Արևի շողերից կարելի է հյուսել ինչ հոգին ցանկանա։ Արևի շողերից լավ է ստացվում երջանկության և ուրախության ժանյակ, լավ տրամադրություն և փոքրիկ անմեղ չարաճճիություններ հյուսելը: Ինչ-որ անհասկանալի ձևով շողերը կարող են խառնվել կոշտ նյութական աշխարհի թելերին՝ ցանկացած երևույթ վերափոխելով լույսի ու ջերմության։ Թող այսօր արևի շողերը բավարար լինեն բոլորին: Հատուկ հմտությունները հյուսելու համար պետք չեն։ Բավ է միայն ցանկությունն ու բարի կամքը։

Ավագ երեքշաբթին պատկերն է արարչության երրորդ օրվա, երբ Աստված երկրի վրա դալար բույսեր և պտղատու ծառեր աճեցրեց: Ավագ երեքշաբթին նաև երրորդ ժամանակաշըրջանի խորհուրդն ունի, երբ ջրհեղեղը ողողեց ամբողջ աշխարհը, և Աստված մարդկանց լեզուները խառնելով՝ նրանց տարածեց աշխարհով մեկ (Ծննդ. 7-11): Ավագ երեքշաբթի, երեկոյան ժամերգության ընթացքում եկեղեցու ատյան են դուրս գալիս տասը մանուկներ: Նրանցից հինգի ձեռքներին վառվող մոմեր կան, որոնք խորհրդանշում են իմաստուն կույսերին, իսկ մյուս հինգի հանգած մոմերը խորհրդանշում են հիմար կույսերին:

Մեծ քամու օրն (National Big Wind Day) ԱՄՆ-ում ամեն տարի նշվում է Երկիր մոլորակի վրա աննախադեպ քամի գրանցելու օրը: 1934-ի ապրիլի 12-ի կեսօրին Վաշինգտոնի լեռան աստղադիտարանն արձանագրել է քամու 231 ժամ / վրկ արագություն:

Ապրիլի 12-ն աշխարհում նշվում է որպես Տիեզերագնացության և ավիացիայի միջազգային օր (International Day of Human Space Flight)։ Այն խորհրդանշում է գիտության և այս ոլորտում աշխատող բոլոր մարդկանց հաղթանակը: 1961թ. ապրիլի 12-ին ԽՍՀՄ ավագ լեյտենանտ Յուրի Գագարինը «Վոստոկ» տիզերանավով առաջին անգամ դուրս է եկել Երկրի ուղեծիր և մեկ պտույտ կատարել Երկրագնդի շուրջ։ Ընդամենը 108 րոպե տևած թռիչքը դարձել է մեծ բեկում տիեզերքի յուրացման գործում: 1968թ. Ավիացիայի միջազգային ֆեդերացիայի 61-րդ գլխավոր համաժողովում որոշում է ընդունվել ապրիլի 12-ը նշել որպես Տիեզերագնացության համաշխարհային օր: 

Ապրիլի 12-ը հատուկ օր է՝ նվիրված ամբողջ աշխարհի միլիոնավոր անապաստան երեխաներին (International Day for Street Children): 2012 թվականից նշվող այս օրը հնարավորություն է տալիս ընունելու նրանց արժանապատվությունն ու մարտահրավերը՝ ի դեմս աննկարագրելի դժվարությունների:

