Էդգար Ղազարյան․ «Պաշտոնապես հաստատվել է այն տեղեկատվությունը, համաձայն որի Հայաստանում ԱՄՆ արտակարգ և լիազոր դեսպան տիկին Լին Թրեյսին կմեկնի Բաքու՝ մասնակցելու 2022 թվականի ապրիլի 27-ից 28-ը կայանալիք ԱՄՆ-ի տարածաշրջանային առաքելությունների ղեկավարների համաժողովին։ Հայաստանում հավատարմագրված դիվանագիտական առաքելության ղեկավարը, առաքելության ընթացքում պարտավոր է հաշվի նստել դեսպանընկալ երկրում տիրող իրավիճակի հետ՝ հարգել նրա շահերը։ Եթե  Թրեյսին չվերանայի Բաքու մեկնելու իր ծրագրերը, ապա վերադարձից հետո նա պետք է Հայաստանի կողմից «անցանկալի անձ» (Persona non grata) ճանաչվի»։

Վրաստանի ընդդիմադիր «Լելո» կուսակցության ղեկավարներից Բադրի Ջափարիձեն կոչ է արել իշխող «Վրացական երազանք» կուսակցությանը՝ թույլ տալ Ուկրաինայի նախագահին ելույթ ունենալ Վրաստանի խորհրդարանում։ Ըստ Ջափարիձեի՝ Վրաստանի տարածքը չի կարող և չպետք է դառնա տարանցիկ երկիր՝ Ռուսաստանին այնպիսի ապրանքների մատակարարման համար, որոնք պատժամիջոցների տակ են. 

Քաղաքագետ Սուրեն Սուրենյանց. Նիկոլի «էստի համեցեք»-ից ու Ռոբերտի ռևանշիզմից անդին 
Որևէ մեկը չփորձի որոշել, թե ով է իրական ընդդիմությունը։ Նիկոլին մեր քրֆելը կամ թուրքի դրոշ այրելն իրական ընդդիմություն լինելու հատկանիշ չէ։ Մեր երկրի դժբախտությունն այն է, որ իշխանության կարգավիճակում խաղաղության օրակարգի մասին խոսում են մարդիկ, որոնց անիրատեսությունը հանգեցրել է մահաբեր պատերազմի։ Նրանց հռչակած խաղաղությունից խեղճություն է ծորում։ Մեր երկրի դժբախտությունն այն է, որ ընդդիմության դիրքերից հանդես է գալիս մեկը, ում իշխանության տարիներին պետության ողնաշարն է կոտրվել` խորհրդարանում ու Երևանի փողոցներում` պետական այրերի ու քաղաքացիների գնդակահարությամբ։ Նրանց հռչակած ընդդիմությունից արյան հոտ է գալիս։ Արժանապատիվ խաղաղության օրակարգը իմ քաղաքական կրեդոն է, որը հակադրում եմ Նիկոլի «էստի համեցեք» խղճահարություն-խեղկատակությանը ու քոչարյանական պրիմիտիվ ռևանշիզմին։

Երեկ Նոր Արեշ 22 փողոցի տներից մեկում հայտնաբերել են 62-ամյա Արմեն Մ-ի դին, ում հարազատները հայտնել են, որ նա իրենց ներկայությամբ հանկարծամահ է եղել։ Դիակի ճակատին, ձախ ակնակապճի դրսայի եզրին, քթի մեջքին, գլխի գագաթային շրջանին հայտնաբերվել են քերծվածքներ: Հարազատները ոստիկաններին հայտնել են, թե նա վնասվածքները ստացել է վայր ընկնելու հետևանքով։ Սակայն, պարզվել է, որ հարազատների ասածը չի համապատասխանում իրականությանը։ 

Թուրքիայի զինված ուժերը մտադիր են 50-60 կմ խորությամբ առաջ շարժվել դեպի Իրաքի տարածք՝ Քրդստանի աշխատավորական կուսակցության (PKK) դեմ նոր ռազմական գործողության շրջանակներում։ Հիմնական խնդիրները կատարելուց հետո թուրք զինվորականները չեն նախատեսում ամբողջությամբ լքել Իրաքի հյուսիսը։ Նրանք մտադիր են այնտեղ ժամանակավոր բազաներ տեղակայել տարածքը վերահսկելու համար

Մեքսիկայում գաղտնի ձիարշավի ժամանակ փոխհրաձգության արդյունքում 11 մարդ է սպանվել։ Մեքսիկայի ոստիկանությունը փորձում է պարզել, թե ինչու են մրցարշավները գաղտնի անցկացվել, քանի որ դրանք արգելված չեն երկրի օրենքով։ Ամենայն հավանականությամբ մահացածներն ու կրակողները տեղի հանցավոր խմբավորումների անդամներ են եղել։ Դեպքի վայրում հայտնաբերվել է հրազեն, խուզարկության համար առգրավվել են ավտոմեքենաներ։

Իրանի իշխանություններն հապշտապ Աֆղանստանի հետ սահման են տեղափոխել զրահատանկային դիվիզիա: Որոշումն ընդունվել է անվտանգության նկատառումներով «Դոքարուն» (Իրան) - «Իսլամ Քալա» (Աֆղանստան) սահմանային կետերի շրջանում վերջերս տեղի ունեցած միջադեպերի պատճառով: Այս տեղեկատվության պաշտոնական հավաստում կամ հերքում Թեհրանի կողմից առայժմ չի ստացվել:

Հռոմի «Օլիմպիական» մարզադաշտում կայացած «Լացիո»-«Միլան» խաղում գոլային փոխանցման հեղինակ դարձած Զլատան Իբրահիմովիչը Ա սերիայի տարիքային նոր ռեկորդ է սահմանել: Հանդիպման ժամանակ շվեդ ֆուտբոլիստը 40 տարեկան 6 ամսական 21 օրական էր։ Այսպիսով՝ նա դարձավ Ա սերիայում գոլային փոխանցման հեղինակ դարձած ամենատարեց ֆուտբոլիստը։

SpaceX-ի և Tesla-ի հիմնադիր Իլոն Մասկը 44 միլիարդ դոլարով գնել է Twitter-ը: Մասկին ամբողջությամբ պատկանող ընկերությունը վճարել է 54,2 դոլար՝ մեկ բաժնետոմսի դիմաց: Գործարքի ավարտից հետո Twitter-ը կդառնա մասնավոր ընկերություն։ 

Լեսբուհիների օրը  (Lesbian Visibility Day) նվիրված է բոլոր լեսբուհիներին և իրենից ներկայացնում է պայքար LBQ-ի բոլոր իրավունքների համար։ Տոնակատարության նախաձեռնողը «Astreaea» կազմակերպությունն է, որը հիմնադրվել է 1990 թվականին՝ որպես լեսբիական ինքնությանը հավակնող կազմակերպություն: Կազմակերպության նպատակը լեսբուհիների խնդիրների վրա ուշադրություն հրավիրելն է:

Մեծ Բրիտանիան արգելք է սահմանում դեպի Ռուսաստան տեխնոլոգիաների և ապրանքների արտահանման վրա, որոնք կարող են օգտագործվել Ուկրաինայի դեմ։ Չի հստակեցվում, թե կոնկրետ ինչ սարքավորումների և տեխնոլոգիաների մասին է խոսքը։

«ԱՄՆ-ն ձգտում է ցանկացած միջոցներով երկարաձգել Ռուսաստանի հատուկ գործողությունը Ուկրաինայում»,- հայտարարել է ԱՄՆ-ում ՌԴ դեսպան Անատոլի Անտոնովը:

Ապրիլի 26-ին ժամը 10։00-17։00-ը տարբեր տևողությամբ կդադարեցվեն Երևանի և Արարատի, Լոռու, Կոտայքի, Շիրակի, Սյունիքի, Վայոց Ձորի մարզերի մի շարք բնակավայրերի և փողոցներին էլեկտրամատակարարումը: Ընթերցողների հարմարավետության նպատակով armenlur կայքը անջատումները ներկայացնում է այբբենական կարգով։

Ռուսաստանը նախազգուշացրել է Երրորդ համաշխարհային պատերազմի իրական սպառնալիքի մասին՝ ԱՄՆ-ի և նրա դաշնակիցների միջև երեքշաբթի կայանալիք հանդիպման նախաշեմին՝ պատերազմից քայքայված Ուկրաինա լրացուցիչ սպառազինություն ուղարկելու կապակցությամբ: Արևմտյան տերությունները չեն ցանկանում խորացնել իրենց մասնակցությունը ուկրաինական պատերազմին՝ վախենալով Ռուսաստանին հրահրել միջուկային զենքի կիրառման։

2010 - ԵԽԽՎ Հայաստանի հարցի զեկուցողներ Պրեսկոտի և Կոլումբիեի ներկայացրած փաստաթղթով Հայաստանի իշխանությունների առջև ժողովրդավարական բարեփոխումների ժամանակացույց կազմելու հստակ պահանջ էր դրված։ Այսօր ծնվել են Հովհաննես Շիրազը, Հովհաննես Հովհաննիսյանը, Լեոն և այլք։

Կլիմայի վրա մարդու ազդեցությունը նպաստում է աշխարհում աղետների թվի աճին, նախազգուշացրել է ՄԱԿ-ը՝ կոչ անելով դադարեցնել «ինքնաոչնչացման այդ պարույրը», որին բախվել է մարդկությունը: ՄԱԿ-ի աղետների ռիսկի նվազեցման վարչության նոր զեկույցում նշվում է, որ ամբողջ աշխարհում աղետների թիվն արագորեն աճում է կլիմայի մարդածին փոփոխության և ռիսկերի ոչ ադեկվատ կառավարման պատճառով:

Կարտոֆիլի չիպսեր, խորոված կարտոֆիլ, տապակած կարտոֆիլ, կարտոֆիլի պյուրե…. խաշած կարտոֆիլ։ Կարտոֆիլը անսովոր փոքրիկ պալար է, որը կարևոր դեր է խաղացել համաշխարհային պատմության մեջ և, փաստորեն, սերունդների համար եղել է սննդի հիմնական մշակաբույս: Եփած կարտոֆիլի համաշխարհային օրը նվիրված է այս հրաշալի պալարին և այն, ինչ դուրս է գալիս այն եփելուց հետո։

Վաշինգտոնում ՌԴ դեսպանատանը հայտարարել են. «Զարմանալի է, որ ամերիկյան որոշ լրատվամիջոցներ սկսել են նյութեր հրապարակել, որոնցում ճշմարտություն կա Ուկրաինայում տեղի ունեցող իրադարձությունների մասին։ Շարքային ամերիկացիներին վերջապես հնարավորություն է տրվում ինքնուրույն դատել Ուկրաինայի տարածքում ռուս զինվորականների գործողությունների պատճառների և նպատակների մասին: Սակայն ԶԼՄ-ների մեծամասնության հռետորաբանությունը մնում է բացահայտ հակառուսական»։

Միջուկային պատերազմի վտանգը իրական է, այդ վտանգը չի կարելի թերագնահատել, հայտարարել է Սերգեյ Լավրովը:

Մտավոր սեփականության միջազգային օրը հնարավորություն է տալիս ընդգծել նորարարությունների նշանակությունը մարդու առօրյա կյանքում և հասարակության կատարելագործման մեջ։ Արտոնագրերը, ապրանքանիշերը, հեղինակային իրավունքը և կից իրավունքները՝ որպես ստեղծագործության և գիտելիքների արդյունք, համաշխարհային հանրության մշակութային և տնտեսական զարգացմանը օժանդակելու կարող գործիքներ են համարվում։ Մտավոր սեփականության Համաշխարհային օրը (World Intellectual Property Day) նշելու առաջարկությունը՝ ՄՍՀԿ-ի հայեցողությամբ, առաջադրել է Ճապոնիայի պատվիրակությունը 1999 թվականի օգոստոսի 9-ին։