2015 - Բելգիայի Ներկայացուցիչների պալատը լիագումար նիստին բացարձակ մեծամասնությամբ Հայոց ցեղասպանությունը ճանաչող բանաձև ընդունեց:
2008 - Կոալիցիոն կառավարության անդամ Դաշնակցությունը դժգոհում է, որ Լևոն Տեր-Պետրոսյանի ղեկավարած արմատական ընդդիմությունը մերժում է իշխանությունների հետ երկխոսությունը։ 
1999 - Հայաստանի նյութաբանության գիտաարտադրության ինստիտուտը հրաման է ստանում 10 օրում ազատել շենքը։
1998 - Ամերիկահայ գործարար Վահագն Հովնանյանին Երևանի քաղաքապետարանը նոր ավան կառուցելու համար 100 հեկտար հող հատկացրեց։ 
1993 - Արցախյան 1-ին պատերազմ. Հայկական ուժերը շուրջ 40 օր շարունակված մարտերից հետո վերահսկողության տակ են վերցնում Աղդամը։
1992 - Հայաստանը և Ռուսաստանը պայմանավորվում են 3 էտապով 6 ամսվա ընթացքում Հայաստանի տարածքից դուրս բերել Անդրկովկասյան զինվորական 7-րդ գվարդիական զորամիավորումը։
1991 - Հայաստանը կրկին հրավիրվեց մասնակցելու միութենական պայմանագրի քննարկմանը և կրկին մերժեց հրավերը:

2021 - Բաքվի դատարանը 13 հայ զինվորականներին դատապարտեց 6 տարվա ազատազրկման։ 
2010 - Հոկտեմբերի 27-ի գործով նախկին մեղադրյալ Նաիրի Բադալյանը, որը քաղաքական ապաստան ստանալուց հետո ապրում է Ամերիկայում, Հայաստան է վերադարձել և հայցադիմում ներկայացրել դատարան՝ պահանջելով 10 միլիոն դոլար։ 
2009 - 5 տարի առաջ բանտից ազատ արձակված Ղարաբաղի պաշտպանության բանակի նախկին հրամանատար Սամվել Բաբայանը կանխատեսում է նոր պատերազմ։ 
2008 - Տեղի ունեցավ նորվեգացի միսիոներ, հայ ժողովրդի մեծ բարեկամ Բոդիլ Բյորնի աճյունի վերահուղարկավորման հանդիսավոր արարողությունը Հայոց ցեղասպանության զոհերի հուշահամալիրի պատին:
2003 - Առավոտյան մահափորձ է կատարվում Երևանի Էրեբունի համայնքի ղեկավար Մհեր Սեդրակյանի դեմ: 
2002 - Հատուկ հրամանագրով Ռոբերտ Քոչարյանը պաշտպանության նախկին նախարար Վաղարշակ Հարությունյանին զրկում է գեներալ-լեյտենանտի զինվորական կոչումից: 
2000 - Ղարաբաղի նախագահի դեմ մահափորձի մեղադրանքով ձերբակալված պաշտպանության բանակի նախկին հրամանատար Սամվել Բաբայանը կալանավայրում հացադուլ հայտարարեց։
1983 - ASALA. Պայթյուն Փարիզի Շանզելիզե պողատայում կայանած Ֆրանսիայի գաղտնի ոստիկանության մեքենայում։
1981 - Մեկ ժամվա տարբերությամբ երկու պայթյուններ Ժնևի Կենտրոնական կայարանի պահարկղերի բաժնում։
1971 - Տեղի ունեցավ Համո Բեկնազարյանի անվան «Հայֆիլմ» կինոստուդիայում նկարահանված Գաբրիել Սունդուկյանի «Խաթաբալա» կինոնկարի շնորհանդեսը։

2011 - Նախկին վարչապետ Հրանտ Բագրատյանը Ռուսաստանի «Հայրենակիցներ» ծրագիրը գնահատում է. «Հայաստանից արտագաղթ չկա, կա մարդկանց պլանավորված արտահանում»։
1993 - Աղմկահարույց սպանություններ. Առավոտյան ժամը 8:05, Երևան, Կոմիտասի անվան այգի. Մակարով տեսակի ատրճանակի կրակոցից սպանվում է Հայաստանի Պետական անվտանգության կոմիտեի նախկին ղեկավար, գեներալ-լեյտենանտ Մարիուս Յուզբաշյանը:

Հետևեք Պատմության հայկական օրը խորագրին ամբողջությամբ armenlur կայքում։

2021 - Գիշերը Գեղարքունիքի դիրքերում Փոխհրաձգությունը եղել է Կութ գյուղի ուղղությամբ տեղակայված դիրքերում: 
2010 - Հայաստանում գտնվող ԵԽԽՎ պատվիրակությունը խրախուսում է Հայ Ազգային կոնգրես և իշխանական կոալիցիա երկխոսությունը, եթե երկխոսության արդյունքում կողմերը համաձայնվեն խորհրդարանի արտահերթ ընտրություններին։    
2006 - Մի քանի օր առաջ ՀՀԿ-ին անդամակցած Հայաստանի պաշտպանության նախարար Սերժ Սարգսյան հատարարեց, որ չի պատրաստվում հրաժարվել պաշտպանության նախարարի պաշտոնից: 
2000 - Հոկտեմբերի 27-ի ահաբեկչության գործով կալանավորված և ազատ արձակված Ազգային Ժողովի պատգամավոր Մուշեղ Մովսիսյանը պատմում է, թե ինչպես Ազգային Ժողովի նախագահ Արմեն Խաչատրյանի խորամանկ հյուրընկալությամբ իրեն ձերբակալեցին։ 

Խաչատրյանը զանգել է Մուշեղ Մովսիսյանին և հրավիրել իր տուն։ Մովսիսյանը զարմացել է ու գնացել։ Խորհրդարանի ղեկավարի բնակարանից դուրս գալուց զարմանքը չի անցել, մեքենայի մեջ իրեն սպասող ընկերոջն ասել է՝ ոչինչ չհասկացա։ 

2000 - Հայաստանի ադամանդի «Շողակն» ձեռնարկության նոր սեփականատեր,  Իսրայելական ԼԼԴ դայմոնդ ընկերության ղեկավար Լև Լևինը այցեց Ռոբերտ Քոչարյանին։
1999 - Արտգործնախարար Վարդան Օսկանյանը ակադեմիկոսներին ներկայացնում է Ղարաբաղի հարցի ներկա իրավիճակը։ 
1990 - Ժամը 11:00-ին բացվեց նորընտիը խորհրդարանի անդրանիկ նիստը:

Խորհրդարանի աշխատանքներն օրհնեց և մաղթանքներ հղեց Ամենայն Հայոց Կաթողիկոս Վազգեն Ա-ն:
ԳԽ նիստից առաջ ՆԳ նախարար Լևոն Գալստյանը հայտարա­րեց, որ չի կարող ապահովել խորհրդարանի և պատգամավորների անվտանգությունը:

1981 - ASALA. Պայթյուն Ցյուրիխի Քլոթըն օդանավակայանի լուսանկարչական խցիկում։

1993 - ԼՂՀ ղեկավարության հրավերով Ստեփանակերտ էին ժամանել Հայաստանի Հանրապետության զինված ուժերի նախագահ Բաբկեն Արարքցյանը, վարչապետ Հրանտ Բագրատյանը, արտաքին գործերի նախարարի առաջին տեղակալ Ժիրայր Լիպարիտյանը և պաշտոնատար այլ անձինք:
1981 - ASALA. Պայթում է Բեռնում Շվեյցարաիայի դաշնակցային խորհրդարանի շենքի առջև գտնվող աղբամանը՝ պատճառելով նյութական վնասներ։
1980 - Մոսկվայում բացված XXII ամառային օլիմպիադայի մասնակից 5180 մարզիկների թվում մեդալակիր դարձան Հայաստանի 7 ներկայացուցիչ:

Հետևեք Պատմության հայկական օրը խորագրին ամբողջությամբ armenlur կայքում։

2016 - «Սասնա Ծռեր» խմբավորման կողմից Պարեկապահակային գունդը գրավելուց 24 ժամ անց խմբավորման անդամները երկու պահանջ են հնչեցրել, առաջիը՝ Ժիրայր Սէֆիլյանի ազատությունը և Սերժ Սարգսյանին պաշտոնանկ անելը։

Նույն օրը՝ գիշերը ղարաբաղա-ադրբեջանական հակամարտ զորքերի շփման գծում հակառակորդը հրադադարի ռեժիմը խախտել է 26 անգամ, որի ընթացքում, տարբեր տրամաչափի հրաձգային զինատեսակներից, հայ դիրքապահների ուղղությամբ արձակել է ավելի քան 450 կրակոց: 

2015 - Կարապի լճի հարակից տարածքում «Երևանյան ամառ 2015» ծրագրի շրջանակում մեկնարկեց ավանդական դարձած ձմերուկի ամենամյա փառատոնը:
2013 - «Freedom House» Խոսքի ազատության պաշտպանության կոմիտեն 2012 թվականին հայաստանյան ԶԼՄ-ները գնահատվեցին որպես անազատ։
1988 - ԽՍՀՄ Գերագույն Խորհուրդի պրեզիդիումը հաստատում է, որ ԼՂԻՄ-ը Ադրբեջանի մասն է։
1959 - Երևանում Կլիմենտ Վորոշիլովը Հայկական ԽՍՀ-ին հանձնում է Լենինի շքանշանը:

Հետևեք Պատմության հայկական օրը խորագրին ամբողջությամբ armenlur կայքում։

2016 - ՊՊԾ գնդի գրավումով Երևանում սկսվեց զինված ապստամբություն։
2007 - Ռ. Քոչարյանն ու Ի.Ալիևը կրկին նստում են բանակցային սեղանի շուրջ, այս անգամ`Մոսկվայում: Համաձայնագրի ստորագրումից անմիջապես հետո, հայկական զորքերը պետք է հանվեն 5 շրջաններից: 
2000 - Միջազգային Կարմիր Խաչի օգնությամբ Հայաստանն Ադրբեջանին է վերադարձնում 6 ռազմագերու։
1991 - ՀՀ ԳԽ-ն արձանագրեց Մոսկվա-Ադրբեջան համատեղ ագրե­սիայի հետևանքները։
1959 - Խորհրդային Հայաստան է գալիս ԽՍՀՄ գերագույն խորհրդի նախագահության նախագահ Կլիմենտ Վորոշիլովը Լենինի շքանշանը հանրապետությանը հանձնելու համար։

Հետևեք Պատմության հայկական օրը խորագրին ամբողջությամբ armenlur կայքում։

2016 - Սերժ Սարգսյանը Ստեփանակերտում հետաքրքրվում է` ինչ կարծիք ունեն ղարաբաղցիները տարածքների զիջման վերաբերյալ:

Այդ հանդիպումից երեք տարի անց Ղարաբաղի խորհրդարանի նախկին պատգամավոր Վահան Բադասյանը վերահաստատել էր` ապրիլյան պատերազմից հետո Սերժ Սարգսյանը Ստեփանակերտում հանդիպել է իր մտերիմ մոտ 2 տասնյակ պաշտոնյաների ու ակտիվստների և քննարկել տարածքների զիջման հարցը: Սերժ Սարգսյանը, ըստ Բադասյանի, փորձում էր հասարակությանը պատրաստել դրան:

2010 - Համատեղ հայտարարություն են տարածում Մինսկի խմբի համանախագահող երկրների արտգործնախարարները: Կողմերի միջև տարաձայնությունները դառնում են առավել ակնհայտ։
2003 - Պարզվում է, որ անհետացել է Հայաստանում Թուրքմենիայի դեսպան Թոյլի Կուրբանովը։ 
1999 - Ռ. Քոչարյան - Հ. Ալիև բանակցություններ Ժնևում. հանդիպումը նախաձեռնել էին կողմերը`առանց համանախագահների մասնակցության։
1998 - Վանո Սիրադեղյանը տեսնում է Հայաստանի և Լեռնային Ղարաբաղի միջազգային մեկուսացումը. պատճառը Ռոբերտ Քոչարյանի վարած ներքին և արտաքին քաղաքականությունն է։ «Իրենք ոչ մի առաքելություն չունեն Հայաստանում անելու»,- ասել էր Վանո Սիրադեղյանը։

Հետևեք Պատմության հայկական օրը խորագրին ամբողջությամբ armenlur կայքում։

2006 - Սանկտ Պետերբուրգում` «Մեծ ութնյակի» գագաթնաժողովում ընդունված փաստաթղթում Վ.Պուտինը, Ժ.Շիրակն ու Ջ.Բուշը հորդորել էին Հայաստանին ու Ադրբեջանին քաղաքական կամք ցուցաբերել, համաձայնության հասնել և պատաստել իրենց հասարակություններին խաղաղության, ոչ թե պատերազմի:
2000 - ՀՀ արտգործնախարար Վարդան Օսկանյանի գերմանացիներին տված խոստումն իրականացնելու շրջանակներում Հայաստանի գրապահոցներից վերադարձվում է 18 հազար գիրք։ 
1990 - ՀՀՇ վարչության և «Մաշտոց» միավորման ջանքերով հնարա­վոր դարձավ հանրակրթական դպրոցներում պարտադիր դարձնել հայերենով կրթությունը:

Հետևեք Պատմության հայկական օրը խորագրին ամբողջությամբ armenlur կայքում։

2001 - Ղարաբաղից Երևան ժամանած նախկին պատգամավոր Մուրադ Պետրոսյանը Հայաստանի քաղաքական ուժերին առաջարկում է դաշինք ստեղծել Ռոբերտ Քոչարյանին իշխանությունից հեռացնելու նպատակով։

Հետևեք Պատմության հայկական օրը խորագրին ամբողջությամբ armenlur կայքում։

2020 - Գյումրիում տեղացած հորդառատ անձրևից մի քանի ժամ շարունակ ավտոմեքենաներն ու տրանսպորատային միջոցները մնացել էին ջրի տակ:
2010 - Ստեփանավանում 16-ամյա Գևորգ Վարդանյանը ինքնասպան է եղել, երբ թղթախաղում պարտվել է երեք հազար դրամ, որը ճարելու ոչ մի տարբերակ չուներ։ 
2001 - Բանտից ազատ է արձակվում «Մխիթար Սեբաստացի» կրթահամալիրի տնօրեն Աշոտ Բլեյանը։
2001 - Հրանտ Մաթևոսյանը հայ ընթերցողին է իր ճաշակով կազմած և ձևավորած Հովհաննես Թումանյանի հատընտիրը։ 
2001 - Ֆրանսիայի Օռլի օդանավակայանում ահաբեկչություն իրականացրած, դատապարտված և ներում ստացած ԱՍԱԼԱ-ի մարտիկ Վարուժան Կարապետյանը Գրողների Միությունում ներկայացնում է բանտում արված իր կտավները։ 
1999 - Հայաստանի իշխանությունները Ղարաբաղի քաղաքական դաշտից ուզում են հեռացնել Արցախի պաշտպանության նախարար Սամվել Բաբայանին և այդ առիթով Հայաստանի նախագահ Ռոբերտ Քոչարյանը մեկնել է  Ղարաբաղ։ 
1993 - Լեռնային Ղարաբաղի Հանրապետություն ժամանեց Եվրոպայում անվտանգության և համագործակցության խորհրդակցության պատվիրակությունը՝ Լեռնային Ղարաբաղի հակամարտության խաղաղ կարգավորմանն ուղղված Մինսկի համաժողովի նախագահ, իտալացի դիվանագետ Մարիո Ռաֆայելի գլխավորությամբ:

Հետևեք Պատմության հայկական օրը խորագրին ամբողջությամբ armenlur կայքում։

1995 - Մինսկի խումբը այցելում է Երևան, Բաքու, Ստեփանակերտ, բանակցում նախագահներ Ալիևի, Տեր-Պետրոսյանի և Ղարաբաղի առաջնորդ Ռ. Քոչարյանի հետ։

Միջնորդները կողմերի հետ քննարկում էին հրադադարի ամրապնդման ու տեղում միջազգային խաղաղապահ ուժեր տեղակայելու հարցը: ԵԱՀԿ֊ն որոշել էր Վիեննայում ստեղծել Բարձր մակարդակի ծրագրավորման խումբ, որը պետք է զբաղվեր խաղաղապահ ուժերի կազմավորման և ղեկավարման հարցերով: Փաստացի խումբը ԵԱՀԿ֊ին մի քանի տարբերակ է առաջարկում, որոնք նախատեսում են տեղում 1500-4000 խաղաղապահներ տեղակայել: Առաջարկը, սակայն, թեժ բանավեճերի առիթ էր դառնում, և ոչ միայն կողմերի միջև. Ղարաբաղն առաջին դեպքն էր, երբ արևմուտքը ծրագրում էր սեփական ուժերը ուղարկել Ռուսաստանի ազդեցության տակ գտնվող գոտի։

1988 - Լեռնային Ղարաբաղի մարզային խորհուրդը հայտարարում է Ադրբեջանի կազմից դուրս գալու մասին։
1983 - Հանդիսավոր արարողությամբ բացվում է Երևանի մետրոպոլիտենի «Գործարանային» կայարանը։

2012 - Սարդարապատի հուշահամալիրում մեկնարկեց Տոլմայի փառատոնը: 
2009 - Հայ-թուրքական հարաբերություններին և ղարաբաղյան հիմնախնդրին նվիրված համահայկական ֆորումի բացմանը Բակո Սահակյանը նշել է. «ԼՂՀ անկախությունը կայացած փաստ է և քննարկման ենթակա չէ»:
2008 - «Հանրապետություն» կուսակցության քաղխորհրդի անդամ, ԵԿՄ վարչության անդամ, «Մեծն Տիգրան» ջոկատի հրամանատար Սմբատ Այվազյանի դեմ հարուցված քրգործը մտավ դատարան:
2003 - Եվրամիության «Եռյակի» պատվիրակության ղեկավար, Իտալիայի փոխարտգործնախարար Մարգերիտա Բոնիվերը մամուլի ասուլիսին հասկացրեց, որ Եվրամիությունը շահագրգիռ է Հարավկովկասյան երկրների հետ հարաբերությունների սերտացմամբ, ինչը, սակայն, անհնար է առանց տարածաշրջանային հակասությունների կարգավորման։
2001 - Ադրբեջանական բանակի օրվա կապակցությամբ տեղի ունեցած հանդիսավոր նիստի ժամանակ Հեյդար Ալիևը հայտարարեց. «Ադրբեջանական բանակը միշտ պետք է պատրաստ լինի ազատագրել գրավված տարածքները»։
2001 -  «Շամիրամ» կուսակցության նախագահ Շողեր Մաթևոսյանը կոչ արեց համախմբվել Հայաստանից ահաբեկչությունն արմատախիլ անելու, շուրջ։

Շողեր Մաթևոսյանը Հայաստանի իրավիճակը փոխելու քայլերից մեկը համարում է մարդկանց գիտակցության մեջ ահաբեկչության, վախի, զենքով հարց լուծելու, կախելու, մորթելու վայրագ մթնոլորտի դեմ պայքարելու անհրաժեշտությունը: 
«Մեր ժողովուրդը պետք է, ի վերջո, գիտակցի, որ նորմալ երկիր կառուցում են այն դեպքում, երբ հասարակության ու իշխանությունների համար միակ արժեքը պետականություն ունենալն է, ոչ թե պետության դեմ դավադրություններ կազմակերպելն ու երկրում ահաբեկչական մթնոլորտ սերմանելը»:

2014 - Ստեփանակերտը հայտարարում է, թե բանակը կասեցրել է ադրբեջանական դիվերսոն խմբի ներթափանցման ևս մեկ փորձ: Ավելի ուշ ձերբակալվում են Դիլհամ Ասկերովն ու Շահբազ Գուլիևը` երկու մարդու սպանելու մեղադրանքով։
2009 - Իտալիայի Լ՛Աքվիլա քաղաքում` Ռուսաստանը, Ֆրանսիան և ԱՄՆ-ը համատեղ հայտարարություն են տարածում` գաղտնազերծելով կարգավորման հիմնարար սկզբունքների հիմնադրույթները։
2003 - ԿԸՀ նախագահ է ընտրվում Ռոբերտ Քոչարյանի նշանակած երեք անդամներից մեկը՝ Գարեգին Ազարյանը։
2000 - Հայաստանի արտգործնախարար Վարդան Օսկանյանը տեղեկացնում է, որ Հայաստանը պատրաստ է համագործակցել Թուրքիայի և Ադրբեջանի հետ։
1998 - Երևանում կոմունիստները դեռ 100-րդ օրը չլրացած նախագահող Ռոբերտ Քոչարյանից արդեն ուզում են ազատվել։

Հետևեք Պատմության հայկական օրը խորագրին ամբողջությամբ armenlur կայքում։

2001 - Գլխավոր դատախազ Արամ Թամազյանի հրամանով ստեղծվեց զինվորական դատախազ Գագիկ Ջհանգիրյանի դեմ հնչեցված մեղադրանքներն ուսումնասիրող 7 հոգանոց հանձնաժողով։ 
2001 - Արտաշես Գեղամյանը գյումրեցիների հետ հանդիպման ժամանակ հռչակում է, որ Քոչարյանը չի ուզում, որ Արցախի հարցը լուծվի։ 
1999 - Հրանտ Վարդանյանը հերքում է տեղեկություններն այն մասին, որ Հայաստանի ներքին գործերի և Ազգային անվտանգության նախարար Սերժ Սարգսյանը ցանկանում է Երևանում ծխախոտի գործարան կառուցել և նույնիսկ դրա համար խորհրդակցել է թիվ մեկ ծխախոտագործի հետ։ 
1998 - ՀՅԴ-ն Ռոբերտ Քոչարյանի ներկայությամբ գումարվում է հերթական Գերագույն Ժողովը։ 
1947 - Հայրենադարձության ծրագրի շրջանակներում Բաթում է հասնում «Պոբեդա» նավը, որը բերում էր հայրենադարձների հերթական քարավանը։

Հետևեք Պատմության հայկական օրը խորագրին ամբողջությամբ armenlur կայքում։

2001 - «Շամիրամ» կուսակցության համագումարում կուսակցության նախագահ Շողեր Մաթևոսյանը Հայաստանում մնացողներին առաջարկում է համախմբվել և տապալել Ռոբերտ Քոչարյանին, ցանկալի է՝ սահմանադրական եղանակով։  
1999 - Մայր Աթոռի բակում հողին է հանձնվում Ամենայն Հայոց կաթողիկոս Գարեգի Առաջինի մարմինը։
1989 - 24-ամյա Ջոն Դիի նախաձեռնությամբ Լոնդոնի Metropolis Studios ստուդիայում ձայնագրվում է Deep Purple խմբի Smoke on the water հիթի «աստղային» տարբերակը Սպիտակի երկրաշարժից տուժած Հայաստանին օգնելու նպատակով:

Հետևեք Պատմության հայկական օրը խորագրին ամբողջությամբ armenlur կայքում։

2008 - Այս օրը հրավիրած հանրահավաքում, անդրադառնալով Սերժ Սարգսյանի կառավարման մեթոդներին, ՀԱԿ առաջնորդ Լևոն Տեր-Պետրոսյանը հիշում է Սադամ Հուսեյնին։
1994 - Ղարաբաղի ներկայացուցիչները մասնակցում են Վիեննայում անցկացվող ԵԱՀԿ Մինսկի խմբի նիստին։

Հրադադարի համաձայնագրից շաբաթներ անց կրկին օրակարգային էր դարձել շփման գծում խաղաղապահներ տեղակայելու հարցը։
Ղարաբաղյան կողմը, սակայն, մերժում է միջազգային  խաղաղապահ ուժերի կազմում, թուրք զինվորներ ներգրավելու առաջարկը։

1923 - Ադրբեջանական ԽՍՀ կազմում ստեղծվում է Լեռնային Ղարաբաղի Ինքնավար Մարզը (ԼՂԻՄ):

Դրան զուգահեռ կազմավորվում է «Կարմիր Քուրդիստանը», ինչի հետևանքով կտրվում է ցամաքային կապը Խորհրդային Հայաստանի և Արցախի միջև։

Հետևեք Պատմության հայկական օրը խորագրին ամբողջությամբ armenlur կայքում։

2020 - Սպիտակ տան մամուլի խոսնակ Քեյլի Մըքէնանին իր ամենօրյա ճեպազրույցում  արտաբերեց «Հայոց ցեղասպանություն» եզրույթը։
2006 - Համանախագահները համատեղ հայտարարություն են հրապարակում` բացահայտելով կարգավորման առաջարկների որոշ մանրամասներ։
1922 - Եղիշե Չարենցը, Ազատ Վշտունին և Գևորգ Աբովը հռչակում են «Երեքի» դեկլարացիան։

Հետևեք Պատմության հայկական օրը խորագրին ամբողջությամբ armenlur կայքում։

1996 - Ստոկհոլմում ԵԱՀԿ Մինսկի խմբի հովանու ներքո երեք կողմերը` Հայաստանը, Ադրբեջանը և Ղարաբաղը, շարունակում են բանակցությունները` առանց որևէ առաջընթացի:
1995 - Ընդունվում է Հայաստանի Հանրապետության Սահմանադրությունը։
1992 - 11 պետությունների առաջին խորհրդաժողովը Հռոմում`ԵԱՀԽ (ԵԱՀԿ) նախագահող Իտալիայի նախաձեռնությամբ։
1988 - Տեղի ունեցան «Զվարթնոց» օդանավակայանի ողբերգական իրադարձությունները. խորհրդային զինվորները, ԽՍՀՄ գեներալներից մեկի՝ Ալբերտ Մակաշովի առաջնորդությամբ հարձակվում են խաղաղ ցուցարարների վրա, որի ընթացքում սպանվեց լրագրող Խաչիկ Զաքարյանը։
1921 - Կենտրոնական Կոմիտեի ՌԿԿ(բ) Կովկասյան բյուրոյի որոշմամբ՝ Ստալինի անմիջական ճնշմամբ, Լեռնային Ղարաբաղը միացվեց Ադրբեջանական ՍՍՀ-ի հետ, առանց բնակչության կարծիքը հաշվի առնելու՝ լայն իրավասություններով ազգային ինքնավարություն կազմավորելու պայմանով։

Հետևեք Պատմության հայկական օրը խորագրին ամբողջությամբ armenlur կայքում։

2016 - Ռուսաստանի արտգործնախարարը նախագահ Պուտինի հանձնարարությամբ այցելում է նախ Երևան, ապա` Բաքու։

Այցի ավարտին Սերգեյ Լավրովը հայտարարել էր` կողմերը ավելի, քան երբևէ մոտեցել են հաջողության հեռանկարին»: Փրոձագետները պնդում են` Ռուսաստանի արտգործնախարարը կարգավորման նոր տարբերակ է դրել սեղանին: Այդ մասին ակնարկել էր նաև Ադրբեջանի արտգործնախարարը:

Հետևեք Պատմության հայկական օրը խորագրին ամբողջությամբ armenlur կայքում։