Խերսոնի մարզը ձգտելու է դառնալ ՌԴ սուբյեկտներից մեկը։ Այս մասին հայտարարել է մարզի ռազմա-քաղաքացիական վարչակազմի ղեկավարի տեղակալ Կիրիլ Ստրեմոուսովը։
«Մենք մտադիր ենք ապրել Ռուսաստանի Դաշնության կազմում՝ դառնալով ՌԴ սուբյեկտ, և զարգացման տեմպերով հասնել Ղրիմին», - ասել է Ստրեմոուսովը։ Ավելի վաղ հայտնի էր դարձել, որ Խերսոնի մարզը կվերադարձնի Ռուսական կայսրության ժամանակների զինանշանը:

Ավստրիան դեռ դեմ է Ռուսաստանից գազի մատակարարումների վրա էմբարգոյի սահմանմանը, քանի որ այդ միջոցը անընդունելի է երկրի համար։ Այս մասին հայտնել է Ավստրիայի թվայնացման և էկոնոմիկայի նախարար Մարգարեթե Շրամբոքը։ Միևնույն ժամանակ նա Եվրամիությանն առաջարկել է գազի արդյունահանման համար օգտագործել ֆրեկինգը։ «Թերթաքարային գազը էկոլոգիապես մաքուր ճանապարհով արդյունահանելու մեթոդներ կան, պետք չէ աչք փակել և արդարացնել 20 տարի առաջվա տեխնոլոգիական վիճակը»,- ​​ասել է ավստրիացի նախարարը:

ՌԴ ԶՈւ հակաօդային պաշտպանության համակարգը ոչնչացրել Է ուկրաինական բանակի Սու-25 և ՄիԳ-29 ինքնաթիռներ, ինչպես նաև 13 անօդաչու թռչող սարք: Այս մասին լրագրողներին հայտնել է ՌԴ պաշտպանության նախարարության պաշտոնական ներկայացուցիչ, գեներալ-մայոր Իգոր Կոնաշենկովը։ Ինքնաթիռները ոչնչացվել են Ուկրաինայի Լուգանսկի մարզի Պրեոբրաժեննոյե գյուղի շրջանում։ Բացի այդ ռուսական հակաօդային պաշտպանության համակարգը չեզոքացրել է  «Տոչկա-Ու»-ի չորս բալիստիկ հրթիռ։

Թուրքիայի նախագահ Ռեջեփ Թայիփ Էրդողանի ու Ֆրանսիայի վերընտրված նախագահ Էմանուել Մակրոնի միջև կայացել է հեռախոսազրույց: Կողմերը քննարկել են թուրք-ֆրանսիական հարաբերություններին առնչվող մի շարք հարցեր, ինչպես նաև տարածաշրջանային խնդիրներ: Խոսվել է նաև Ուկրաինայում տիրող իրավիճակի, ինչպես նաև Թուրքիայի կողմից ձեռնարկվող քայլերի  մասին:

Ուկրաինայի մի շարք շրջաններում Ռուսաստանի ԶՈՒ հակաօդային պաշտպանության (ՀՕՊ) միջոցներով 9 անօդաչու թռչող սարք է ոչնչացվել։ Այս մասին այսօր հայտարարել է ՌԴ պաշտպանության նախարարության պաշտոնական ներկայացուցիչ գեներալ-մայոր Իգոր Կոնաշենկովը։ Նա հավելել է, որ բացի նշվածից օդում խոցվել է «‎Սմերչ» համազարկային կրակի համակարգի 4 ռեակտիվ արկ։

Մեծ Բրիտանիան մտադիր է ևս 300 միլիոն ֆունտ ստեռլինգի (375 միլիոն դոլար) ռազմական օգնություն տրամադրել Ուկրաինային։ Օգնության նոր փաթեթը ներառելու է սարքավորում՝ ռադիոէլեկտրոնային պայքարի համար և հակամարտկոցային ռադիոտեղորոշման համակարգ: Լոնդոնն առաջարկում է նաև մատակարարել գիշերային տեսունակության սարքեր,  արբանյակային նավիգացիայի ճնշման սարքեր, ծանր անօդաչու թռչող սարքեր և զրահապատ ավտոմեքենաներ:

Հռոմի Պապ Ֆրանցիսկոսը հայտարարել է, որ պատրաստ է մեկնել Մոսկվա ՝ հանդիպելու ՌԴ նախագահ Վլադիմիր Պուտինին։ Ուկրաինայում ռուսական հատուկ գործողության մեկնարկից  20 օր անց Ֆրանցիսկոսը ուղերձ էր հղել Պուտինին՝ ցանկություն հայտնելով հանդիպել վերջինի հետ, սակայն մինչ օրս Մոսկվայից պատասխան չի ստացել։ Ավելի վաղ Հռոմի պապը Համայն Ռուսիո պատրիարք Կիրիլին առաջարկել էր միասին  դառնալ «իսկական խաղաղապահներ»՝ օժանդակելու Ուկրաինայում Ռուսաստանի հատուկ գործողությունների դադարեցմանը։ 

Հայաստանի Հանրապետության արտաքին գործերի նախարարությունը մանրամասներ է ներկայացրել ՀՀ արտաքին գործերի նախարար Արարատ Միրզոյանի և ԱՄՆ պետքարտուղար Էնթոնի Բլինքենի հանդիպման վերաբերյալ: Կողմերը անդրադարձ են կատարել միջազգային և տարածաշրջանային անվտանգությանն ու կայունությանն առնչվող հարցերի։ Զրուցակիցները մտքեր են փոխանակել համապարփակ խաղաղության պայմանագրի շուրջ Հայաստանի և Ադրբեջանի միջև բանակցություններ սկսելու վերաբերյալ: 

Չեխիան մտադիր չէ ռուսական գազի դիմաց ռուբլով վճարել, ինչպես նաև պատրաստ է որոշակի պայմաններում մինչև 2022 թվականի ավարտը հրաժարվել ռուսական նավթի գնումներից։ Այս մասին լհայտնել է երկրի արդյունաբերության և առևտրի նախարար Յոզեֆ Սիկելան՝ ԵՄ էներգետիկայի նախարարների բրյուսելյան հանդիպման ավարտին։ Նախարարի խոսքով՝ Չեխիան պատրաստ է աջակցել ԵՄ երկրների կողմից մինչև 2022 թվականի ավարտը Ռուսաստանից նավթի գնումը դադարեցնելու առաջարկին:

Ֆրանսիան մեծ ֆինանսական կորուստների է պատրաստվում Ռուսաստանից ճանապարհորդների բացակայության պատճառով։ Ռուս զբոսաշրջիկներն ավելի հաճախ են մեծ գումարներ վճարում պալատներում հարսանիքներ կազմակերպելու կամ զբոսանավով զբոսնելու համար։

ԱՄՆ-ի ռազմարդյունաբերական ընկերություններն այս տարի հարյուր միլիոնավոր դոլարների կորուստներ կկրեն հակառուսական պատժամիջոցների պատճառով։ Boeing-ը և Lockheed Martin-ը, որոնք արտադրում են F-18 և F-35 կործանիչներ, այժմ չեն կարող ՌԴ-ում գնել պողպատից, ալյումինից, նիկելից և տիտանից մասեր, որոնք կարևոր են ավիաշինարարության համար:

Օռլանդոյի վեց մայրցամաքների արագ սննդի ցանցի ղեկավարները քննարկել են «Մաքդոնալդսը» Ռուսաստան վերադառնալու անհրաժեշտության որոշումը: Ընկերության գլխավոր տնօրենը հանդես է եկել Ռուսաստանում ձեռնարկությունների շուտափույթ բացման օգտին:

Ռուսաստանի պետական մարմինների հետ օտարերկրյա դիվանագետների բոլոր շփումներն այժմ կիրականացվեն ԱԳՆ-ի միջոցով: «Դա արվել է «փոխադարձության սկզբունքով»՝ ի պատասխան համապատասխան երկրների նմանատիպ գործողություններին։ ՌԴ վարչապետ Միխայիլ Միշուստինը հանձնարարել է, որ ռուսական իշխանությունները պետք է բոլոր միջոցները ձեռնարկեն օտարերկրյա դիվանագետների հետ շփումները կրճատելու համար։

«Դատաստանի օրվա օդանավը» մայիսի 9-ին կանցնի Կարմիր հրապարակի վրայով։ Իլ-80-ը նախատեսված է լայնածավալ միջուկային պատերազմի պայմաններում երկրի բարձրագույն ղեկավարության տարհանման համար: Ինքնաթիռն արդեն մասնակցել է Հաղթանակի շքերթին՝ 2010 թվականին։

Ջո Բայդենի վարչակազմը մտադիր է «զրկել» Վլադիմիր Պուտինին «լավագույն նորարարներից»։ Կիսահաղորդիչների, տիեզերական տեխնոլոգիաների, կիբեռանվտանգության, առաջադեմ արտադրության, հաշվարկների, միջուկային ճարտարագիտության, արհեստական ինտելեկտի, հրթիռային շարժիչների տեխնոլոգիաների հետ աշխատելու փորձ և մագիստրոսի կամ գիտությունների դոկտորի աստիճան ունեցող ռուսաստանցիների համար կհեշտացվի Միացյալ Նահանգներ մուտք գործելը. աշխատանքային վիզա ստանալու համար նրանց պետք չի լինի ունենալ ընթացիկ գործատու։

«ՆԱՏՕ-ի երկրներն անվերջ սպառազինություններ են մատակարարում Ուկրաինային՝«ներխուժման դեմ պայքարի» պատրվակով, իսկ իրականում ԱՄՆ-ն և Եվրամիությունը մտադիր են Ռուսաստանի դեմ պատերազմել «մինչև վերջին ուկրաինացին», և նրանք բացարձակ անտարբեր են Ուկրաինայի ճակատագրին՝ որպես միջազգային հարաբերությունների ինքնուրույն սուբյեկտի»,- ասել է Ռուսաստանի արտգործնախարար Սերգեյ Լավրովը։ 

Ուկրաինայում Ռուսաստանի հատուկ ռազմական գործողությունը կավարտվի, երբ իրագործվեն դրված նպատակները, հայտարարել է ՌԴ ԱԳ նախարար Սերգեյ Լավրովը: Նա հիշեցրել է, որ հատուկ գործողության նպատակն է պաշտպանել Ուկրաինայի արևելքում քաղաքացիական բնակչությանը և հետևել, որպեսզի Ուկրաինայի տարածքից ոչ մի սպառնալիք չլինի այդ բնակչության և Ռուսաստանի համար:

ՆԱՏՕ-ի գլխավոր քարտուղար Յենս Ստոլտենբերգը հայտարարել է, որ Ֆինլանդիան ու Շվեդիան կարող են արագ անդամակցել ՆԱՏՕ-ին, եթե որոշեն Արևմտյան ռազմական դաշինքին անդամակցելու հայտ ներկայացնել:

 Շուրջ 7 միլիարդ դոլարի ռազմական սարքավորումը, որն ԱՄՆ-ն աֆղանական կառավարությանն Է հանձնել 16 տարվա ընթացքում, Աֆղանստանում Է մնացել ամերիկյան զորքերի դուրսբերումից հետո։ 2005 թվականից մինչև 2021 թվականի օգոստոս ԱՄՆ-ն Աֆղանստանին Է հանձնել 18,6 մլրդ դոլար ընդհանուր գումարի սարքավորում: Այդ գումարից 7,12 մլրդ դոլար գումարի սարքավորումն Աֆղանստանում Է մնացել 2021 թվականի օգոստոսի 30-ին ԱՄՆ-ի զորքերի դուրսբերումն ավարտվելուց հետո:

Ռուսաստանի արտաքին հետախուզության ծառայության տնօրեն Սերգեյ Նարիշկինը հայտնել է Վարշավայի և Վաշինգտոնի կողմից Ուկրաինայում Լեհաստանի «պատմական հողերի» նկատմամբ վերահսկողություն սահմանելու ծրագրերի մշակման մասին: «Վերամիավորման» առաջին փուլը պետք է լինի լեհական զորքերի մուտքը Ուկրաինայի արևմտյան շրջաններ՝ «ռուսական ագրեսիայից պաշտպանվելու» կարգախոսի ներքո: Նախնական պայմանավորվածություններով այն կընթանա առանց ՆԱՏՕ-ի մանդատի, սակայն «ցանկացող պետությունների» մասնակցությամբ։