Ռուսաստանի ներխուժումից մեկ ամիս անց Ուկրաինայի նախագահ Վոլոդիմիր Զելենսկին ողջ աշխարհի մարդկանց կոչ է արել դուրս գալ փողոց և պահանջել դադարեցնել պատերազմը։

Կնեսետի պատգամավոր Շլոմո Կարխին, ի պատասխան Ուկրաինայի նախագահ Վոլոդիմիր Զելենսկիու օգնության խնդրանքին, հայտարարել է, որ Իսրայելը չի աջակցի Ուկրաինայում իրավիճակի կարգավորման հարցում։ «Զելենսկու ելույթը վկայում է այն ամենի, ինչ մենք ասում էինք ի սկզբանե՝ Իսրայելին ներքաշեցին ուրիշի պատերազմում։ Ուկրաինացի առաջնորդի նկատմամբ համակրանք կա, բայց Հոլոքոստի օգտագործումն տեղին չէ։ Եվ Ուկրաինայի նախագահը, ով ՄԱԿ-ում տասնյակ անգամներ մեզ դեմ է քվեարկել, նույնպես վերջինն է, ով կարող է մեզ քարոզել»,- գրել է նա Twitter-ի իր միկրոբլոգում։

⚡️ Անատոլի Չուբայսը լքել է կայուն զարգացման գծով ՌԴ նախագահի հատուկ ներկայացուցչի պաշտոնը և հեռացել երկիրից, հաղորդում է Bloomberg-ը՝ վկայակոչելով խնդրին ծանոթ երկու անձի։

Եվրամիությունը հավանության է արժանացրել Ուկրաինայի հետ համաձայնագիրը՝ ԵՄ-ի կողմից պահվող գաղտնի տվյալները Կիևին փոխանցելու վերաբերյալ։ Համաձայնագիրը Եվրամիությանը թույլ կտա արբանյակային պատկերներ փոխանցել ուկրաինական կողմին։

Չինաստանի արտգործնախարարություն հայտարարել է, որ ոչ մի երկիր չի կարող Ռուսաստանին դուրս թողնել G20-ի խմբից։ Հիշեցնենք, որ G20-ը ամենազարգացած և զարգացող տնտեսություններ ունեցող պետությունների կառավարությունների և կենտրոնական բանկերի ղեկավարների ակումբ է։

ՌԴ ՊՆ-ն հայտնել է, որ Ռուսաստանի ռազմածովային ուժերի նավը «‎Կալիբր» տիպի ութ հրթիռների համազարկով հարվածել է Ուկրաինայի ռազմական օբյեկտներին։

ՌԴ ԱԳՆ պաշտոնական ներկայացուցիչ Մարիա Զախարովան հայտնել է, որ Ռուսաստանն ու Ուկրաինան արդեն երկու գերիների փոխանակում են իրականացրել։

Մարտի 23-25-ը Բրյուսելում տեղի կունենա ՆԱՏՕ-ի արտահերթ գագաթնաժողովը։ Այն անց է կացվելու Դաշինքի անդամ երկրների նախագահների մակարդակով։ Օրակարգային թեման՝ ռուս-ուկրաինական պատերազմն է։

Ամերիկյան «Bloomberg» պարբերականը «Մակրոնը և Էրդողանը մի կողմ դրեցին տարաձայնությունները՝ պատերազմում Պուտինի վրա ճնշում գործադրելու համար» վերլուծական հոդված է հրապարակել։ Դրանում  նշվում է, որ նախկինում Ֆրանսիայի և Թուրքիայի առաջնորդները բազմաթիվ հարցերում, այդ թվում՝ Արևելյան Միջերկրանի, Թուրքիա-ԵՄ հարաբերությունների և Լիբիայի, ունեցել են տարաձայնություններ։ Իսկ այժմ Էրդողանն ու Մակրոնը համակարգված կերպով իրականացնում են իրենց գործողությունները, որպեսզի Պուտինը քայլեր ձեռնարկի այնպիսի հարցերի շուրջ, ինչպիսիք են հրադադարի ռեժիմի հաստատումն ու մարդասիրական միջանցքի ստեղծումը։ 

ՌԴ պաշտպանության նախարարության պաշտոնական ներկայացուցիչ, գեներալ-մայոր Իգոր Կոնաշենկովն այսօրվա ճեպազրույցում հայտել է, որ Ռուսաստանի Դաշնության զինված ուժերը այժմ մարտեր են մղում Նովոմիխայլովկայի համար: «Ռուսաստանի զինված ուժերի ստորաբաժանումները շարունակում են ոչնչացնել Ուկրաինայի զինված ուժերի 54-րդ առանձին մեքենայացված բրիգադի ստորաբաժանումները։ Ներկայում նրանք պայքարում են Նովոմիխայլովկա բնակավայրը վերցնելու համար»,- ասել է նա։ 

ՆԱՏՕ-ի խաղաղապահներ ուղարկելը Ուկրաինա կհանգեցնի ուղիղ բախման Ռուսաստանի Դաշնության զինված ուժերի և դաշինքի միջև։

ԱԳ նախարար Սերգեյ Լավրով.

Այն, ինչ այժմ կատարվում է աշխարհում «ոչ միայն և ոչ այնքան Ուկրաինայի հետ է կապված», այլ նոր աշխարհակարգ ստեղծելու փորձ է։ 

Ռուսաստանի Դաշնության գլխավոր դատախազությունը հայտարարում է, որ դուրս է գալիս Դատախազների միջազգային ասոցիացիայից։

Երեկ ֆրանսիական կողմի նախաձեռնությամբ հեռախոսազրույց է կայացել Ռուսաստանի նախագահ Վլադիմիր Պուտինի և Ֆրանսիայի նախագահների միջև։ ☝️ Շարունակվել է մտքերի հանգամանալից փոխանակումը Ուկրաինայի շուրջ ստեղծված իրավիճակի վերաբերյալ։

ՌԴ Քննչական կոմիտեն քրեական գործ է հարուցել բլոգեր Կիրիլ Ֆեդորովին կալանավորած լատվիացի պաշտոնյաների դեմ։ Նա YouTube-ի «Զենքերի պատմություն» ալիքի հեղինակն է։ Բլոգերին դավաճանության կասկածանքով բերման են ենթարկել իր տեսանյութերի ռուսամետ ուղղվածության պատճառով։

Լատվիայում «Յանդեքս․ Տաքսի»-ի վարորդները դիմել են երկրի իշախանություններին ծառայությունը չփակելու խնդրանքով։ Կառավարությանն ուղղված նամակում  ասված է, որ «Յանդեքս․ Տաքսի»-ի  արգելափակումը «կհարվածի և՛ տաքսիստներին, և՛ նրանց հաճախորդներին»: Ավելի վաղ Լատվիայի իշխանությունները որոշել են չեղյալ հայտարարել «Յանդեքս․ Տաքսի»-ի լիցենզիան և արգելափակել հավելվածը։

Եվրոպական կենտրոնական բանկը (ԵԿԲ) զգուշացնում է, որ ռուսներն օգտագործում են գաղտարժույթները՝ պատժամիջոցներից խուսափելու համար: ԵԿԲ-ի նախագահ Քրիստին Լագարդը գաղտնարժույթների ընկերություններին նախազգուշացնում է հանցակցության մասին:

Ռուսաստանի «Կինժալ» հիպերձայնային հրթիռը, որն առաջին անգամ օգտագործվել է Ուկրաինայում ընթացող ռազմական գործողություններում, գործնականում անկասելի է: Այս մասին հայտնել է ԱՄՆ նախագահ Ջո Բայդենը: Հիպերձայնային այս հրթիռին նմանատիպ գնահատակ են տվել նաև ՆԱՏՕ-ում։

«Մոտ 100 հազար մարդ մնում է Մարիուպոլում «լիակատար շրջափակման պայմաններում, առանց ուտելիքի, առանց ջրի, առանց դեղորայքի, մշտական գնդակոծությունների տակ», - հայտարարել է Ուկրաինայի նախագահ Վոլոդիմիր Զելենսկին:

Ռուսաստանի նախագահ Վլադիմիր Պուտինը մտադիր է մասնակցել G20 գագաթնաժողովին, որը տեղի կունենա Ինդոնեզիայում այս տարվա վերջին, հայտարարել է Ջակարտայում Ռուսաստանի դեսպանը՝ երկիրը խմբից հեռացնելու մասին որոշ անդամների կոչերից հետո: