Մայիսի 22-ը Կենսաբանական բազմազանության միջազգային օրն է (International Day for Biological Diversity): Այն նշվում է 2001 թվականից։ Օրը հռչակվել է ՄԱԿ Գլխավոր Ասամբլեյի կոմից 1995թ․` հիմնվելով 1994թ. տեղի ունեցած Կենսաբանական բազմազանության Կոնվեցիայի կողմերի գիտաժողովի խորհուրդների հատուկ բանաձևի վրա: Կենսաբանական բազմազնությունը Երկիր մոլորակի կյանքի ամբողջ բազմազանությունն է: Վերանում են բույսեր, կենդանիներ, սպառվում են ջրային պաշարները։ Այս ամենում բացասական դեր է խաղում մարդու ակտիվ կենսագործունեությունը: Կենսաբանական բազմազանության Կոնվենցիային միացել է ավելի քան 200 պետություն: Կենսաբանական բազմազանության միջազգային օրվա հիմնական նպատակն է միջազգային հանրության ուշադրությունը հրավիրել վերացող ֆլորայի ու ֆաունայի խնդիրների վրա:

Ջութակի համաշխարհային օրը (World Fiddle Day) նվիրված է այս երաժշտական ​​գործիքի հետ կապված ամեն ինչին: Այս օրը հիմնադրվել է 2012 թվականին՝ իռլանդացի պրոֆեսիոնալ ջութակահար Caoimhin Mac Aoidh-ի կողմից: Այս ամիսն ընտրվել է հեռավոր 1737-ին իտալացի ջութակի վարպետ Անտոնիո Ստրադիվարիուսի մահվան տարելիցին համընկնելու համար:

Վնասվածքաբանի համաշխարհային օրը. Ամեն տարի, մայիսի 20-ին, ամբողջ աշխարհի՝ վնասվածքաբանության և օրթոպեդիայի բնագավառում մասնագիտացած բիշկները, նշում են իրենց մասնագիտական տոնը:

Ամեն տարի մայիսի երրորդ ուրբաթ օրը անհետացող կենդանիների տեսակների ազգային օրը (National Endangered Species Day) հնարավորություն է տալիս բոլոր ցանկացողներին իմանալ անհետացող տեսակների, դրանց բնակության վայրի պաշտպանության կարևորության ևդրա համար անհրաժեշտ միջոցառումների մասին: Ամեն տարի հազարավոր ցանկացողներ այս օրվա միջոցառումներին մասնակցում են վայրի բնության արգելոցներում, կենդանաբանական այգիներում, զբոսայգիներում, հասարակական կենտրոններում, ակվարիումներում, բուսաբանական այգիներում, գրադարաններում և դպրոցներում:

«Ռուբիկ-կուբիկ»-ը եռաչափ մեխանիկական գլուխկոտրուկ-խորանարդ է, որը 1974 թվականին ստեղծել է  հունգարացի քանդակագործ և ճարտարապետության դոկտոր-պրոֆեսոր Էռնյո Ռուբիկը։ Սկզբնական շրջանում խորանարդը կոչվել է «կախարդական խորանարդ»։ 1980 թվականին Ռուբիկից ստանալով արտոնագիր՝ ամերիկյան Ideal Toy Company խաղալիքներ պատրաստող ձեռնարկությունը ձեռնամուխ է լինում ռուբիկ-կուբիկներ արտադրելու գործընթացին, իսկ որոշ ժամանակ անց խաղալիքը Գերմանիայում մրցանակ է շահում (տարվա լավագույն գերմանական խաղ)։ 2009 թվականի հունվարի դրությամբ աշխարհում վաճառվել են 350 միլիոն օրինակ Ռուբիկի խորանարդներ, ինչի համար էլ այն դարձել է համար մեկ խճանկարային խաղը և, ընդհանրապես՝ համար 1 խաղալիքն աշխարհում։

Հռչակվել է Թանգարանների միջազգային խորհրդի (ICOM - The International Council of Museums) որոշմամբ 1977 թվականի մայիսի 18-ին ԻԿՕՄ-ի 11-րդ գլխավոր կոնֆերանսի ընթացքում՝ ռուսական պատվիրակության առաջարկությամբ։ 1978 թ.-ից յուրաքանչյուր տարի այս օրը նշում է աշխարհի ավելի քան 150 երկիր, այդ թվում և Հայաստանը։

1992 թ.-ից յուրաքանչյուր Թանգարանային միջազգային օրն ունի թեմա և ԻԿOՄ-ի հրապարակում է տվյալ թեմայի հետ կապված միջոցառումները։ 1992 թ.-ի թեման էր «Թանգարանները և շրջակա միջավայրը», 1997-1998 թթ՝ «Մշակութային արժեքնորի անօրինական տեղափոխման դեմ պայքար», 2000 թ.՝ «Թանգարանները հանուն հասարակությունում համերաշխոըւթյան և ներդաշնակության», 2005 թ.՝ «Թանգարանը որպես կամուրջ մշակույթների միջև», 2008 թ.՝ «Թանգարանները որպես սոցիալական փոփոխությունների և զարգազման գործոն», 2009 թ.՝ «Թանգարանները և տուրիզմը», 2010 թ.՝ «Թանգարանները հանուն սոցիալական ներդաշնակության» և այլն։

Մայիսի 16-ն այն օրն է, երբ պետք է կարդալ նախընտրած գրողի, դերասանի կամ հայտնի գործչի կենսագրությունը: Հենց այս օրն է Սամուել Ջոնսընն առաջին անգամ հանդիպել իր կենսագիր Ջեյմս Բոսուելուին: Նրանք հանդիպել են 1763 թվականին Լոնդոնի գրախանութներից մեկում: Հանդիպման արդյունքը 1791 թվականին լույս տեսած երկհատոր գիրքն էր՝ «Սամուել Ջոնսընի կյանքը» խորագրով: Սեմյուել Ջոնսընն անգլիացի արձակագիր է, բառարանագիր, գրական քննադատ: Ժամանակին այնքան մեծ համբավ է ունեցել, որ նրա անունով են կոչել մի ամբողջ «դարաշրջան»: Նա հրաժարվել է կլասիցիզմի գեղագիտական սկզբունքներից`   հաստատելով լուսավորական ռեալիզմի հիմքերը: Գրել է «Ռասսելաս հաբեշական իշխանը» (1759թ.) վեպը, «Իրինա» ողբերգությունը (1749թ.), «Մարդկային ցանկությունների ունայնությունը» (1749թ.) սատիրան, «Անգլիայի առավել նշանավոր պոետների կենսագրականները» (1779-1781թթ.) և այլն:

Այս ոչ պաշտոնական բնապահպանական տոնը հիմնվել է՝ ի պատասխան կլիման որպես կարևոր ռեսուրս պահպանելու՝ օդերևութաբանների կոչին, որն ազդում է ներկա և ապագա սերունդների բարեկեցության վրա: Կլիմայի պահպանումն այսօր մարդկության առջև ծառացած գլոբալ խնդիրներից է: Գլոբալ տաքացումը, մթնոլորտում օզոնի մեծ քանակությունը, բնական աղետները, մոլորակի վրա եղանակային փոփոխությունները հանգեցնում են Երկրի կլիմայի վատթարացմանը:

ՄԱԿ-ի գլխավոր ասամբլեան 1993թ.-ին կազմակերպության անդամ երկրներին կոչ է արել ամեն տարի մայիսի 15-ը որպես Ընտանիքի միջազգային օր  (International Day of Families) տոնել։ Ներկայումս Ընտանիքի օրը տոնում են Սլովակիայում, Լիտվայում, Լատվիայում, Տաջիկստանում, Բելառուսում, Ուկրաինայում և մի շարք այլ երկրներում։ 2011թ. փետրվարի 9-ին ԱԺ-ն ընդունեց «ՀՀ տոների և հիշատակի օրերի մասին» ՀՀ օրենքում լրացում կատարելու մասին» օրենքը, որով մայիսի 15-ն ամրագրվեց որպես Ընտանիքի օր:

Այս օրը (National Dance Like a Chicken Day) ժամանցային է սկզբից մինչև վերջ: Հավանաբար յուրաքանչյուր ամերիկացի կյանքում գոնե մեկ անգամ պարել է «ճուտիկի պարը»։ Այս հիմար զվարճալի երգը հայտնի է հարսանեկան պարերի, Oktoberfest-ի և այլ տոնակատարությունների ժամանակ: Այս երգը ստիպում է բոլոր տարիքի մարդկանց վեր կենալ և շարժվել պարահրապարակում:

Չվող թռչունների համաշխարհային օրը  (World Migratory Bird Day) նշվում է տարին երկու անգամ՝ մայիսի երկրորդ շաբաթ օրը և կրկին հոկտեմբերի երկրորդ շաբաթ օրը։ Տոնի նպատակն է բարձրացնել իրազեկվածությունը չվող թռչունների վրա ազդող խնդիրների մասին և խրախուսել ամբողջ աշխարհում գործողությունները դրանց պահպանման համար:

Ջրաղացպանի ազգային օրը Նիդերլանդներում գոյություն ունեցող 1000 հողմաղացներից մոտ 600-ը բաց են հանրության համար: Այս տոնը համընկնում է հեծանվորդի օրվա հետ, ուստի այցելությունները հողմաղացներ ներառված են բոլոր հեծանվային երթուղիներում։ Հողմաղացները Նիդերլանդների խորհրդանիշներից են՝ ջրանցքների, կակաչների, հոլանդական պանրի և հոլանդական ծովատառեխի հետ միասին։ Միջոցառումը տեղի է ունենում մայիսի երկրորդ շաբաթ օրը։

Ամերիկայի հնդկացիների օրը (American Indian Day), որը նաև հայտնի է որպես բնիկ ամերիկացիների օր, նշվում է մայիսի երկրորդ շաբաթ օրը։ 1983 թվականի մայիսի 13-ին Նախագահ Ռոնալդ Ռեյգանը ստորագրեց գործադիր հրաման՝ «Ամերիկյան հնդկացիների օր» հռչակելու մասին՝ ի պատիվ բնիկ ամերիկացիների, ովքեր առաջին անգամ բնակեցրին ամերիկյան հողը:

Արդար առևտրի համաշխարհային օրը (World Fair Trade Day) միջոցառումների ընդգրկուն, համաշխարհային փառատոն է, որը նշում է արդար առևտրի ներդրումը աղքատության, շահագործման և կլիմայի փոփոխության դեմ պայքարում: Այն տեղի է ունենում մայիսի երկրորդ շաբաթ օրը՝ ցույց տալու համար, որ փոքր արտադրողները Արդար Առևտրի շարժման հիմքում են և նպաստում են առողջ և կայուն հասարակություններին ողջ աշխարհում:

13 թվի նկատմամբ սնահավատության պատճառով տարածված է առասպելը, ըստ որի այս օրը մարդը պետք է անընդհատ զգոն լինի, պատրաստ՝ ցանկացած ձախորդությունների: Բժշկության մեջ այս նշանների առկայությունը կհամարվի ֆոբիա (խանգարում), և ժամանակին հոգեբաններն ու հոգեթերապևտներն այն անվանում էին պարասկավեդեկատրիաֆոբիա (վախ՝ ուրբաթ 13 օրվա նկատմամբ): Ինքնին Ուրբաթը շաբաթական իրադարձություն է և հատկապես ուրախալի է բնակչության մեծամասնության համար, քանի որ ավանդաբար դա աշխատանքային շաբաթվա ավարտն է, իսկ առջևում հանգստյան օրերն են: Սակայն, ըստ քրիստոնեական կրոնի, ուրբաթ օրը Հիսուսը խաչվեց: Շաբաթվա նույն օրը Եվան Ադամին տվեց մի խնձոր բարու և չարի իմացության ծառից, որից հետո երկուսն էլ արտաքսվեցին Եդեմի պարտեզից: 

ԱՄՆ-ում մայիսին կա ոչ ֆորմալ տոն՝ ստամոքսի տոնը կամ ամեն ինչ ուտելու ազգային օրը (National Eat What you Want Day), որը պաշտում են հումորի զգացումով օժտված հասարակ ամերիկացիները։ Մայիսի 11-ին խախտվում են առանց բացառության սննդի բոլոր կանոնները, այդ օրը պատճառ է դառնում թուլանալու ավելորդ քաշ ունեցող մեծ թվով մարդկանց կամ նրանց համար, ովքեր մշտապես նստում են նորաձևության դիետաների վրա: Նման տոնի ժամանակ ԱՄՆ-ի բնակիչները պահպանում են «ուտել կարելի է այն ամենը, ինչ ուզում ես» ոսկե կանոնը:  Համարվում է, որ այս արտասովոր խոհարարական տոնը հումորով մարդ է հորինել ՝ դերասան Թոմաս Ռոյը։ Նա ամերիկացիներին առաջարկել է տարին մեկ անգամ թուլանալ և ոչ մի կերպ չմերժել ստամոքսի պահանջները։ Այս ուրախ տոնն անսովոր է, բայց առանց դրա տխուր կլինի, քանի որ հենց այդ օրերի շնորհիվ է, որ տարին մեկ անգամ կարելի է ճաշակել նրբախորտիկներ և միաժամանակ ծիծաղել իրենց վրա:

Մայիսի 11-ին նշվում է Մերի Փոփինսի՝ ամենահայտնի գրական դայակի՝ կախարդուհու, անգլիացի գրող Պամելա Թրևերսի հեքիաթի հերոսուհու սպասման օրը: Բոլոր գրքերում գրել են այդ մասին։ Իսկ թե ինչո՞ւ հենց այդ օրը պետք է սպասել Մերիին, ո՞վ է նման օր հորինել, հայտնի չէ։ Եվ նույնիսկ պետք չէ Google-ել, այլ պետք է ընդունել որպես իրականություն: Չէ՞ որ վատ օր չէ։

Առաջին անգամ Եսամոլության իրազեկման համաշխարհային օրը (World Ego Awareness Day) նշվել է 2018 թվականին՝ նպատակ ունենալով օգնել նրանց, ովքեր տառապում են եսամոլությունից, սովորեն ավելի համեստ լինել աշխարհի նկատմամբ: Եսամոլությունը որոշակի հետևանքներ ունի, այդ թվում, հանգեցնում է դաժան վարքագծի, շրջակա իրավիճակների իրականության ոչ համարժեք ընկալման և ընդհանրապես այլ մարդկանց հետ խեղաթյուրված փոխազդեցության:

Տեխնոլոգիաների ազգային օրը (National Technology Day) նշվում է ամբողջ Հնդկաստանում ամեն տարի մայիսի 11-ին՝ ի պատիվ գիտության և տեխնիկայի բնագավառում Հնդկաստանի առաջընթացի: Օրինակ, հենց մայիսի 11-ին Հնդկաստանն անցկացրեց իր միջուկային «Շակտի» հրթիռային գործողությունը։ Այս տոնը ստեղծել է լուսահոգի վարչապետ Աթալ Բիհարի Վաջպայը։

Աստղագիտության միջազգային օրը (International Astronomy Day) հիմնել է Հյուսիսային Կալիֆորնիայի աստղագիտական ասոցիացիայի նախագահ Դուգ Բերգերը՝ 1973-ին: Նրա նպատակն էր քաղաքի մարդաշատ վայրերում աստղադիտակներ տեղադրել, որպեսզի անցորդները կարողանան վայելել աստղաշատ երկինքը։ Այդ ժամանակից այս միջոցառումն ընդլայնվել է և այժմ հովանավորվում են աստղագիտության հետ կապ ունեցող մի շարք կազմակերպություններ։