռուսաստանի վրայով չթռչելու համար անցել է Հյուսիսային բևեռով, ապա Ալյասկայով։
|
|
Հայաստանի Առաջին նախագահ Լևոն Տեր-Պետրոսյանը մեկնաբանել է մի շարք պաշտոնաթող դիվանագետների և այլ գործիչների՝ ապրիլի 25-ին արված հայտարարությունը: «...ես որոշեցի հրաժարվել հայտարարությանն անդրադառնալու գաղափարից, դա համարելով անիմաստ զբաղմունք, քանի որ նրանում կա ամեն ինչ, բացի քաղաքական մտքից։ Հոռետեսության գիրկը չընկնելու համար ինձ այլ բան չէր մնում, քան, սովորությանս համաձայն, խորասուզվել Էդգար Հովհաննիսյանի «Երևան դարձած իմ Էրեբունի», Ռոբերտ Ամիրխանյանի «Երազ իմ երկիր հայրենի», Ռուբեն Հախվերդյանի «Իմ փոքրիկ նավակ» և Էդգար Էլբակյանի «Ա՜խ լուսին, լուսին» հոգեպարար քնարերգության մեջ։ Հավատացնում եմ, այդ երգերում ազգային ոգու շատ ավելի խորքային և մնայուն գանձեր կան, քան խնդրո առարկա հայտարարությունը ստորագրած կարկառունների մտքի ազգափրկիչ փայլատակումներում»։
|
|
Վարդան Հարությունյան, իրավապաշտպան. «Բոլորս էլ լսել-տեսել ենք այն աղմուկ-աղաղակը, որ բարձրանում է մեր փողոցներում, երբ երկրի առաջին դեմքին են ուղեկցում։ Այդպես եղել է, այդպես կա։
Վրաերթը սովորական մի բան է։ Օրվա ընթացքում աշխարհում հազարավոր մարդիկ են վրաերթից մահանում։ Սոնան, սակայն, այդ հազարներից առանձնանում է։ Որովհետև նա պատահական վրաերթի ենթարկցած մեկը չէ։ Նա մեր փողոցներում օրը մի քանի անգամ ցուցադրվող «ես եմ ձեր իշխանավորը» ներկայացման զոհն է։ Սրանով նա ու նրա չծնված բալիկն առանձնանում են»։
|
|
Հասարակական-քաղաքական գործիչ, ԼՂՀ Ազգային ժողովի նախկին պատգամավոր Վահրամ Աթանեսյանն իր ֆեյբուքյան էջում գրում է. «ՄԱԿ-ի գլխավոր քարտուղար Գուտերիշի հետ բանակցություններում Ռուսաստանի նախագահ Պուտինը վկայակոչել է Կոսովոյի հարցով ՄԱԿ-ի միջազգային դատարանի որոշումը, ըստ որի՝ սուբյեկտը պարտավոր չէ ունենալ այն պետության համաձայնությունը, որից անջատվում եւ ինքնիշխանություն է հռչակում։ Պուտինը Կոսովոյի նախադեպը կիրառելի է համարում Դոնբասի հանրապետությունների համար։ Սա լուրջ ռեսուրս է, որպեսզի հայկական դիվանագիտությունը լեգիտիմացնի Արցախի անկախությունը։ Կկարողանա՞։ Հայաստանը ժամանակին Կոսովոյի հարցով ՄԱԿ-ի միջազգային դատարանի գրավոր եւ բանավոր քննարկումներին չի մասնակցել՝ 2008թ․-ին։ Ինչու՞»։
|
