2012 - Միացյալ Նահանգները, Ֆրանսիան և Ռուսաստանը նախատում են` մինչ օրս կողմերը չեն իրականացրել մեկ տարի առաջ Դովիլում առաջարկված քայլերը:

Ափսոսանք հայտնելով, որ Հայաստանն ու Ադրբեջանը մինչ օրս առաջընթաց չեն արձանագրել խնդրի կարգավորման շուրջ վերջնական համաձայնության գալու հարցում, նախագահներ Բ. Օբաման, Ֆ.Օլանդն ու Վ.Պուտինը միաժամանակ նշել էին. «Այդուհանդերձ, ձեռք բերված առաջընթացը հիմք է ստեղծում համընդհանուր խաղաղ կարգավորման շրջանակային համաձայնագրի շուրջ աշխատանքը ավարտին հասցնելու համար»։

1920 - Նեմեսիս գործողության շրջանակներում Արամ Երկանյանը գնդակահարեց Ադրբեջանի նախկին վարչապետ Ֆաթալի Խան Խոյսկուն և վիրավորեց Խան Մահմադովին՝ Բաքվի «Մուսավաթ» կուսակցության հիմնադրին։

Հետևեք Պատմության հայկական օրը խորագրին ամբողջությամբ armenlur կայքում։

2012 - ՀՖՖ նախագահ Ռուբեն Հայրապետյանի ընտանիքին պատկանող «Հարսնաքար» ռեստորանային համալիրում տեղի ունեցավ դաժան ծեծկռտուքը, որի հետևանքով մահացավ բուժծառայության մայոր Վահե Ավետյանը:

2001 - Դատարանի դահլիճից ազատ արձակվեց հոկտեմբերի 27-ի գործով վեց մեղադրյալ, որոնց նկատմամբ կիրառվել էր քրիստոնեությունն իբրև պետական կրոն հռչակման 1.700-ամյակի առիթով ընդունված համաներումը։

Հետևեք Պատմության հայկական օրը խորագրին ամբողջությամբ armenlur կայքում։

2003 - Հայաստանում առաջին անգամ տեղի ունեցան ՆԱՏՕ-ի անդամ երկրների բանակների զորավարժությունները:
1969-ի այս օրը ծնվել է Գինեսի ռեկորդների գրքի բազմակի ռեկորդակիր Ռիչի Առաքելյանը.

2006-ի դեկտեմբերի 16-ին սահմանել է Գինեսի իր առաջին համաշխարհային ռեկորդը՝ կքանստած բարձրացնելով 27.450 ֆունտ։
2008-ի հունիսի 15-ին Գլենդելում ծանրամարտիկն արդեն 95.600 ֆունտ է բարձրացրել, ինչը 50.000-ով ավելի է նախորդ համաշխարհային ռեկորդից:
2012-ի հունվարի 7-ին Ռիչի Առաքելյանը կրկին հայտնվել Է Գինեսի ռեկորդների գրքում՝ մեկ րոպեում բարձրացնելով 5.175 ֆունտ։

Հետևեք Պատմության հայկական օրը խորագրին ամբողջությամբ armenlur կայքում։

1991 - Մեծաքանակ օդուժի և զրահատեխնիկայի օգնությամբ խորհրդա-ադրբեջանական միացյալ ուժերը (Կիրովաբադի 23-րդ դիվիզիա) ծանր կորուստների գնով (72 սպանված, 3 միավոր զրահամեքենա) գրավեցին Շահումյանի շրջանի Էրքեջ գյուղը:

• Նախորդ օրը ընկել էին Մանաշիդ և Բուզլուխ գյուղերը:

​​​​​​​​​​​​​​Հետևեք Պատմության հայկական օրը խորագրին ամբողջությամբ armenlur կայքում։

1993 - Ստեփանակերտ ժամանեց Հայաստանի Հանրապետության նախագահ Լևոն Տեր-Պետրոսյանը՝ ԼՂՀ իշխանությունների հետ քաղաքական խորհրդակցություններ անցկացնելու նպատակով:

• Լևոն Տեր-Պետրոսյանը նպատակն էր բացատրել Լեռնային Ղարաբաղին տրվող ամենահնարավոր երաշխիքները։
• Հանդիպմանը ներկա է եղել ավելի քան տասը պաշտոնյա։ Լևոն Տեր-Պետրոսյանն առաջարկեց ստորագրել պայմանագիր Հայաստանի և Լեռնային Ղարաբաղի միջև։ 

​​​​​​​Հետևեք Պատմության հայկական օրը խորագրին ամբողջությամբ armenlur կայքում։

1878 - Սկսվեց Բեռլինի կոնգրեսը, որը Մեծ Բրիտանիայի և Ավստրո-Հունգարիայի ջանքերի արդյունքում հրավիրվել էր Սան-Ստեֆանոյի պայմանագրի վերանայման նպատակով Բեռլինում:

• Այդ կոնգրեսից հետո Արևմտյան Հայաստանի հարցը միջազգային դիվանագիտության մեջ մտավ որպես «Հայկական հարց»։

​​​​​​​Հետևեք Պատմության հայկական օրը խորագրին ամբողջությամբ armenlur կայքում։

2021 - Ադրբեջանի Արտաքին գործերի նախարարությունը հայտարարել է, որ վրաց-ադրբեջանական սահմանին՝ Վրաստանի վարչապետի աջակցությամբ Բաքուն հայկական կողմին է փոխանցել 15 ռազմագերիների, ինչի դիմաց ստացել է Ակնայի (Աղդամի) շրջանի ականապատման քարտեզներ:
1992 - Ադրբեջանի ուժերը լայնածավալ հարձակում են սկսում՝ գրավելով Շահումյանի շրջանը, Մարտակերտի հյուսիսն ու Ասկերանի արևելյան գյուղերը։

• Հայաստանի նախագահ Տեր-Պետրոսյանը հորդորել էր համաշխարհային հանրությանը անհապաղ միջոցներ ձեռք առնել Ղարաբաղի դեմ լայնածավալ հարձակումը կանգնեցնելու և նոր մարդկային զոհերից ու ավերածություններից խուսափելու համար: «Եթե Ադրբեջանին զսպելու միջազգային ճնշումն ուշանա, Հայաստանն այլընտրանք չի ունենա, քան ձեռնարկել վճռական գործողություններ և անհրաժեշտ օգնություն ու աջակցություն ցույց տալ պաշտպանելու ԼՂ ժողովրդի իրավունքներն ու անվտանգությունը»,֊ հայտարարել էր Հայաստանի նախագահը:

Հետևեք Պատմության հայկական օրը խորագրին ամբողջությամբ armenlur կայքում։​​​​​​​

2021 - Հայաստանի կարծիքը Ղարաբաղի վերաբերյալ այլևս ոչ ոք չի հարցնում, հայտարարեց Հայաստանի Առաջին նախագահ Լևոն Տեր-Պետրոսյանը։

• «Այս պարտությունից հետո արդեն Հայաստանն է դուրս դրվել որպես հակամարտող կողմ, Հայաստանի կարծիքը ոչ ոք չի հարցնում: Հայաստանը ոչ մի որոշում չի կարող ինքնուրույն կայացնել Ղարաբաղի վերաբերյալ: Այդ ծանր պատերազմական պարտությունից հետո ավելի ծանր գուցե այն է, որ մենք այլևս խաղացող չենք այս խաղում»,- հայտարարեց Տեր-Պետրոսյանը:

Հետևեք Պատմության հայկական օրը խորագրին ամբողջությամբ armenlur կայքում։

2021 - Մամուլի ասուլիսի ժամանակ  Լևոն Տեր-Պետրոսյանը կոշտ գնահատական տվեց Փաշինյանին։

• «Փաշինյանը տեղով սպառնալիք է, կեսն է կործանել, մյուս կեսն էլ կկործանի, կվերջանանք»- ասաց Լևոն Տեր-Պետրոսյանը։

​​​​​​​Հետևեք Պատմության հայկական օրը խորագրին ամբողջությամբ armenlur կայքում։

1993 - Ռուսաստանի արտգործնախարարը անձամբ է ժամանում է տարածաշրջան` հորդորելու կողմերին իրականացնել միջազգային հանրության պահանջները։

• Ռուսական կողմի հետ հանդիպումներից մի քանի օր անց` հունիսի 14֊ին, Հայաստանի նախագահ Լևոն Տեր֊Պետրոսյանը Գորիսում, ապա` Ստեփանակերտում կոշտ զրույց է ունենում Ղարաբաղի ներկայացուցիչների հետ:
• Տեր֊Պետրոսյանի և Ղարաբաղի առաջնորդների հանդիպմանը ներկա է եղել նաև Ղարաբաղի Գերագույն խորհրդի լրատվական ծառայության ղեկավար Գեղամ Բաղդասարյանը, ով տարիներ անց հրապարակել է այդ օրը արած գրառումները: «Լևոն Տեր-Պետրոսյան- Ես եկել եմ մենակ: Կռվել եմ ընկերներիս հետ, որ մենակ գամ` չէին թողնում Բաբկենը, Վահանը, Վազգենը: Եկել եմ ասելու իմ վերջին խոսքը: Ձեզ հետ չեմ վիճելու` տրամադիր չեմ: Ոչ մի բանավեճ տեղի չի ունենալու, ամեն ինչ արդեն ասել ենք միմյանց: Ձեր փաստարկները ես գիտեմ, դուք` գիտեք իմը: Կարող ենք տեղներս փոխել, բայց դրանից ոչինչ չի փոխվի: Չեմ ուզում կրկնել ելույթս, բայց մի բան կասեմ` ցայսօր Ղարաբաղն ու Հայաստանը (չեմ անջատում իրարից) եթե պատերազմում էին Ադրբեջանի դեմ և հաջող, մերժման դեպքում պիտի պատրաստ լինեն կռվելու ամբողջ աշխարհի դեմ: Չի կարելի ծաղրել միջազգային հանրությանը, որը պատասխան է պահանջում: Այսօր դուք պիտի ապացուցեք, որ իշխանություն եք: Մենք ձեռք ենք բերում կոնկրետ թշնամի` Թուրքիան չէ դա, Ադրբեջանը չէ, Իրանը չէ: Ռուսաստանն է»:

Հետևեք Պատմության հայկական օրը խորագրին ամբողջությամբ armenlur կայքում։

2002 - Վանո Սիրադեղյանը գրել է. «Տնտեսական ու սոցիալական աղետը, որ առկա է երկրում, սոցիալական ցնցումների չի բերի։ Բարեբախտաբար թե դժբախտաբար, հայերը իրենց ապահովագրել են սոցիալական ցնցումներից դեռ վաղնջական ժամանակներից սկսած լքում են - լքում են երկիրը: Սկզբում խոպանչիության տեսքով, հետո ընտանիքներով, հետո տոհմով գյուղերով... և սոցիալական ընդվզումը երբեք չի հասնում կրիտիկական զանգվածի։ Ճիշտ է, այդ ներքին «կայունության» դիմաց երկիրը մաս-մաս զիջել են օտարներին»։ 

Հետևեք Պատմության հայկական օրը խորագրին ամբողջությամբ armenlur կայքում։

1995 - Անգլիական ազդեցիկ «Financial Times» օրաթերթը ծավալուն հոդված է հրապարակում Հայաստանի էներգետիկ ճգնաժամի, տնտեսական բարեփոխումների և ներքաղաքական իրդարձությունների մասին:

• «Հայկական կառավարությունը շատ զգույշ է Լեռնային Ղարաբաղի հարցի շուրջ իր որդեգրած քաղաքականության մեջ, բայց այն փաստը, որ այդ տարածքն այսօր տեղի հայ բնակիչների ձեռքին է և ոչ թե Բաքվի իշխանությունների, ինքնըստինքյան խոսում է ազգային բնագավառում Հայաստանի վերջին 4 տարիների ընթացքում ձեռք բերված հաջողությունների մասին: Հաջողություններ, որոնք գոտեպնդում են հայերին դիմադրելու էլ ավելի սուր ճգնաժամերի, քան էլեկտրականության պակասն է»- գրում է թերթը:

​​​​​​​Հետևեք Պատմության հայկական օրը խորագրին ամբողջությամբ armenlur կայքում։

2008 - Ռուսաստանի նախագահի նախաձեռնությամբ Ս. Սարգսյանն ու Ի. Ալիևը Մոսկվայում եռակողմ հռչակագիր են ստորագրում ղարաբաղյան խնդրի կարգավորման վերաբերյալ:

Հետևեք Պատմության հայկական օրը խորագրին ամբողջությամբ armenlur կայքում։

2006 - Ալիև-Քոչարյան հանդիպում Բուխարեստում, մանրամասներ չեն հրապարակվում։ Ավելի ուշ Մինսկի խմբի ամերիկացի համանախագահ Մեթյու Բրայզան պատմել էր` «Բուխարեստում` Սևծովյան տնտեսական համագործակցության կազմակերպության համաժողովում, կողմերը խոսում էին միմյանց հետ ողջ հանդիպման ընթացքում: Նրանք անցան բոլոր հարցերի վրայով՝ մանրամասն կերպով, և որևէ բացասական մեկնաբանություն չեն հրապարակել դրանից հետո»:

Հետևեք Պատմության հայկական օրը խորագրին ամբողջությամբ armenlur կայքում։

1918 - Բաթումում Հայաստանի Դեմոկրատական Հանրապետության և Օսմանյան կայսրության միջև կնքվեց պայմանագիր, որը բաղկացած էր 14 հոդվածից։ Անդրանիկ Օզանյանը քննարկում էր համաձայնագիրն առանց միջոցների մնացած Դաշնակցության հետ ձևավորելու Լեռնահայաստան։

Հետևեք Պատմության հայկական օրը խորագրին ամբողջությամբ armenlur կայքում։

1994 - ԼՂՀ Գերագույն խորհրդի նախագահությունը որոշում ընդունեց Լեռնային Ղարաբաղի Հանրապետության Գերագույն Խորհրդի պատվիրակությունը գործուղելու Սանկտ Պետերբուրգ՝ ԱՊՀ Միջխորհրդարանական վեհաժողովի աշխատանքներին մասնակցելու նպատակով:

Հետևեք Պատմության հայկական օրը խորագրին ամբողջությամբ armenlur կայքում։

1991 - Հունիսի 2-ին և հուլիսի 23-ին Հայաստանը կրկին հրավիրվեց միութենական պայմանագրի քննարկմանը մասնակցելու համար և կրկին մերժեց հրավերները:

Հետևեք Պատմության հայկական օրը խորագրին ամբողջությամբ armenlur կայքում։

1992 - Արցախը հրաժարվեց մասնակցել Հռոմում մեկնարկող Լեռնային Ղարաբաղի հիմնախնդրին նվիրված ԵԱՀԿ կոնֆերանսին։ Այս խորհրդաժողովում հետագա Մինսկի խմբի մոդելն էր պլանավորվելու, իսկ մասնակցությունից հրաժարման պատճառն այն էր, որ նրանք հրավիրվել էին պարզապես իբրև Լեռնային Ղարաբաղի հայ համայնքի ներկայացուցիչներ։

Հետևեք Պատմության հայկական օրը խորագրին ամբողջությամբ armenlur կայքում։

1989 - Ազատ արձակվեցին «Ղարաբաղ» կոմիտեի անդամները, որոնք 1988-ի դեկտեմբերին և հունվարի առաջին օրերին ձերբակալվել և տեղափոխվել էին Մոսկվայի բանտեր: Երևանի Ազատության հրապարակում ցնծությամբ դիմավորեցին «Ղարաբաղ» կոմիտեի անդամներին։

​​​​​​​Հետևեք Պատմության հայկական օրը խորագրին ամբողջությամբ armenlur կայքում։

1953 - ԽՍՀՄ-ը հրաժարվեց Թուրքիայից տարածքային պահանջներից՝ մասնավորապես Ղարսից։ Խորհրդային կառավարությունը, անտեսելով Հայկական հարցը, Թուրքիայի կառավարությանը հայտնեց. «Հանուն բարիդրացիական հարաբերությունների պահպանման և խաղաղության ու անվտանգության ամրապնդման Հայաստանի և Վրաստանի կառավարությունները հնարավոր գտան հրաժարվել Թուրքիայի նկատմամբ ունեցած իրենց տարածքային պահանջներից»:

Հետևեք Պատմության հայկական օրը խորագրին ամբողջությամբ armenlur կայքում։