2019 - «Մարտի 1-ի» գործով մեղադրանք առաջադրվեց պաշտպանության նախկին նախարար Սեյրան Օհանյանին:
2001 - Ռոբերտ Քոչարյանի հետ ունեցած տարաձայնությունների պատճառով հրաժարական է տալիս Երևանի քաղաքապետ Ալբերտ Բազեյանը։
​​​​​​​1998 - Ռոբերտ Քոչարյանի կառավարության որոշմամբ ուժի մեջ մտավ օդային տուրքի գանձումը: 
1990 - ՀԽՍՀ Գերագույն խորհուրդը փոփոխություն կատարեց Խորհրդային Հայաստանի Սահմանադրության 75-րդ հոդվածում։

Ըստ նոր փոփոխության, ՀԽՍՀ տարածքում հանրապետության շահերին առնչվող ԽՍՀՄ օրենքները գործում են միայն Գերագույն խորհրդի վավերացումից հետո։

1947 - Հայաստանում Գերագույն խորհրդի ընտրություններում Ստալինը որոշում է, որ ընտրվելու է Երևանի N1 ընտրական տեղամասում:
1937 - Մոտ տասը օր ստորգետնյա ցնցումներ էին արձանագրվում Երևանում և հարակից մի շարք շրջաններում։
1923 - Անդրկովկասում սկսում է կիրառվել միասնական թղթադրամը՝ Անդրկովկասյան ռուբլին: Թղթադրամի կենտրոնում պատկերված էր Անդրկովկասյան ֆեդերացիայի տունը Թիֆլիսում և չորս լեզվով՝ հայերեն, ռուսերեն, վրացերեն ու ադրբեջաներեն գրառումներով:

2016 - Ստեփանակերտը հաղորդում է առաջին զոհի մասին. Լարվածությունը հետագա շաբաթներին չի մարում`ապրիլին հասնելով իր գագաթնակետին։
1996 - Մոսկվայում տեղի ունեցավ եռակողմ բանակցությունների հերթական փուլը` Հայաստան, Լեռնային Ղարաբաղ, Ադրբեջան:

Ըստ Ինտերֆաքսի, «կողմերը պայմանավորվել էին քաղաքական կարգավորման նախագծում ներառել հավելյալ փաստաթուղթ` Ղարաբաղի բնակչության անվտանգության վերաբերյալ: Նախնական այդ համաձայնությունը թույլ էր տալիս Ղարաբաղին պահել իր բանակը` «առանց քանակական ու որակական սահմանափակումների» և ճանաչում էր Հայաստանը որպես Ղարաբաղի անվտանգության երաշխավոր: Այն նաև դրույթներ էր նախատեսում ԵԱՀԿ խաղաղապահ ուժերի տեղակայման, ազատագրված տարածքների ապառազմականացման, Հայաստանի ու Ղարաբաղի միջև Լաչինի միջանցքով ազատ տեղաշարժի վերաբերյալ»: Եվգենի Պրիմակովը, ով նոր էր նշանակվել Ռուսաստանի արտգործնախարար, հայտարարում է`«Մոսկվան բարձր մակարդակով ջանքեր կգործադրի`հակամարտությունը կարգավորելու համար»:

1998 - Հունվարի 7-8-ին կայացավ Անվտանգության խորհրդի ընդլայնված նիստը (օրակարգում՝ «Լեռնային Ղարաբաղի հարցի կարգավորման ուղիները»), որտեղ, ըստ էության, վճռվեց Լևոն Տեր-Պետրոսյանի հրաժարականը:

• Նիստին մասնակցել են Լևոն Տեր֊Պետրոսյանը, Բաբկեն Արարքցյանը, Ռոբերտ Քոչարյանը, Գագիկ Հարությունյանը, Ալեքսանդր Արզումանյանը, Վազգեն Սարգսյանը, Սերժ Սարգսյանը, Վանո Սիրադեղյանը, Արկադի Ղուկասյանը, Լեոնարդ Պետրոսյանը, Օլեգ Եսայանը, Սամվել Բաբայանը, Արա Սահակյանը, Կարապետ Ռուբինյանը, Տեր֊Հուսիկ Լազարյանը, Վարդան Օսկանյանը, Շահեն Կարամանուկյանը, Լևոն Զուրաբյանը, Հովհաննես Իգիթյանը, Բագրատ Ասատրյանը։
• Փետրվարի 3-ին, հայտնի ուժերի ճնշման արդյունքում, Տեր-Պետրոսյանը հրաժարական տվեց:

​​​​​​​​​​​​​​1977 - Մոսկվայում տեղի ունեցան պայթյունների շարք (հայտնի նաև որպես «Մետրոյի գործ»), որոնց արդյունքում զոհվեին յոթ և վիրավորվեցին 37 մարդ։ 

• Չնայած ոչ ոք չէր ստանձնել պատասխանատվությունը, խորհրդային ԿԳԲ-ն ձերբակալել և փակ գաղտնի դատավարությունից 5 օր անց գնդակահարվել են երեք հայ երիտասարդներ՝ Ազգային միացյալ կուսակցության հիմնադիր Ստեփան Զատիկյանի գլխավորությամբ։ 
• Ըստ որոշ խորհրդային այլախոհների՝ առնվազն Զատիկյանն ալիբի ուներ, իսկ օրինակ Անդրեյ Սախարովը չի բացառել, որ պայթյունները հենց ԿԳԲ-ն է կազմակերպել։ Մինչ օրս գործը համարվում է ամբողջությամբ չբացահայտված։
• 1979 թվականի փետրվարին Մոսկվայի հելսինկյան խումբը հանդես է եկավ Զատիկյանի դատավարության վերաբերյալ անվստահություն և անհամաձայնություն հայտնող հայտարարությամբ։

2015 - ԱԺ ՀՀԿ-ական նախկին պատգամավոր, ֆուտբոլի ֆեդերացիայի նախագահ Ռուբեն Հայրապետյանին պատկանող «Հարսնաքար» ռեստորանային համալիրում կայացավ «օրենքով գողերի» վերջին տարիների ամենախոշոր հավաքը: 

Հավաքի կազմակերպիչը քրեական աշխարհում հայտնի Արտյոմ Հարությունյանն է՝ Արտյոմ Կանևսկին, ով բավականին լավ հարաբերությունների մեջ է և՛ ՀՀ իշխանությունների, և՛ իրավապահ մարմինների հետ: Որոշ տեղեկություններով՝ միայն նա կարող էր Հայաստանում նման մասշտաբի հանդիպում կազմակերպելու «դաբրո» ստանալ իշխանություններից և իրավապահներից: 
Արտյոմ Կանևսկին լուծել է նաև գողական հավաքի ժամանակ հավաքի մասնակիցների, այդ թվում և Շաքրոյի անազատության մեջ չհայտնվելու հարցը:
Հավաքի ժամանակ «օրենքով գողի» կոչումից զրկել են ազգությամբ ադրբեջանցի «օրենքով գող» Ռովշան Ջանիևին (Ռովշան Լյանկորանսկիյ) ու Ջեմալ Միկելաձեին (Ջեմո):

2012 - Հայազգի ծանրորդ Ռիչի Առաքելյանը գրանցվեց Գինեսի ռեկորդների գրքում՝ մեկ րոպեում բարձրացնելով 5.175 ֆունտ:
1998 - Հունվարի 7-8-ին կայացավ Անվտանգության խորհրդի ընդլայնված նիստը. օրակարգում՝ «Լեռնային Ղարաբաղի հարցի կարգավորման ուղիները»:

Նիստին մասնակցել են Լևոն Տեր-Պետրոսյանը, Բաբկեն Արարքցյանը, Ռոբերտ Քոչարյանը, Գագիկ Հարությունյանը, Ալեքսանդր Արզումանյանը, Վազգեն Սարգսյանը, Սերժ Սարգսյանը, Վանո Սիրադեղյանը, Արկադի Ղուկասյանը, Լեոնարդ Պետրոսյանը, Օլեգ Եսայանը, Սամվել Բաբայանը, Արա Սահակյանը, Կարապետ Ռուբինյանը, Տեր-Հուսիկ Լազարյանը, Վարդան Օսկանյանը, Շահեն Կարամանուկյանը, Լևոն Զուրաբյանը, Հովհաննես Իգիթյանը, Բագրատ Ասատրյանը։
Փետրվարի 3-ին, հայտնի ուժերի ճնշման արդյունքում, Լևոն Տեր-Պետրոսյանը հրաժարական տվեց:

1992 - ԼՂՀ Գերագույն խորհուրդը, հիմք ընդունելով անկախության հանրաքվեի արդյունքները, Լեռնային Ղարաբաղը հռչակեց անկախ հանրապետություն:

ԼՂՀ առաջին նախագահ ընտրվեց Արթուր Մկրտչյանը:

1946 - Թուրքիայի վարչապետ Սարաջօղլուն հայտարարել էր, որ Թուրքիան չի զավթել Կարսի և Արդահանի շրջանները, այլ դրանք նրան են անցել 1918թ. Բրեստ-Լիտովսկի պայմանագրով։

Սարաջօղլուն նաև հայտարարել էր, որ թուրքական և ռուսական զորքերի դուրս բերումից հետո վիճելի շրջաններում անցկացվել էր հանրաքվե։
​​​Բրեստ-Լիտովսկի պայմանագրից 28 տարի անց Գրիգոր Հարությունյանը վիճարկում էր թուրք վարչապետի բերած փաստերը՝ նշելով, որ հանրաքվեին մասնակցել էր բնակիչների միայն մի փոքր մասը, և խորհրդային կառավարությունը դեռևս 1918-ի սեպտեմբերին անօրինական էր ճանաչել այդ հանրաքվեն։

2016 - Հայ ազգային կոնգրեսը դատապարտում է մարդու հիմնարար իրավունքների նկատմամբ կատարված հերթական ոտնձգության փաստը Գևորգ Սաֆարյանի նկատմամբ և պահանջում անհապաղ ազատ արձակել նրան, նրա նկատմամբ իրականացվածը համարելով քաղաքական հետապնդում։
2016 - «Օրենքով գող» Շաքրո Մոլոդոյը ժամանեց Հայաստան` հանգիստն անցկացնելու Ծաղկաձորում: 

Նրա հետ Հայաստան են ժամանում նաև մի քանի այլ «օրենքով գողեր»: 
Ծաղկաձորում նրան դիմավորել են ԱԺ պատգամավոր Սամվել Ալեքսանյանը, ՀՀ ֆուտբոլի ֆեդերացիայի նախագահ Ռուբեն Հայրապետյանը, ինչպես նաև Վստրեչի Ապեր անունով հայտնի Արամ Վարդանյանը:

2000 - Հոկտեմբերի 27-ի դեպքերին օժանդակելու կասկածանքով ձերբակալվում է Հայաստանի Ազգային հեռուստաընկերության փոխտնօրեն Հարություն Հարությունյանը։ 

1990 - Երևան է ժամանում Շառլ Ազնավուրը՝ «Ազնավուրը Հայաստանի համար» բարեգործական ընկերակցության պատվիրակության հետ:

Երևանում՝ Բաբկեն Արարքցյանի տանը, Ազնավուրը հանդիպում է ՀՀՇ վարչության անդամների հետ, քննարկում Հայաստանի խնդիրները: Այնուհետև Ազնավուրը մեկնում է Գյումրի, Սպիտակ, Նալբանդ և աղետի գոտու բազմաթիվ այլ բնակավայրեր:
Հրաժեշտի ժամանակ Ազնավուրին հարցնում են, թե երբ է հաջորդ անգամ գալու և նախատեսում է համերգներ տալ Հայաստանում: «Հարկավ, շուտ-շուտ պիտի գամ: Չեմ երգելու, ուրիշ գործեր կան, չեմ երգելու, մինչև չկառուցվի ավերվածը»,- ասել էր նա:

1915 - Սարիղամիշի գործողության հետևանքով ռուսական զորքերը ամբողջությամբ գերեցին թուրքական բանակի 9-րդ կորպուսը։

1993 - Ռուսաստանի և Միացյալ Նահանգների նախագահները համատեղ հայտարարություն տարածեցին Ղարաբաղի հարցով։

Ելցինն ու Բուշը խորը մտահոգություն էին հայտնել չդադարող ողբերգության կապակցությամբ`անմարդկային որակելով խաղաղ բնակավայրերի գնդակոծությունները, շրջափակումը, պատանդներ վերցնելն ու գերիների նկատմամբ բարբարոսական վերաբերմունքը: «Ռուսաստանն ու Միացյալ Նահանգները վճռականորեն հորդորում են անհապաղ դադարեցնել արյունահեղությունը, կտրուկ շրջադարձ անել դեպի խնդրի քաղաքական կարգավորում»,- ասված էր համատեղ հայտարարությունում:

2015 - Հայաստանը միացավ Եվրասիական տնտեսական միությանը։

Հայաստանը ԵՏՀ կոլեգիայում ներկայանում է 3 անդամով, որոնք ունենան մեկ ձայն:

1992 -  Նեպալը պաշտոնապես ճանաչեց Հայաստանի Հանրապետության անկախությունը։

1972 - Հունվարի 1-ի լույս 2-ի գիշերը հրդեհ է բռնկվում նկարիչ Մինաս Ավետիսյանի արվեստանոցում, և հրո ճարակ է դառնում տաղանդավոր նկարչի շուրջ 300 գործ։

Դրանց մի մասը նա պետք է տաներ Ֆրանսիա՝ իր անհատական ցուցահանդեսին։

Հունվարի 1-ին ծնվել են Գարեգին Նժդեհը (1886), Հովհաննես Քաջազնունին (1868), Գառզու (1907), Ռուբեն Հախվերդյանը (1950), Դավիթ Նալբանդյանը (1982)։

1999 - Ռուսաստանի նախագահ Բորիս Ելցինը հրաժարական տվեց։ 

Վլադիմիր Պուտինը դարձավ ՌԴ նախագահ։

1991 - ԽՍՀՄ վերջնական փլուզում։
1979 - Հորատանցողները միակցում են Արփա-Սևան ստորերկրյա թունելի վերջին երկու հատվածը։
1970 - Լենինգրադ. թռիչքի մեկնարկին ջախջախվում է «Աէ­րո­ֆ­լոտի» ԻԼ-18Վ ինքնաթիռը: Բոլոր 93 ուղևորները զոհվում են: Ինքնաթիռն ուղևորվում էր Երևան: 

1918 - Հայերի և վրացիների միջև կնքվում է  համաձայնագիր զինադադարի մասին։

2004 - Մինսկի խումբը ԵԱՀԿ֊ին զեկուցել էր`միջնորդները կողմերին առաջարկել են կարգավորման երեք հնարավոր սցենար, բայց` պատասխան չեն ստացել։
1991 - Մինսկում ԱՊՀ երկրների գագաթնաժողովը դիմում է Հայաստանին ու Ադրբեջանին՝ խաղաղ կարգավորման շուրջ բանակցությունները վերսկսելու կոչով։

Դեկտեմբերի 10֊ին Ղարաբաղում համաժողովրդական հանրաքվե էր անցկացվել, որտեղ գերիշխող մեծամասնությունը քվեարկել էր անկախության օգտին։​​​​​​​

1806 - Թուրքիան պատերազմ հայտարարեց Ռուսաստանին։

Ռուսաստանը գրավեց Բաքուն։

2021 - Հունգարիայի կառավարության միջնորդությամբ 5 հայ ռազմագերիներ վերադարձան հայրենիք։

Հայրենիք վերադարձածները նոյեմբերի 16-ին Հայաստանի սահմանին տեղի ունեցած ադրբեջանական սադրանքի հետևանքով գերեվարված զինծառայողներից են։

2016 - Զինված միջադեպ Հայաստանի տարածքում: Երևանը հաղորդեց առնվազն երեք զոհի և հակառակորդի մեծաթիվ կորուստների մասին։

Սահմանին խաղաղ չէ` ապրիլյան պատերազմից ամիսներ անց։

​​​​​​​1991 - Հայաստանի և Ռուսաստանի միջև ստորագրվեց բարեկամու­թյան և համագործակցության առաջին միջպետական պայմանագիրը:

Մինչև դեկտեմբերի 31 -ը Հայաստանի անկախությունը ճանաչեց 48 երկիր:

1993 - Վախճանվեց մեծանուն գյումրեցի Մհեր Մկրտչ­յա­նը: 

2021 - Երևանի ավագանու «Իմ քայլը» խմբակցության անդամներ Հայկ Մարությանն ու ավագանու 3 անդամ հրաժարվեցին մանդատներից։
2020 - Ռուսաստանի միջնորդությամբ Ադրբեջանը վերադարձրեց 4 հայ ռազմագերի։ 
2002 - Աղմկահարույց սպանություններ. Իր ծնողների տան շքամուտքի մոտ ատրճանակի կրակոցներից սպանվում է Հանրային հեռուստառադիոընկերության խորհրդի նախագահ Տիգրան Նաղդալյանը։
1920 - Դեկրետ հողի ազգայնացման մասին Խորհրդային Հայաստանում:

1993 - Գյումրի, Հայաստան: Kuban Airlines կազմակերպության ԱՀ-26 ինքնաթիռը կորցնում է արագությունը և ջախ­ջախ­վում է:
1991 - Դեկտեմբերի 26-27-ին տեղի է ունենում Կրկժանի ռազմական հենակետերի վնասազերծումը, որը շարունակվում և ավարտին է հասցվում հունվարի 19-20-ին։
1989 - Բացվում է Երևանի մետրոպոլիտենի «Զորավար Անդրանիկ» կայարանը, որի ճարտարապետներն էին Ռոմեո Ջուլհակյանն ու Սուրեն Բուրխաջյանը:

1997 - Վախճանվեց ազգությամբ հայ բնախույզ, օվիանոսագետ Անիտա Կոնտին։

Ազգությամբ հայ, ֆրանսիացի բնախույզ, աշխարհում առաջին կին օվկիանոսագետ, լուսանկարիչ Անիտա Կարագոշյանը ծնվել է 1899 թ. մայիսի 17-ին, Էրմոն քաղաքում, հայկական հարուստ ընտանիքում։ Նա մանկաբարձ Լեոն (Լևոն) Կարագոշյանի և Ալիս Լըբոնի դուստրն է։ ​​​​​​​

1991 - ԱՄՆ-ը առաջին պետություններից էր, որ ճանաչեց Հայաստանի անկախությունը։

Նախագահ Ջորջ Բուշ Ավագը ամերիկյան ժողովրդին ուղղված ուղերձով հայտնեց  Խորհրդային Միության կազմալուծման և Միացյալ Նահանգների կողմից Հայաստանի անկախությունը ճանաչելու մասին։    ​​​​​​​

1920 - Տաթևի վանքում հրավիրվեց համազանգեզուրյան 1-ին համագումարը և որոշվեց Զանգեզուրը ժամանակավորապես հռչակել անկախ պետություն` Լեռնահայաստան, Գարեգին Նժդեհը դարձավ Սյունիքի սպարապետ:

1991 - ՀՀ ԳԽ նախագահ ընտրվեց Բաբկեն Արարքցյանը:
1991 - Ռուսաստանը ՄԱԿ-ում և ՄԱԿ-ի Ան­վ­տանգության խոր­հր­դում զբաղեցրեց ԽՍՀՄ-ի տեղը:
1991 - Աբովյան փողոցում տեղադրվեց Կարաբալայի արձանը:
1991 - Աֆղանստանը պաշտոնապես ճանաչեց Հայաստանի Հանրապետության անկախությունը։
1991 - Թուրքիան փաստացի ճանաչեց Հայաստանի Հանրապետության անկախությունը։

2021 - ԱՄՆ Լիհայի համալսարանի պրոֆեսոր Արման Գրիգորյանը հարցազրույցում ասաց. «Հայաստանի շահերից չի բխում, որ բանակցությունները վարի պարտված իշխանությունը»։
1993 - Աշգաբադում ԱՊՀ գագաթաժողովի շրջանակներում, Սափարմուրադ Նիյազովի միջնորդությամբ տեղի ունեցավ Լևոն Տեր-Պետրոսյանի հանդիպումը Հեյդար Ալիևի հետ:
1992 - Մոսկվայի «Մինսկ» հյուրանոցի իր համարում վերջին անգամ ձերբակալվեց հանցագործ աշխարհի հայ կնքահայր Սվո Ռաֆը (Ռաֆայել Բաղդասարյան)։

Մինչև մեղադրանքներ հարուցելը նա քննչական մեկուսարանում է եղել, մի քանի ամիս անց տեղափոխվել է մոսկովյան հիվանդանոցներից մեկը, որտեղ էլ 1993 թվականի հունիսի 23-ին մահացել է։ Նրա մահվան հանգամանքները մինչ օրս էլ մինչև վերջ բացահայտված չեն։

1918 - Հայկական զորքերն ամրացան Սադախլոում։
1917 - Թումանյանը նամակ է գրում Անդրանիկին։

2021 - Երևանի ավագանին արտահերթ նիստում անվստահություն հայտնեցին 44-օրյա պատերազմից հետո վարչապետ Նիկոլ Փաշինյանի հետ պատասխանատվություն չկիսելու հարցում տարաձայնություններ ունեցող քաղաքապետ Հայկ Մարությանին։
1993 - Հայաստանի նախագահը նամակներ է հղում Աֆղանստանի նախագահ Բրհան Էդ-Դին Ռաբանիին և վարչապետ Գոլբ Էդ-Դին Հեքմաթյարին, որոնցում մտահոգություն է արտահայտում ղարաբաղյան հակամարտության գոտում ադրբեջանական ստորաբաժանումների կազմում աֆղան մոջահեդների մասնակցության վերաբերյալ

1991 - Խորհրդային բանակի վերջին զորամասերը դուրս եկան Լեռնային Ղարաբաղի Հանրապետության տարածքից:
1955 - Վլադիմիրի բանտում մահացավ ազգային ազատագրական պայքարի երախտավոր Գարեգին Նժդեհը:

1944 թվականի հոկտեմբերին նրան Բուլղարիայում ձերբակալել էին Խորհրդային բանակային հակահետախուզության աշխատակիցները:
1946 թվականին Նժդեհին Մոսկվայից տեղափոխում են Երևան: 1948 թվականին նրան դատապարտում են 25 տարվա բանտարկության:

1920 - ՀԽՍՀ Հեղկոմի հրամանագրով Խորհրդային Հայաստանի սահմաններում վերանում է «Ռուսական կայսրության հավաք օրինաց»-ը այն փոփոխություններով, որ մտցրել էին ժամանակավոր կառավարությունը, անդրկովկասյան կոմիսարիատն ու սեյմը, Հայաստանի դաշնակցական կառավարությունը։
1917 - Էջմիածնում փակվեց Գևորգյան ճեմարանը։
1912 - Կ. Պոլսում Հայոց Ազգային ժողովը որոշում ընդունեց Հայկական հարցը բարձրացնել Լոնդոնում հրավիրվելիք դեսպանների կոնֆերանսում։