Ավագ երկուշաբթին խորհրդանշում է արարչության երկրորդ օրը, երբ Աստված ջրերը բաժանեց միմյանցից և արարեց երկնքի հաստատությունը: Այս օրը խորհրդանշում է նաև երկրորդ շրջանը, երբ ապականվեց ամբողջ տիեզերքը, և միայն Ենոքը հաճելի եղավ Աստծուն ու երկինք փոխադրվեց (Ծննդ. 5:21-24): Առավոտյան ժամերգության ընթացքում ավետարանական ընթերցումները հիշատակում են «Անիծված թզենու» պատմությունը, երբ Հիսուս, Բեթանիայից Երուսաղեմ վերադարձին, անեծքով չորացնում է անպտուղ թզենին՝ վկայելով՝ «Եվ ամեն ինչ, որ ուզեք աղոթքի մեջ հավատով, կստանաք» (Մատթ. 21:22): Ըստ 7-րդ դարի մեկնիչ Ստեփանոս Սյունեցու՝ թզենին «թլպատված» ժողովուրդն է, որի մոտ եկավ քաղցած Քրիստոս և պտուղ չգտավ, այլ միայն՝ ցնորական կենդանություն, ուստի Նրա գալով թզենին չորացավ:

Միաեղջյուրի ազգային օրը (National Unicorn Day) նշվում է ամեն տարի ապրիլի 9-ին։ Միաեղջյուրները հայտնի առասպելական արարածներ են, երբ հին հունական ժամանակներում մարդիկ հավատում էին, որ նրանք ապրում են էկզոտիկ Հնդկաստանում։ Թեև սկզբում նրանք համարվում էին կատաղի, ուժեղ կենդանիներ, այժմ նրանք հաճախ դիտվում են որպես սիրո, մաքրության, հմայքի և մոգության խորհրդանիշ:

Հայ Առաքելական եկեղեցին այսօր նշում է Ղազարոսի հարության հիշատակության օրը։ Ղազարոսը Հիսուս Քրիստոսի սիրելի ընտանիքից էր: Նա Մարիամի և Մարթայի եղբայրն էր, ով մահացավ հիվանդության պատճառով: Քրիստոս նրան հարություն է տալիս՝ ապացուցելով, որ Ինքն է կյանքը և հարությունը: Ղազարոսի հարության մասին պատմող դրվագը գեղեցիկ վերնագիր ունի. «Եվ Հիսուս արտասվեց...»: 

Այսօր Ռուսաստանում նշում են հերթական անսովոր տոնը՝ Պահարանային աշխարհի ծագող արևի օրը. Լայն բացենք այսօր պահարանի դռնակները և թողնենք, որ գարնանային արևը ողողի պահարանային խորհրդավոր աշխարհը։ Ձմեռն անցավ և մոռացել ենք, թե ինչքան անհրաժեշտ և հետաքրքիր բաներ են թաքնված մեր պահարանաաշխարհում: Միայն ավելի շատ լույս։ Որպեսզի ոչինչ չվրիպի ձեր սուր հայացքից։ Օգտագործեք առիթը։

Ամերիկացի Բիլ Դուգլասի նախաձեռնությամբ ամեն տարի ապրիլի 8-ին նշվում է միջազգային տոնը ՝ թայցզի ցյուանի և ցիգոնգի օրը (World Tai Chi and Qigong Day): Այդ օրը մարդիկ, ըստ ավանդույթի, անցկացնում են ցիգունի և թայցզիի՝ ուշուի «նախնական աստիճան» զանգվածային ցուցադրական պարապմունքներ: Սա չինական առողջության մարմնամարզություն է, որը ներառում է ցիգոնգի տարրերը, որը հիմնված է սեփական էներգիայի հետ աշխատելու վրա:

Թռչուն նկարելու օրը (Draw a Bird Day) նշվում է ամեն տարի ապրիլի 8-ին: Այս օրը նշվում է որպես կյանքի ամենահեշտ բաներից մեծ հաճույք ստանալու հնարավորություն։ Դուք կարող եք նկարել ցանկացած թռչուն, ըստ ցանկության. դա կարող է լինել սիրամարգ, հավ, պինգվին կամ ցանկացած նախընտրած թռչուն:

1971 Լոնդոնում կայացած գնչուների համաշխարհային կոնգրեսից հետո ապրիլի 8-ը նշվում է որպես Գնչուների միջազգային օր (International Roma (Gypsy) Day)։ Աշխարհում ապրող գնչուների թիվը հասնում է 8-10 միլիոնի։ Ավանդույթի համաձայն՝ այդ օրը հիշատակում են բոլոր այն գնչուներին, ովքեր զոհվել են պատերազմի ժամանակ և ճամբարներում: Քանի որ զոհված գնչուների հիշատակին նվիրված ոչ մի հուշարձան տեղադրված չէ, նրանք հավաքվում են ջրավազանների մոտ և ծաղկեպսակներ ու ծաղիկներ են նետում ջուրը` ի հիշատակ պատերազմի զոհերի: Ամեն տարի ապրիլի 8-ին տարբեր քաղաքներում անցկացվում են գնչուական միջազգային փառատոններ, կազմակերպվում են համերգներ, կինոդիտումներ, տարբեր մրցույթներ և այլն։

Ապրիլի 8-ին Ճապոնիայի բուդդայականները նշում են Խանա Մացուրի (Hana Matsuri) տոնը: Այն նվիրված է Բուդդայի լույս աշխարհ գալուն, և հաճախ հիշատակվում է որպես ծաղիկների փառատոն: Ճապոնիայի բուդդայական տաճարներում, ինչպես նաև քաղաքների ու գյուղերի փողոցներում, տներում, այսպես թե այնպես, կապված են Բուդդայի լույս աշխարհ գալու մասին պատմող լեգենդի հետ: Նրա համառոտ շարադրանքը հանգում է այն բանին, որ Մայայի թագուհին, որը երազում տեսել է սպիտակ փիղ, աստվածներից ուղերձ է ստացել, որն ասում էր, որ շուտով նա որդի կծնի, որը կդառնա Լուսավորյալ:

Թոփ-մենեջերի միջազգային օրը հիմնադրվել է «Նորարարական տնտեսություն և կառավարման որակ» 11–րդ միջազգային կոնգրեսի կազմկոմիտեի կողմից՝ դրանով հատուկ ընդգծելով թոփ-մենեջմենթի դերը սերունդների հոգևոր և մտավոր նկարագրի ձևավորման գործում։ Տոնը նշվում է ամեն տարի ապրիլի 2-րդ հինգշաբթի՝ 2009 թվականից ի վեր։

«Օրհնյալ ես դու ի կանայս, և օրհնյալ է պտուղ որովայնի քո»: (Ղուկ. Ա 42-43) Ամեն տարի ապրիլի 7-ին Հայ Առաքելական Ս. Եկեղեցին նշում է Ս. Մարիամ Աստվածածնի Ավետման տոնը: Ապրիլի 7-ին բոլոր եկեղեցիներում Ս. Պատարագ է մատուցվում, և մայրության բերկրանքին սպասող կանանց օրհնության կարգ է կատարվում:

Ամեն տարի ապրիլի 7-ին՝ Առողջապահության համաշխարհային կազմակերպության (World Health Organization, WHO, 1948) հիմնադրման օրը, նշվում է Առողջապահության համաշխարհային օրը (World Health Day): Այս օրը տոնելու ավանդույթը սկիզբ է առել 1950 թվականին: Այն նպատակ ունի մարդկանց ցույց տալու, թե որքան կարևոր նշանակություն ունի առողջությունը, և որոշել, թե ինչ կարելի է անել աշխարհում մարդկանց առողջական վիճակի բարելավման համար: Յուրաքանչյուր տարի Առողջության համաշխարհային օրը նվիրվում է առողջապահության որոշակի խնդրի և նշվում է տարբեր կարգախոսներով և նշանաբաններով` կենտրոնացնելով ուշադրությունը հանրային գլոբալ առողջապահական միտումների և առողջությանը սպառնացող առանձին հարցի շուրջ: 

Ապրիլի 7-ը Մայրության, գեղեցկության և սիրո օրն է: Այս տոնը եզրափակում է Կանանց միամսյակը, որը Հայաստանում նշվում է մարտի 8-ից ապրիլի 7-ն ընկած ժամանակահատվածում: Ավետման տոնի օրը մեր եկեղեցիներում կատարվում է մայրության բերկրանքին սպասող կանանց օրհնության հատուկ կարգ: «Ավետել», «ավետիս տալ» նշանակում է բարի լուր հաղորդել: Մարդկությանը հաղորդված մեծագույն ավետիսը Սբ. Կույսին տրված երջանիկ լուրն է` Աստվածորդու մարդեղացման և փրկության ուղու բացման ավետումը: Շատ երկրներում այս տոնը հիմնականում առնչվում է կրոնին և վերափոխվել է Սբ. Մարիամին, իսկ մահմեդական երկրներում` Մուհամեդի աղջկա ծննդյան օրվան նվիրված տոնի: Հայաստանում  ապրիլի 7-ին նշանակվել է հայոց եկեղեցու անշարժ տոներից մեկը` Ավետման տոնի օրը: Ըստ Աստվածաշնչի՝ այդ օրը Գաբրիել հրեշտակապետն ավետում է կույս Մարիամին, որ նա որդի է ունենալու:

ՄԱԿ-ի գլխավոր ասամբլեան 2013 թվականի օգոստոսի 23-ին կայացած լիագումար նիստի ժամանակ որոշել է ապրիլի 6-ը սահմանել Սպորտի միջազգային օր (International Day of Sport for Development and Peace): Նիստը նախագահող Վուկ Երեմիչն ընդգծել է, որ որոշումը պետք է ծառայի ի շահ խաղաղության, համայն մարդկության համախմբման, առաջընթացի, քանզի սպորտը հզոր զենք է հաշտության, խաղաղության և մերձեցման համար: «Չէ՞ որ հասարակությունը միասին է ուրախանում նշանակալից նվաճումներով: Բացի այդ, սպորտի շնորհիվ են հաղթահարվում կրոնական, էթնիկական և տնտեսական արգելքները»,- ասել է նա։

Սեղանի թենիսի միջազգային օրը  (Word Table Tennis Day) առաջին անգամ նշվել է 2015 թվականի ապրիլի 6-ին։ Սակայն դա չի խանգարել, որ այս կարճ ժամանակահատվածում լայնորեն տարածվի ամբողջ աշխարհում։ Սեղանի վրա գնդակով այս մրցախաղն առաջացել է Մեծ Բրիտանիայում XIX դարի վերջին: XX դարի սկզբներին տարածում է գտել շատ երկրներում, սկզբում՝ որպես զվարճանքի միջոց, ապա՝ մրցախաղ: Ներկա անվանումն ստացել է 1926 թ-ին, երբ հիմնվեց Սեղանի թենիսի միջազգային ֆեդերացիան: Մինչ այդ, խաղը հայտնի էր պինգ-պոնգ անունով, հավանաբար՝ սեղանին փոքրիկ գնդակի հարվածից առաջացած բնորոշ ձայնի անվանմամբ::

Այսօր Համայնավարական աստվածամերժ բռնապետության տարիներին նահատակված հոգևորականների հիշատակի օրն է։ 2017 թվականին Ամենայն Հայոց Կաթողիկոսը ապրիլի 6-ը` Երանաշնորհ Տ.Տ. Խորեն Ա. Մուրադբեկյան Ամենայն Հայոց Հայրապետի նահատակության օրը, հռչակել է համայնավարական բռնապետության տարիներին հալածանքների ու աքսորի ենթարկված և նահատակված հոգևորականների հիշատակի օր: «Ի հեճուկս 20-րդ դարասկզբին հայ ժողովրդին պատուհասած ցեղասպանության, հընթացս որի նահատակվեցին նաև բազում հոգևորականներ, ստալինյան բռնապետության հալածանքներից ու եղեռնագործություններից ևս չընկճվեց եկեղեցականաց դասի աննկուն ոգին` վերստին ապացուցելով Տիրոջ հետևորդների կամքի հզորությունը և հավատքի մեծագույն ուժը: